Куим рöма дöрапас
| Степан нима изэрд весьтын Куим рöма дöрапас. Татчö, кодыр кöть ог веськав Паськыд эрдыс меным ас. | … рöм – тайö миян енэж … – парма-вöр … рöмыс казьтö меным Лымъя войвыв – сьöлöмшöр. |
В. Тимин
: Тöдан-ö тэ кутшöм финн-угор кывъя йöзлöн тайö дöрапасъясыс?
| Рисунок: флаги Удмуртии, Венгрии, финский, ханты-мансийский. |
… удж. Вöзйы да дорйы ас сиктлы (карлы, школалы, класслы, котырлы) лöсьöдöм дöрапас.
КОМИ РЕСПУБЛИКАСА НИМАЛАНА ЙÖЗ
&
| Аддзысьлöм – встреча Вичмыны – достаться Виччысьтöмтор – неожиданность Зiльны – стараться Кывбур тэчысь – поэт Кывкöртавны – подвести итог Кындзи - кроме Кындзи – кроме Кыскыштны – дёрнуть Лыддьысянiн – библиотека Надзöникöн – медленно Небöг лэдзанiн – книжное издательство | Нималана, тöдчана – известный, знаменитый Орны – оторваться Печкыны – прясть Пинявны – ругать Суйöр сайын - заграницей Сюрöс – основа Теш – юмор Туявны – исследовать Туялысь – исследователь Уджалiгмоз – работая Шемöсмыны – удивиться Эндыны – запустеть |
| “ Урчитанлöн öткодялан да медвылыс тшупöд. Сравнительная и превосходная степень наречий -Джык суффикс отсöгöн артмö урчитанлöн öткодялан тшупöд. Мед- приставка да медся кыв отсöгöн артмö урчитанлöн медвылі тшупöд. Пример вылö: Бура – бурджыка; тшöкыда – тшöкыдджыка. Бура – медбура, медся бура. Дыр – меддыр, медся дыр. |
| Фотография Е.А.Игушева. |
... удж. Вуджöд текстсö роч кыв вылö. Лöсьöд дженьыд висьт.
Евгений Александрович Игушев.
Е.А. Игушев – коми кыв туялысь, филология наукаса доктор. Евгений Александрович чужлöма Сосногорск бердса Пожня грездын. Велöдчöма Ухтаса горно-нефтянöй (биару – мусир) техникумын, сэсся Коми пединститутын. Армия бöрын уджалöма сиктса велöдысьöн. Уджалігмоз помалöма аспирантура.
1973 восянь Евгений Александрович уджаліс Сыктывкарса каналан университетын. Сійö гижис коми кывйысь вель уна велöдчан пособие. Шуам, «Коми диалектология», «Коми кыв да йöзкостса поэзия», «Введение в финно-угроведение», «Öнія коми кыв» да уна мукöд. Та кындзи Евгений Александрович гижö популярнöй висьтъяс, тешъяс. Вуджöдö финн-угор кывъясысь челядьлы мойдъяс, шусьöгъяс, нöдкывъяс.
Евгений Александрович Игушевöс тöдöны да пыдди пуктöны оз сöмын Россияын, но и суйöр сайын: Венгрияын, Финляндияын, Эстонияын. Тайö шань да серамбана учёнöйсö, велöдысьсö зэв ёна радейтöны студентъяс.
... удж. Содты коланаинъясö отсöг вылö сетöм кывъяс да вочавидз юалöм вылö.
Водз чеччö да этша печкö.
Миян сиктын олö Дарья тьöт, дзоляник, косіник, зэв тэрыб кока да сёрниа пöрысь нывбаба. Дарья тьöт луннас быдлаö волö, ставсö тöдö, быдтор удитö … висьтавны. Лавкаö да поштаö витысь … пыралас. И клубад … на удитас волыны. Керкаыс Дарья тьöтлöн сикт шöрас, медся важиник да лёкиник. Картупельсö … заводитö керны да лымъявтöдзыс некор оз вермы эштöдны. Вöрысь локтысьясöс пыр паныдалö Дарья тьöт. Тöдö, коді … чукöртöма тшак-вотöссö, коді … вотчö. Тадзи и олö Дарья тьöт, прамöя оз узьлы, а вöчны нинöм оз удит, овмöсыс эндöма.
Отсöг вылö кывъяс: сёрöнджык, медводз, медся водз, сюсьджыка, унджык, этшаджык.
