Святых Мученик Ермила и Стратоника

Ермил славный и Богомудрый Стратоник, двоица чуд­ная, Троицу несозданную исповедающе, многобожную лесть по многих ранах и муках победита и, победы венцем венчавшеся, молятся даровати концем мир и милость.

Честныя якоже звезды Богосиянные¹, тверди, мудрии, Церкви явистеся, озаряющи^{[231] [232]} ны Божественными светлосгьми, мученицы.

Явистеся, якоже углие мысленное, возж<ж>ени огнем Духа, славнии, и идольское огнище струями кровей угаснете.

Водами потопляеми Христа ради, в водах наше нечестие погрузившаго, безбожия реки, мученицы, изсуши<с>те.

Ветрилом, мученицы Христовы, мук преплывше пучину, устремистеся ко пристанищем покоя, идеже мучеников лики, праведных собори, идеже незаходимый Свет и радость праздную­щих в Дусе.

Богосиянная ваша память, восгоками просвещаема, за Хрис­та ваших болезней помышления всех, блаженнии, озаряет благо­датию Вседетеля и Божественного Духа.

IV

Преподобных Отец наших Павла Фивейскаго
и Иоан<н>а Кущника

Начало добродетельный явился еси Небоходныя яве сте­зи, Треблаженне Павле, жительства мирови. Ибо восхождения духовная положил еси добре в душе твоей, имиже краю прикос­нулся еси добродетелей воздержанием и болезньми многими.

К Божественному желанию, <блаженне>, вперив ум, возшел еси к Горним пустыни, якоже во мрак, приближился еси, в нем- же Божиим просветился еси разумом светло и на скрижали души твоея добродетелей помазался еси светлостью.

Процвете пустыня цветы добродетелей твоих красная, стра­стей бо погубил еси терния в ней, насадил еси болезни благослав- ныя Божественных <твоих> деяний. Темже, яко крин, от Бога ныне благоухание¹ жития твоего благоухаеши нам.

Егда мановением Божественным мирския красоты, радуя­ся, отче, избегл еси, тогда предпочел еси паче просграннаго пути тесный, и болезненный, и зело жестокий. Темже попечение душ приял еси, в Божественный одеявся образ отбеждением^{[233] [234]} и сла­стей^[235] всех наготою^[236], Богоблаженне.

Странную проразумел еси жизнь, странно начинание, любо­вию Христовою уязвлен, Егоже неизреченную нищету возлюбил еси, и пред враты твоих родителей, бездомен, отче, претерпел еси, <утесняемый и оскорбляемый. Темже дарований испол­нился еси> и неотъемлемое богатство, еже на Небесех, наследо­вал еси.

Яко светило незаходящее мысленнаго Солнца, сошедшеся, днесь восхвалим в песнех: возсиял бо еси сущим во тьме нера­зумия, вся возводя к Божественной высоте, Фивеев украшение, Павле преподобие, Отцев и постников твердое основание.

Насажден в дому Божии, добродетелей благоплодие прозябл еси и плотская увядил еси возсгания¹ постничеством твоим.

Жезлом добродетельныя твоея жизни, якоже звери, страсти отгнал еси, темже и твоя смерть звери на погребение твое собра.

Бурю страстей пребег, ветрилом, преподобие, крайняго постничества в небурное пристанище устремился еси Христа^{[237] [238]}.

В бездне греховной валяяся, неизследную милосердия Твое­го призываю бездну: от тли, Боже, мя возведи.

Безстрастия сияя высотами, Отче Иоан<н>е, колибою утес­няем и напасгьми облагаем, терпел еси, Божесгвенне укрепляем.

Тебе самого удобрил еси краснейшими, мудре, восхожде­нии, плоти умертвив мудрование. Темже вселился еси в Небес­ная, ликом счисляем присно честных отцев, досгочудне.

Угасил еси страстей пещи, отче наш, воздержания росою, вопия всеблагочесгно: людие, превозносите Христа во веки.

Неветшаемый себе, Иоан<н>е, добродетельми упещренне исгка хитон одеянием нищетным: в виде нищаго ты одеялся еси, пред враты родителей претерпевая.

Яко земля тучна, преподобие, твое сердце прият Небесное семя умными браздами и сгоричесгвующий клас плодоносит, питающе всех, верно чтущих тя, души, Богоблаженне.

