Повhсть душеполезна о житии преподобнаго Корнилия Выгорhцкаго.
ИРЛИ УЦ 66.
Сей отецъ нашъ Корнилий родился в Тотъмh рhце, сынъ земледhльца нhкоего. В 15 лhто возраста осиротh от родителю своею един. Изучижеся грамотh и хождаше в церковь Божию почасту и послушая Божественаго Писания и о подвизhх святых внимаше с прилhжанием. И тако от младости любляше иноческое житие и желаше миръ // (л. 254 об.) оставити и иноческое житие достигнути. На се и двоюроднаго брата Михаила увhщаваше. Но Михаилъ к доброму совhту Конона не преклоняшеся, но мирское житие любляше. Еще же Конона к тому же соблазняше. Кононъ же [1]не преклоняшеся.1
И по времени нhкоем исторжеся яко серна от тенета, и отиде путем, идhже Богъ наставил. И обрhте старцев, беседующих о пользh душевнhй. И сказаша ему о отцh Капитонh, яко велик подвижникъ. И абие Кононъ устремися // (л. 255.) тамо и обрhте отца Капитона, и благословися, и поживе у него болhе двою месяцу.
И поиде в Корнилиев монастырь, отцу Капитону повелhвшу, и приятъ бывъ игуменом. По нhкоем же времени постриженъ бысть во иноческий.[2] И вмhсто Конона Корнилий нареченъ бысть. И поживе двадесят 4 лhта во всяком послушании, отсекая свою волю, таже пономарскую должность вручиша. По сем приятъ у игумена благословение по монастырем ходити и узнавати от иных добродетелей. // (л. 255 об.)
Таже и в царствующий град Москву прииде в лhто 7120 (1612) при царh Михаилh Феодоровиче. «В то время бывый на Москвh из восточных странъ ис Пелестины патриярхъ Феофанъ Иерусалимский, иже и рукоположивый на Москвh патриярха Филарета сего. И азъ, окаянный, своима очима видhх и благословения от руки его прияхъ, и како онъ по древнему преданию благословяше люди и знаменася двhма персты, понеже в кhлии // (л. 256) у него быхъ и прилhжно смотряхъ. Нhкогда же и на соборh быхъ, егда о нужнhйших вещех церковных бывшим собраным митрополитом и епископом. И по мнозей бесhдh глагола патриярхъ Феофанъ во слухъ всhм, и мнh слышавшу: “Тако воистину глаголю, отцы и братие, нынh по всей поднебесной едино солнце сияетъ. Тако и в Московском государствh единъ благочестивый царь вhрою просвhщается. И когда в Росии у васъ будетъ царь с первыя // (л. 256 об.) литеры, тогда перемhнятся законы церковныя и обычаи християнския. И будет гонение ваше и мучительство на церковь Христову”. Слышаще же сие от патриярха, вси во ужасh быша, глаголюще: “Воля Господня да будет!”».
Жилъ же тогда отецъ Корнилий в Москвh в Чюдовh и в Сергиевh монастырhх; потом же у святhйшаго патриярха Иосифа хлhбы печаше два года. Послhди же поиде в предhлы Нова града и на митрополита Аффония хлhбы // (л. 257.) печаше. И по преставлении его псалтырь над ним читал с прочими 14 недель, ибо ожидали других для погребения, а Никону нh приказал себя хоронить.
Оттуду отецъ Корнилий прииду в Новъ град к бывшему тогда митрополиту Никону, знаемъ бо бh и прежде. Тогда же бh в Новh граде соловецкий черной дияконъ Пиминъ. Глагола к Корнилию Пиминъ, что “Ты вhдаешъ, Корнилий, Никонъ митрополит антихристъ!” Корнилий же отвhща: “Бhснуешися тако глаголети! Идемъ // (л. 257 об.) и посмотрим, како людей благословляет”. «И видhхом, яко по-новому, а не яко же прежнии святители. За сие азъ благодарил Пимина, и оттолh нача уклонятися от Никона. Потом познася и з Досифеем игуменом и сказа ему о никоновом благословении. И дивихомся, что убо хощет быти».
