Яко милостивый и человеколюбец Бог еси, и Тебе славу возсылаем, Отцу, и Сыну, и Святому Духу, ныне и присно, и во веки веков.

ЧИНОПОСЛЕДОВАНИЕ

ВЕНЧАЛЬНОЙ ЛИТУРГИИ

Священник читает входные молитвы, как обычно и облачается в полное облачение.

Последование обручения[1].

Перед началом часов, священник становится в храме, а желающие соединиться узами брака] стоят пред святыми дверями, [ведущими из притвора в храм]: муж с правой стороны, а жена с левой. На правой же стороне святой трапезы лежат рядом два их перстня[2], золотой и серебряный: серебряный к правой стороне, золотой же к левой. Священник же, выйдя в притвор, трижды осеняет [крестным знамением] головы новобрачных, и дает им зажженные свечи[3], и введя их внутрь храма, кадит крестообразно.

[И спрашивает их священник о их согласии: желает ли невеста жениха, также и жених невесту.]

Диакон (если есть):Благослови, Владыко.

Священник: Благословен Бог наш всегда, ныне и присно, и во веки веков.

Хор:Аминь.

Чтец: Царю Небесный и Трисвятое по Отче Наш.

Священник: Яко Твое есть Царство…

Чтец: Господи помилуй (12 раз).

Священник (диакон):Господу помолимся.

Хор:Господи, помилуй.

Священник: Боже вечный, разстоящаяся собравый в соединение, и союз любве положивый им неразрушимый: благословивый Исаака и Ревекку, и наследники я Твоего обетования показавый: Сам благослови и рабы Твоя сия, имярек и имярек, наставляя я на всякое дело благое.

Яко милостивый и человеколюбец Бог еси, и Тебе славу возсылаем, Отцу, и Сыну, и Святому Духу, ныне и присно, и во веки веков.

Хор:Аминь.

Священник:Мир всем.

Хор:И Духови Твоему.

Священник (диакон):Главы ваша Господеви приклоните.

Хор:Тебе, Господи.

Священник молитву: Господи Боже наш, от язык предобручивый Церковь деву чистую, благослови обручение сие, и соедини, и сохрани рабы Твоя сия в мире и единомыслии.

Тебе бо подобает всякая слава, честь и поклонение, Отцу, и Сыну, и Святому Духу, ныне и присно, и во веки веков.

Хор:Аминь.

Затем священник, взяв перстни, дает сперва мужу золотой и говорит ему:

Обручается раб Божий имярек, рабе Божией имярек, во имя Отца, и Сына, и Святаго Духа, аминь.Трижды, и при этом начертывает перстнем крест на голове его.

Затем, взяв серебряный, говорит и жене:

Обручается раба Божия имярек, рабу Божию имярек, во имя Отца, и Сына, и Святаго Духа, аминь.

Трижды, и при этом начертывает перстнем крест на голове её.

[И когда скажет каждому эти слова трижды, начертывая крест перстнем на главах их, он надевает им перстни на персты правой руки. Затем восприемник [трижды] обменивает перстни новобрачных].

{По сложившейся сейчас практике жениху здесь дают перстень невесты, а невесте – жениха, однвая их на указательные пальцы правой руки.}

Священник (диакон):Господу помолимся.

Хор:Господи, помилуй.

Священник: Господи Боже наш, отроку патриарха Авраама сшествовавый в средоречии, посылая уневестити господину его Исааку жену, и ходатайством водоношения обручити Ревекку открывый. Сам благослови обручение рабов Твоих, сего имярек, и сея имярек, и утверди еже у них глаголанное слово: утверди я еже от Тебе святым соединением. Ты бо из начала создал еси мужеский пол и женский, и от Тебе сочетавается мужу жена, в помощь и в восприятие рода человеча. Сам убо Господи Боже наш, пославый истину в наследие Твое, и обетование Твое на рабы Твоя, отцы наша, в коемждо роде и роде избранныя Твоя. Призри на раба Твоего имярек, и на рабу Твою имярек, и утверди обручение их в вере и единомыслии, и истине, и любви. Ты бо Господи показал еси датися обручению и утверждатися во всем. Перстнем дадеся власть Иосифу во Египте; перстнем прославися Даниил во стране Вавилонстей; перстнем явися истина Фамары; перстнем Отец наш Небесный щедр бысть на Сына Своего: дадите бо, глаголет, перстень на десницу Его, и заклавше тельца упитаннаго, ядше возвеселимся. Сама десница Твоя, Господи, Моисея вооружи в Чермнем мори; словом бо Твоим истинным небеса утвердишася и земля основася, и десница раб Твоих благословится словом Твоим державным, и мышцею Твоею высокою. Сам убо и ныне, Владыко, благослови перстней положение сие благословением Небесным, и Ангел Твой да предыдет пред ними вся дни живота их.

Слава Тебе, Боже наш, слава Тебе.

Труды плодов твоих снеси.

Слава Тебе, Боже наш, слава Тебе.

Блажен еси, и добро тебе будет.

Слава Тебе, Боже наш, слава Тебе.

Жена твоя яко лоза плодовита, во странах дому твоего.

Слава Тебе, Боже наш, слава Тебе.

Се тако благословится человек бояйся Господа.

Слава, и ныне.

Единородный Сыне...

ектения малая

Священник (диакон):Паки и паки миром Господу помолимся.