Капитал ҚозҒалысы бойынша болатын операциялар есебі

Капиталдың қозғалысы бойынша операциялардың дұрыс көрсетілуінің маңыздылығы әрбір кәсіпорын үшін зор болып саналады. Төменде капиталдың қозғалысы бойынша тиісті опирациялар көрсетілген.

3.1 Төленбеген капиталдың есебі.Төленбеген капиталдың есебін жүргізу үшін 5110-ші «Төленбеген капитал » шотын пайдаланады. Бұл шотта заңды және жеке тұлғалардың шаруашылық серіктестіктің жарғылық қорына қосқан үлестері бойынша қарыздарының сомасы туралы ақпарат жинақталады.

5110 «Төленбеген капитал » шоты шоттардың Бас жоспарында, «Меншік капитал» ретінде саналса да, яғни баланстың пассивтік шоттарының қатарында болса да, ол өзінің табиғаты бойынша активтік шот болып табылады.

Сондай – ақ, 5110 шоты тек қана жалған капиталды көрсетеді, яғни ол бар болғаны табыс табуға арналған жалған капиталдарды тіркейді ( акцияларды, облигацияларды, кепілдік парақтарды т.б.), демек сол капиталдарға иелік құқығы бар екенін ғана білдіреді.

Жарияланған (белгіленген тәртіппен тіркелген) жарғылық қор сомасына 5110-ші «Төленбеген капитал » шоты дебеттеледі де, 50-ші «Жарғылық капитал» бөлімшесінің шоттары - 5020-ші «Жай акциялар», 5010 – ші «Артықшылықты акциялар» (Акциянерлік қоғамдарда) және 5030 – ші «Қосқан үлестер мен жарналар» ( серіктестіктердің акционерлік қоғамдардан басқа түрлерінде) шоттары кредиттеледі.

Жарғылық қорға салымдардың салынуының жүзеге асырылуына қарай 5110 – ші «Төленбеген капитал » шоты кредиттеліп отырады, ал салым шоттары дебеттеледі:

- материалдық емес активтерді жарғылық қорға жарна ретінде төлеу кезінде – 2730 шоты

- жерді, негізгі құралды, малды, аяқталмаған құрылыс обьектілерін жарғылық қорға жарна ретінде төлеу кезінде – 2410 шоты;

- материалдар мен тауарларды жарғылық қорға жарна ретінде толеу кезінде 1310, 1320 – 1330 шоттары;

- ақшалай қаражаттарды жарғылық қорға жарна ретінде аударған кезінде – 1010, 1030 шоттары дебеттеледі.

Егер де 5110 шотының дебеттік қалдығы болмаса, онда кәсіпорын өзінің жарғылық қорын толығымен қалыптастырғанын білдіреді.

5110-ші шоты бойынша аналитикалық есеп акционерлер ( қатысушылар, құрылтайшылар) бойынша жүргізіледі.

3.2 Қайтарылып алынған капиталдың есебі.Акционерлік қоғам акционерлердің жалпы жиналысында акциялардың наминалдық құнын ( бірақ ең төменгі деңгейден кем болуы керек), не жалпы акцияның шығарылуы көлемін қысқарту жөнінде шешім қабылдауына құқылы. АҚ заң актілерінде белгіленген тәртіп бойынша, алдын – ала өзінің барлық кредиторларын хабардар етіп отыруға міндетті.

Сонымен қатар, АҚ – ның кредиторлары қоғамның тиесілі міндеттерін орындаудан бас тартуына және олардың шеккен зияндарының орнын толтыруды талап етуге құқылы. Егер мұндай процедура оның жарғысында алдын – ала қарастырылмаған болса, онда олар өз меншік капиталын азайту үшін, мүдделі адамдардың берген отінішінің негізінде жасалған сот шешімдері керек.

Бұл жағдайда АҚ өзінің акциясын өз қызметкерлері мен жұмысшыларына олардың мүдделігі мен ынталылығын арттыру үшін қайта сатады. Сондықтан өз акцияларын нарықтық айналымға шығарады.

Қайтарып алынған капиталдың есебін жүргізу үшін 5110 – ші шоты арналған, ол 5020 және 5010 шоттарға қарағанда контрпассивтік шот болып табылады.

5110 шоттың дебеті акционерлердің меншігіндегі акцияларды қайтып сатып алынған құнын көрсетеді. Акцияларды қайтып сатып алған кезде: 5110 шоты дебеттеледі де және 1030, 1010, 1060 шоттары кредиттеледі.

