Октября.Четверг. Свт. Михаи́ла, первого митр. Киевского. Сщмч. Григо́рия епископа, просвети́теля Великой Армении.

Приводим порядок соединения полиелейной службы свт. Михаила с шестеричной службой сщмч. Григория.

На великой вечерне «Блажен муж» – 1-й антифон.

На «Господи, воззвах» стихиры на 8: святителя, глас 5-й:

Пе́рваго тя во иера́рсех / земля́ Ру́сская пе́сньми венча́ет, / Михаи́ле преподо́бне, / святи́телю Христо́в блаже́ннейший, / я́ко пе́рвее ту боже́ственным Креще́нием соверше́нне просвети́л еси́, / пе́рвее свет Ева́нгелие во тьму вне́сл еси́, / пе́рвее и́дольския тре́бы разруши́в зна́мением кре́стным, / и́мже удиви́л еси́ неве́рующия лю́ди. / И ны́не, я́ко пропове́дник / со святи́тели пе́рвыми предстоя́ Влады́це своему́, / моли́ся приле́жно / всем улучи́ти свет невече́рний // и прия́ти нам от Христа́ Бо́га ве́лию ми́лость.(дважды)

Со́лнца вои́стинну светле́йший дар, / вся́кия че́сти вы́шший, / маргари́ту дража́йшую, / всю вселе́нную обогати́вшую, / Ева́нгелие Христо́во, / неве́рия нището́ю содержи́мей земли́ Ру́сстей, / от Ца́рскаго гра́да прине́с, той сие́ дарова́л еси́. / Имже украше́нна, а́ки злато́ю у́тварию кра́сная де́ва, / всех Царю́ предстои́т / и наслажда́ется весе́лия в черто́зе Небе́снем, / иде́же ты, иера́рше Михаи́ле, предстоя́, / моли́ насле́дником про́поведи твоея́ // прия́ти от Христа́ Бо́га ве́лию ми́лость.

Ти́хими ве́тры Вы́шняго по́мощи носи́мь, / а́ки перна́т и скороше́ственный оре́л, / нося́й Ева́нгелие Христо́во, / в зе́млю Ру́сскую прише́л еси́ / и, сим кры́ющияся под се́нию идолобе́сия ле́стныя птенцы́ разгна́в, / до конца́ боже́ственным ти уче́нием подави́л еси́, / свире́пеющия же лю́ди чудесы́ укроти́в / и гла́дом душе́вным изнемо́гшия Ева́нгельским сло́вом напита́в, / Христо́ви приве́л еси́, / Ему́же, иера́рше, моли́ся // дарова́ти всем ве́лию ми́лость.

И священномученика, глас 6-й:

Му́ченическими кровьми́, свяще́нную ри́зу обагри́в, / вше́л еси́ во Свята́я Святы́х, досточу́дне, / иде́же све́т неизрече́нный, / иде́же Боже́ственная сла́ва, / иде́же гла́с пра́зднующаго. / В не́мже трудо́в твои́х, му́чениче, / восприе́млеши возме́здия, / и вене́ц неувяда́ющий, / и ве́чнующее благосла́вие, / и ра́йское жили́ще, / Григо́рие му́дре. // Со дерзнове́нием моли́ся о душа́х на́ших. (дважды)

Муче́ний не поколеба́ше твоея́ души́ треволне́ние, / ни затворе́ние долговре́менное, / во мра́чнем рве́ сокрыва́ющее тя́, / страда́льче сла́вный: / но я́ко све́т возсия́л еси́ / во тьме́ бе́дствующим суеты́, / я́же сы́ны дне́ показа́л еси́ / ба́нею Креще́ния, / и возрожде́нием лу́чшим и спаси́тельным, / и Боже́ственным и́стинно пребыва́нием, / я́ко иера́рх Богоприя́тен, // всему́дре Григо́рие.

Жениха́ Безсме́ртнаго, / Тя́ все́х Влады́ку, / Рипсими́я лю́бящи, / ко́жи теле́сныя содра́ние прие́млет, / страсте́й пе́рвее те́мное вре́тище / воздержа́нием растерза́вши: / с не́юже подвиза́ся и Гаиани́я приснопа́мятная, / де́в приводя́щи собо́р / кре́пко пострада́вший, / и низло́жший Евы дре́вняго лестца́: / я́же досто́йно хва́ляще, // Тя́, Христе́, сла́вим.

