Акафист иже во святых отцу нашему преподобному Герману, Соловецкому чудотворцу

КОНДАК1

ИЗБРАННЫЙ ЧУДОТВОРЧЕ и изрядный Угодниче Хри­стов, Отче наш Германе преблаженне, пустынного жития на острове Соловецстем первоначальниче! Восхваляем Тя любо- вию; Ты же, яко имея дерзновение ко Господу, от всяких нас бед и скорбей свобождай, да зовем Ти:

Радуйся, Отче наш Германе, Преподобных Зосимы и Савва- тия сподвижниче!

ИКОС 1

АНГЕЛЬСКИ пожив, яко Ангел бесплотен, на земли явился еси Преподобный Отче наш Германе; Ты бо Евангельскаго гласа послушав от юности иго Христово на рамо свое взем в пустыню потекл еси, и, упование все на Бога возложив, Тому ревностно служити возжелал еси. Сего ради восхваляем Тя сице:

Радуйся, родителей твоих плод благословенный.

Радуйся, Господа твоего благий рабе и верный.

Радуйся, яко Христа единого возлюбил еси.

Радуйся, яко многая лета на острове пустынном Богу служил еси.

Радуйся, иго Христово на себе вземый.

Радуйся, от Подвигоположника Христа дар исцеления приемый.

Радуйся, яко красная мира сего ни во что же вменил еси.

Радуйся, в бреннем телеси, яко бесплотен, пожил еси.

Радуйся, в страсе Божии издетска воспитанный.

Радуйся, на подвиги иночества от Господа призванный.

Радуйся, места рождения твоего града Тотьмы похвало и утверждение. Радуйся, обители Соловецкия слава и ограж­дение. Радуйся, Отче наш Германе, Преподобных Зосимы и Савватия сподвижниче!

КОНДАК2

ВИДЯ, яко надлежит человеку прилежно злая от юности его терпети, усердно потщался еси совлещися ветхаго чело­века, тлеющаго в похотех его и облещися в новаго, по Богу созданнаго в преподобии и правде; тем же слезами покаяния день и нощь душевную ниву Твою орошал еси, тернии грехов и страстей искореняя, Христу же поя: Аллилуия.

ИКОС 2

РАЗУМ просвещен свыше имея, провидел еси, Отче Гер­мане, будущая, яко настоящая и, егда Преподобный Зосима узре свет, осиявый место, на нем же живяше, и церковь велию на воздусе на востоце явлылуюся, тогда пророчески рекл еси ему, глаголя: «Не ужасайся и внимай себе: яко Господь чрез Тя монахов множество соберет зде». Мы же проречения Твое­го исполнение видяще и сему дивляшеся, тако глаголем Ти:

Радуйся, душетленных сластей мира сего не познавый.

Радуйся, премудрости небесныя взыскавый.

Радуйся, яко добре на земли подвизался еси.

Радуйся, яко козней демонских не убоялся еси.

Радуйся, некнижным путь верный к небесем показавый.

Радуйся, в молитве и трудах непрестанно пребывавый.

Радуйся, яко нерадивых молитвою твоею к покаянно воз- двизаеши.

Радуйся, яко изнемогающих и унывающих силою благо­дати укрепляеши.

Радуйся, вольную Христа ради нищету возлюбивый.

Радуйся, в нестяжании безпечальное житие проводивый.

Радуйся, яко лучами добродетелей твоих иноков просвещаеши.

Радуйся, яко от всякия напасти их ограждаеши.

Радуйся, Отче наш Германе, Преподобных Зосимы и Сав­ватия сподвижниче!

КОНДАК3

СИЛА ВЫШНЯГО УКРЕПИ Тя, егда, приступая работати Господеви, по слову Писания, душу твою во искушение уго­товал еси, постом, бдением и многими лишении в пустыни тело твое изнурял, душу же молитвою непрестанною питая, во псалмех и пениих и песнех духовных воспевая сердцем и усты Богу: Аллилуия.