Акционерлердің меншігіндегі акцияларды айналыстан шығару үшін, не болмаса оларды қайта тарату үшін акционерлерден қайтып сатып алынады. Қайтып сатып алынған акциялар наминалдық құны бойынша да, наминалдық құннан жоғары немесе төмен құны бойынша да сатып алынуы мүмкін:

1. Сатып алынған акциялардың нақты құны наминалдық (атауы) құнға тең болған жағдайда: 5110 шоты дебеттеледі де, және 1030, 1010 шоттары кредиттеледі.

2. Сатып алынған акцияның құны наминалдық құннан төмен болған жағдайда:

- сатып алу құнына:

5110 шоты дебеттеледі де және 1030, 1010 шоттары кредиттеледі;

- сома айырмасына, яғни акциялардың құны наминалдық құннан аз болған жағдайда:

5110 шоты дебиттеледі де және 5510 «Есептік жылдағы таратылмаған табыс» шоты кредиттеледі ( яғни ақша қаражаттары жеткіліксіз болған жағдайда оларға қосымша қаражаттарды қосымша қаражаттарды қосады).

3. Сатып алынған акйциялардың нақты құны наминалдық құннан жоғары болған жағдайда:

- сатып алу құнына:

5110 шоты дебеттеледі де, 1030, 1010 шоттары кредиттеледі;

- сома айырмасына, яғни акцияның құны номиналдық құнынан артық бағаға сатып алынған жағдайда:

5510 «Есептік жылдағы таратылмаған табыс» шоты дебеттеледі де, 5110 шоты кредиттеледі.

Егер де акциялар айналыстан шығарып алу үшін акционерлерден қайтып сатып алынса, онда мынадай шоттар кореспонденциясымен беріледі: 5020, 5010 шоттары дебеттеліп 5110 шоты кредиттеледі.

Егер де акциялар одан әрі сату мақсатында қайтып алынса, онда олардың наминалдық құны 5110 шоттың кредитінен 7470 «Бағалы қағаздарды сатудан алған шығыстары бойынша» шоттың дебетіне жатқызылады.

Акциялардың сатылатын құнына, олардың номиналдық құнының мөлшеріне 6280 «Бағалы қағаздарды сатудан алған табыстары бойынша» шоты кредиттеледі де, 1284 «Басқа да дебиторлар » шоты дебеттеледі. Егер де акцияның құны номиналды құнынан жоғары болса алынған айырма сомасына 1284 шоты дебеттеледі де, 5030 «Қосымша төленген капитал» шоты кредиттеледі.

Акционерлерден сатып алған акцияларды сатқан кезде қоғамның жарлық капиталы өзгермейді.

Қоғам келесі жағдайларда акцияны қайтып сатып алуға құқығы жоқ:

- қоғамның эмитенттелген акциялары толық төленгенге дейін;

- қоғамның шығарылған (төленген) жарлық капиталы қайтып сатып алынған нәтижесінде, тиесілі қоғам типтері үшін шығарылғаны (төленген) жарлық капиталының минималды деңгеиінен кем болса;

- қоғам ақцияны қайтып сатып алған шақта төлем қабілеттілігі жоқ болса немесе акцияны сатып алынған соң сондай жағдайға тап болатын болса;

- ақцияны сатып алатын кезінде қоғамның меншік капиталының көлемі қоғамның жарлық капиталына шығарылған (төленген) капиталдан кем болса.

Қайтып сатып алынған акцияның сны бүкіл қоғамның шығарған акцияның 25% - нен немесе қоғамның меншік капиталының 10% - нен аспауы керек.

Қоғамның акциясын сатып алу мәселесі сол қоғамның жалпы жиналысында шешіледі, осындай шешім шыққан соң отыз күннің ішінде аталған шешімді жүзеге асыруына болады. Сатып алынған акцияны қоғамның ұстаушы реестріне енгізеді.

3.3 Қосымша төленген капитал есебі.Қосымша төленген капитал дегенісіз – акционерлік қоғам өз акцияларын олардың атауы (наминалды) бағасынан жоғары бағаға сату нәтижесінде түскен сомасы (эмиссиялық табысы). Мұндай капиталдың (табыстың) есебі 5030-ші «Қосымша төленген капитал» шотында жүргізіледі.

Өз меншігіндегі акцияларды сатқанда 5030 шоты кредиттеліп, мына шоттар дебиттеледі: 1030, 1010.