Е.Игушев серти
?Кутшöм Дарья тьöтыс?
Кутшöм сылöн этшыс?
: Гöгöрвоöд висьтлысь нимсö, аддзы текстысь вочакыв.
… удж. Корсь лыддьысянiнысь удж йылысь шусьöгъяс. Дзеб öти шусьöг ребусö.
… удж.Лыддьы да гöгöрвоöд финн шусьöгъяссö.
Финн шусьöгъяс.
Бур морт сетö этшасьыс, лёк мортлöн оз вичмы и унасьыс.
Важсö эн лёкöд водзвыв, кытчöдз выльсö бура он тöдмав.
Комиöдiс Е.Игушев
| Рисунки: лодка, сосулька, SMS в телефоне, морковь, птица, ветер. |
… удж. Лыддьы да тöдмав финн нöдкывъяссö. Кутшöм серпасъяс лöсялöны нöдкывъяслы.
Финн нöдкывъяс.
Коктöг котöртö, бордтöг лэбö, öти луннас дас сиктö волö. (Юöр).
Вужйыс вылын, юрыс улын. (Йинёнь).
Ыджыд лэбач надзöникöн öвтчö, бордъяссьыс ва виялö. (Пыж).
Комиöдiс Е.Игушев
| Фото И.И.Белых |
… удж. Лыддьы да гöгöрво висьтсö. Висьтав И.И. Белых йылысь III морт нимсянь.
Иван Ильич Белых.
Чужлі ме Сыктывді районса Паль сиктын 1946 вося кöч 23-ö лунö.
Ичöтдырйи ёна радейтлі кывзыны Анись баблöн чой Матер баблысь мойдъяссö. Мукöд мойдсьыс весиг юрсиыд сувтлывліс. Нöшта кажитчис вадорын вуграсьны да вöрын вотчыны. Эг öтчыдысь ичöтнад ылавлы вöрö. Пармаыс нöшта ёнджыка кутіс кыскыны менö ас дінас.
Коми пединститут помалöм бöрын пыр уджалі «Югыд туй» (öні «Коми му») газетын. Сöмын некымын во кежлö вуджлі Коми небöг лэдзанінö да «Йöлöга» газетö. Республика пасьта ветлігъясöн йöзкöд аддзысьлöмъясыс да накöд сёрниясыс и лоисны менам висьтъяслы сюрöсъясöн.
Петалісны «Öзйы, бипурöй менам», «Челядьдырся пароходъяс» да «Важыс уськöдчывлö вöтöн» небöгъяс. Сэні зіли петкöдлыны, кутшöм ёна радейта ассьым чужанінöс, ас войтырöс, ас пармаöс. Наын и менам олöмыс.
: Лыддьы И.Белыхлысь ас бöрйöм серти гижöд. Серпасав да висьтав сы йылысь коми кыв урок вылын.
| Фото Е.В.Габовой. |
… удж. Лыддьы Е.В.Габовалöн висьтлысь юкöнъяссö, гöгöрво да тэч найöс колана ногöн.
Выль пась.
А
Меным ньöбисны выль пась. Зэв мича, кельыдгöрд. Кор ме муна уличті, нывкаяс кындзи зонкаяс ме вылö видзöдöны. Öтчыд весиг Вадик Блинов видзöдліс, дерт, эз ме вылö, а менам пась вылö. Но век жö нимкодь. Со кутшöм менам пасьöй. Медся бур!
Б
Но лоис виччысьтöмтор. Пасьысь орис кизьыс. Гашкö, пöрччысигöн кыскышті ёнджыка. Бать казяліс орöм кизя пасьöс. Дыркодь пиняліс менö, öд пасьыс выль на:
– Кутан ветлыны пальтоöн, кытчöдз..., кытчöдз…
В
– Кытчöдз оз быдмы выль кизь, – шуис мам, коді пукаліс диван вылын да кыис моднöй шапка. Меным лои тещкодь. Син водзö сувтіс серпас: со чужö выль кизь. Медводз сійö ичöтик, сэсся ыджыдджык, медбöрын 5 шайт ыджда.
Г
– Кытчöдз он велав колана ногöн новлыны паськöм, – кывкöрталіс бать.
– Кыдзи ме велала сійöс новлыны? – шемöсми ме.
– Мöвпнад, – шуис мам и серöктіс.