ЬУ1

Поклонение честных вериг Святого
и всехвального Апостола Петра

Днесь нам основание Церкве, Петр, камень веры, предла­гает честныя своя вериги в душевное благочестие. При<и>дите вси, сия облобызающе, благохвальными песньми того увенчаим: радуйся, теплый веры поборниче, иже теплым разумом Христа исповедав и Сына Божия в дерзновении мнозем. И радуйся¹, все­ленныя радование и Небеснаго Царствия ключарю, благодать подавай любовию тя чтущим и честныя твоя вериги облобызаю- щим желанием, яко предстоя престолу всех Царя Христа, молит­ву творя о^{[239] [240]} нас, совершающих память твою.

Видящи^[241] Тя распинаема, Христе, Тебе Рождшая вопияше: что странное, еже вижду^[242], Таинство, Сыне Мой: как^[243] на Древе умираеши, плотию повешен, жизни Подателю.

Законы Христовы утвердил еси и пребеззаконнующия бла- гозаконию научил еси, яко апостолов верховный, яко догматов основание недвижимо.

Языком^[244] священным проповедал еси Бога, посградавшаго и на Кресте распеншагося. Сего ради, <Петре,> почитаем связав- шия тя вериги.

Стояше даже до Тебе смерть неодержимаго стремления: Ты бо родила еси Источник безсмертия, Богородице Мати Дево.

Мертва тридневновавша проповедал еси Христа, Егоже ра­ди вериги носил еси, Петре. Имже поклонитися сподобившеся, благочестно тя чтим.

Отягощеннаго, Пречистая, бременем многих грехов, облег­чи мя ныне носити иго, укрепляющи, Христово легчайшее.

Стремглавное <преславно> претерпел еси распятие, угото­вил еси к Небесней стези ноги твоя, еюже нас ходити, учениче Христов, укрепи.

Вселился еси в жизнь живущих и, вяжем ея ради, узы Велиа­ра сокрушил еси, связавшаго тя. Сего ради чтим твои вериги.

Моли Владыку, всеблаженне, твари низпослати очищение, и мир, и милость славящим тя, яко Того ученик искреннейший.

Умерщвления кожных риз совлечеся праотец: Зиждитель бо в того облачится от Твоих кровей, воплотився паче слова, Все­непорочная.

Славного и великаго Господня ученика достойно кий язык человеков похвалити возможет? Егоже бо благословне Божест­венное Слово ублажи, кий ум восхвалит? Обаче, еже кто по силе стяжает, должно есть Богу приносити, сие же и сотворите поку- шаюся. Но, о празднолюбцы, благочестно Первопресгольнаго песньми увенчаим, прегрешений разрешение приемлюще.

Трижды отверглся еси Христа, темже вопрошением трикрат­ным исцеляет твое согрешение, Петре преславне, и утверждение показует многих колеблющихся.

Яко узник Христов¹, сладчайшим желанием узам различ­ным приобщился еси, темже и твоим веригам, разрешающим страстей^{[245] [246]}, Петре, верою поклоняемся.

Нощь глубокую лютого многобожия решиши, вселенную проходя, якоже величайшее солнце, Петре, Христов самовидче, апостолов слава.

Сошедший¹ на землю, яко дождь, Дево, благоразумием^{[247] [248]} всю напои землю и показа Тя Ангелов всех, Чистая, честнейшую.

Избавителю всех, Всесильне, посреде пламене благочество- вавшия, снизшед, оросил еси и научил еси пети: вся дела, благо­словите, пойте Господа.

Земледельствуя сердца, Петре, жестокая, благоплоднейшия сия совершил еси Делателю твари, ключи тебе Божесгвенныя предавшему вязати же и решити согрешения.

Блажим тя, Петре, всегда и твоя целуем вериги, яже, яко зло­дей, носил еси, убивая злобы начальника и связуя узами твоими, апостоле.

Неуклонным твоим каменем, Петре, веры соблюдая Церкве исполнение, от среды соблазны отжени, Петре, и мирное испроси сей, блаженне, устроение.

Трикратным вопрошением, еже: Петре, любиши ли Мя? трикратное отвержение Христос исправи. Темже и к Тайновед- цу Симон: Г<оспо>ди, вся веси, вся знаеши, Ты веси, яко люб­лю Тя. Темже к нему Спас: паси овцы Моя, паси избранный Моя, паси агнцы Моя, яже Своею Кровию стяжах во спасе­ние. Того моли, Богоблаженне апостоле, даровати нам велию милость.