Поиде же отецъ Корнилий к Москвh и быв у святейшаго патриярха Иосифа, и поживе до того времени, когда Никонъ приихал с Нова града к Москвh. В то // (л. 258.) время нhкоему святу Чюдова монастыря, Симиону именем, яви Богъ в нощном видhнии сице: змий великий пестрый и страшенъ зhло обогнувся около царскихъ полат. Главу же и хобот имhющ в палатh и шепчущь в уши цареви. Сие же сказа соборной братии. И увhдаша извhстно: в ту бо нощь Никонъ с царем бhсhдова, и тако о сем недоумhвахуся вси. Нhцыи же помянувше слова святhйшаго патриярха Феофана Иерусалимскаго, яко переменятся законы // (л. 258 об.) церковныя, испразнятся, и новое послhдование и новый Богъ будетъ, и гонение велие на церковь Христову будет. Сего ради мнози отцы ученнии собрахуся: мудрый книжный справщикъ Иоанн Насhтка и многоученый дияконъ Феодоръ и прочии, иже последи пострадаша за древнhе благочестие. И исчислиша лhта от развязания сатаны 1666, по Богослову Ианну, хотяще сбытися послhднему знамению, еже есть быти самому антихристу. На сие другъ друга крh//пко (л. 259.) утвержаху. Не по мнозh же и партиярхъ Иосифъ преставися в лhто 7160-е (1652).
Того же году избран царския и всhм собором Никонъ митрополит Новгородский на Иосифово мhсто. И мало поживъ благочестно, потомъ взя к себh к Москвh из заточения ссыльнаго старца Арсения, извhстнаго еретика, сосланнаго восточными пастырьми и Иосифом Московским на вhчное заточение в Соловецкий монастырь. Сего окаяннаго подобна себh врага Божия из заточения свободи и на печатный // (л. 259 об.) дворъ книгосправщиком устрои. И нача казити[3] церковь Божию, еже есть древнhе апостольское и светоотеческое благочестие отметати и предавати новое и неизвhстное еретическое - треми персты креститися, а пятию литерословно малаксовою проклятою раскорякою благословляти и крестъ латынский четверочастный, его же и постави, яко мерзость запустения, на престолh, и всякая таиньства совершати по новому чину и клятвами подтвердити. // (л. 260) Видhвше же сие возмятение, во святой вhрh бывшее, отцы боголюбивии ревность Божию восприяша, начаша врага Божия противника и еретика Никона обличати.
По нhкоем времени моляся Богу Корнилий в нощи со слезами и от великия печали в сонъ тонокъ сведеся, видh во снh двух прящихся о крестh - благообразный с темным. И одолh оный, иже крыжъ показующий. И возбудися от сна. Потом поиде в церков Успhния и слыша спорующихся о пhнии, иже веляху // (л. 260 об.) пhти по-новому. И одолhша новолюбцы. И того дни раздаша просфиры с четверочастным крестом. И показующу другъ другу, ужасахуся. Аще нhцыи и приимаху, но не потребляху. Мнози и в церковь на молитву не хождаху, но в кhлиях своих особь молящеся, а с новопослhдующими не совокупляхуся, тужаще душею, яко збысться по Богослову число 666-е. Тогда видhвше сие отцы священии, отвсюду собирахуся. Ревностнhйши Аввакумъ протопопъ и Даниил протопопъ же и Павелъ, Коломенский епископ, // (л. 261.) и священицы Лазарь и Никита, и свещенноинокъ Капитонъ, и Феодоръ дияконъ, и друзии многоучении и ревностнии начаша обличати еретика и антихриста Никона, за что послhди от него мученическую смерть прияша. Такоже и Соловецкая обитель, в ней же до 500 отецъ пострадаша за древнhе благочестие.
Тогда Корнилие с Досифеем игуменом поиде на Донъ и пребыша 3 лhта и возвратишася к Москвh. Досифей ту и остася, а Корнилий нача жити то в Кириловh, то в Ниловой пустыни. И прииде ему скорбь, // (л. 261 об.) и помолися преподобному Нилу, и явлением сонным здрав бысть. И с ним жили другие старцы. Увhдhвше же новолюбцы, послаша нарочных в Ниловъ скит. И видhша в церкви службу по-старому, глаголаша попу: «Служи по-новому». Но попъ отказался служить, и новой попъ служить началъ. Отцы же не позволяли служить по-новому, а Корнилий тогда пономарскую службу имяше, по много разглагольствии удари попа кадилом с разжженым углием по головh. И абие отступницы поимаша // (л. 262) Корнилия за волосы и биша его о помостъ церковный и до крове. Старцы же скитстии бишася с ними до пролития крови, и одолhша нечестивии. Корнилий же убhже, Богу помогающу.
И доиде Олонецкаго уезда в Пудогу, ища пустыннаго мhста. Христолюбцы же обhщашася хлhбъ приносить и Бога за них молити. Сотворивъ же кhлию близъ Кодлы рhки и поживе два года. И хотh ити в Соловецкую обитель. И в то время прииде к нему соловецкой старец Епифаний, и поставиша кhлию на Кятгозерh, // (л. 262 об.) и жил с ним 2 года. И слыша от соловецких отцев, како мужески пострадаша за благочестие.