«Слава» – святителя, глас 3-й:

Свиде́теля и́стины и пропове́дника Ева́нгелия Христо́ва, / Михаи́ла иера́рха, лю́дие, восхва́лим, / той бо, учени́к Христа́, Учи́теля своего́, сый, / по́слан в неве́рныя лю́ди, прии́де я́ко апо́стол / и Первозва́ннаго проро́чествие наверши́: / прельще́нныя язы́ки зна́мением воспяти́, / и сих, обрати́в, ко Влады́це приведе́, / и ны́не, предстоя́ Вы́шняго Престо́лу, // мо́лится о душа́х на́ших.

«И ныне» – догматик, глас тот же:

Ка́ко не диви́мся/ Богому́жному Рождеству́ Твоему́, Пречестна́я?/ Искуше́ния бо му́жескаго не прие́мши, Всенепоро́чная,/ родила́ еси́ без отца́ Сы́на пло́тию,/ пре́жде век от Отца́ рожде́ннаго без ма́тере,/ ника́коже претерпе́вшаго измене́ния,/ или́ смеше́ния, или́ разделе́ния,/ но обою́ существу́ сво́йство це́ло сохра́ньшаго./ Те́мже, Ма́ти Де́во Влады́чице,/ Того́ моли́ спасти́ся душа́м/ правосла́вно Богоро́дицу испове́дающих Тя.

Вход. Прокимен дня. Паримии святителя – 3.

На стиховне стихиры святителя, глас 2-й:

Твои́м, свя́те Михаи́ле, прише́ствием / земля́ Ру́сская возвесели́ся, / и град сла́вный Ки́ев благоче́стно торжеству́ет, / просве́щшися Креще́нием боже́ственным, / и и́же пе́рвее же́ртвы бесо́м приноша́ху, / се си́и Вы́шнему в чи́стем се́рдце / души́ своя́ да́ры но́сят, / иму́ще тя предыду́ща хода́тая и моле́бника // всех чту́щих твою́ па́мять.

Сти́х: Свяще́нницы Твои́ облеку́тся в пра́вду, / и преподо́бнии Твои́ возра́дуются.

Твое́, преблаже́нне Михаи́ле, прише́ствие / и́доли ощути́вше, / рыда́юще вопия́ху: / о, лю́те на́шему окая́нству! / Иже пре́жде че́ствованием ве́лиим от всех почита́еми бы́хом, / ка́ко ны́не поруга́ние подъе́млем / от еди́наго стра́ннаго челове́ка, / Стра́ннаго Иису́са нося́щаго о́браз, // Иже подае́т ми́ру всему́ обновле́ние?

Сти́х: Честна́ пред Го́сподем / сме́рть преподо́бных Его́.

Твои́м, о́тче Михаи́ле, пома́занием / духо́внаго ми́ра / пресла́вный град Ки́ев благоуха́ет / и прие́млет начерта́ние усыновле́ния, / отпа́дшии же мы́сленнаго Све́та / и идолобе́сия тьмо́ю омраче́ннии, / ба́нею свята́го Креще́ния просвеще́нни, / ко све́ту богоразу́мия прихо́дят, // я́ко ча́да Све́ту и лю́дие новоизбра́ннии.

«Слава» – священномученика, глас 6-й:

В незаходя́щий о́блак неизрече́ннаго све́та вше́д разу́мно, / му́ченик и па́стырь, / навы́че неизглаго́ланная та́ин Христо́вых: / я́ко му́ченик у́бо просвеща́емь, / я́ко па́стырь же тайново́дству науча́емь. / Те́м и сугу́быми венцы́ от Вы́шния сла́вы увязе́ся, // моля́ся всегда́ Христу́ о душа́х на́ших.

«И ныне» – Богородичен воскресный по гласу «Славы»:

Творе́ц и Изба́витель мой, Пречи́стая,/ Христо́с Госпо́дь,/ из Твои́х ложе́сн проше́д,/ в мя оболки́йся,/ пе́рвыя кля́твы Ада́ма свободи́./ Те́мже Ти, Всечи́стая,/ я́ко Бо́жии Ма́тери же и Де́ве,/ вои́стину вопие́м немо́лчно:/ ра́дуйся, а́нгельски, ра́дуйся, Влады́чице,/ предста́тельство, и покро́ве,// и спасе́ние душ на́ших.

