Чюдо первое преподобнаго отца Никодима до преставления за десять лет, како явися корабленик на мори и избави их от истопления морскаго.

РНБ Q. I. 1390.

Первый лист утрачен.

(л. 2) Древнии обыкоша преписовати ради бо от сих прибывающия ползы. Нам же ныне напоследок, вонь же кончина век достиже, наипаче нужно есть сие. И се убо ныне приспе новый праздник предивныя и честныя памяти преподобнаго отца нашего Никодима, о его же ныне житии понудихомся написати в славу Сына Божия, избравшаго своего раба и целити ему даровавша душевныя и теле//(л. 2 об.)сныя страсти. Не о ухищрении же словес пекущеся, но святаго сего призывающе к Богу на молитву, простыми словесы написахом боголюбивым и благонравным на послушание и ползу. Многими бо денми томим и превлачим любовию ко преподобному и хотящу ми малое принести некое, но свою немощь зряще недостижно ко оному величеству, и удержавахся. Паки же до конца оставити и обленитися тяжчайше вмених быти.//(л. 3) И сего ради на Бога надежду возложих и на того угодника, дерзнух на дело выше меры моея, прияхся убо мало от жития преподобнаго написати, елико Бог подаст ми и елико слышах от сказателей, иже ми поведаша достовернии мужие и самовидцы жития преподобнаго.

Сей преподобный отец наш Никодим родися близ града Ростова в веси, нарицаемой Иванково, и наречено бысть имя ему во//(л. 3 об.) святом крещении Никита. А от киих по плоти родителей родихся, не вем, но едино вем, яко от благочестивых родителей родися, духовным же рождением, отца убо имеяй Бога, иже водою и Духом Святым породи того, матерь же – правоверну церковь Отчю, тем же и воспитан бысть в добром исповедании. И еще ему юну сущу, изыде со скоты в пусто место, и слышит глас свыше, глаголющ сице: «Никодиме, Ни//(л. 4)кодиме!» Он же, слышав той глас, зело почудися о необычном том гласе. И зряще семо и овамо, хотя видети, кто есть глаголяй и откуду бысть глас той, но не обретеся никто же на том месте. Но обаче часто воспоминаше глас той и глаголаше: «Что сие хощет быти?» Не по мнозе же времени родителие его преставистася от временныя сея жизни на вечный покой.

Блаженный же//(л. 4 об.) Никита по преставлении родителей своих преселися во град Ярославль, и тамо пребысть время доволно, и изучися тамо ковати малаго гвоздия. Таже паки оставль град Ярославль, прииде в царьствующий град Москву, и бысть житель в царьствующем том граде, и труждаяся делающе своими руками, и яже ему что Бог подаваше, и тем питашеся, излишняя же подаваше нищим. Часто же//(л. 5) к Божиим церквам хождаше и прилежныя своя молитвы со многим благоговением возсылаше ко Богу о своем спасении и с великим страхом слушая Божественнаго писания.

Имеяше же близ себе живуща человека пришелца же и единохудожна себе от града Твери. Человек же той, имея у себе жену, бяше же блудница, зело прокудива. И во един убо от дней свари та блудная жена некоторую ядь, именуемую кисель,//(л. 5 об.) со отравою, во еже уморити мужа своего злою смертию. Прииде же человек той в дом свой, поим с собою и блаженнаго Никиту, яко да обедует с ним в дому его, не ведый ничто же и сих, яже сотвори злохитрая жена его. Яде же человек той ядь, ея же выше помянухом, и от того умре злою смертию. Яде же с ним и блаженный Никита, и от сего прият болезнь велию во утробе своей. И бысть// (л. 6) в болезни той время немало, обаче же сохрани его Бог от злыя тоя смерти, яже под`ят подруг его.

Некогда же седящу ему по обычаю на месте своем, идеже обыче продаяти случившаяся ему. И се прииде к нему некий муж, носяй одеяние стамбредное, и глагола к нему: «Никито, чим болиши и что ти бысть приключившееся? Повеждь ми все подробну без всякаго сомнения». Блаженный же//(л. 6 об.) Никита сказа ему вся случившаяся ему подробну, сице глаголя: «Имех аз, – рече, – некоего человека единохудожна мне от града Твери, иже зело мя любляше. Имеяше же человек той жену блудницу велми прокудиву. И во един убо от дней свари жена его некоторую ядь, именуема кисель, со отравою, дабы уморити мужа своего. Человек же той, егда пойде в дом свой хлеба ясти, поим с со//(л. 7)бою мене, яко да обедую с ним вкупе, ничто же нам сведущим, яже сотвори злохитрая та женище. Ядущим же нам, и насытихомся, и благодарихом Бога. И по ядении аз изыдох из дому его. Он же от того часа впаде в болезнь велию и вскоре умре злою смертию. Такожде и аз от того времени болезнь велию приях во утробе моей и пребываю, яко же мя зриши и до ныне страждуща». Отвещав же ему,//(л. 7 об.) отвещав же ему паки пришедый той муж и рече: «Прииди, чадо Никито, в шестый час дне ко храму Пресвятыя Владычицы Нашея Богородицы и Приснодевы Марии к честному Ея Покрову на ров. И тамо мя узриши, и дам ти нечто пити, и молитвы Пресвятыя Богородицы помогут ти». Блаженный же Никита по словеси мужа того едва прииде на показанное ему место и абие узре преждереченнаго оного мужа к себе идуща и в руце своей держаще мал//(л. 8) сосудец. И повеле блаженному Никите знаменатися Животворящего Креста Господня знамение, и даде ему пити от сосуда того. И тако блаженный от того часа бысть здрав.

