И ныне и присно и во веки веков. Аминь

Кондáк Богоро́дицы, глaс 6:

Предста́тельство христиа́н непосты́дное,/ хода́тайство ко Творцу́ непрело́жное,/ не пре́зри гре́шных моле́ний гла́сы,/ но предвари́, я́ко Блага́я,/ на по́мощь нас, ве́рно зову́щих Ти;/ ускори́ на моли́тву и потщи́ся на умоле́ние,// предста́тельствующи при́сно, Богоро́дице, чту́щих Тя.

Проки́мены:

Воскре́сный, глaс 3:

По́йте Бо́гу на́шему, по́йте,/ по́йте Царе́ви на́шему, по́йте.

Князей, глaс 7:

Честна пред господем/ смерть преподобных его́.

Прича́стны:

Воскре́сный:

Хвали́те Го́спода с небе́с, хвали́те Его в вы́шних.

Князей:

Ра́дуйтеся пра́веднии о Го́споде, пра́вым подоба́ет похвала́.

Аллилу́ия. (Трижды)

Канон святым Петру и Февронии

Песнь 1.

Песнь Твоему угоднику, на земли Тебе прославльшему, Петру принести, Боже, даруй ми, яко да Смыслодавца песньми возвеличу Тя.

Вас, преблажении, отечеству вашему, яко пресветлое солнце, Христос показа, чудесы всех озаряющее, верою к вам приходящих.

Песнь 3.

Безпомощным буди помощник, блаженне Петре, и печальным милостивное утешение, да твоими молитвами избавляеми, почитаем тя.

Якоже иногда змия убив, конечному безвестию предал еси, тако и ныне отечество борющих победи, треблаженне, да тя прославляем.

Седален, глас 4.

Благословенному и светоносному торжеству, якоже солнцу возсиявшему, Петра и Февронии, во всем мiре, к нимже стецемся, вернии, и непрестанно вопием сице: аще и преидосте от земли, преславнии, но нас не отлучистеся и тамо со ангелы Троице предстоите, Юже молите спасти души наша.

Песнь 4.

Яко ходатай и заступник отечеству твоему, яко сопротивных решитель буди, заступая люди твоя, тебе, Петре, славящия.

Яко в Небесных обителех с преподобными и праведными веселяся, преблаженне Петре купно с Феврониею, не престай моля о людех твоих.

Песнь 5.

Земля освятися, приемши честная телеса ваша, богоблаженни Петре и Февроние, человецы же, приемлюще вами исцеление, Христа славят, искренно вас прославльшаго.

Аще и преидосте от земли, но к Небесным доспесте, и тамо со Ангелы Троице предстасте, Юже молите спасти любовию вас почитающих, блажении.

Песнь 6.

О, пречестная двоице! О велицыи светильницы! Освятите и прославите любовию вас в песнех славящих, чудотворцы.

Яко пресветлая двоице и яко пречестная верста и благосочетание, ярем Господень вземше, Тому от души поработасте.

Кондак, глас 8.

Подобен: Взбранной:

Мiра сего княжение и славу временну помышляя, сего ради благочестно в мiре пожил еси, Петре, купно и с супружницею твоею, премудрою Феврониею, милостынею и молитвами Богу угодивше. Темже, и по смерти неразлучно во гробе лежаще, исцеление невидимо подаваете, и ныне Христу молитеся, сохранити град же и люди, иже вас славящих.

Икос:

Уясни язык мой, Спасе, и умири сердце мое, разшири уста моя и наполни Духа и премудрости, да имиже возглаголю и воспою сице Твоя чудотворцы: радуйся, Петре блаженне, с прехвальною Феврониею вкупе. Радуйтеся, земли Российстей заступницы и князем православным помощницы. Радуйтеся, отечеству вашему хранители и граду нашему утверждение. О пречестная двоице и благое сопряжение, Христу молитеся сохранити град и люди, вас славящих.

Песнь 7.

В болезни к тебе прибегающих избавляй, преблаженне Петре купно с Феврониею, Христу вопиющих: отец наших Боже, благословен еси.

Всем пристанище будите, преблажении, и небурное отишие сущим во гресех, да и мы с вами Христу возопием: отец наших Боже, благословен еси.

Песнь 8.

Очисти и прости согрешения наша, Безгрешне, молитвами Твоих угодник, Петра и Февронии, да поем Тя, Христе, во веки.

Иже от сердца рукою недостойною приносимое вам хваление, блажении, приимите, и мольбу сотворите о нас ко Христу Богу.

Песнь 9.

От юности вашея чистую совесть имуще к Богу, сего ради благочестно поживше, к вышним преидосте. Молите Христа о нас, да вас любовию почитаем.

Яко предстояще Святей Троице с преподобными и праведными, молитеся, блажении, избавити нас всякаго прещения и гнева, да вас непрестанно величаем.

Свэти1ленъ. Под0бенъ: Посэти1лъ ны2:

И5же благочeстнw прaзднующымъ пaмzть вaшу, бGоблажeнніи пeтре и3 феvрHніе, вкyпэ ми1рнw пожи1вше и3 благочeстнw, моли1те хrтA, грэхHвъ њставлeніе даровaти рабHмъ вaшымъ.