Мамö вурис кизьсö, и батьö öшöдіс пасьсö шкапö. Кутшöм сылы гажтöм сэні öшавнысö, некод сы вылö оз видзöд.
| 1) АБВГ | 3) АГБВ |
| 2) АГВБ | 4) ГАВБ |
?Мыйла радліс нывка?
Кутшöм сылöн пасьыс?
Мыйысь скöрмис батьыс?
Мыйла пасьыслы шкапас гажтöм?
H Корсь материал Елена Васильевна Габова йылысь. Дасьты неыджыд юöр.
G Юöрсö позьö вöчны презентация ногöн компьютер отсöгöн Power Point программаын.
ТУВСОВ ТÖЖДЪЯС
&
| асык – дуга быдмыны – расти вирич – керйысь вöчöм теплица вöрзьыны – тронуться вын-эбöс – сила гöрны – пахать енэжтас – горизонт киськавны – поливать кöдзны – посеять кöйдыс – семя ловзьыны – ожить | нетшкыны – рвать нюжавны – тянуться пелькöдны – наводить порядок поз – гнездо рöсада – рассада садьмöдны – будить саридз – море тувччыны – наступить чегъявны – ломать чукöртны – собирать шыблавны – разбрасывать |
| “ Кадакыв. Локтан кад. Глагол. Будущее время | ||||
| Морт | Öтка лыд | Морт | Уна лыд | |
| I (ме) | быдм-а | I (ми) | быдм-ам | |
| II (тэ) | быдм-ан | II (тi) | быдм-анныд | |
| III (сійö) | быдм-ас | III (найö) | быдм-асны | |
| Пример вылö: Ме аски пукта дзоридзьяс. Вок лöсьöдас дзоридз градъяс. | Регыд петасны медводдза дзоридзьяс. А тi мый пуктанныд керка водзö? | |||
| Рисунок: приход весны – весна в образе шагающего по земле молодого парня, впереди снег, голые деревья, возле него ручьи, первоцветы, за ним деревья распускают листья, травка, цветы, поющие птички, серый заяц. |
… удж. Лыддьы да вуджöд Иван Коданёвлысь «Нёль вок» мойд юкöн.
Нёль вок.
Олöны-вылöны нёль вок. Ёнысь-ёнöсь, мичаысь-мичаöсь. Некор оз пöрысьмыны. Зэв шаньöсь. Пыр старайтчöны му вылын да вöр-ваын олысьяслы вöчны кыдз позьö унджык буртор.
Первой воксö шуöны Тулысöн.
Воас кадыс да кузь туйö медводз петас Тулыс. Кыті мунас сійö, кутшöм муясö тувччылас сылöн кокыс, быдлаын шондöдас, ставыс ловзяс. Садьмöдас шоръясöс, йи улын шойччысь юясöс. Тшöктас мича паськöмöн вöччыны пуяслы. Шоныд муясысь, саридзьяс бердысь аскöдыс вайöдас и быд сикас лэбачьясöс. Тулыс вок тэрмöдлас быдöнöс, медым быд удж вöлі вöчöма ас кадö да бура.
Кыпыд Тулыс ёна и гажöдас йöзöс и пемöсъясöс. Челядьöс гажöдас, вöрпаяслысь паськöмсö вежас, пöткаясöс тшöктас сьывны-гажöдчыны, вын-эбöс сетас юяслы да шоръяслы.
Тулыс уджалас лун и вой. Уна буртор коляс ас йывсьыс му вылö. Кор вель ёна мудзас, отсöг вылö чукöстас ассьыс воксö – Гожöмсö.
Т Содты ассьыд кывъяс.
… удж. Лыддьы приметаяс. Содты кадакывъясö локтан када суффиксъяс.
1. Кузь йинёньяс öш… керка вевт дорышö – тулыс нюжал…
2. Сьöд рака воис – кызь лун мысти йи вöр…, тöлысь мысти лым сыл…
3. Тулыснас кö лымйыс сыл… öдйö, а ытваыс исковт… тэрыба – виччысь васöд гожöм.
4. Кыдзлöн кö водзджык восс… коръясыс ловпуысь – гожöмыс ло… зэра.
5. Чикыш во… - гым ва…
6. Май дас коймöд лунö кö войыс шоныд да кодзула – гожöмыс ло… кос.
… удж. Мичаа лыддьы кывбурсö. Инды локтан када кадакывъяс.