БУИ

Преподобного и Богоносного Отца нашего
Антония Великого

Преподобие Антоние, твердейшего страдальчества знойное и мразное житие, яко в незаходимых воспочивая, совершил еси: пустыннейшим бо тебе самого совокупив духовне, огнепальныя стрелы демонския попрал еси и, превышши всякия добродетели быв, водворяешися со Ангелы во Царствии Небеснем, с нимиже моли Христа Бога спасгися душам нашим.

Лести лукавых демонов посрамив Креста силою, уяснил еси славу Христову, Отче Антоние.

Демонов луки и стрелы сокрушив благодатию Божествен­ного Духа, и злобу и ловления их всем явленно сотворил еси Божественными ученьми, Божественными сияньми облисгаемь. Монашествующих Богозарнейший светильник был еси, и пусты­ни первый украситель, и недугующих искуснейший¹ и честный врач и началообразное очертание² добродетельного жития, Отче Антоние.

Чистый душею и сердцем, Ангел земный, человек Небес­ный, девства учитель, воздержания известное мерило, Антоние, живый со Владыкою твоим и немолчное славословие, блаженне, со Ангелы, и преподобными, и всеми мученики Сему прино­ся, совершающия твою священную память всегда от лютых бед и прегрешений свободи.

Постническое обучение собрав на земли, преподобие Анто­ние, и страстей прилоги в течении слез твоих вся потопил еси, лесгвица Божественная и честная, на Небеса возводящая, всем познася Богоприятное житие твое: благочестия бо плоды в себе показав, исцеляеши теми немощи страстей верно вопиющих тебе: радуйся, востока звезда³ златозарнейшая, и монашествующих све- тильниче и пастырю. Радуйся, приснопамятне, пустыни добрей­шее воспитание и Церкви непозыблемое утверждение. <Радуйся, заблуждающих великий наставниче. Радуйся, наша похвало и все­ленныя светлое радование.>

<На земли Ангела и на Небесех человека Божия>, мира бла- гоукрашение, <наслаждение благих и добродетелей, постников похвалу, Антония почтим: насажден бо в дому Божии, процвете

¹ В автографе: искусный

² В печатном источнике: начертание

³ В печатном источнике: звездо

праведно и, яко кедр, в пустыни умножи паству Христову словес­ных овец в преподобии и правдех

Радуйся, постников началовождь бывый и непобедимый поборник: страстей бо изсекая корения и демонов стремления, сопроти<ви>вся мужески, обличил еси тех немощь и душегубную прелесть, Спасова же Креста действо и непобедимую явил еси силу, еюже и препоясався, победил еси вся, отметающия Боже­ственное во плоти явление Христово, Егоже моли душам нашим дата велию милость.

Столп световиден добродетели утвержден и облак, осеня- ющ¹ сущия в пустыни, явился еси, к Небеси от земли Бога зрящих предводящий. Креста палицею страстей расторг море, мысленно­го же Амалика победив, невозбранен Небесный восход обрел еси, Богоблаженне, и наследие нетленное, со бесплотными престолу радостно предстоя Христову, Егоже моли душам нашим дати велию милость.

Пастырскую хитрость восприим и монашествующих столп и основание, крепце упасл еси разумную паству твою: Христова бо возжелев Божественная учения, в них же^{[249] [250]} слово посеял еси, пре­подобие. Темже и к ревности Ангельского жительства воздвигл еси вся единомудренно славити Бога, Богоносе Антоние, моли Христа Бога прегрешений оставление даровати чтущим любовию святую память твою.

Безсмертия и жизни емся вечныя яве и Трисиянныя зари, отче, насыщался, просвещением благодати омраченную душу мою озарита помолися, яко да достойно воспою тя.

Трисолнечным сиянием, всемудре, озаряем, злоумное, Бла­женне, демонов свирепство, и зверей зияния, и ран болезни, яко­же паучину, разорил еси, Божественным разжигаем^[251] желанием.

Сушу глубородительну<ю>, землю солнце нашесгвова ино­гда: яко стена бо огусте обаполы вода людем пешемореходящим и богоугодно поющим: поим Господеви, славно бо прославися.

