Акафист Покрову Пресвятой Богородицы

ПРИЛОЖЕНИЕ

АКАФИСТ ПОКРОВУ ПРЕСВЯТОЙ БОГОРОДИЦЫ

Кондак 1

Избранной Превёчным Царём, пре- вышшей всякаго создания небесё и земли Царице, пришёдшей иногда во Влахернскую церковь на молитву, достойное поклонение с благодарением приносяще, яко во тьме су- щии, под Твои светящийся омофор с верою и умилением прибегаем. Ты же, яко имущи державу непобедимую, от всяких нас бед свобождаи, да зовём Ти:

Радуйся, Радосте наша, покрыи нас от всякаго зла честным Твоим омофором.

Икос 1

Архангел и Ангел множество, со Пред­течею, Богословом и всех святых ликом, сопредсташа Тебе, Царице своей, в церкве Влахёрнстей и, умилённая моления Твоя о всем мире слышавше, со удивлением возопйша таковая:

Радуйся, Бога Отца безначальнаго превёчное благоволение; радуйся, Бога Сына безлётнаго пречистое вместилище. Радуйся, Бога Духа Всесвятаго избранное жилище; радуйся, гор­них чинов Ангельских непрестающее удив­ление. Радуйся, тёмных сил адских всегрозное устрашение; радуйся, Юже на воздусе сретают многоочйтии Херувимы. Радуйся, Ёйже по­хвальная восписуют шестокрилатии Серафими; радуйся, Еяже преблагому покрову и мы, земнорбднии, благодарне покланяемся.

Радуйся, Радосте наша, покрыи нас от всякаго зла честным Твоим омофором.

Кондак 2

Видевше Тя святый Андрей со Епифанием в церкви на воздусе за христианы молящую­ся, познаша, яко Матерь еси вознёсшагося на нёбо Христа Бога нашего, и, припадше на землю, радостно покланяхуся всеблагому покрову Твоему, зовуще: Аллилуиа.

Икос 2

Разум неуразумёнен еси, Богородице Де­во, в защищёнии людей православных, сего ради врази наши не познают, коль сильна есть молитва Божия Матере. Мы же, о Твоём всемощнем заступлении добре вёдуще, сйце к Тебе со умилением зовём:

Радуйся, премилосердая Утешительнице всех скорбящих и обременённых; радуйся, неусыпающая Наставнице всех заблуждших и ослеплённых. Радуйся, праведно движимый гнев Божий на нас Твоим молением скоро утоляющая; радуйся, злыя страсти наша всемощным мановением укрощающая. Радуйся, крепкое возбуждение спящих со­вестей; радуйся, нетрудное преодоление без­законных навыков; радуйся, Еяже ради ад стенет и дуси злобы трепещут; радуйся, Еяже ради врата рая всем нам отверзаются.

Радуйся, Радосте наша, покрый нас от всякаго зла честным Твоим омофором.

Кондак 3

Сила Вышняго осеняет с верою и бла­гоговением прибегающих к Твоему всечестному покрову: Едйней бо точию Тебе, Пресвятей и Пречистей Матери Божией, дадеся, да всякое прошение Твоё исполнится.

Тем убо всяк возраст верных славословит Тя и Сына Твоего, зовуще: Аллилуиа.

Икос З

Имущи богатство милосердия неоскуд- ное, всем концем земли простираеши руку помощи, Владычице: болящим исцеление, страждущим ослабу, слепым прозрение и всем вся по коегождо потребе подаёши, благодарне вопиющим:

Радуйся, Православия несокрушимая крёпосте и оградо; радуйся, святых хра­мов и олтарёй первейшее украшение. Радуйся, благочестия вернейшее ограж­дение; радуйся, благосёрдых градоправите­лей неусыпающая Споспёшнице. Радуйся, непобедимая Воеводо вождей и воинств христианских; радуйся, святое зерцало правды судиям немздоприймным. Радуйся, совершённый Разуме наставников и дето- водйтелей; радуйся, благословение домов и семейств благочестивых.