Тулыс.
| Бара воас гажа тулыс, Гöгöр ставыс лоас веж! Бокад тэсö эн жö сулав, Аслад муса бать-мам мулань, Дона пиöй, зіля кеж!.. Тувсов асылö тэ петан Гöрны-кöдзны паськыд йöр | Сэк, кор шонді кисö сетас Зарниавны му и вöр. Сьöлöм вылад долыд-долыд! Сьылö тракторъяслöн гор. Шуднад збыльысь тырас лолыд, Вöчöмтортö аддзан кор. С. Попов |
О Гöгöрвоöд омонимъяссö, лöсьöд наöн кывтэчасъяс.
| Ю - ю Сёй – сёй Лыа – лыа | Чой – чой Пу – пу Кор – кор | Кыв – кыв Оз – оз Сьöм – сьöм |
: «Омонимъяс кывчукöр» небöгысь аддзы тöдса омоним гоз да серпасав.
… удж. Сетöм кывтэчасъясö лöсьöд юöр тувсов уджъяс йылысь.
| Рисунок-схема: в центре круг с надписью «тулысын». От него идут лепесточки, на них также надписи: пуктасны дзоридзьяс, киськаласны пуктасъяс, пелькöдöны öшинюв, гöрöны муяс, градъяс, небзьöдöны му, дасьтöны кöйдысъяс, кöдзöны кöйдыс рöсада вылö, пуктöны картупель, лöсьöдöны парник, парникö пуктöны öгуреч-помидор, сотöны верстьöяскöд колян вося турун, коръяс, шыблалöны лым, идралöны йöъяскералöны пуяс вылысь кос увъяс, мыськöны öшиньяс. |
| Рисунок: рассада капусты и свеклы в парнике. |
… удж. Мичаа лыддьöй текстсö.
Виричын сёрнитöны капуста да свеклö рöсада.
– Кор нин шондöдас да миянöс петкöдасны шоныд муö? – шогсьö свеклö.
– Воас кад и петкöдасны. Таысь эн шогсьы. Воысь воö миянöс пыр этшаджык пуктöны, надейтчöны дась вылас, – шогсьö капуста.
– Да-а. Водзті вöлі ми кодьтö мыйта пуктасны! Öні ставыс ёгöн тырöма. Регыд кыкöн и колям.
JJ Лöсьöдöй ёрта сёрни … удж серти.
…удж. Дасьтысь да гиж «Тувсовъя уджъяс» творческöй диктант.
Со и воис дыр виччысяна тулыс. Кыз эшкын улысь мыччис ассьыс чужöмбансö му. Чургöдіс юрсö медводдза дзоридз – вижъюр. Тулыс воöмкöд и воасны тувсов тöждъяс-уджъяс. Ковмас гöрны му, …
… удж. Гижöй висьтсö локтан кадын. Сетöй висьтыслы ним.
Ми ёрткöд вöчим лэбач поз и тувъялім сійöс öшинювса джуджыд коз йылö. Медводдза ябыръяс зэв зіля поздысисны сэтчö. Лунтыръясöн найö ваялiсны гöнторъяс, кос турун. Недыр мысти лэбачьяс пöжисны пиянöс. Уджыс ябыръяслöн лоис унджык.
Т
| 1. | Витаминыс сыын уна, Курччан – синва пычкас друг. Уна вöлöгаö мунö, Тайö, дерт жö, град выв… | 3. | Ичöт керка вöчис дедö, Ме тшöтш отсаси и бабöй. Лэптім зіб вылö, сэн медым Олас-вылас сьылысь … |
| 2. | – Дуньö! Дуньö – горзöм кылö, Роскöн вöтлысям бур здук. Шоныд рытö ывла вылын Тадзи кыям майскöй … | 4. | Зэрöм бöрын енэжтасöдз Öшъяс джынъя мича асык Сизим рöма ыджыд кöшöн Васö юö … |
Н. Щукин
… удж. Паськöд сёрникузяяссö.
Воис тулыс. Сылiс лым. Öшалöны йинёньяс. Артмöны гöпъяс. Бузгöны шоръяс.
Мыччысьöны кушинъяс. Польдöны гаръяс. Дзоридзалöны вижъюръяс. Воöны лэбачьяс. Ловзьö вöр-ва.
² Лыддьы кывбурсö да велöд наизусть.