Не по мнозе же времени прииде блаженный Никита на Кулишки, в то же время на Кулишках живяще некий человек в наземной кущи именем Илиа. И глагола блаженному Никите пророческим гласом: «Откуду семо прииде Хоз`югский пустынник?»//(л. 8 об.) Никита же не разуме тогда, что глагола Илиа оный, но обаче внимаше себе и непросту вещь быти помышляше. Оттоле убо блаженный начат помышляти, како уединитися мира и спастися. И в помышлении дело бысть, еже Божий благодати поспешествующи, оставляет убо мир сей и яже в нем вся суетная века сего, и приходит убо блаженный в монастырь великаго Божиа архистратига Михаила, иже//(л. 9) и Чюдов наречется, ко архимариту Пафнотию припадая и моляся ему со многим смирением и благопокорением, прося благословения и молитвы. Архимандрит же Пафнотий благослови его и рече к нему: «Что есть пришествие твое, чадо, к нам, нищым?» Блаженный же Никита поверже себе на землю пред ногами его со многим умилением и жалостотворными сердечными слезами и молит его, да облечет//(л. 9 об.) его во иноческий образ. Видев же архимандрит Пафнотий благое его произволение, и боголюбивый его нрав, и непреложное мудрование, и многое тщание, и глубокое смирение его, и прозря, яко добродетелное в нем житие имать быти равноангелно и всячески достойно ангелскаго образа, и нарече имя ему Никодим, нареченное ему//(л. 10) прежде свыше. Приим же его архимандрит Пафнотий себе во ученичество

Блаженный же Никодим со от`ятием власов всю волю свою отверг и во всем отца своего послушаше без разсуждения. Сие бо прежде всего постризающимся подобает вначале хранити, еже не имети своея воли, но держати послушание и смирение и мудрость, понеже послушание есть жизнь вечная, небесная лествица, восход сокращен, богатство//(л. 10 об.) венцем, ангелское дело, безстрастия течение, небошественное хождение и прочее. Егда же преидоша четыредесять дней, повеле архимандрит блаженному Никодиму монастырския службы проходити и труждатися и на святую братию. Он же со многим тщанием отца своего послушаше, и заповеданныя ему службы добре храняше, и труды ко трудом прилагаше. И толика страдания прохождаше, яко в//(л. 11)сем дивитися жестокому житию его, и всем любогорети к нему. Бе бо кроток, смирен, послушлив, нестяжателен, братолюбив, ядение же и питие без молвы держаше со удержанием и мало глаголаше, множае же разумеваше и недерз бываше словом, не пререковаше в речех, долу очи имея, а душу горе, в скорбех терпелив и во всем смирен бываше, величания ненавидя и не оплеташеся//(л. 11 об.) житейскими (Ср. 2 Тим 2:4). Паче всех человек грешнейша себе помяшляше быти пред Богом и человеки, ни о ком ничто же глаголаше, не держа гнева ни на кого же. Святое же и страшное пришествие Господне всегда помышляше, и изшествие отсюду, и приуготованная благая святым. Тем же, во плоти сый, безплотных жителство являше, воздержанием же и терпением многим вся страсти плотьския умерщвляя мудростию, му//(л. 12)жеством и целомудрием. Сих четырех добродетелей благолепием украшен, аки четвероконною колесницею к горнему Иерусалиму течаше. И все свое тщание на стяжания вечных благ предлагая, показуя себе небеснаго гражданина.

Таже архимандрит Пафнотий научи его и Божественному Писанию, по сих же вручив ему службу кандиловжигателную. Блаженный же Никодим, приим службу сию, со вся//(л. 12 об.)ким усердием и тщанием храняше, в церкви же стояше со многим страхом, и благоговением, и молчанием, и со всяким прилежанием и вниманием, слушая божественнаго пения и писаний прочитания, им же умудряющеся на спасение, чистоту же велми соблюдаша, понеже украшение суще всего монашескаго жития. Тем же и пищу умалену имеяше, постом убо выну, и бдением, и молитвою, и всенощ//(л. 13)ным стоянием сердце свое согнетая, и весма в любовь Божию предаде себе, и во всем угождая Богу, воспоминая смертный час, и страшный он хотящий быти праведный суд, и воздаяние комуждо по делом его. Братиям же всем удивляющимся доброму его произволению яве, яко на великий успех всем бываше. И бысть ту всеми любим и почитаем. Пребысть же во обители ве//(л. 13 об.)ликаго Божия архистратига Михаила десять лет и едино, со всяким тщанием и усердием работая Господеви, в безмолвии твердым умом и жестокими труды себе дручаше.