ИКОС3

ИМЕЯ РЕВНОСТЬ о спасении души твоея, дом отчий и вся красная мира сего оставил еси, Угодниче Христов, и, муже­ственно в пустыню вселился еси, сподвижник и сотаинник Преподобным Савватию и Зосиме был еси: тем же и на небеси купно с ними мзду трудов Твоих обрел еси, идеже слышиши от нас похвалы сия:

Радуйся, Преподобных Савватию и Зосимы сожителю.

Радуйся, Преподобных совершенного безмолвия любителю.

Радуйся, яко тесный путь паче широкаго избрал еси.

Радуйся, яко непрестанною молитвою дары духовные стяжал еси.

Радуйся, Святым древним отцем ревновавый.

Радуйся, всего себе на служение Богу предавый.

Радуйся, яко демонские полки всеконечно погубил еси.

Радуйся, яко Ангелеские лики возвеселил еси.

Радуйся, плоти угодия никогда же творивый.

Радуйся, притекающим к тебе отец чадолюбивый.

Радуйся, яко образ Божий в себе благодатию Христовой возставил еси.

Радуйся, Отче наш Германе, Преподобных Зосимы и Савва­тия сподвижниче!

КОНДАК4

БУРЮ УНЫНИЯ и напастей, от врага спасения подвиж­никам благочестия наводимую, молитвою отгоняя и в не­престанных трудах пребывая, помогцию Божиею достигл еси тихого пристанища — покоя душевнаго, благодарив Благоде­телю Богу взывая: Аллилуия.

ИКОС 4

СЛЫШАШЕ ревнители равноангельнаго жития, яко на острове Соловецстем Преподобнии Отцы Зосима и Герма­не обитель Боголепнаго Спасова Преображения устрояют и ищущих спасения братолюбно приемлют, Божиим Духом движимые притекаху, просяще наставления и руководитель­ства. Мы же, суетою омрачении, тебе, яко общаго наставника, отче наш Германе, прославляем звании сими:

Радуйся, плоть твою духови покоривый.

Радуйся, трудом, бдением и постом ю изнуривый.

Радуйся, яко слез твоих струями ниву душевную напоил еси.

Радуйся, яко вся помыслы душепагубные от себе удалил еси.

Радуйся, стрелою любве Божественныя сердце твое уязвивый.

Радуйся, немощи немощных, яко сильный, на себе носивый.

Радуйся, яко причастник всем боящимся Бога был еси.

Радуйся, яко до зела себе смирил еси.

Радуйся, очи наша верою просвещающи.

Радуйся, сердца наша надеждою спасения озаряющий.

Радуйся, яко Преподобному Зосиме в созидании обители послужил еси.

Радуйся, яко подвиги твоими братию всю удивил еси.

Радуйся, Отче наш Германе, Преподобных Зосимы и Сав­ватия сподвижниче!

КОНДАК 5

БОГОТЕЧНАЯ звезда явился еси, Богоблаженне Отче наш, Преподобным Савватию и Зосиме, егда восхвалял еси пустынность острова Соловецкаго и провождал их по морю плывя на место святое сие, идеже в безмолвии труды ко тру­

дам прилагая, плоды духовные собирал еси, Богу же сердцем чистым взывал еси: Аллилуия.

ИКОС 5

ВИДЯ ВРАГ рода человеча, яко необитаемая доселе пу­стыня процветает, яко крин, и яко в ней Имя Господне от пустынножителей прославляется, восхоте погубити святое дело Божие: напусти бо человека некоего с женою его и чады преселитися на остров. Ангели же Господни, биения давше жене, повелеша оставити остров, да будет сей в жилище ток­мо иноков. Сего ради прославляюще Господа, тако благоиз- волившаго, глаголем ти:

Радуйся, измлада иноческое житие избравый.

Радуйся, пустыннаго и безмолвнаго пребывания взыскавый.

Радуйся, яко непрестанно себе внимал еси.

Радуйся, яко равноангельное жительство показал еси.

Радуйся, в терпении мнозе потрудивыйся.

Радуйся, яко Преподобным Зосиме и Савватию сподвижник и сотаинник был еси.

Радуйся, яко с ними в пристанище бесстрастия достигл еси.

Радуйся, яко злато в горниле искушенный.

Радуйся, светом Трисиянным озаренный.