Радуйся, Радосте наша, покрыи нас от всякаго зла честным Твоим омофором.

Кондак 4

Бурею многих бед одержимым нам помогаеши, Владычице: стойши бо пред лицём олтаря Господня воздвигши руце Твой, и молишися, яко да нашу недостой­ную молитву призрит Господь, Царь Славы, и послушает прошения призывающих имя Твоё святое, к Сыну же Твоему зовущих: Аллилуйя.

Икос 4

Услыша Господь Бог Иисуса Навина, моля- щася и повелевающа солнцу стати, дойдеже отмстит врагом. Слышит и Твоя ныйе моле­ния Господь Иисус, избранная Палато Духа Святаго. Тёмже и мы, грёшнии, на Твой надеющеся покров, Тебе, яко Божией Ма­тери, глаголати дерзаем:

Радуйся, от солнца мысленнаго озарённая и нас светом незаходймым просвещающая; радуйся, сиянием пречйстыя души Твоея всю землю просветившая. Радуйся, чисто­тою телесё Твоего вся небеса возвеселившая; радуйся, святых обителей Христовых по­кров и снабдёние. Радуйся, верных пастырей

Цёркве бодрость и вразумление; радуйся, богобоязненных иноков и инокинь Настав­нице. Радуйся, невозмущаемое успокоение благоговейных старцев; радуйся, тайное ве­селие чистых дев и вдовиц.

Радуйся, Радосте наша, покрыи нас от всякаго зла честным Твоим омофором.

Кондак 5

Боговйдец Моисеи во ополчении иногда на Амалйка, егда руце воздвизаше, Израиль одолеваше, егда же руце низпущаше, тогда Амалйк побеждаше, поддержащими же его укреплён, победи врага. Ты же, о Богомати, воздевши руце Твой на умолёние, аще и никймже поддержйма, всегда побеждаеши враги христианския и нам щит еси непобедим, вопиющим: Аллилуйя.

Икос 5

Видевше Тя святых собори на воздусе в цёркви Влахернстей, молебнии руце к Сыну и Богу простирающую, радостно со Архангелы и Ангелы благодарную Ти песнь воспеша. Мы же крепчайшими, паче Моисеевых рук, дланьма Твоима укрепляеми, умильно вопием:

Радуйся, Еяже руце поддержит за всех нас единая Ея к нам любы и милосер­дие; радуйся, пред Неюже врази наши, вйдимии и невйдимии, стояти не могут. Радуйся, темное полчище страстей и по­хотей наших прогоняющая; радуйся, Огнь Божественный — Христа неопально на руку Своею держащая и нас, хладных, тем воспламеняющая. Радуйся, воинствующих на плоть целомудрием изрядное венчание; радуйся, подвизающихся в посте и без­молвии присное собеседование. Радуйся, изнемогающих от уныния и печали скорая Утешительнице; радуйся, благодатию сми­рения и терпения снабдевающая.

Радуйся, Радосте наша, покрыи нас от всякаго зла честным Твоим омофором.

Кондак 6

Проповедник неоскудеваёмыя благо­дати и милостей Твоих явйся святый Роман Сладкопевец, егда от Тебе во сне прият свиток книжный на снедёние: тем убо умудрен, начат разумно пёти во славу Твою, святым же писати похвальная, взывая с верою: Аллилуия.

Икос 6

Возсияла еси от истиннаго Солнца правды заря, Дево Богоотроковице, про­свещающая всех премудростию Бога, Сына Твоего, и в познание истины приводящая зовущих Ти таковая:

Радуйся, Божию Силу и Божию Премуд­рость, Христа плотию породившая; радуйся, юродивую мудрость века сего посрамившая и ослеплённых ёю на путь правый настав­ляющая. Радуйся, Святыя веры охранение и православных догматов Наставнице; радуй­ся, нечестивых ересёй и тлетворных раско­лов Искоренйтельнице. Радуйся, тайная и неудобь предвиденная вся добре вёдущая и ймже подобает сказующая; радуйся, лживых провидцев и суетная гадания посрамля­ющая. Радуйся, в час недоумений мысль благу на сёрдце полагающая; радуйся, от пагубных начинаний и несмысленных по­желаний воспящающая.