Таже отец его и учитель архимандрит Пафнотий возведен бысть на архиерейский святителски престол на Крутицы, поим же с собою и ученика своего Никодима. Пребысть же блаженный Никодим со старцем своим и с митрополи//(л. 14)том Пафнотием на Крутицах лето едино, повинуяся ему во всем, яже ему что заповедоваше. Блаженный же Никодим с радостию все творяше и ни в чем отцу своему пререковаше. Нача же блаженный помышляти в себе, како бы ему избежати славы сея временныя, и пустынное безмолвное житие обрести, и единому Богу работати. Приходит убо ко отцу своему и учителю митрополиту Пафнотию// (л. 14 об.) и припаде к ногама его, начат молити со всяким прилежанием, вкупе же и благословения прося, дабы отпустил его в желаемый ему путь. Митрополит же Пафнотий, много молив его пребывати с собою, велми бо любляше блаженнаго послушания его ради и глубокаго смирения. Блаженный же болма начат молити отца своего, уязви бо ся сердце его любовию Господнею. Митрополит же Пафнотий, видев//(л. 15) боголюбивый его нрав, и непреложное мудрование, и единомыслие, еже к Богу, многодуховне наказав и доволно поучив от Божественнаго Писания, и молитву о нем сотвори ко Господу Богу, и благослови его, дав ему оружие непобедимое икону Пресвятыя Владычицы Нашея Богородицы и Приснодевы Марии с Превечным Младенцем Господем Нашим Иисус Христом, и прирече к нему: «Иди, чадо, с миром, Господь да будет с тобою, и вразумит тя, и//(л. 15 об.) наставит тя на благую детель. И яко же изволит и молитвы Пресвятыя Владычицы Нашея Богородицы помогут ти».

Преподобный же Никодим, егда благословение получи, радости духовныя наполнився, оставляет убо царьствующий град Москву, устремися к морским странам, яко елень потече, радуяся душею, хвалу воздавая Богу, и рече: «Настави мя, Господи, на путь твой. И пойду во истинне твоей» (Пс 85:11). И паки рече://(л. 16) «Господь просвещение мое и спаситель мой, кого убоюся?» (Пс 26:1) И прочая. И яко на показанное ему место идяше, и прииде близ великаго моря окияна в Каргополския пределы в Кожеозерский монастырь, принесе с собою икону Пресвятыя Владычицы Нашея Богородицы и Приснодевы Марии, ею же благослови отец его. Есть же та Пресвятыя Богородицы икона и доныне во обители славима и покланяема от всех.

Пребысть же преподобный во обители лето едино//(л. 16 об.) и месяц шесть, труждаяся на братию со всяким смирением и благопокорением к настоятелю и братии в поварни, и в пекарни, и во всех службах монастырских. И всем на успех бысть ту сущей братии, иже ко спасению, к церкви же безпрестанно хождаше, и прежде всех обреташеся на пении церковнем. Велми бо подвизашеся преподобный, да никто же, прежде его востав, внидет во святую церковь, к сему же и глубокое смирение и безмолвие//(л. 17) любляше зело. И бысть ту всеми любим и почитаем добродетелнаго ради жития его.

Преподобный же Никодим, не хотя славы ради земныя будущия славы лишитися, и тяжко внять о сем, и вменяше сие быти в грех и студ. Рече бо великий Афанасий: «Яко же ржа снедает железо, сице снедается инок от славы человеческия, аще сердце его прилпнет к ней». Отходит убо преподобный от обители//(л. 17 об.) во внутреннюю пустыню на реку именуемую Хоз`юга. И збысться пророчество оного человека Илии, еже глагола ему древле, егда прииде на Кулишки прежде пострижения, яко хоз`юский пустынник пришел. Место же то, идеже преподобный вселися в пустыни, не утешно бяше, округ себе имея мхи и блата. Устроив же себе преподобный келлийцу малу токмо в меру единаго человека близ реки Хозюги на край блата, и вселися в ню,//(л. 18) радуяся, и безмолствоваше, благодаря Бога и Пречистую Его Богоматерь. И ту начаша жити в пощении выну, и бдении, и в молитве со многими слезами, и труды ко трудом прилагаше, и глаголаше к себе: «О смиренный Никодиме, се обрел еси место безмолвно еже ко спасению, воспряни убо в малое сие время и подвизайся во единонадесятый час, вечер бо приближился есть, и мздодавец Христос грядет со//(л. 18 об.) славою, воздати хотя комуждо противо делом его». Сице преподобный учаше себе безпрестанно и выше меры воздержевашеся, трудолюбне удручая плоть свою и во всем исправляя безмолвие, и вооружашеся духом “не к крови и плоти, но к началом и властем и к миродержителем тмы”, яко же глаголет апостол, “к духовом лукавым” (Еф 6:12), верою и терпением побеждаша. И никогда же уста//(л. 19) его праздна бываху славословия Божия, многая же и неизреченная вначале прият досаждения, иже подробну невозможно изрещи злокозненныя прелести их. Хотяше бо преподобнаго отлучити от места того. Он же, Божиею благодатию поспешествующи ему, никако же устрашаяся стремления их, и ознамением крестным себе ограждаше, и яко от некоего каменнаго вержения сих без вести сотворяя, от лая//(л. 19 об.)ния же их невредим пребываше. Ревноваше же преподобный попремногу житию великих и преподобных отец Антонию Великому, и Анофрию, и Павлу Фивейскому, воспоминая часто во уме своем великое их терпение, и зелно воздержание, и пустынное озлобление, и сих в молитвах своих призывая на помощь себе, труждаяся богоугодне молитвою, и бдением, и постом, и всякими добродетелными нравы. Бдение же его толико//(л. 20) бысть, яко мало сна приимаше и сего не на ложи, но стояще, ужема некако подержиму, аще же когда утруждься ногами, то седя мало спаше. Тем же во образе ангелском, аки безплотен, показася. Пища же ему бяше былие пустынное, собираше и сим питашеся, иногда же лес секуще и землю копающе, сеюще овощь, глаголемую репу. И яже ему что Бог подаваше, часть себе оставляше, прочае же отсылаше братии в мо//(л. 20 об.)настырь, ловяше же преподобный и рыбу малою удицею. И егда же хотяше рыбы вкусити, то прежде квасяше ю, дондеже червию исходити из нея, тогда ядяше ю, млека же кравия, егда прииде в пустыню, посылаемаго к нему от обители, мало ядяше, последи же и сего весма отречеся воздержания ради.