Посем Епифаний поиде к Москвh и подаде челобитную на обличение никоньяновъ, и сего ради царь повелh Епифанию языкъ отрhзати, и потом ясно глаголеше. И второе от корене отрhзаша, и паки глагола, яко ничтоже пострада. И более царь не приложи мучити его, но сосла в Пузторскъ.[4] И потом со Аввакумомъ и Лазарем и Феодором сожжены быша в срубh // (л. 263.).
Корнилий же увhда от Феодора дияка, во иноцhх Филиппа, о сих страдалцев, и како они претерпhша языком отятие [5]и прочие муки5 за обличение антихристъ, и о сем прослави Бога.
Поживе Филиппъ с Корнилием с полтора года и нача звати Корнилия на муки. Корнилию же от Бога не извhстися. Филиппъ же дерзновенно обличи царя и антихристом нарече. Сего ради по многим мукамъ сожжен бысть, и о сем Корнилий Бога благодарив и вельми сhтуя, яко не сподобися и онъ достигнути тhх отцей // (л. 263 об.) подвигу. И остави кhлию на Нигозерh и часовню малу устрои святому Николh во имя. С Нигозера же хождаше ко отцу Досифею в Куржинскую пустыню. И постриже Дионисия, родом полякъ бh и преставися тогда на Чюлозере.
Посем Корнилий прииде на Водлозеро на Белой островъ. И тут жили другия старцы, и бысть у них часовня. И Корнилий тут постави кhлию малу. В то время гонение бяше. Увhдhвше же новолюбцы и хотhша поимати Корнилия, но онъ, // (л. 264.) узнавъ от христолюбцев, и разбегошася. И Корнилий единъ преселися на Немозеро и постави кhлию. И узнавъ попъ Вытежской и послалъ ходаков, и они, что было, обрали, а самого оставили.
Потом посланы были с Москвы от гонителей, и с ними Корнилий прhние чинилъ. И не могли преперhть, только сказали: «Молчи! Хоша вhра наша и нh права, да быть времени». Оскорбить же не смhли, потому что обороняли другия, которыя послhди по многих мукахъ скончашася. // (л. 264 об.)
Корнилий же с Немозера преселися на Мангозеро и ту поживе нhколикое время. И поставилъ кhлию у Гавушезера. И ту с ним жили другия старцы, бhжали от гонения. Онъ же крhпляше ихъ терпhть всяку скорбь и не предаватися в Никоново богомерское учение, поминая подвиги и терпение прежнихъ страдалцевъ. Посем прииде к отцу Корнилию старецъ Сергий, моля его, дабы шелъ с нимъ на Выгъ рhку жити. Онъ же послушавъ Сергия и иде // (л.265) на устье рhки Лhксы и постави кhлию. И мало поживъ у Сергия, и потом постави кhлию выше устья Лhксы по Выгу рhки у порога. И недолго поживъ: ради вешныя воды преселися противу тоя же рhки и кhлии на другую страну, идhже и покой приятъ. Егда же прииде отецъ Корнилий на мhсто сие, и глагола братии: “Се покой мой в вhкъ вhка. Здhвселюся”. И прирече: “Послhднюю келию Корнилий строитъ”.
И жилъ Корнилий 8 лhт. И по пяти лhтhх прииде к нему старец // (л.265 об.) Витасий [6]…боярин московский.6 Корнилий же благослови его у себя жити. Виталий птичье житие имhя и любя странничество, преходя от кhлии до кhлии, и аще кто ему брашно представляше, то вкушаше со благодарением, аще ли два или 3 дни не позываху, то не прошаше ясти и молчание велие имhя, яко мнети нhкиимъ его быти нhма суща. И всегда наединh в молитвh упражняшеся и многократъ бhгаше прежде от гонителей, яко и персты отморозити. // (л. 266) По двух же лhтhх преставися о Господh.
Имяше же отецъ Корнилий прорицания дар, хотящая збытися за 3 года и более. Нhкогда взбитие всем глаголаще: “Запасайте хлhбы, хощет бо Богъ наказати люди гладом за грhхи”. Еже и збысться вскорh. Во единъ год бысть глад великъ во всhм мирh.
Егда бяше отецъ Корнилий в Москвh у нhкоего потаеннаго християнина, и с ним были отцы соборныя, Аввакум, Даниилъ протопопы и друзии извhстнии. И по многом совещании изло//жиша (л.266 об.) по правилом святых отецъ, яко не подобает никоньянское еретическое крещение за крещение не полагати и за нhимhнием православнаго истиннаго священника по правилу святого Никифора патриярха и простолюдину крестить положиша.
Нhкогда отцу Корнилию бывшу в Замосковьи на лhсу у огня един и поющу навечерие, приидоша разбойницы 35 человекъ и осмотрhша в кошалh точию книги, и повелh атаманъ чести ему книги. Корнилию же чтящу, прослезися атаманъ // и рече: “Отселh более не стану разбои творити. Ты же, отче, иди и не бойся”. Еще же и милостыню даде ему, глагола: “Блажени вы есте”.