Сатылған акциялар бойынша шоттарды төлеуге ұсынған кезде сатылған акциялардың тұрақты құны 1284 – шоттың дебеті мен 6280 – шоттың кредиті бойынша көрсетіледі.

Қосымша төленбеген капиталдың есебі. Капиталдың бұл түрінің есебі үшін 5420-ші «Қосымша төленбеген капитал» бөлімшесінің шоттары арналған. Бұл бөлімшенің қатарына мынадай синтетикалық шоттар кіреді:5420 – ші шот «Негізгі құралдарды қайта бағалаудан алынған қосымша төленбеген капитал» ; 5440 – ші шот «Инвестицияларды қайта бағалаудан алынған қосымша төленбеген капитал»; 5430 – ші шот «Басқа да қосымша төленбеген капитал». 5420 – ші «Қосымша төленбеген капитал» бөлімшесінің шоттарында құнсыздануға байланысты негізгі құралдарды, инвестицияларды және басқа активтерді қайта бағалаудан алынған капиталдың қалдықтары мен қозғалысы туралы ақпарат жинақталады.

3.4 Негізгі құралдарды қайта бағалау операциялары.Негізгі құралдарды, ұзақ мерзімге жалға алатын негізгі құралдарды, бітпеген (аяқталмаған) күрделі қаржы жұмсалымдары мен жабдықтарды қоса алғанда қайда бағалау заңға сәйкес негізгі қорларға индексация жасау тәртібі мен ережесін шаруашылық субьектісі өзі шешуге құқылы. Қайта бағаланған негізгі құралға төмендей корреспанденция жасалады.

Негізгі құрклдкарды (жерден басқа) қайта бағалау кезінде 2410 – 2931 шоттары дебеттеліп, 5420 шоты кредиттеледі, негізгі құралдардың қайта бағалануына байланысты олардың тозу сомасы ұлғайғанда 5420 шоты дебиттеліп, 2420 шоты кредиттеледі.

Негізгі құралдардың құнының өзгеруіне байланысты тозу сомасына да түзетулер жүргізеді.

Қайта бағаланған (дооценка) сомасы бөлінбеген табыстар шотына ай сайын кошірілуі қажет және осы есептің дұрыстығын тексеру үшін мынадай есептеулер жасалыпады:

№	Жазбалар мазмұны	Сомасы, тг
	Кәсіпорын 2005 жылы жол тегістегіш машинасын сатып алады делік.Пайдалану мерзімі 8 жыл. Амартизация нормасы 12,5% -машинаның бірінші қайта бағалануына дейінгі құны -1 – ші қайта бағалануына дейінгіесептелінген тозу сомасы	12.000 2.000
	Қайта бағалау нәтижесінде (01.10.05ж., 01.07.08ж.) машинаның құны мен тозу сомасы төмендегідей болды: -жол тегістегіш машинаның құны -машинаның тозуына байланысты есептелген сомасы -машинаның қайта бағаланған сомасы(236.390 – 12.000) - машинаның қайта бағаланғаннан кейін, қалыптасқан тозу сомасы (103.539 – 2.000 =101.539), енді осыдан машинаны пайдалану кезінде есептелген тозу сомасын шегереміз (64.339 теңге) -машинаның индексацияланған сомасы (224.390 – 37.200)	236.390 103.539 224.390     37.200 187.190
	Машинаның одан әрі қарай пайдалану барысында, яғни 2008 жылдың 1 қаңтарынан 2011 жылдың маусымына дейінгі кезенд жыл сайын бөлінбеген табыстарға көшірілетін соманың деңгейі мынаған тең (187.190 теңге/4,5 жыл)	41.597,78

Сонымен, кестеде көрсетілген есептеулердің қайта бағаланған негізгі құралдың сомасы мына төмендегі шоттарда көрініс табады, яғни 3 466,48 мың теңгесі 5420 шотының дебетінде және 5510 шотының кредитінде көрсетіледі.

Қайта бағалаудың сомасы тек негізгі құралдардың обьектісі есептен шыққан кезде ғана себебіне байланыссыз бөлінбеген табыстың сомасына көшіріледі.