Прелукавый же враг диавол, не терпя надолзе от святаго себе досаждаема и попираема быти, нача воздвизати рать на преподобнаго. И//(л. 21)дяше убо некогда преподобный к реце почерпсти воды, и егда прииде к реце, и се видит на краи брега жену лежащу мертву, в червленое одеяну. Помысли же преподобный во уме своем, сице глаголя: «Откуду и како бысть се, яко ниоткуду никакова пути пустыни сей не прилежит, а сей труп како обретеся на месте сем в непроходимей сей пустыни?» И от сего разуме, яко бесовское мечтание есть, и прекрестився крестным знамением//(л. 21 об.) с молитвою, сице глаголя: «Да воскреснет Бог, и расточатся врази его, и да бежат от лица его вси ненавидящии его» (Пс 67:2). И ударив жезлом своим по явльшейся ему жене, сведый о сем, яко прелесть есть. И абие бысть древо гнило и паки рече преподобный: «Радуйся, кресте Господень, прогоняяй бесов силою на тебе пропятаго Господа Нашего Иисуса Христа» и прочая. Сие же бысть бесовским наветом, хотяше бо окаянный преподобнаго соблазнити//(л. 22) и в ров отчаяния низринути своим злохитрством и прелестию. Егда же пойде преподобный к келлии своей, нача молитися Богови, сице глаголя: «Владыко Господи Иисусе Христе Сыне Божий Слово Отчее, не посрами на тя уповающих и прибегающих к тебе, человеколюбче Боже, всякаго утешения, щедрый и милостивый Господи, иже прежде век, и ныне, и всегда сый, отжени от мене раба Твоего, востающаго на мя и борющагося со мною беса, се бо, яко лев зияя,//(л. 22 об.) хощет пожрети мя (1 Петра 5:8). И не предаждь мене обидящым мя, яко благословен еси во веки. (Пс 118:121) Аминь».

Видев же убо сие сатана, иже искони бе ненавидяй добра и человеконенавидец, множайшее терпение, и любов, и прилежание его еже к Богу. Разгневав же ся и разсвирепев велми на преподобнаго, и прииде с привидением к нему со множайшими силами, да поне тако устрашив преподобнаго, всякими виды претворившеся, велми ревуще, и претяще,//(л. 23) и зубы своими скрежуще, и глаголюще: «Изыде, окаянне, ис пустыни сея. Что ти есть приобретение в пустыни сей? Изыде, окаянне, изыди, дондеже не убием тя». Преподобный же, став на молитву, воздев на высоту руце и рече: «“Боже, в помощь мою вонми, Господи, помощи ми потщися, да постыдятся и посрамятся вси ищущии душу мою” (Пс 69:2-3). Се, Господи, “умножишася паче влас главы моея” (Пс 68:5). “Ты же, Господи мой, не удали щедрот твоих от мене, милость твоя//(л. 23 об.) и истина Твоя, выну да заступит мя” (Пс 39:12), услыши молитву мою, Господи, и моление мое внуши, “а не когда порадуются врази мои” (Пс 37:17), “пролей на ня гнев твой и ярость гнева твоего да постигнет их” (Пс 68:25), благий Господи». Абие словом сим, аки стрелою, уязвени быша и, яко дым, исчезоша, преподобный же, радости духовныя исполнився, и начат благодарныя молитвы пети сице: «Хвалю тя, создателю мой Господи, и благословлю имя Твое святое, “препетое//(л. 24) и превозносимое во веки” (Дан 3:52, 53, 54), яко не предал мя еси ищущим и “враждующим на мя всуе” (Пс 3:8)».