Тулыс.
| Тулысöс кыдзи он радейт, Сы йылысь кыдзи он сьыв? Кор весиг дзор тошка дядьлöн Дзордзалö чужöм выв? | Кор сынöдас сьыланкыв сьылö, Муслунöн öвтö тöв, И меліа кышакылö Бадьясöн мöдлапöв. |
А. Размыслов
… удж. Аддзы серпас дорö лöсялана сёрникузяяс.
| Рисунок: Грачи прилетели (Саврасов) |
Воисны сьöд ракаяс.
Медводз миян войвылö воисны сьöд ракаяс. Гöгöр на лымъя, а найö танöсь нин. Шойччыштасны кузь туй бöрын и заводитасны позъяс вöчавны. Позъяссö найö вöчöны паркъясын, расъясын. Водз асывсянь сёр рытöдз найö кравзасны, позъяснысö вöчöм вылö увъяс чегъяласны да ваяласны. Öтияс важ познысö дзоньталасны, мöдъяс – выльысь вöчасны. Лунтыр ракаяс ноксясны-уджаласны. А кор воас рыт, пуксясны асланыс позъяс дорö да узьöны асылöдз.
А асывнас садьмасны водз да бара уджö кутчысясны. Сьöд ракаяс пöжсьöны медводз. Оз на удит пуяс вылын кор потны, а пияныс горзöны нин – сёйны корöны.
И. Коданев
?Кутшöм кадын сетöма унджык кадакывсö? Мыйла?
{Тувсовъя гажлунъяс.
&
| Биа висьöм – горячка Вежöдны – освятить Вежа – святой Вомидз – сглаз Дзескыда олысь – малоимущий Ен ув пельöс – божница, красный угол Инмöдчыны – прикасаться Кослунъя – постный Личöдны – облегчать Лов - душа | Ловзьыны – воскреснуть Мездыны – освободить, избавть Мездысь – избавитель Мути – бес, чёрт Олöма – пожилой Проса рок – пшённая каша Сьöлöм бурмымöн – (здесь) вдоволь Ыджыд видз – Великий пост Эскыны – верить Эскысь – верующий |
| Рисунок: красный угол в деревенском доме с веточками вербы. |
… удж. Лыддьы висьтлысь юкöнъяссö, гöгöрво да тэч найöс колана ногöн.
Берба лун.
А
Коми йöз лыддьöны, мый берба отсалö босьтны бур урожай, вермö сетны йöзлы и гортса пемöсъяслы дзоньвидзалун. Берба видзö пемöсъясöс вомидзысь. Берба вожъясöн коми йöз инмöдчылiсны öта-мöдö да гортса пемöсъясö, шуалiсны нимкыв: «Юр вывсянь кок улöдз берба дзоньвидзалун мед сетас».
Б
Тайö лунсянь Ыджыд лунöдз бербалöн быдманiнысь эз вöрöдны васö. Чайтiсны, бадьясувса ваас пö тайö кадö уна мути. Эм эскöм, мый биö шыбитöм берба видзö пöжаръясысь. А тöвлы паныд шыбитöм берба лöньöдö бушков. Шуöны, Берба лунö кö шондiа - гожöмыс лоö бур, озыр урожай артмас.
В
Ыджыд лунöдз вежонöн водзджык эскысь йöз пасйöны Иисус Кристослысь Иерусалимö пырöмсö. Сэнi Господьöс кыпыда паныдалiсны, чолöмалiсны пальма вожъясöн, чолöмалiсны мöда-мöдсö Кристос воöмöн. Миянлы тайö гажыс ёнджыка тöдса, кыдзи Берба лун, сы вöсна мый миян пальмаяс оз быдмыны. Сы пыдди вичкоын вежа ваöн вежöдöны берба.
Г
Берба вожнас инмöдчылiсны керкалöн быд пельöсö. Сэсся пуктiсны Ен ув пельöсö. Сэнi берба олiс мöд воöдз. Лыддьöны, мый бербаыс вына сöмын öти во. Биа висьöмысь пö мездлöма бербалöн 9 гар.
… удж. Лыддьы текстсö, аддзы выль кывъяс да гöгöрво. Сет текстлы ним.
...
