II. Праверка дамашняга задання.

––Прачытайце выразна твор М. Янчанка «А таму! »

III. Паведамленне тэмы ўрока

— Пісьменнік Расціслаў Бензярук падгледзеў, што здарылася з людзьмі, якія вырашылі толькі гуляць і напісаў казку «Будзень і свята» (с. 111-113).

ІV. Чытанне казкі настаўнікам

— Аб чым пісьменнік расказаў у казцы?

Бюро даведак:

капялюш — галаўны ўбор, шляпа;

брычка — лёгкі выязны вазок;

будзень — працоўны дзень;

покуць — вугал пад абразамі;

камора — рус. кладовка.

V. Чытанне казкі вучнямі

1. Чытанне-гудзенне.

2. «Хвост і галава» (настаўнік пачынае чытаць сказ, дзеці хутка знаходзяць і дачытваюць разам).

VI. Аналіз твора

— Хто сустрэўся на дарозе?

— Як выглядаў Будзень? А Свята?

— Куды ішоў Будзень? Чаму?

— Ці правільна паступілі людзі? Па чыёй указцы яны так зрабілі?

— У чым было ўпэўнена Свята?

— Як сталі паводзіць сябе людзі, калі прыехала Свята?

— Што адбылося пазней?

— Ці зразумелі людзі сваю памылку? Як яны яе выправілі?

— Знайдзіце ў тэксце прыказку і растлумачце яе сэнс.

VII. Падрыхтоўка да працы над вершам Мар'яна Дуксы «Ці так чытала?»

— Чаго, на вашу думку, не хапала Ромку? (Пачуцця таварыства.)

— Якія яшчэ рысы характару вы ведаеце? (Адказы вучняў.)

— Я прапаную вам пазнаёміцца з дзяўчынкай, аб якой напісаў паэт М. Дукса ў сваім вершы «Ці так чытала?» (с. 114).

VIІI. Чытанне верша настаўнікам

— Пра што хацеў сказаць паэт у сваім вершы?

IX. Чытанне верша вучнямі

1. Чытанне напаўголасу.

2. Бінарнае чытанне.

3. Чытанне ўрыўка да малюнка.

X. Аналіз зместу твора

— Як дзяўчынка чытала?

— Што яна адначасова рабіла?

— Куды яна хадзіла?

— Як яна працавала?

— Што атрымала за сваю працу?

— Што вы адкажаце дзяўчынцы на яе пытанне?

— Ці можна так чытаць?

XІ. Падвядзенне вынікаў урока. Рэфлексія

— Якіх рыс характару не хапае дзяўчынцы з верша М. Дуксы «Ці так чытала»?

— Да якога вываду прыйшлі людзі?

— Ці згодны вы з імі? Як бы вы паступілі на іх месцы?

— Каго можна асудзіць у казцы? За што?

— Што для людзей з'яўляецца галоўным у жыцці? (Праца.)

XІI. Дамашняе заданне(с. 111-113)

Падрыхтаваць выразнае чытанне казкі. Падабраць прыказкі аб кнігах і працы.

Тэма: Браты нашы меншыя. ІВАН ВЯРЫГА «СУСТРЭЧА»

Мэты:

Ø фарміраваць уменне правільна і асэнсавана чытаць уголас і моўчкі, і удасканальваць уменне чытаць выразна;

Ø садзейнічаць фарміраванню ўмення эмацыянальна рэагаваць на прачытанае, прыдумваць працяг твора;

Ø развіваць уменне арыентавацца ў аб'ёмным тэксце, працаваць у групах,

Ø садзейнічаць развіццю творчых здольнасцей вучняў;

Ø садзейнічаць выхаванню ўважлівых і добразычлівых адносін да птушак і жывёл, жадання рабіць дабро.

Тып урока: традыцыйны.

Абсталяванне: магнітафон, малюнкі, лісткі са словамі.

ХОД УРОКА

I. Арганізацыйны момант

— Паглядзіце адзін на аднаго, усміхніцеся, пажадайце вясёлага іастрою і плённай працы.

Загадка:

3 людзьмі сябруе, хату вартуе, жыве пад ганкам, хвост абаранкам. (Сабака.) (Паказаць малюнак.)

II. Паведамленне тэмы ўрока

— Як вы думаеце, чаму мы пачалі ўрок з гэтай загадкі?

— Правільна, мы будзем гаварыць сёння аб сабаку і аб ўзаемаадносінах яго з чалавекам. А дапаможа нам у гэтым апавяданне вана Вярыгі «Сустрэча» (с. 115-117).

III. Чытанне апавядання настаўнікам

— Назавіце герояў апавядання.

— Чаму аўтар даў апавяданню такую назву?

Бюро даведак:

нацянькі — напрамкі (кароткі шлях);

галёшы — кароткі гумавы абутак;

заскавытаў — заскуліў.

IV. Чытанне апавядання вучнямі

1. Чытанне-гудзенне.

2. Чытанне «Галава і хвост» (настаўнік пачынае чытаць сказ, дзеці хутка яго знаходзяць і дачытваюць усе разам).

V. Аналіз зместу твора

— Якую дарогу дамоў выбраў Саўка? Чаму?

— 3 якім настроем хлопчык вяртаўся дамоў?

— Хто сустрэў яго каля балаціны?

— Што ўзнікла ў выніку сустрэчы?

— Ці зразумеў Саўку Тузік?

— Як павёў сябе Тузік?

— Якія пачуцці выклікала ў Саўкі жаласлівае скавытанне Тузіка?

— Што зрабіў Саўка?

— Як хлопчык растлумачыў бацьку сваё рашэнне? Прачытайце.

— Што вы думаеце пра ўчынак Саўкі?

Х в і л і н к а а д п а ч ы н к у (пад музыку)

Раз-два-тры — мы сябры. Чатыры-пяць — ідзём гуляць. Шэсць-сем-восем — ваду носім. Дзевяць-дзесяць — цеста месім. Каравай на славу ўдаўся. Надакучыла стаяць — мы бяжым ужо гуляць.

Хадзьба на месцы. Імітацыя рухаў. Сціснуць рукі ў кулакі, імітацыя рухаў. Бег на месцы.

VІ. Работа ў групах

На асобных лістах у канвертах ляжаць надрукаваныя асобна словы. Заданне — саставіць са слоў сказы, растлумачыць значэнне атрыманых прымавак.

1 група: аб дабры (добры чалавек — гэта той, хто не ўмее рабіць зла).

2 група: аб жорсткасці (жорсткасць — такая вырадлівасць, як горб).

VІI. Актуалізацыя ведаў вучняў

VІII. Падвядзенне вынікаў урока. Рэфлексія

— Што можна сказаць пра Саўку?

— Што б вы зрабілі, калі былі б на яго месцы?

— Якіх адносін да сябе выклікае чалавек, які кінуў на крыгу малое кацяня?

ІX. Дамашняе заданне(с. 115-116)

1. Падрыхтаваць выразнае чытанне апавядання.