Видев же окаянный диявол, яко ни тако возможе отгнати преподобнаго от места того, паки ину рать возставляет на преподобнаго. Помысли бо окаянный тако глаголя, яко «сице сотворю ему, да и не хотящу ему изыти ис пустыни сея, то и неволею изыдет». Прииде же окаянный диавол и келлию преподобнаго огнем запали. Видев де преподобный беду//(л. 24 об.) велию сию, поверже себе на землю, со многыми слезами начат молитися Господеви, сице глаголя: «Не посрами мя, Господи, раба Твоего, в час сей, но сотвори со мною по кротости твоей и по множеству милости твоея “изми мя по чудесем твоим, и даждь славу имени твоему, Господи, и да посрамятся вси являющии рабу твоему злая” (Дан 3:43-44)». И паки рече преподобный: «Аще, Господи мой, и огнем сим сожжен буду, ис келлии же моея никако же изыду//(л. 25) твоея ради любве. И да сопричтуся святым твоим мучеником, иже Тебе ради плоти своя огню предаша, да вечную твою славу и неисповедимую радость получат». Видев же Господь веру и терпение преподобнаго своего, запрети огню невидимою своею силою. И вскоре от запада прииде туча велия, со многим дождем излияся над келлию преподобнаго, яко река, и абие погасе огнь. Преподобный же нимало врежден бысть огнем тем, “хранит бо Господь препо//(л. 25 об.)добных своих”, яко же рече пророк (Пс 96:10). Преподобны же восприим хвалу святых триех отроков и начат пети, сице глаголя: «Благословен еси, Господи Боже отец наших, и препетый и превозносимый во веки» (Дан 3:52). И ина таковая благодарственная пения воздав Богови. Последи же мнозии видевше келлию преподобнаго, како опалена бысть от диавоскаго действа.

Иногда же, паки//(л. 26) молящуся преподобному, лукавии демони, преобразившеся в человеческий образ, приидоша ко преподобному, яко лютии разбойницы, и еже что обретоша у преподобнаго нужная потребная, все пограбивше, поидоша по пустыни. Преподобный же нимало о сем опечалися, но все упование свое возложи на Господа и пребысть яко столп непоколебим, поя и моляся прилежно Богу, яко да подаст ему победу и одоление на//(л. 26 об.) диавола. Они же лукавии демони, много по пустыни ходивше, паки приидоша к келлии преподобнаго и, еже ношаху, положивше, и рекоша ко преподобному: «О злый калугере, уже нас победил еси и ктому не имамы приити к тебе». Преподобный же, сотворив молитву и дунув нань, и рече к ним: «Господь да запретит вам, вселукавии демони». Они же абие словом преподобнаго, яко дым, исчезоша.

Сия же вся сам преподобный поведа еще в житии сем//(л. 27) некоему человеку именем Иоанну. Бе же той Иоанн послужил преподобному и в день преставления его, яко же слово напреди явит о сем. Аз же грешный, сия слышав от человека онаго Иоанна и от иных достоверных свидетелей о житии преподобнаго отца нашего Никодима, елико в начале пострада от бесов, егда прииде в пустыню сию, и написах памяти ради, да не забвены будут труды преподобнаго и многое его терпение, яже пострада Господа ради.//(л. 27 об.)

Паки же возвратимся на предидущее и о преподобнем отце, елико Господь подаст ми, побеседую вашей любви. Не о себе же сия пишу повести о преподобнем отце нашем Никодиме, но елико от достоверных свидетелей слышах сия, и писанию предаю. Паки же диавол ину рать немалу воставляет на преподобнаго, устрашая его, яко да отидет от места того. Воду убо, яже в реце Хоз`юзе, ратник возвышает на преподобнаго.//(л. 28) Толико убо возвысися вода и тамо сущия бреги, вся потопи ю, яко вмале видети верха ея. Преподобный же, вземше образ Пресвятыя Владычицы Нашея Богородицы, Ею же благослови отец его митрополит Пафнотий, и взыде на верх малыя келлии своея, и стояше на ней, аки на столпе, и моляшеся прилежно Всемилостивому Богу и Пречистей Его Богоматери, дондеже умалися вода, и вступи в пределы своя,//(л. 28 об.) и потече, яко же и прежде.

Некогда же в зимное время настоятель обители Кожеезерския посла некоторых от братий посетити преподобнаго. С ними же посла и от потребных ко преподобному в пустыню. Посланнии же, егда приидоша в пустыню и едва обретоша келлию преподобнаго, бяше бо ю от ветреныя великия бури знесло снегом, преподобный же под снегом, яко в пещере, пребываше и к Богу прилежныя своя молитвы возсыла//(л. 29)ше с теплыми слезами, в место же воды на потребу снег взимаше и сим потребна своя исполняше.