Радуйся, яко с небесе на вся ны милостивно призираеши.

Радуйся, яко вся прошения наша во благо исполнявши.

Радуйся, Отче наш Германе, Преподобных Зосимы и Сав­ватия сподвижниче!

КОНДАК6

ПРОПОВЕДНИК всем глагол Ангельских был еси, пребла- женне Отче, егда совершения с Преподобным Савватием вос- креснаго нощнаго молитвословия исшед из храмины внезапу услышал еси глас жены плачущей, и, узрев ю, воспросил еси о причине плача. Она же рече: «Два юноши светлы жестоко биша мя и рекоша ми: «Бежите отсюда, ибо не для вас место сие, яко зде иноков множество прославит Господа». Ты же, слышав сие, умиление Богу возгласил еси: Аллилуия.

ИКОС 6

ВОЗСИЯ СВЕТ ВЕЛИЙ от обители Соловецстей, осияваю- щий всю страну нашу, ибо лучами добродетелей твоих про- свещаеши не токмо притекающих к цельбоносным мощем Твоим, но и издалеча верою призывающим тя. Озари убо све­том Евангелия омраченные грехом сердца наша и укрепи нас во благочестии, да вси радостно взываем Ти:

Радуйся, пустыни красное прозябение.

Радуйся, постников предивное украшение.

Радуйся, яко в бодреннем трезвении пребывал еси.

Радуйся, яко мзду трудов Твоих на небеси восприял еси.

Радуйся, Ангелов собеседниче.

Радуйся Царствия Христова наследниче.

Радуйся, яко благодать от Бога обрел еси.

Радуйся, яко иерею благоговейному образ Твой во сне спи- сати повелел еси.

Радуйся, безмездный недугов целителю.

Радуйся, благодатный бесов прогонителю.

Радуйся, яко с преподобными Зосимою и Савватием рев­ностно трудился еси.

Радуйся, яко с ними наставник добр монахам явился еси.

Радуйся, Отче наш Германе, Преподобных Зосимы и Сав­ватия сподвижниче!

КОНДАК7

ХОТЯ ВСЕМ человеком спастися и в разум истины прин­та, Человеколюбец Господь указа Ти место удобно спасения, идеже Ты многими поты и скорбьми, злострадания и лише­ния неленостне Богу работал еси, всегда вопя: Аллилуия.

ИКОС 7

НОВАГО МОИСЕЯ, древнему подобна, видим Тя, Богоиз­бранно отче наш, ибо в пустыни земного странствия нашего всех к помощи Твоей прибегающих к Иерусалиму горнему наставляеши, фараона мысленнаго потопляя и всех молени­ем твоим ограждая, вошющих Ти таковая:

Радуйся, молитвенниче наш неусыпный.

Радуйся, предстателю о нас непостыдный.

Радуйся, яко скорби пустынного жития доблесгвене претерпел еси.

Радуйся, яко постом и молитвою, аки крилами, на высоту добродетелей восшел еси.

Радуйся, чистотою душевною и телесною Бога проелавивый.

Радуйся, нравы Твоими вся ны наставивый.

Радуйся, яко в небесных чертозех вселился еси.

Радуйся, новых пустыннолюбцев туда призвал еси.

Радуйся, бед и напастей нас свобождающи.

Радуйся, всем благая от Спаса Христа подающи.

Радуйся, яко непрестанно духом горел еси.

Радуйся, яко со всеми человеки мир имел еси.

Радуйся, отче наш Германе, Преподобных Зосимы и Сав­ватия сподвижниче!

КОНДАК8

СТРАННО БО ВИДЕТИ, како ты, Богоблаженне Отче, Ста­ростин) притружденный, за послушание настоятелю и бра­тии по морю многажды плавал еси, о нуждах новосозидае- мой обители и об утешении братии попечение имея, отнюдь покоя себе не дая и среди опасностей потопления живот твой Богови вверяя и сердцем взывая: Аллилуия.

ИКОС 8

ВЕСЬ УМ твой в небесная вперив, горняя мудрствовал еси, а не земная, Преподобие Отче наш, вышних ища, идеже Христос есть одесную Бога седя, идеже празднующих глас непрестан­ный, идеже радость праведных несказанная. Тамо убо со всеми Святыми водворяяся, слышиши от нас ублажения сии:

Радуйся, очесы веры на Христа присно взиравый.