Радуйся, Радосте наша, покрыи нас от всякаго зла честным Твоим омофором.

Кондак 7

Хотя долготерпеливый Всевидец Гос­подь явйти Своего человеколюбия неизслёдимую щедрот бездну, избра Тебе едйну в Матерь Себе и сотвори Тя людем непреодолённое защищёние: да аще кто от них и праведным судом Божиим осуждения достоин явится, Твоим обаче державным покровом сохраняется на покаяние, зовыи: Аллилуия.

Икос 7

Дивная показал еси дела Твоя в Пречйстей Матери Твоей, Господи, егда пречудный омофор в руцё Ея светящийся паче луч солнечных явйся, ймже покрываше люди, сущия в церкви Влахёрнстей. О таковём убо знамении милосёрдаго Ея заступления услышавше, ужасом и радостию одержйми, вси глаголаху:

Радуйся, нерукотворенный омофор, аки облак, над всем миром распростёршая; радуйся, превёчнаго Архиерея, Сына Своего, знамение на руце Своей держащая. Радуйся, новую милость и новую благодать сим в Церкви Православней являющая; радуйся, столпе облачный, от искушений и соблазнов мира всех нас покрывающий. Радуйся, столпе огненный, среди мглы греха всем нам путь спасения показующий; радуйся, явных благочестия подвижников явное укрепление. Радуйся, тайных среди мира рабов Божиих тайное вразумление; Радуйся, и мене, обнажённаго добрых дел, не оставляющая Своим покровом и бла­годатию.

Радуйся, Радосте наша, покрыи нас от всякаго зла честным Твоим омофором.

Кондак 8

Дивно Тя от Небёс во Влахернстей церкви явлыиуюся Ангели воспеша, апб- столи прославиша, лик святителей и преподобных и жен святых сословие восхвалйша, Предтеча с Богословом по- клонйшася, людие же, сущии в церкви, с веселием вопияху: Аллилуиа.

Икос 8

Всеми вышними и нижними влады­чествуя Господь, узрев Тя в церкви Ма­терь Свою стоящу и со умилением к Нему молящуся, речё: «Проси, Мати Моя, занё не отвращуся Тебе, но исполню вся прошения Твоя и благодарственная сйце Тебе всех пети научу:

Радуйся, Ковчеже Завета, в немже.хра­нится освящение всего рода человеческаго; радуйся, стамно пресвятая, в нейже алчу­щим правды блюдётся Хлеб Жизни вечныя. Радуйся, сосуде всезлатый, в немже угото- вася нас ради Плоть и Кровь Божественнаго Агнца; радуйся, оставленных врачами на Свой всемощныя руце приемлющая. Ра­дуйся, разслабленных тёлом, но не духом и верою, со одра болезни воздвизающая; Ра­дуйся, погубляющим от недуга ум новый и лучший смысл подающая. Радуйся, на стропотном пути греха и страстей нас пре- мудре запинающая; радуйся, жестокость нераскаяннаго сердца нашего умиляющая.

Радуйся, Радосте наша, покрыи нас от всякаго зла честным Твоим омофором.

Кондак 9

Все естество ангельское похвальная приносит Тебе, истинней Божией Мате­ри и Заступнице всех притекающих к Тебе, вёдуще, яко несокрушимым покровом Твоим праведных возвеселяющи, грешных заступаеши, бедствующих избавлявши и молишися о всех верных, зовущих: Аллилуия.