В то же время близ обители за езером живуще людие з женами и детми, идеже ныне скотской двор стоит, яко два поприща от обители. Тии же людие часто ко преподобному в пустыню прихождаху ради благословения и молитвы и приношаху к нему и от потребных по силе своей. Преподобный же приносимая ими, яко от Бога//(л. 29 об.) посылаемая, приимаше и о них Богу моляшеся. Некогда же приидоша ко преподобному от жителей тех нецыи, иже велию веру и любовь имуще ко преподобному, и начаша просити благословения, дабы их благословил поставити келлию ему новую, бяше бо первая его келлия скудна зело и от диаолскаго огненнаго запаления прогорела. Преподобный же возбраняше им и глаголя: «Не дейте мене, чада, яко да умру в сей моей малой ке//(л. 30)ллии». Они же, к нему любовию влекоми, наипаче начаша просити благословения, он же, видев веру их и любовь, еже к нему, рече к ним: «Яко же хощете, чада, творите». Они же, вземше благословение, начаша сооружати келлию и молитвами преподобнаго вскоре поставиша, к ней же и сенцы мало присовокупиша. Егда же устроися келлия, тогда паки приидоша ко преподобному, глаголюще ему: «Преиде, честный отче, в новую келлию». Преподобный же тя//(л. 30 об.)жко о сем внят и не хотяше разлучитися и изыти из малыя своея келлии. Егда бо прииде преподобный в пустыню, тогда своима рукама создаша ю себе, и того ради не хотяше изыти из нея. Аще и мала видением, но ему бяше велия и пространна и паче царьских чертог любяше ю. По сем по умолению их преиде в новую келлию, бяше же новая келлия от первыя растоянием, яко единою или дважды стрелою стрелити//(л. 31) вверх по реце. И ту преподобный доброе свое течение совершая еже к Богу. Бе бо уже преподобный к старости приближился еси. На месте же том, идеже бе первая келлия бысть, поставиша по преставлении преподобнаго Животворящий Крест Господень на поклонение приходящим и памяти ради, много бо преподобный на том искушения претерпе и озлобления от бесов, егда прииде в пустыню, яко же о сем прежде написах.

Близ же//(л. 31 об.) новыя келлии бысть ископана яма глубока, и тамо преподобный часто вхождаше и Богу молящеся в сокрушении сердца своего. Некогда же, вшедше в ню, и пребысть в ней четыредесять дней моляся, не ядый, ни пия ничто же, питаем Господнею благодатию. Сие же поведа некоторый иеромонах именем Феодосий, иже и поживе с преподобным лета два, много же моля преподобнаго преждереченный иеромонах, яко благословит его отити во внутре//(л. 32)ннюю пустыню и жити тамо единому. Преподобный никако же на сие благослови его, сведый жестоту жития пустыннаго и страшилища бесовская и прелесть. Феодосий же, аще и не благослови его преподобный, обаче отиде во внутреннюю пустыню, и вселися при той же реце Хоз`юге растоянием от пустыни преподобнаго пять поприщ, и пребысть в ней неколико время. И прелщен бысть от диавола, впаде в вещи неудобныя, созда убо жертов//(л. 32 об.)ник и начат литургисати един в неосвященнем храме, последи же уведено бысть то его неподобное дело игуменом Никоном и братиею. И того ради изгнан бысть из пустыни тоя, и сия убо до зде.

Мы же сие оставлше, паки о преподобном отце Никодиме повесть восприимем. Имяше убо преподобный во обители живуща некоего брата, добродетелна суща и по Бозе житие свое имуща, иже часто к нему из монастыря в пусты//(л. 33)ню прихождаше благословения ради и молитвы. Некогда же брат той послан бысть от игумена Аврамия и братии на Онегу реку в село монастырское, и тамо ему живущу. Преподобный же, наказав ко брату тому, яко да купит мало удиц и пришлет к нему в пустыню. Брат же той, егда сие услыша, аще и далече растояние имуще, но близ верою и любовию ко преподобному, вскоре повеленное исполняет, купив убо удицы, и завяза их во узел,//(л. 33 об.) положи же и сребрениц неколико и посла ко преподоному со знаемым человеком, яко да молит Бога о нем. Егда же прииде посланный от брата ко преподобному, и молитвовав у келлии, преподобный же отверже оконца мало и, видев человека онаго пришедшаго и просяща благословения себе и пославшему его брату, подая узол. Преподобный же прежде взятия узла рече принесшему: «Чадо, развяжи узел сей, яже есть в немнем среб//(л. 34)рениц, то возми себе. Удицы же подаждь мне». Взем же преподобный удицы, человеку же оному отдаде сребреницы, и подав ему благословение, отпусти в монастырь. Он же отиде, зело чудяся о сем, како провиде преподобный прозорливыма очима и сказа ему все подробну о вещи. Сие же написах, не вещи удивляяся, но дару благодати Святаго Духа, юже даде Господь своему рабу зрети умныма очима безвестная и тайная.// (л. 34 об.)

РНБ Q. I. 1390.

Первый лист утрачен.

(л. 2) Древнии обыкоша преписовати ради бо от сих прибывающия ползы. Нам же ныне напоследок, вонь же кончина век достиже, наипаче нужно есть сие. И се убо ныне приспе новый праздник предивныя и честныя памяти преподобнаго отца нашего Никодима, о его же ныне житии понудихомся написати в славу Сына Божия, избравшаго своего раба и целити ему даровавша душевныя и теле//(л. 2 об.)сныя страсти. Не о ухищрении же словес пекущеся, но святаго сего призывающе к Богу на молитву, простыми словесы написахом боголюбивым и благонравным на послушание и ползу. Многими бо денми томим и превлачим любовию ко преподобному и хотящу ми малое принести некое, но свою немощь зряще недостижно ко оному величеству, и удержавахся. Паки же до конца оставити и обленитися тяжчайше вмених быти.//(л. 3) И сего ради на Бога надежду возложих и на того угодника, дерзнух на дело выше меры моея, прияхся убо мало от жития преподобнаго написати, елико Бог подаст ми и елико слышах от сказателей, иже ми поведаша достовернии мужие и самовидцы жития преподобнаго.

