О вотчинахъ, иже даде во обитель Пречистыя Богородицы Димитрий Ярцовъ, и о устроении во обители обшаго жития.

По взятии града Галича от великого князя Василия Василиевича и по вышеявленномъ от образа Божия Матере чюдеси того же 6937-го (1429) лета князь Георгий Димитриевичь Галический преставися на Москве, а княжение свое галическое вручилъ сыну своему, князю Димитрию Георгиевичю меншому.// Како же великий князь Георгий Димитриевичь к Москве прииде, во время ли взятия града Галича великимъ княземъ Московскимъ, пленену ему сущу, или по взятии града Галича Яковымъ, любо образомъ прииде, о семъ мы в галическихъ древнихъ летописцехъ не обретохомъ. Егда же приимъ власть княжескую князь Димитрий Георгиевичь, тогда постави новый градъ Галичь над озеромъ, надъ посадомъ, велию веру стяжа ко Пресвятей Богородице и часто во обитель Ея къ чюдотворному образу, иже зовется// !!! обитель бяше в вотчине преди реченнаго болярина Иоанна Овина. По смерти же Иоаннове вотчина та достася внуку его именемъ Димитрию, Иванову сыну, по рекломъ Ярцову зъ братомъ Евстафиемъ. Но сей Евстафий не совершенъ умъ имеяше. Димитрий же, аще и здравъ разумъ имеяше, обаче не имеяше чадъ в наследие рода своего. По некоем же времяни предиреченный Димитрий въ болезнь велию впаде. То слышавше князь Димитрий,// Георгиевичь Галический и игуменъ Паисей вышереченныя обители Овиновския приидоша посетити онаго Димитрия Ярцова.

Игуменъ же преподобный Паисий, видевъ оного Димитрия Ярцова вскоре хотяща от жития сего отыти, провиде бо Духомъ Святымъ, рече къ Димитриеви: «О чадо мое духовное Димитрие, вижду азъ, яко болезнь твоя тяжка зело, и мню, яко вскоре позванъ будеши предъ лице нелицемернаго судии Владыки Нашего Бога, точию сего не вемъ, в кий часъ смерть постигнетъ тя, утаилъ бо есть сия от насъ Владыка Нашъ и Богъ// !!! яко тать приходитъ, не предсылаетъ вестьника пред собою. И сего ради единочадый Сынъ, Слово Отчее, Господь Нашъ Иисусъ Христосъ в присутьствии своемъ на земълю заповеда намъ, глаголя: «Бдите, яко не весте дни, ни часа, вонь же сынъ человеческий приидетъ» (Мф 25:13). Свидетельствуютъ о сей Господни заповеди вси евангелисти. Ныне же по оной заповеди и азъ тебе, духовному моему сыну, советую: донележе не затворишася твоя уста, ни связася твой языкъ, исповеждь Богу вся грехи своя и не остави ничтоже неисповедано, потомъ заповеждь о доме своемъ, и всемъ имении своемъ, и стяжании, понеже чадъ наследниковъ имения твоего не имееши, а брать твой Евстафий умомъ несоверьшенъ и зело непростъ, не можетъ быти наследникъ имения твоего. Рцы же ми и сие, кому поручаеши по смерти своей чюдотворный образъ и обитель Пречистыя Богородицы, строение деда твоего, болярина Иоанна». Он же, из глубины сердца воздохнувъ и слезы от очию своею испустивъ, рече к нему: «Благодарствую тя, отче святый, яко попечение имееши о души моей и желаеши, дабы в душевномъ моемъ хранилищи скверная не осталося// ничтоже, еже бы тебе пред Богомъ не исповедавъ оставихъ. Обаче несть, отче святый, в душевномъ моемъ хранилищи ничтоже сокровено, о немже бы не явихъ тебе свидетелствующу о всемъ Богу. И яже согрешихъ на убогую мою душу, живущи на земли, вся ти исповедахъ. А о нем же мя, отче святый, вопросилъ еси, се заповедаю и домъ Пречистыя Богородицы и чюдотворный Ея образъ, и всю мою вотчину, и домъ, и имение поручаю Самой Пречистой Богородице и тебе, отцу моему духовному игумену Паисию. Точию молю тя, отче святый, да будетъ во святей обители твоимъ// тщаниемъ устроено общее житие». Таже пригласивъ князя Димитрия Георгиевича, и рече ему: «Благоверный княже, се азъ отхожу от жития сего воздати слово пред нелицемернымъ судиею о всехъ, яже, живущи въ мире семъ, содеяхъ. Имею же в вотчине моей обитель Пресвятыя Богородицы, юже поручаю со всею моею вотчиною самой Пречистой Богородице и отцу моему духовному, преподобному игумену Паисию. Тебе же молю о семъ, да будетъ домъ и чюдотворный образъ Пречистыя Богородицы, и обитель, и вся моя вотчина, юже во ону обитель отдахъ, твоею державою сохраняема всегда//, никимъ же обладана и наветуема да не будетъ». И по семъ умре оный Димитрий Ярцовъ. По смерти же Димитриеве вотчиною его начаша владети обители Пресвятыя Богородицы Овиновския игуменъ преподобный Паисий з братиею. По прошению же Димитрия Ярцова преподобный Паисей устрои во обители своей общее житие, имея себе помошника князя Димитрия Георгиевича. И от того времяни благодатию Божию, и милостию Пресвятыя Богородицы, и молитвами преподобнаго Паисиа во обители оной общее житие непременно пребываетъ даже и до сего дне. //