Икос 9

Ветйи многовещаннии, яко рыбы безглас- ныя, недоумёют, како восхвалйти по достоя­нию великий всечестнаго Покрова Твоего праздник: вся бо о Тебе от них глаголемая несуть тдовольна к единому исчислению щедрот Твоих. Мы же, Твоя неисчётная благодеяния вйдяще, с весёлием взываем:

Радуйся, от язвы и всегубйтельства смертнаго нас соблюдающая; радуйся, от внезапнаго колебания земли грады и вёси сохраняющая. Радуйся, от разлияния вод и потопления рукою крепкою возводящая; радуйся, от запалёния огненнаго росою молитв Твоих избавляющая. Радуйся,

Акафист Покрову Пресвятой Богородицы от глада душёвнаго и телёснаго Хлёбом Жизни снабдевающая; Радуйся, удары мол­нии и грома от главы нашея отводящая. Радуйся, от нашествия иноплеменник и тайных убийц спасающая; радуйся, от домашния брани и вражды единокровных миром и любовию ограждающая.

Радуйся, Радосте наша, покрый нас от всякаго зла честным Твоим омофором.

Кондак 10

Спасти хотя род человеческий от пре­лести вражия Человеколюбец Господь Тебе, Матерь Свою, дарова земным нам в помощь, покров и защиту, да будеши печальным утешение, скорбящим радование, обидимым Заступница, и да всех из глубины греховныя воздвйгнеши, по­ющих: Аллилуиа.

Икос 10

«Царю Небесный, — глаголаше в молитве на воздусе со Ангелы стоящая всенепорочная Царица, — приимй всякаго человека, молящася к Тебе и призывающа имя Моё на помощь, да не отыдет от лика Моего тощ и неуслышан». Сию всеблагую молитву слышавше, собори святых благодарне возопйша:

Радуйся, чистых руками и сердцем земле­дельцев благословенными плодами вен­чающая; радуйся, помоще и праведное мздовоздаяние всем право куплю дёющим. Радуйся, клятвопреступлений и неправед­ных стяжаний всенародное обличение; радуйся, бедствующим в пути, на суше и водах внезапное вспоможение. Радуйся, безчадных родителей плодами веры и духа веселящая; Радуйся, безматерних сирот незримая Воспитательнице. Радуйся, креп­кая Заступнице сущих в плену и изгнании; радуйся, неусыпающая Попечительнице во узах и темнице седящих.

Радуйся, Радосте наша, покрый нас от всякаго зла честным Твоим омофором.

Кондак 11

Пение всеумилённое слышаще и теп­лей Твоей молитве о нас внемлюще, про­сим Тебе, Дево Богородице, не презри гласа рабов Твоих: к Тебе бо в напастех и скорбех прибегаем и пред Тобою в бе­дах наших слёзы проливаем, зовуще: Аллилуиа.

Икос 11

Яко светоприёмную свещу, в молит­ве горящую, видящи Тя на воздусе Вла- хёрнская церковь, согласно со множеством людей, в ней бывших, возглашаше: «Откуду мне сиё, да прийде Мати Господа моего ко мне?» Святый же Андрей со Епифанием тёпле моляхуся к Тебе, зовуще:

Радуйся, всех даров духовных и те­лесных незавйстная Подательнице; ра­дуйся, полагающих начало покаяния грешников верная Предстательнице. Ра­дуйся, борющихся со страстьмй и прилога- ми вражиими всегдашняя Споборнице; радуйся, незримое укрощение владык жестоких и зверонравных. Радуйся, тайный покое и отрадо рабов кротких и страж­дущих; радуйся, всежеланное совершение благих супружеств. Радуйся, матерей де- тородящих скорое и безболезненное раз­решение; радуйся, в час кончины единая всем нам Помощнице.

Радуйся, Радосте наша, покрый нас от всякаго зла честным Твоим омофором.