Лук сокрушися сильных державою Твоею, Христе, и силою немощсгвующии препоясашася.

Иже времене превышший всякого, яко времен Творец, из тебе, Дево, волею Младенец создася.

Утвержденным помыслом и крепким терпением страстей увядил еси пламень, в безстрастия¹ светлую одежду <Антоние> одеялся еси, отче, и спасения ризу.

Крепчайший прилоги демонов дерзающих и зверскими образы подобящихся, пренебрегл еси тех немощную силу, креп­кого бо имел еси во бранех Спомощника.

Богоносец, начала тьмы и власти обличив воздержанием крепким, доблественный победитель, Антоние, был еси, постни­ков слава, монашествующих похвала.

Умерщвленный мой ум животным действом, из Тебе явль- шимся миру, воздвигни, Чистая, и к жизни насгави, Яже смерти двери разоршая едина Рождеством Твоим.

Яко Всенепорочная Невесго Творца, яко Неискусомужная Мати Избавителя, приятелище яко сущи Утешителя, Всепетая, беззакония мя суща скверное обителище и демонов игралище в разуме бывша, потщися от тех злодейства мя избавити и светлое жилище добродетелей соверши, Светоносная Нетленная. Отже­ни облак страстей, и Вышняго причастия сподоби, и Света Неве­черняго молитвами твоими.

Законное страдальчески житие от мягких ногтей восприим, Богомудре, даже до конца соблюл еси и, яко Божествен добльсг- венник, венец приял еси победы от всех Царствующего.

¹ Далее в автографе: еси

Имуще тя к Богу молитвенника крепчайша, Блаженне, и об- щника попечений, и предстателя, и поборника, и ходатая благоче­стна, от всяких спасаемся бед, и напастей, и обсгояний.

В молитвах бодрое, в пощениях благомощное, терпеливное в напастех, Антоние, ума чистотою на земли, яко Ангел, показуя, Богу вопиял еси: отроцы, благословите, священницы, воспойте, людие, превозносите во вся веки.

Наста светоносный твой праздник, Всеблаженне отче Анто­ние, исполнь радости, исполнь веселия духовного, исполнь Свя­таго Духа, исполнь благоухания и просвещения, и ныне, имуще тя пощения правило и законоположника, радуемся.

Не престай моля Избавителя, всечестный отче, даровати благоговейно память твою совершающим священную прегреше­ний оставление, дарований раздаяние, Божественное предстатель- ство, душ спасение, вечное радование.

Равноангелен пожив на земли, <равноангельну> обрел еси светлость, тех бо Боговиднейшим сиянием в причастии был еси. С нимиже и радуешися всегда, яко Божественный¹ пророк, яко мученик венценосец, яко монашествующих верховник.

Тя песнями немолчными ублажаем, Дево, яко от Троицы Единаго родила еси, Богородице, и носила еси на Божественных объятиях Пресущественное Слово, невращно и неизменно.

БУШ

Иже во Святых Отец наших Архиепископов
Александрийских Афанасия и Кирил<л>а

Блистаньми проповедания сущия во тьме просветил еси <и лесть всю отгнал еси>, предбедствуя о вере твердо, Афанасие, яко пастырь истинен, яко водружение непоколебимо, преславне, Христовы Церкве. Сего ради, сошедшеся, тя почитаем, песненно радующеся.

В автографе: Божественнейший

Добродетели всяцей обучился еси, терпеливно, богодухно- венне, и, помазався Духа помазанием Святым, священнодетель священнейший яве был еси и пастырь истинен и веры поборник, темже вся Церковь славит твою память, священно совершающи и Спаса прославляющи.

От Христовы Церкве мысленный волки, Кирил<л>е, отгнал еси жезлом учений твоих, и сию окрест оградил еси словес утвер­ждении, и представил еси Христу, недвижиму и непоколебиму. Егоже моли от тли и бед избавити верою совершающия всечесг- ную память твою.

Благосказанием словес твоих, священнейше Кирил<л>е, Церковь вся украшается, и благочестно удобряется красными добротами, и почитает священно твою святую и благознамени­тую память, славне, православных похвало, отцев верховне, иже на Соборе, Всесвятыя поборниче.

Паки нам златотечный Нил и безсмертия тезоименит, летною памятию пришед, добрыми восхожденьми наводняет златоструйная безсмертия лияния, и, пищу сладкую плододая высоким Боговещанием, Троицы Нераздельней державе учит покланятися, и источает Божественная учения, верных напаяет помышления и молится о душах наших.