Нhкогда прилучися обнощевати у нhкоея вдовы, младосредовhчна, красна лицем. Глагола к нему жена: “Естьли со мной спать станешъ, то и начевать пущу”. Но хотя Корнилий у оной жены и начевалъ, но не для ради плотьския похоти,[7] а непогоды ради: вhтръ со снhгомъ в ту нощь бяшя. Возлег и уснул. Жена же прииде и ляже к Корнилию // (л. 267 об.) и нудяше его на блудное дhло. Той же отсылая ю и едва увhщав ю, глаголаше о спасении души и якобы на сие дhло онъ не может. И тако сохранен бысть помощию Божиею. Тогда бо онъ еще средовhчие имhя и яко во огни в страсти еси паляше.
Егда же живяше Корнилий на Выгу, прихождаху к нему пользы ради отвсюду. Онъ же всhх приимаше и отечески поучая и наказываше о спасении души и о будущем судh, заповhдая от новых отступниковъ, никоньян, опасатися // (л.368) в молении, ядении и питии. И во всhхъ дhлhхъ поучаше яко добрый пастырь всякими приводы от божественаго писания. Глаголеше бо, егда блудная брань прихождаше, тогда постом и молитвами безвести творяше сию[8] , паче же неспанием и земными поклонами томяше себh, кромh правила нощию[9] по 1000 земных поклон полагая. К тому же много лhтъ на ребрах не спя, но сhдя или стоя мало сна приемля. И скверны хенския не позна до глубокия старости, // от дhтства бо сосудъ бысть чистъ Святаго Духа, самъ же тружаяся, лhсъ сhчаше на всякую потребу, глаголаше бо «праздный не ястъ». [10]Простаго же времени не имяше - или псалтырь глаголаше или молитву Исусову, в разрhшенныя дни масло кравие, мало полагая, ядяше, рыбу же в указанныя дни ядяше и прочее.
Живущу же отцу Корнилию на рhцh Лексh и Выгу, прииде к нему на лыжах крестьянинъ Захарий именем, ибо крыяся от никоньян, и с ним двh племянице, // (л.269) ихъ же Корнилий и крести по времени и потом и Захарию. Мнози начаша приходити, отецъ же Корнилий уча и наказуя ихъ на правыя пути. Егда же умножившимся братиям, поставиша часовню во имя Богоявления господня, идhже и до нынh стоитъ благодатию Божиею и пречистыя его Матери и благословением отца Корнилия.
По нhкоем же аремени той же отецъ Корнилий поучая братию, глаголаше: «Аще поживете добрh по заповhдем Божиим и отеческим, буди с вами милость // (л. 269 об.) Божия во вся дни. И расспространится и умножится жительство и славно будет в концех и прочее. Еще же и гладъ будетъ, и то подобает терпhти. И будутъ от царя опись и дани немалы, и от духовных напатки и притеснения, но от слабости жития разорение восприяти имутъ, и мнози спасутся, творящии волю Божию. По умножению же поселятся с мамушками и з дhточками, и с коровушками, и с люлючками».
Поживе же отец Корнилий, // (л. 270) научая ихъ на путь спасения, достиже до глубокой старости, еже есть 125 лhт, нача изнемогати. И призва братию, глагола Даниилу: “Буди отецъ и наставникъ ко спасению”; Андрею: “А ты - судия и правитель общежительству, учися книжнаго писания и собирай свhдhния и книжныя свидhтельства. Будутъ вопросы от царя, потщитеся за благочестие отвhщати, за святоотеческия предания и законы, и за то от Господа мзду восприимите. Буди с вами // (л. 270 об.) миръ Божий во вся вhки. Аминь”.
Поживе же отецъ Корнилий во иночествh 107 лhт, пострижеся 18 лhт. Егда же прииде время преставления, и разболhвся к смерти, и возвhщено бысть Даниилу и Андрею и прочим, и приидоша, просяще благословения и прощения, и наказуя с никоньяны не сообщатися и прочее. По десяти днех преставися ко Господу в лhто 7200 (1692), 30 марта в великий четверг. Богу нашему слава.
(ИРЛИ УЦ 66, л. 254 – 270 об.)
[1]-1 Написано на поле.
[2] Так в ркп
[3] Так в ркп
[4] Так в ркп
[5]-5 Написано на поле
[6]-6 В ркп взято в квадратные скобки; первое слово написано неразюорчиво.
[7] Далее в ркп и во в квадратных скобках
[8] далее в ркп повторено творяше и взято в квадратные скобки
[9] написано на поле
[10] На поле рядом с этим словом помета зри