Сей преподобный отец наш Никодим родися близ града Ростова в веси, нарицаемой Иванково, и наречено бысть имя ему во//(л. 3 об.) святом крещении Никита. А от киих по плоти родителей родихся, не вем, но едино вем, яко от благочестивых родителей родися, духовным же рождением, отца убо имеяй Бога, иже водою и Духом Святым породи того, матерь же – правоверну церковь Отчю, тем же и воспитан бысть в добром исповедании. И еще ему юну сущу, изыде со скоты в пусто место, и слышит глас свыше, глаголющ сице: «Никодиме, Ни//(л. 4)кодиме!» Он же, слышав той глас, зело почудися о необычном том гласе. И зряще семо и овамо, хотя видети, кто есть глаголяй и откуду бысть глас той, но не обретеся никто же на том месте. Но обаче часто воспоминаше глас той и глаголаше: «Что сие хощет быти?» Не по мнозе же времени родителие его преставистася от временныя сея жизни на вечный покой.

Блаженный же//(л. 4 об.) Никита по преставлении родителей своих преселися во град Ярославль, и тамо пребысть время доволно, и изучися тамо ковати малаго гвоздия. Таже паки оставль град Ярославль, прииде в царьствующий град Москву, и бысть житель в царьствующем том граде, и труждаяся делающе своими руками, и яже ему что Бог подаваше, и тем питашеся, излишняя же подаваше нищим. Часто же//(л. 5) к Божиим церквам хождаше и прилежныя своя молитвы со многим благоговением возсылаше ко Богу о своем спасении и с великим страхом слушая Божественнаго писания.

Имеяше же близ себе живуща человека пришелца же и единохудожна себе от града Твери. Человек же той, имея у себе жену, бяше же блудница, зело прокудива. И во един убо от дней свари та блудная жена некоторую ядь, именуемую кисель,//(л. 5 об.) со отравою, во еже уморити мужа своего злою смертию. Прииде же человек той в дом свой, поим с собою и блаженнаго Никиту, яко да обедует с ним в дому его, не ведый ничто же и сих, яже сотвори злохитрая жена его. Яде же человек той ядь, ея же выше помянухом, и от того умре злою смертию. Яде же с ним и блаженный Никита, и от сего прият болезнь велию во утробе своей. И бысть// (л. 6) в болезни той время немало, обаче же сохрани его Бог от злыя тоя смерти, яже под`ят подруг его.

Некогда же седящу ему по обычаю на месте своем, идеже обыче продаяти случившаяся ему. И се прииде к нему некий муж, носяй одеяние стамбредное, и глагола к нему: «Никито, чим болиши и что ти бысть приключившееся? Повеждь ми все подробну без всякаго сомнения». Блаженный же//(л. 6 об.) Никита сказа ему вся случившаяся ему подробну, сице глаголя: «Имех аз, – рече, – некоего человека единохудожна мне от града Твери, иже зело мя любляше. Имеяше же человек той жену блудницу велми прокудиву. И во един убо от дней свари жена его некоторую ядь, именуема кисель, со отравою, дабы уморити мужа своего. Человек же той, егда пойде в дом свой хлеба ясти, поим с со//(л. 7)бою мене, яко да обедую с ним вкупе, ничто же нам сведущим, яже сотвори злохитрая та женище. Ядущим же нам, и насытихомся, и благодарихом Бога. И по ядении аз изыдох из дому его. Он же от того часа впаде в болезнь велию и вскоре умре злою смертию. Такожде и аз от того времени болезнь велию приях во утробе моей и пребываю, яко же мя зриши и до ныне страждуща». Отвещав же ему,//(л. 7 об.) отвещав же ему паки пришедый той муж и рече: «Прииди, чадо Никито, в шестый час дне ко храму Пресвятыя Владычицы Нашея Богородицы и Приснодевы Марии к честному Ея Покрову на ров. И тамо мя узриши, и дам ти нечто пити, и молитвы Пресвятыя Богородицы помогут ти». Блаженный же Никита по словеси мужа того едва прииде на показанное ему место и абие узре преждереченнаго оного мужа к себе идуща и в руце своей держаще мал//(л. 8) сосудец. И повеле блаженному Никите знаменатися Животворящего Креста Господня знамение, и даде ему пити от сосуда того. И тако блаженный от того часа бысть здрав.