По Трисвятом – тропарь святителя, глас 4-й:

Днесь проро́чествие во апо́столех Первозва́ннаго испо́лнися, / се бо на сих гора́х возсия́ благода́ть и ве́ра умно́жися. / И и́же неве́рием обветша́вшии / боже́ственною купе́лию отроди́шася / и бы́ша лю́дие обновле́ния, ца́рское свяще́ние, / язы́к свят, Христо́во ста́до, / ему́же ты пе́рвый па́стырь яви́лся еси́, / я́ко пе́рвее Креще́нием послужи́вый. / И ны́не, предстоя́ Влады́це Христу́ Бо́гу, / моли́ всем сыново́м ру́сским спасти́ся, // и́маши бо дерзнове́ние, я́ко иера́рх Бо́жий и священнослужи́тель.

«Слава» – тропарь священномученика, глас тот же, «И ныне» – Богородичен воскресный по гласу «Славы»:

Е́же от ве́ка утае́нное/ и А́нгелом несве́домое та́инство,/ Тобо́ю, Богоро́дице, су́щим на земли́ яви́ся Бог,/ в несли́тном соедине́нии воплоща́емь,/ и, Крест во́лею нас ра́ди восприи́м,/ и́мже воскреси́в первозда́ннаго,// спасе́ от сме́рти ду́ши на́ша.

На утрене на «Бог Господь» – тропарь святителя, глас 4-й (дважды). «Слава» – тропарь священномученика, глас тот же:

И нра́вом прича́стник, / и престо́лом наме́стник апо́столом бы́в, / дея́ние обре́л еси́, Богодухнове́нне, / в виде́ния восхо́д: / сего́ ра́ди сло́во и́стины исправля́я, / и ве́ры ра́ди пострада́л еси́ да́же до кро́ве, / священному́чениче Григо́рие, / моли́ Христа́ Бо́га, // спасти́ся душа́м на́шим.

«И ныне» – Богородичен воскресный по гласу «Славы»: «Еже от ве́ка...».

Кафизмы 13-я и 14-я. Малые ектении. Седальны святителя (по дважды).

Полиелей. Величание святителя и избранный псалом. Седален святителя по полиелее, глас 8-й: «Яко нача́льнику архиере́ом…» (дважды). «Слава, и ныне» – Богородичен Минеи, глас тот же: «Яко всем скорбя́щим…». Степенна – 1-й антифон 4-го гласа. Прокимен святителя, глас 4-й: «Честна́ пред Го́сподем смерть преподо́бных Его́»; стих: «Что возда́м Го́сподеви о всех, я́же воздаде́ ми?». Евангелие – святителя. По 50-м псалме: «Слава» – «Молитвами святителя…». Стихира святителя, глас 6-й: «Ду́ху Боже́ственному…» (см. славник на стиховне):

Ду́ху Боже́ственному / хотя́щу но́выя лю́ди Себе́ избра́ти, / пе́рвее приведе́ в позна́ние боже́ственное / вели́каго в кня́зех Влади́мира, / и той, у́мным сия́нием осве́щся / от е́же свы́ше благода́ти во святе́й купе́ли, / прия́т тя, па́стыря, вы́шним открове́нием / и приведе́ в Росси́ю, к овца́м, неве́рием заблужде́нным, / и́хже, твои́м уче́нием и Креще́нием в воде́ омы́в, / приве́л еси́ во двор ове́ц Христо́вых, / с ни́миже ны́не Престо́лу Влады́чню предстоя́, / да на́зриши ны, во дне́шний день па́мять твою́ соверша́ющих, // Михаи́ле, архиере́ю Росси́и первопресто́льне.

Каноны: Богородицы со ирмосом на 4 (ирмосы по дважды), святителя на 6 и священномученика на 4.

Библейские песни «Поем Господеви…».

Катавасия «Отверзу уста моя…».

По 3-й песни – кондак и икос священномученика, глас 2-й; седален святителя, глас 8-й. «Слава» – седален священномученика, глас 4-й, «И ныне» – Богородичен Минеи, глас тот же: «Грехолюби́в сый...» (см. в службе священномученика).

Конда́к священномученника, гла́с 2:

Благосла́внаго и священнонача́льника вси́ / я́ко страда́льца и́стины, / дне́сь ве́рнии в пе́снех и песнопе́ниих восхва́лим, / бо́драго па́стыря и учи́теля Григо́рия, / всеми́рнаго свети́льника, и побо́рника: // Христу́ бо мо́лится, е́же спасти́ся на́м.