Богомудрия был еси исполнен и, паче солнца Ангельским, блаженне, житием облистав ныне, преподобие, превозшел еси похвал законы, яже от нас, но приими, Отче, аще и не по досто­инству похваляемый.

Юношски плотских страстей играние умертвил еси, в юно­сти твоей стяжав мудрость старческую и благосгоянную, Афа- насие блаженне: премудрости бо желанием вся чувства управил еси.

От Бога светодательную благодать, Кирил<л>е, прием и све­тел светильник явився, словесныя облисгал еси нам лучи памя­тию твоею, яко да достойно тя воспоим.

Яко ревности и дерзновения исполнен, Кирил<л>е Славне, богоборцы вся нелживо, языкоболия обличил еси злочестивых ересей, Православие защищая.

Укрепляем о Христе, козни лукавого змия твердым умом, Кирил<л>е, яко ткание паучинное, расторгнул еси.

Тину страстей от души отрясл¹ еси, Кирил<л>е, низложив всякое помыслов возношение, на Христа превозносящееся.

Яко благополучен страдалец, отче, уклонился еси твердо всякого плотскаго сладострастия, яко тщетного и наветного.

Вручена имея церковная кормила от промышления Божесг­веннаго, Афанасие, еретиков душевредная вся языкоболия, якоже некая секира, посекл еси, искореняя, якоже терние, и семя слова напаяя, мудре возделал еси.

От твоего языка огненнаго сожжеся Ариево сродное разде­ление, и слияние Савел<л>иево, яже от безмерия зла и к нечес­тию единочестна^{[252] [253]}, и всякое с ними хуление еретическое, о Афа­насие!

Из не сущих вся Божественною силою Соделавый раждается из Тебе, Богомати, мир озаряя светлыми зарями Божества и Бого- знания светлостию.

Течению, воистинну зельному, наводняющему реки, твое, о Кирил<л>е! уподобися слово, злославных отвращая ухищрения.

Равне мерзкое Ариево разделение, о Кирилле! скверное же Савел<л>иево слияние из глубины извергл еси.

Словеса богатотворныя, яко злато, оставил еси, о Кирил<л>е! сокровища же, якоже камения честная, твоя Церкви Христове.

Течений словесных, излиянных из усген твоих, яко из источ­ника приснотекущаго благодати, преподобие, сладчайшия меда, яко от крина¹, воды, вернии, почерпаем.

Собору Богоизбранному яве предводительствовав, злочес- тие Несгориево, хрисгоборную дерзость, отче, низложил еси, ревносгию дыхая по истинней Богоматери.

Православия насадив учения, злославия терние изсекл еси, умножив семя веры одождением Духа, преподобие, темже тя поем, Афанасие.

Богопроповедников и Богоприятных неудобопостижныя Книги пророков, благодатию вдохновен, оныя насыщшаго Духа, Кирил<л>е, чисге нам изъявил еси.

В неслитном соединении Божественном и несекомом яве, отче, разделении Три убо Богословсгвуяй Ипостаси, рекл еси, Кирил<л>е, непременный же в существе Едином и Божестве.

Святителей украшение благославное, Афанасие, столпе све­та и Церкве утверждение, Троицы поборниче, Богословия труба златая, жития же монашескаго известный законописателю, с нами празднуеши, Иереи совершая, люди верныя приводя Христу во веки.

Безсмертия был еси воистинну тезоименит, деятельный бо словом превозшел еси, искусныя же в слове известием жития побеждая, во обоих прешел еси край. Тем же^{[254] [255]}, преизягцною доб- родетелию просияв, безсмертную стяжал еси память во веки.

Просия житие, яко молния, излияся же, отче, всем вещание твое, якоже гром, яже солнце назирает, с Небесе бо имел еси свы­ше вдохновение истинно, темже не угаси твоея памяти ходатай забвения, гроб, Афанасие!

Светом Трисолнечным и Трисиянным яснейше ныне осия­ем, певцем твоим осияние заревидно являеши, яко зерцалом, свы­ше испущая солнечне, и тебе оставления, блаженне, аще и велико и превосходно паче достоинства просимое.