Сьöлöм и лов личöдысь да гажöдысь тайö праздникыс быдöнлöн: олöмаяслöн, томъяслöн, челядьлöн. Быд керкаын пелькöдчöны, рытсяньыс пусьöны-пöжасьöны. Медся дзескыда олысьяслöн тайö лунö пызан вылас быдтор лоö: и яя шыд, и чöскыд черинянь, и проса рок, и нöкъя рысь, и выйöн мавтöм пирöг-шаньгаяс. Быдсяма чöскыдторсö на видзыштöны Кристос ловзян лун кежлö, мед вунöдлыны сьöкыдсö да сьöлöм бурмымöн радлыны-гажöдчыны.
Борис Шахов серти
?Кутшöм гажлун йылысь висьтавсьö текстын?
Мыйла тэ тадзи чайтан?
| Рисунок: неразукрашенные кулич, пасха на подносе. |
: Мичмöд куличсö да пасхасö коми серъясöн.
| “ Морт-морта нимвежтасъяс. Взаимно-личные местоимения Öта-мöд, мöда-мöд (друг друга) нимвежтасъяс шусьöны морт-мортаöн. Найö вежласьöны падежъяс серти. Пример вылö: Öта-мöдлы – друг другу Гажлун дырйи ми козьналiм öта-мöдлы серпасъяс. Мöда-мöдöс – друг друга Мöда-мöдöс кыпыда чолöмалiм Ыджыд лунöн. |
… удж. Гиж морт-морта нимвежтасъяссö колана падежын. Лöсьöд 2-3 сёрникузя.
Друг с другом, друг у друга, друг без друга, друг от друга, друг друга, друг другом, друг другу.
| “ Подчинительнöй кывйитöдъяс. Подчинительные союзы Подчинительнöй кывйитöдъяс йитöны сёрникузяяс. На водзын пуктöны бöжа чут. Та вöсна, та понда – потому, поэтому Пример вылö: Ыджыд лун водзын мунö Ыджыд видз, та вöсна колö сёйны кослунъя вöлöга. Аски Трöича, та понда ми ветлам вичкоö. |
| Рисунок: небольшая церковь, выходящие со службы люди с веточками берёзы. |
… удж. Лыддьы да гиж изложение план серти.
Трöичаса кыдз
Трöича пасйöны Ыджыд лун бöрын 50-öд лунö – 7-öд вöскресенньöö. Медъёна тайö лунö пыдди пуктöны кыдз пу, та вöсна сiйöс вежöдöны вичкоын. Кыдз – шондiлöн да томлунлöн символ.
Кыдзсö лыддьöны шуда пуöн, кодi вайö бурлун. Та понда коми йöз чайтöны, мый сiйö видзö неминучаясысь. Та кындзи кыдз лыддьыссьö бурдöдчан пуöн, та вöсна инмöдчылiсны öта-мöдö вичкоын вежöдöм вожъясöн.
Уличаяс, керка вевтъяс, ен ув пельöсъяс тайö лунö мичмöдöны кыдз пу росъясöн. Важöн сикт-грездъясын медся мича кыдзсö мичмöдлiсны уна рöма лентаясöн. Сы гöгöр том йöз сьылiсны-йöктiсны, ворсiсны.
«Йöлöга» газетысь
План:
1. Кыдз пу – Трöичалöн вежа пас.
2. Троичаса кыдзлöн вын.
3. Кыдз пу гöгöр гаж.
… удж. Комиöд кослунъя сёянлысь рецептсö.
Крапивный салат.
Для салата возьмите 300 граммов крапивы, 2 варёных яйца, 3 большие ложки сметаны, петрушку и соль по вкусу. Вымойте, обдайте кипятком и мелко нарежьте молодые листья крапивы. Перемешайте с измельчённой петрушкой, добавьте сметану. Украсьте варёными яйцами.
H Корсь да гиж кослунъя сёянлысь рецепт. Мичаа оформит.
: Став класснад дасьтöй небöг (буклет, презентация) «Кослунъя вöлöга». Позьö вöчны компьютерöн «Publisher» либö «Power Point» программаяс отсöгöн.
{ВÖР- ВАЛÖН БУРДÖДЧАН КОЗИНЪЯС
&
| Бурдöдчыны – лечиться видзны – охранять, беречь воййыв турун дзуртан турун – родиола розовая душник турун – мята лапкор – лопух кöртдой турун – тысячелистник калган вуж – лапчатка ладан турун - валерьяна мырпом кляч – чашелистник морошки | нявда - мокрица пакула, вöрса чай – чага петшöр - крапива пув кор – лист брусники тöзь – лабазник тöрича турун – пастушья сумка уразнöй турун – зверобой урбöж – хвощ полевой шыдöса турун – полынь ыжман – жимолость |
| Фото пиона. |
… удж. Лыддьы мойдсö. Гöгöрвоöд марьямоль кывлысь артмöмсö.