По 6-й песни – кондак и икос святителя, глас 2-й.

Конда́к святителя, глас 2:

Моисе́й вторы́й Росси́и яви́лся еси́, о́тче, / пренесы́й мы́сленный виногра́д / от еги́петскаго идолослуже́ния в зе́млю, проро́чествием предуви́дену: / будет, рече́, утвержде́ние ве́ры на земли́, / и на версе́х гор Ки́евских превознесе́тся па́че Лива́на / Плод, пита́яй ми́ра всего́, / от Него́же вкуси́вше, // ублажа́ем тя, Михаи́ле, Бо́жий иера́рше.

На 9-й песни поем «Честнейшую».

По 9-й песни «Достойно есть» не поется. Светилен святителя. «Слава» – светилен священномученика, «И ныне» – Богородичен Минеи: «Честне́йши еси всех...» (см. в службе священномученика).

«Всякое дыхание…» и хвалитные псалмы.

На хвалитех стихиры святителя, глас 1-й:

Днесь торжеству́ет ма́ти градо́м, преслову́щий Ки́ев, / па́мять твою́, иера́рше, / и лю́дие ру́сстии хвала́ми почита́ют в ве́чную жи́знь твое́ преставле́ние, / отше́л бо еси́ к Небе́сным / и не отступа́еши земны́х, назира́я, // я́ко при́сный хода́тай и моли́твенник о душа́х на́ших. (дважды)

Пе́рвое но́ваго ле́та начина́юще восхожде́ние, / я́ко пе́рвейшему тебе́, блаже́нне, и нача́льнейшему Ру́сския земли́ архиере́ю / пе́рвыя пе́сней рукоя́ти прино́сим, / приими́ у́бо сия́ в дар че́стен / и возда́ждь нам твои́м благослове́нием, // я́ко при́сно сый моли́твенник о душа́х на́ших.

Услади́вся жела́нием любве́ Христо́вы, / разу́мныя восприя́л еси́ криле́, прелете́в от ни́жних ко Вы́шним, / и отверзо́ша ти ся ра́йския две́ри, / в ня́же вшед, наслажда́ешися боговиде́ния, / то́ю сла́достию обвесели́ ду́ши пою́щих па́мять твою́, // Михаи́ле иера́рше.

«Слава» – святителя, глас 2-й:

От Небе́с прие́м пома́зание духо́вне, / был еси́, Михаи́ле преблаже́нне, / я́ко ма́слина плодови́та в дому́ Бо́жии, / и, плода́ми твои́ми услади́вся, вели́кий в князе́х Васи́лий / прия́т тя любо́вию, во управле́ние земли́ Ру́сския, / ю́же, очи́стив от идолослуже́ния, / приве́л еси́ к богоразу́мию. / Тем, я́ко по достоя́нию па́мять твою́ соверша́юще / и к тебе́ припа́дающе, мо́лимся: / проси́ ста́ду твоему́ благостоя́ние / и всем проще́ние от Христа́ Бо́га // и ве́лию ми́лость.

«И ныне» – Богородичен, глас тот же:

Спаси́ от бед рабы́ Твоя́, Богоро́дице Де́во,/ я́ко вси по Бо́зе к Тебе́ прибега́ем,// я́ко к неруши́мей стене́ и предста́тельству.(см. прил. 2-е, «В пяток вечера»).

Великое славословие. По Трисвятом – тропарь святителя, глас 4-й. «Слава» – тропарь священномученика, глас тот же, «И ныне» – Богородичен воскресный по гласу «Славы»: «Еже от ве́ка...».

На часах – тропарь святителя. «Слава» – тропарь священномученика. Кондак только святителя.

На Литургии блаженны святителя, песнь 3-я – 4 (со ирмосом), и священномученика, песнь 6-я – 4.

По входе – тропари и кондаки:

В храме Господском и Богородицы – тропарь храма, тропарь святителя, тропарь священномученика; кондак святителя. «Слава» – кондак священномученика, «И ныне» – кондак храма.

В храме святого – тропарь храма, тропарь святителя, тропарь священномученика; кондак храма, кондак святителя. «Слава» – кондак священномученика, «И ныне» – «Предстательство христиан…».

Прокимен, аллилуиарий и причастен – святителя (общие святителю единому) и священномученика[1].

Апостол и Евангелие – дня, святителя (под зачало) и священномученика.

[1] Причастны святителя и священномученика совпадают.