Не по мнозе же времени прииде блаженный Никита на Кулишки, в то же время на Кулишках живяще некий человек в наземной кущи именем Илиа. И глагола блаженному Никите пророческим гласом: «Откуду семо прииде Хоз`югский пустынник?»//(л. 8 об.) Никита же не разуме тогда, что глагола Илиа оный, но обаче внимаше себе и непросту вещь быти помышляше. Оттоле убо блаженный начат помышляти, како уединитися мира и спастися. И в помышлении дело бысть, еже Божий благодати поспешествующи, оставляет убо мир сей и яже в нем вся суетная века сего, и приходит убо блаженный в монастырь великаго Божиа архистратига Михаила, иже//(л. 9) и Чюдов наречется, ко архимариту Пафнотию припадая и моляся ему со многим смирением и благопокорением, прося благословения и молитвы. Архимандрит же Пафнотий благослови его и рече к нему: «Что есть пришествие твое, чадо, к нам, нищым?» Блаженный же Никита поверже себе на землю пред ногами его со многим умилением и жалостотворными сердечными слезами и молит его, да облечет//(л. 9 об.) его во иноческий образ. Видев же архимандрит Пафнотий благое его произволение, и боголюбивый его нрав, и непреложное мудрование, и многое тщание, и глубокое смирение его, и прозря, яко добродетелное в нем житие имать быти равноангелно и всячески достойно ангелскаго образа, и нарече имя ему Никодим, нареченное ему//(л. 10) прежде свыше. Приим же его архимандрит Пафнотий себе во ученичество

Блаженный же Никодим со от`ятием власов всю волю свою отверг и во всем отца своего послушаше без разсуждения. Сие бо прежде всего постризающимся подобает вначале хранити, еже не имети своея воли, но держати послушание и смирение и мудрость, понеже послушание есть жизнь вечная, небесная лествица, восход сокращен, богатство//(л. 10 об.) венцем, ангелское дело, безстрастия течение, небошественное хождение и прочее. Егда же преидоша четыредесять дней, повеле архимандрит блаженному Никодиму монастырския службы проходити и труждатися и на святую братию. Он же со многим тщанием отца своего послушаше, и заповеданныя ему службы добре храняше, и труды ко трудом прилагаше. И толика страдания прохождаше, яко в//(л. 11)сем дивитися жестокому житию его, и всем любогорети к нему. Бе бо кроток, смирен, послушлив, нестяжателен, братолюбив, ядение же и питие без молвы держаше со удержанием и мало глаголаше, множае же разумеваше и недерз бываше словом, не пререковаше в речех, долу очи имея, а душу горе, в скорбех терпелив и во всем смирен бываше, величания ненавидя и не оплеташеся//(л. 11 об.) житейскими (Ср. 2 Тим 2:4). Паче всех человек грешнейша себе помяшляше быти пред Богом и человеки, ни о ком ничто же глаголаше, не держа гнева ни на кого же. Святое же и страшное пришествие Господне всегда помышляше, и изшествие отсюду, и приуготованная благая святым. Тем же, во плоти сый, безплотных жителство являше, воздержанием же и терпением многим вся страсти плотьския умерщвляя мудростию, му//(л. 12)жеством и целомудрием. Сих четырех добродетелей благолепием украшен, аки четвероконною колесницею к горнему Иерусалиму течаше. И все свое тщание на стяжания вечных благ предлагая, показуя себе небеснаго гражданина.

Таже архимандрит Пафнотий научи его и Божественному Писанию, по сих же вручив ему службу кандиловжигателную. Блаженный же Никодим, приим службу сию, со вся//(л. 12 об.)ким усердием и тщанием храняше, в церкви же стояше со многим страхом, и благоговением, и молчанием, и со всяким прилежанием и вниманием, слушая божественнаго пения и писаний прочитания, им же умудряющеся на спасение, чистоту же велми соблюдаша, понеже украшение суще всего монашескаго жития. Тем же и пищу умалену имеяше, постом убо выну, и бдением, и молитвою, и всенощ//(л. 13)ным стоянием сердце свое согнетая, и весма в любовь Божию предаде себе, и во всем угождая Богу, воспоминая смертный час, и страшный он хотящий быти праведный суд, и воздаяние комуждо по делом его. Братиям же всем удивляющимся доброму его произволению яве, яко на великий успех всем бываше. И бысть ту всеми любим и почитаем. Пребысть же во обители ве//(л. 13 об.)ликаго Божия архистратига Михаила десять лет и едино, со всяким тщанием и усердием работая Господеви, в безмолвии твердым умом и жестокими труды себе дручаше.

Таже отец его и учитель архимандрит Пафнотий возведен бысть на архиерейский святителски престол на Крутицы, поим же с собою и ученика своего Никодима. Пребысть же блаженный Никодим со старцем своим и с митрополи//(л. 14)том Пафнотием на Крутицах лето едино, повинуяся ему во всем, яже ему что заповедоваше. Блаженный же Никодим с радостию все творяше и ни в чем отцу своему пререковаше. Нача же блаженный помышляти в себе, како бы ему избежати славы сея временныя, и пустынное безмолвное житие обрести, и единому Богу работати. Приходит убо ко отцу своему и учителю митрополиту Пафнотию// (л. 14 об.) и припаде к ногама его, начат молити со всяким прилежанием, вкупе же и благословения прося, дабы отпустил его в желаемый ему путь. Митрополит же Пафнотий, много молив его пребывати с собою, велми бо любляше блаженнаго послушания его ради и