Маръямоль.
Коркö важöн öти сиктын олöмны пöрысь гозъя. Налöн вöлöма мичаник авъя Марья нима ныв. Радейтöма сійö сиктса öти гöль зонмöс. Но бать-мамыс Машукöс мырдöн кутöмны сетны верöс сайö озыр семьяö. Дыр бöрдöма-корöма Марья бать-мамыслысь, медым эз сетны сійöс пöрысь озыр морт сайö. Но эз кывны бать-мамыс нылыслысь корöмсö. Крут берег дорын, кöні бöрдіс Марья, мыччысис гöрд рöма мича дзоридз. Йöзыс шуисны тайö дзоридзсö Марьямольöн. «Марья» – ныв ним серти, «моль» – дзоридзыслöн быд ар артмö сьöд рöма моль кодь кöйдыс.
… удж. Вуджöд роч кыв вылö.
Пион артмöма греческöй paionios кывйысь. Вежöртö ‘бурдöдысь, дзоньвидзалун сетысь’. Пионöн шулöмаöсь бурдöдысьöс. Грецияын вöлöма Пион нима тöдчана бурдöдысь, Асклепий енлöн велöдчысь.
G Асклепий – Грецияын бурдöдчöмлöн ен.
| “ Степень петкöдлысь урчитанъяс. Наречия степени Степень петкöдлысь урчитанъяс вочавидзöны ёна-ö? юалöм вылö. вель – довольно, достаточно вывті – слишком дзик – совсем ёна – очень зэв – очень Пример вылö: Маръямоль – зэв мича дзоридз. Катшасинъяс ёна мичмöдöны Коми мусö. |
… удж. Содты сёрникузяясö колана степень петкöдлысь урчитанъяс.
1. Ичöт челядь купайтчöны … берег дорын.
2. Школаса рыт колис … кыпыда.
3. Ми … радлім гожся каникулъяс матысмöмлы.
4. Кöч тöлысьын пувйыд … нин гöрд.
5. Уразнöй турун … колана быдöнлы.
6. Велöдчысьяс … бура гижисны тöдöмлун донъялан удж.
7. Тулыснас школа гöгöр челядь пелькöдчисны … дыр.
| Рисунки лекарственных трав с подписями: лапкор – подорожник, кöчвöнь – плаун булавовидный, калган, ладан турун - валерьяна, кöкакань – чемерица обыкновенная. |
… удж. Лыддьы да аддзы бурдöдчан турун нимъяс. Корсь небöгъясысь, мыйысь найö бурдöдöны.
***
Висьма кö, ме дінö врачöс энö корöй,
Бурдöдчанторла эн котöртöй пыр,
Ачымöс лэччöдлöй Кунес ю дорö,
Кöні быд видз лыдтöм дзоридзöн тыр!
Лапкорйöн шонтыштöй позялöм морöс,
Кöчвöньöн кöртыштöй калганлысь вуж,
Шонді мед жалиттöг синъясöс ёрö,
Кöтöдлас синваöс лысва и пуж.
Ог кö на бурд, ладан турун сэк пуöй,
Кöкакань шырöй да вотыштöй оз,
Чай пыдди медбур лекарство моз юа
Ю весьтö öшöдчöм сьöд сэтöр роз.
Шудöй кö яндысьтöг эновтас дзикöдз,
Сэки на эскöмöй аслам оз кус…
Егырысь корсьöй, ме воа кö пикö,
Мырпом, кöть некымын бурдöдан тусь.
С.Попов
²… удж. Содты колана вотöс нимъяс.
Нюр вылын вотчигöн.
| Туйыд вутш пöвстас кö пыртас, Он на, другö, кув. Аддзан сэтысь чöскыд …, Шома … | Меным муса сэтшöм вотöс, Коді важöн сыв, Нюр выв вотöс висьöм сотö, Кыдзи шонді кыв. |
С.Попов
| Рисунок: берестяные туески (4 штуки) с ягодами клюквы, морошки, голубики, брусники. |
: Корсь да лöсьöд юöр нюрвывса быдмöглöн бурдöдчан вын йылысь.