Кондак 12

Благодать Божественную испроси нам у Сына Твоего и Бога, простри нам руку помощи, отженй от нас всякаго врага и супостата и умири нашу жизнь, да не погибнем люте без покаяния, но приимй нас в вёчныя кровы, Покровительнице наша, да радующеся Тебе зовём: Аллилуиа.

Икос 12

Поюще Твой державный покров, хвалим Тя вси яко твёрдую предстательницу нашу и покланяемся Тебе, о нас молящейся: веруем бо и надеемся, яко испросиши у Сына Твоего и Бога благая вечная и временная всем с любовию вопиющим Тебе сйце:

Радуйся, всей вселенней крепкое за­ступление; радуйся, всех стихии зем­ных и небесных освящение. Радуйся, всех времён года благословение; радуйся, всех

наветов и искушений, от мира, плоти и диавола находящих, попрание. Радуйся, нечаемое примирение ожесточённо враж­дующих; радуйся, недоведомое исправ­ление нераскаянных грешников. Радуйся, не отвергающая всеми презренных и отверженных; радуйся, самих отчаянных от рова погибели исхищающая.

Радуйся, Радосте наша, покрыи нас от всякаго зла честным Твоим омофором.

Кондак 13

О Всепетая Мати, Пречистая Госпо­же, Дево Богородице! К Тебе возвожду душевныя и телесныя очи, к Тебе про­стираю разслабленнеи руце и из глубины сердца вопию: призри на веру и смирение души моея, покрыи мя всемощным омо­фором Твоим, да избавлюся от всех бед и напастей, и в час кончины моея, о Всеблагая, предстани мне и уготованнаго ради грехов моих избави мучения, да выну покланялся Тебе зову: Аллилуия.

(Этот кондак читается трижды, затем 1-й икос и 1-й кондак.)

МОЛИТВА

О Пресвятая Дево, Мати Господа выш­них сил, небесё и земли Царице, града и страны нашея всемощная Заступнице! Приими хвалёбноблагодарственное пе­ние сие от нас, недостойных раб Твоих, и вознеси молитвы наша ко Престолу Бога, Сына Твоего, да милостив будет неправдам нашим и пробавит благодать Свою чтущим всечестное имя Твоё и с верою и любовию покланяющимся чудотворному образу Твоему. Несмы бо достойни от Него помиловани быти, аще не Ты умилостивиши Его о нас, Владычице, яко вся Тебе от Него возможна суть. Сего ради к Тебе прибегаем яко к несомненней и скорой Заступни­це нашей: услыши нас, молящихся Тебе, осени нас вседержавным покровом Твоим и испроси у Бога, Сына Твоего, пастырем нашим ревность и бдение о душах, градо­правителям мудрость и силу, судиям прав­ду и нелицеприятие, наставником разум и смиренномудрие, супругом любовь и согласие, чадом послушание, обидимым терпение, обидящим страх Божий, скорбящимблагодушие, радующимсявоздержание, всем же нам дух разума и благочестия, дух чистоты и правды. Ей, Госпоже Пресвятая, умилосердися на немощныя люди Твоя; разсеянныя собери, заблуждшия на путь правый настави, старость поддержи, юныя уцеломудри, младенцы воспитай и призри на всех нас призрением мйлостиваго Твоего заступления, воздвигни нас из глу­бины греховныя и просвети сердечныя очи наши ко зрению спасения; милостива нам буди зде и тамо, в стране земнаго пришельствия и на Страшнем суде Сына Твоего; преставлыпияся же в вере и по­каянии от жития сего отцы и братию нашу в вечней жизни со Ангелы и со всеми святыми жйти сотвори. Ты бо еси, Госпо­же, слава небесных и упование земных. Ты по Бозе наша надежда и Заступница всех притекающих к Тебе с верою. К Тебе у бо мо­лимся и Тебе, яко всемогущей Помощнице, сами себе и друг друга и весь живот наш предаем, ныне и присно и во веки веков. Аминь.