Радуйся, в злостраданиях николиже роптавый.

Радуйся, яко на ладии многажды по морю плыл еси.

Радуйся, яко сие за послушание настоятелю и братии тво­рил еси.

Радуйся, морских волнений и напасти не страшивыйся.

Радуйся, благому Промыслу Божию всецело покоривыйся.

Радуйся, яко смирением и послушанием Богу угодил еси.

Радуйся, яко козни вражии до конца сокрушил еси.

Радуйся, в бурю пловцам подающий спасение.

Радуйся, дивное им в бедах поможение.

Радуйся, яко душу твою по братии полагал еси.

Радуйся, яко Имя Господне непрестанно призывал еси.

Радуйся, Отче наш Германе, Преподобных Зосимы и Сав­ватия сподвижниче!

КОНДАК9

ВСЯКОЕ ПЛОТСКОЕ МУДРОВАНИЕ мужественне отринув, вдал еси себе в совершенное послушание настоятелю и братии, памятуя слово наставления святоотеческаго, яко послушание паче поста и молитвы есть, и тако достигл еси в мужа совершен­на, в меру возраста Христова, Богу поя: Аллилуия.

ИКОС 9

ВИТИИ премудрии не возмогут достойно восхвалити труды и подвиги Твоя, ибо всего себе от юности в жертву Господеви возложил, даже до старости многолетныя распинал еси плоть со страстьми и похотьми, да очистиши сердце Твое и да будеши храм Животворящаго Духа Святаго. Сподоби и нас, Святче Бо­жий, тебе усердно подражати и сице тебе возглашати:

Радуйся, в пустынных дебрех и горах привитавый.

Радуйся, постом и молитвою в напастех себе ограждавый.

Радуйся, яко чести и славы мирския избегал еси.

Радуйся, мудрость не от мира сего стяжал еси.

Радуйся, благодати сосуде избранный.

Радуйся, светолепием Божиим озаренный.

Радуйся, яко игу Христову выю твою подклонил еси.

Радуйся, яко по трудех дневныя нощи в молитве проводил еси.

Радуйся, вся обеты иноческия свято соблюдавый.

Радуйся, всех иноков Боголюбию наставивый.

Радуйся, яко от всякаго зла себе хранил еси.

Радуйся, яко полчища бесов посрамил еси.

КОНДАК 10

СПАСТИ ХОТЯ душу Твою, нози твои на камени веры поставил еси, и, светильник слова Божия вжег, в законе Господни ходил еси, помышляя, яко странник и пришлец еси на земли и яко житель­ство Твое на небеси есть. Сего ради ко всем заповедей Господним направлялся еси, всяк путь неправды возненавидев, во еже непре­станно воспевати Христу Богу Ангельскую песнь: Аллилуиа.

ИКОС 10

СТЕНА ЕСИ и крепкое заступление обители Твоей и всем верно молящимся Тебе, ибо небесе и земли Творец, видя Бо­гоугодное житие Твое, облагодати Тя, да будеши печальным утешение, скорбящим радование, недугующим врач и цели­тель, кающимся надежда прощения и всем во всяких нуждах помощник, да вси ублажают Тя сице:

Радуйся, образе кротости и смирения.

Радуйся, теплый ходатаю нам спасения.

Радуйся, яко ревнующих о спасении под кровом своим со­блюдавши.

Радуйся, яко трудников и богомольцев обители Твоея с небеси благословлявши.

Радуйся, обидимых благонадежное и скорое защищение. Радуйся, в скорбех и печалех нам всем утешение.

Радуйся, яко всем притекающим к тебе в нуждах помогавши.

Радуйся, яко за вся православныя христианы молитвы Богу воссылавши.

Радуйся, на свещнице Христовой поставленный.

Радуйся, на земли дивно от Бога прославленный.

Радуйся, яко гнев Божий от нас грешных отвращавши.

Радуйся, яко любовию чтущих святую память Твою бла­годатно посещавши.