… удж. Лыддьы текстсö да гöгöрво. Лöсьöд юалöмъяс текст серти.
Öтчыд гожöмнас ме ордö гöститны локтіс Öньö другöй. Ми мöдöдчим Мизин йылö ком вугравны. Сиктсянь неылын миянлы паныдасисны челядь чукöр. Шуйга кианыс быдöнлöн вöлі бидон либö туис. Быдöнлöн дозъясныс дзик тыр. Веськыд кианыс китырыс кабыртöмаöсь чöд розъяс, да мунігмозныс вомнас öктöны тусьяссö. Вель ёна вомныс лякöссьöма чöдйöн. Öньö юаліс челядьлысь:
– Вотчыны ветлінныд? Вывті бур!
Сэсся öти зонкалысь корис öти чöд роз да юаліс:
– Мича öд? А дыр-ö чайтан тайö розъясыс олöны?
Челядь ёна шöйöвошисны.
– Öти во, кöнкö.
– Тайö розъяссьыс, гашкö, тіян пöль-пöчьясыд на вотлісны чöдсö. А чöд кустъясыс олöны кыксё воысь дырджык. Öні думыштöй, мыйта чöд на вермисны сетны йöзыслы тайö розъясыс, кодъясöс ті нетшкинныд дзик мöвпавтöг.
С. Раевский серти
… удж. Висьтысь аддзы да вуджöд урчитан кывъяса сёрникузяяс. Лöсьöд аддзöм урчитанъясöн ас сёрникузяяс.
… удж. Бöрйы öти серпас. Гиж сы серти неыджыд мöвпалана висьт.
| Рисунки: Цветочек плачет Мухомор на костылях с синяком Береза с подсохшими ветками с открытой раной на стволе Лесная дорога с разбросанными черничными кустиками |
Т
| М | 1. шома, лöз рöма кузьмöс вотöс | |||||||||
| А | 2. еджыд синлыса дзоридз | |||||||||
| Р | 3. нюрын быдмысь кольквиж вотöс | |||||||||
| Ь | 4. шома вотöса пу | |||||||||
| Я | 5. содтöны курччалан сирö | |||||||||
| М | 6. сыысь пуöны шыд | |||||||||
| О | 7.вир сувтöдан турун | |||||||||
| Л | 8. лöньöдан турун | |||||||||
| Ь | 9. тайö вотöссьыс вöчöны ляз |
… удж. Лыддьы текстъяссö. Лöсьöд юöр бурдöдчан быдмöг йылысь.
Пелысь пу.
Миян вöръясын быдмö пелысь пу. Сійöс садитлöны и керкаяс дорö.
Пелысь зэв колана абу сöмын йöзлы, но и пемöсъяслы. Сылöн розйын пöшти сё джын ичöтик вотöс. Тайö вотöсъясас эм яблöг да лимон кислотаяс, вель уна «С» витамин.
Кынмалöм пелысьысь пуöны варенньö. Пелысь сувтöдö вир, та понда пинь ан висигöн бур пожъявны вомтö пелыся ваöн. Пелысьыд вывті бур кöрым гортса пöткаяслы, мöсъяслы, порсьяслы. Косьтöм коръясын уна дубильнöй вещество, та вöсна найöс пуктöны соласигöн град выв пуктас пиö.
Ыжнёнь.
Ыжнёньлö вотöсыс бурдöдчан вына. Сійö бурдöдö язва, лишай. Важöн коми йöз на вылысь чукöртлісны медмича коръяссö, косьтывлісны да пузьöдлісны чай. Тайö пузьöдöм чайнас бурдöдлісны горш висьöм да орöсь син. А вотöсыс зэв бур цингаысь. Сыын зэв уна С да В витамин. Весигтö юр висьöмысь бурдöдö ыжнёнь.
Катшасин.
Катшасин позьö чукöтны кöч тöлысьöдз. Бурдöдчан вынсö кутö сöмын аптечнöй катшасин. Быдмö сійö луд вылын, корйыс мунö морков корлань. Чукöртöны сылысь сöмын юръяссö. Косьтöны, пöжöны пöсь ваöн да юöны. Пöжöм катшасин бурдöдö орöсь син, чирей, сöп висьöм, горш висьöм, орöсь дойяс, бырöдö юрысь киль.
H Вуджöд текстсö.