Велика истины труба, многострадальный Афанасий на тра­пезу днесь созывает Церковь, светло, вернии вси, к торжеству усрящем добраго пастыря, песньми почитающе священныя его труды, яко да молитвами его приимем от Христа Бога велию милость.

их

Преподобнаго Отца
нашего Макария Египтянина

Всякое сладострастие, удручая тело твое, отвергл еси, Бого­мудре, огорчая чувства воздержании крепкими и жесгокожити- ем, терпением же напастей и пожданием обсгояний, ихже ради бесконечное восприемлеши наслаждение, и пищу непреемную, и радость неизглаголанную.

Путь, к жизни ведущий, неуклонно, преблаженне, шесгву- яй, совершил еси, избег мятежей, и бесовская смущения разорил еси, радостно взывая: поим Богу нашему, яко прославися.

Умертвив плотское мудрование постническими твоими борении, Божественному Духу покорил еси, отче, и, Сего управ­ляем Божественною силою, в радости вопиял еси: поим Богу нашему, яко прославися.

Да Богу, блаженне, в безмятежии беседуеши, в пустыни, отче, жити изволил еси, от молв удалялся.

В дому Господь воздержания^[256] воистинну тя положи, якоже звезду непрелестную, световодящу концы, Отче отцев, Макарие преподобие.

Направи ны на путь покаяния, уклоньшияся присно к беспу- тием зол и Преблагаго прогневавшия Господа, Неискусобрачная, Благословенная Мария¹, прибежище отчаянных человеков, Божие жилище.

Простер, Славне, души умное и чувства, мудре, управив, был еси храм освящен Богу и всечесген.

Уяснив душу добродетельными благолепотами, красен доб­ротою Богу быв, песнопел еси, радуяся: препетый Господи, Боже отцев наших, благословен еси.

На лествицу, к Небеси простертую, на нейже утвержден явися Господь, Отче, возшел еси, Божественными восхожденми присно предуспевая, преподобие, дондеже досгигл еси поющих: Господа пойте, дела, и превозносите Его во вся веки.

ьх а

Преподобнаго и Богоноснаго <отца нашего>
Евфимия Великаго

Небесныя круги превозлетев, добродетелию Божествен­ною, Всеблаженне Отче, зашел еси во мрак, им же^{[257] [258]} воистинну не в гаданиях^[259], Преподобие, но во благодати явился еси Божией^[260], осияния восприемля.

Благодушсгвуйте, глаголаше родителям Ангел Господень, яко отроча из чресл родится вам, благодушсгвия тезоименно. Зачался же еси во чреве, нося тем обетование, и от пелен молит­вою воспитался еси, отче Евфимие.

Молитвами твоими и мольбами умоляй Бога, мрачный облак уныния моего, Всеблаженне, разори, благодушия сый и уте­шения исполнен, Всецарю предстоя.

Ты из детства освятился еси, преподобие, давшему Богу и, к Нему зря и наставляем животворными повеленьми Его, Богоносе, к высоте взялся еси превысоцей добродетелей верою.

Богатою к Богу любовию воспаляем, помыслом всеблаго- чесгивым страсти удержал еси, преподобие, темже Божественная благодать на тебе воспочила есть.

От неплодныя рождся, духовнаго благоплодия земледела- тель многороднейший явился еси, терние посекая нечестия, Пре­подобие, и благочестия семя Божественно вметая.

Огнепальною душею и <у>язвленною любовию Христовою, огнепальных ловитв демонских избег, росодательною благодатию просветился еси, Отче, знаменоносец быв.

Речения Божественных Пророков и тех пророчествия запечатала еси, рождши Слово, глаголющее чрез тех, и тех исполнившая богоглаголания¹ вся, Благословенная, Всенепо­рочная.

Сохранив ум непреложен, от пелен житием восхождение показал еси к Богу, Емуже приближался, взимался еси от силы, отче, в силу.

Блажен истинно^{[261] [262]} был еси, Отче Евфимие, нищету богато- творную и плач радостен стяжав, преподобие, имиже Царство Небесное наследовал еси.

Всесветел, яко солнце, пустыни просветил еси, темнозрач- ныя отгнал еси демоны и столп всесветлый Небодосяжущий был еси, чудотворными сиянии блисгаяй, непрестанно взывая Влады­це: священницы, воспойте, людие, превозносите во вся веки.

БХ1

<Преподобнаго отца нашего>