Радуйся, Отче наш Германе, Преподобных Зосимы и Сав­ватия сподвижниче!

КОНДАК 11

ПЕНИЕ надгробное со слезами смешанное принеся еси, всеблаженне Отче, егда, возвратившись в обитель, уведел еси о преставлении сподвижника Твоего Преподобнаго Савватия, его же зело, яко брата любил еси. Егда же Господь посла Тебе но- ваго сподвижника твоего, Преподобнаго Зосиму, тогда радости исполнився, благодарне Богу возгласил еси: Аллилуия.

ИКОС 11

СВЕТОЗАРНОЕ СВЕТИЛО показался еси, Отче наш Германе, в нощи греховней блуждающим, души наша светом Богопозна- ния просвещая и по пути заповедей Христовых ходити настав­ляя. Сего ради к Тебе усердно притекаем и тако Тя восхваляем.

Радуйся, целомудрия изрядный ревнителю.

Радуйся, чистоты усердный блюстителю.

Радуйся, яко надежду небеснаго наследия в себе имел еси.

Радуйся, яко жития Преподобных Зосимы и Савватия списати повелел еси.

Радуйся, вся заветы Преподобнаго Зосимы свято хранивый.

Радуйся, ни един же от них преступивый.

Радуйся, яко о смертнем часе непрестанно помышлял еси.

Радуйся, яко ко исходу от жития сего себе присно уготовлял еси.

Радуйся, по Бозе упование твое на Матерь Божию возлагавый.

Радуйся, Богородицу яко Матерь Света выну в песнех величавый.

Радуйся, яко Преподобнаго Зосиму ко гробу проводил еси.

Радуйся, яко тело его многотрудное слезами теплыми оросил еси.

Радуйся, Отче наш Германе, Преподобных Зосимы и Сав­ватия сподвижниче!

КОНДАК 12

БЛАГОДАТЬ СВЫШЕ Ти дарованную подаждь нам, досточудне Отче наш, яко да и мы, подражающе вере и благочестию Твоему, принесем Спасителю нашему дары духовный: покаяние теплое, молитвы усердныя, братолюбие нелицемерное со всеми доброде- тельми и сподобимся купно с тобою взывати Богу: Аллилуия.

ИКОС 12

ПОЮЩЕ ТВОЯ ЧУДЕСА, Богоносне Отче наш, восхваля­ем подвиги Твоя, ублажаем и кончину Твою, ибо на смертнем одре возлежа и исход Твой провидя возжелал еси исповеда- тися и Святых Христовых Таин причаститися. Сподоби убо и нас христианския кончины живота нашего и добраго ответа на Страшнем Судищи Христове, да зовем Ти:

Радуйся, в монастыре Преподобнаго Антония Римлянина богоугодное житие Твое скончавый.

Радуйся, в Новограде на послушании умиленный дух Твой Богу предавый.

Радуйся, яко и по смерти чудесы Твоими сияеши.

Радуйся, яко духи нечистыя от человек прогоняеши.

Радуйся, от обители земныя во обители небесныя преселивыйся.

Радуйся, тамо со всеми Святыми в вечней славе водворивыйся.

Радуйся, яко мощи Твоя на месте трудов Твоих почивают.

Радуйся, яко тыя мощи исцеления верующим источают.

Радуйся, духом воскресший прежде общаго воскресения.

Радуйся, и нашим душам указующи путь обновления.

Радуйся, яко монахов множество наставника Тя почитают.

Радуйся, яко православных собор присно Тя ублажает.

Радуйся, Отче наш Германе, Преподобных Зосимы и Сав- ватия сподвижниче!

КОНДАК 13

О, ПРЕПОДОБИЕ и Преблаженне Отче наш Германе! Приими ныне малое сие моление наше, от души в похвалу Тебе приносимое, и Твоим многомощным предстательством умоли Господа нашего Иисуса Христа, да пробавит милость Свою нам грешным и подаст нам во временнем житии на­шем вся благая и потребная яже к животу и благочестию, да и мы с Тобою и всеми Святыми выну Ему вопием: Аллилуия. (Трижды)

(И паки чтется Икос 1 и Кондак 1.)