Инвестицияны қайта бағалаудың операциялары бойынша. Инвестицияларды қайта бағалау белгіленген тәртіппен жүргізіледі. Инвестицияларды қосымша есептеу сомалары 5440 – ші «Инвестицияларды қайта есептеуден алынған қосымша төленбеген капитал» шотының кредиті бойынша көрініс табады:

Еншілес, тәуелді, бірлесіп бақыланатын, және басқа да шаруашылық серіктестіктердің жарғылық капиталын қайта бағалаудан түскен инвестицияның сомасына	2120 – 2310
Қаржылық инвестицияның қайта бағалаудан түскен сомаларына
Есептен шығарылған ұзақ мерзімді қаржылық инвестиция бойынша бағаланған сомасы:		5510,6280

5440 шотының дебеті ұзақ мерзімді инвестицияның құнының төмендігінен және олардың баланстық құнының азайғанын көрсетеді, ол кезде қайта бағаланған сомасының шегінде мына шоттар кориспонденцияланады:

- ұзақ мерзімді инвестицияның төмендеген құнына 1150, шоты кридиттеліп, 5440 шоты дебеттеледі.

- инвистицияның баланстық құнының азайған сомасына 2120 – 2130 шоттары кредиттеліп, 5440 шоты дебиттеледі.

Басқа да активтердің қайта бағаланумен байланысты опирациялары. Активтердің басқа түрлерін (шикізаттарды, материалдарды, сатып алынатын жартылай фабрикаттарды, отынды, дайын өнімді, тауарларды және басқаларын) Қайта бағалау операциялары үшін 5430 – ші «Басқа да қосымша төленбеген капитал» шоты пайдаланады. Шын мәнәіде бұл шот инвестиция – неттосы бойынша бағамның есептен шығарылатын кезеңіне дейінгі айырмасын есепке алу үшін пайдаланылады. Егер де инвестиция – неттосы шет елдегі бөлімшелерге берілсе, бағамдық айырманың жиынтық сомасы табыс ретінде 6250 шоттың кередиті бойынша көрініс табады, ал егер де ол шығыс ретінде танылса, онда ол 7430 шоттың дебеті бойынша көрініс табады.

Егер де доллар бағамы теңгеге шаққанда азайса, онда оның бағамдық айырмасы қаржылық инвестицияның қысқарғаны ретінде бағаланады және ол 5430 «Басқа да» шотының дебеті бойынша көрініс табады, ал егер де керісінше болса, онда 5430 шотының кредитінде көрсетіледі.

ОРЫТЫНДЫ

Осы курстық жұмысты қорытындылай келе мынадай байламға келуге болады: әрбір кәсіпорын немесе шаруашылық өздерінің құрылуы барысында өздерінің меншікті капиталын құруы тиіс. Кәсіпорынның меншікті капиталы өздерінің салымшыларының салымдары, ақшалай, заттай және басқадай түрде қоғамға қосқан үлестері негізінде құрылады.

Кәсіпорынның қолданыстағы капиталы және оның құрамы мен құрылымы бухгалтерлік баланстың активінде көрсетіледі, ал капиталдың қаржыландыру көздері баланстың пассивінде көрсетіледі.

Капиталы жоқ кәсіпорындар кәсіпорын болып саналмайды, өйткені онсыз олар өз жұмысын жүзеге асыра алмайды. Сондықтан да әрбір кәсіпорынның өз капиталы болуы және де оны бірте – бірте көбейтіп отыруы, пайда әкелуі тиіс.

Ұйымдарда меншікті капиталдың қолданылуына байланысты барлық мүлкі айналыстағы және айналыстан тыс болып екіге бөлінеді. Ал қызмет атқару мерзіміне қарай негізгі және айналымдағы деп екіге бөледі.

Әрбір кәсіпорын мүлкі жарғылық капитал, резервтік капитал және бөлінбеген пайдадан тұрады. Олар бухгалтерлік баланс есебінде 5 бөлім шоттарында, бухгалтерлік нормативтерге сәйкес жүгізіледі.

Курстық жұмысты қорытындылайтын болсақ осы тақырыпты, яғни меншікті капитал тақырыбн толық ашып, қарастырдым деуге болады. Және курстық жұмысты бастар алдында өз алдыма қойған мақсаттар орындалды деп айта аламын.

Ендігі алда тұрған мақсат курстық жұмысты өзімнің жазғанының дәлелі ретінде оны абыройлы түрде қорғап шығу. Жалпы тақырып ашылды.

Меншік капиталы құрылтайшылық құжаттарға сәйкес акционерлік қоғамды өзқалауынша құруға, жұмыстарын жүргізуге және қалаған кезде таратуға құқылы. Резервтік капитал жыл сайнығы таза табыстан аудару жолымен құрылады. Жыл сайынғы аудару мөлшері акционерлердің жапы жиналысында белгіленеді. Резертік капиталды пайдалану жағдайында көрсетілген шамаға дейін оны толтыру үшін аударым жаңғыртылады.