Тобою возведенный Богородице, достойно славит тя.

свя́та́го на з~.

иоа́нна дамаски́на.

Гла́с 4. Пе́снь 1. ирмо́с:

я́ко по су́ху, пешеше́ствовав Изра́иль, по бе́здне стопа́ми, гони́теля фарао́на ви́дя потопля́ема, Бо́гу побе́дную пе́снь, пои́м, вопия́ше.

Непло́дствующия души́ моея́ помышле́ния непло́дная исто́ргни, непло́дныя прозябе́ние, благохвали́ти начина́ющу, твое́ во утро́бе ма́терни свя́то́е зача́тие.

Свяще́нный заха́риа в хра́м вше́д, ви́де Боже́ственнаго а́нгела, ему́ я́ве возвеща́юща: сы́на в ста́рости, свяще́нниче, прии́меши предте́чу. (с. 452)

Свети́льник со́лнца сла́вы светоза́рен, во чре́ве зачина́ется возсия́ти ма́терни, и́мже тма́ разреша́ется страсте́й, и непло́дствия у́зы вели́кий предте́ча.

Богоро́дичен:

Во чре́ве твое́м Влады́ку, в ма́терни носи́ма, Богоро́дице пречи́стая, чре́ве ви́дев, взыгра́ся я́ве иоа́нн, я́ко су́щий того́ предте́ча.

Катава́сиа: отве́рзу уста́ моя́:

Песнь 3

Ин. Ирмос: Ты еси утверждение:

Даждь нам помощь твоими молитвами всечистая,

прилоги отражающи лютых обстояний.

Еве праматери ты исправление была еси,

начальника жизни мирови, Христа Богородице рождши.

Препояши мя силою всечистая, яже воистинну Бога

рождши плотию, отчую впостасную силу.

ирмо́с:

Не́сть свя́т, я́коже ты́, Го́споди Бо́же мо́й, вознесы́й ро́г ве́рных твои́х, бла́же, и утверди́вый на́с на ка́мени испове́дания твоего́.

Непло́ды дне́сь пло́д свяще́нный зачина́ет, и́же напосле́док все́ непло́дие ду́ш секи́рою мы́сленною отсещи́ хотя́щ, бла́года́тию.

огло́хнув вну́трь хра́ма, заха́рие вели́кий, гла́с сло́ва возвеще́нием стра́шным прие́млет, и све́тло велича́ет Го́спода бла́гоутро́бнаго.

Показа́вый стезю́ тве́рду ве́рным покая́ния, повеле́нием а́нгела во чре́ве ма́терни прозябе́, Боже́ственным сове́том па́че наде́жди, сла́вный предте́ча.

Богоро́дичен:

Во чре́ве носи́маго Христа́ Де́вы я́ко позна́, и́же из непло́дове, взыгра́ся, провозвеща́я ра́дость прише́дшую на зе́млю, се́тования вся́ изба́вити.

Малая ектения

Седа́лен, гла́с 4. Подо́бен: удиви́ся ио́сиф.

Кадя́щу в хра́ме заха́рии свяще́нному, гаврии́л с Небе́се́ предста́, глаго́ля к нему́: я́ко в ста́рости твое́й возыме́еши пло́д бла́госла́вен: и непло́дство пе́рвое елисаве́ти ны́не разреши́тся а́бие, и непло́дства рожде́ние. и заче́нши роди́т пропове́дника Иису́сова же и предте́чу. те́х мольба́ми, спа́се ми́ра, спаси́ ду́ши на́ша.

Два́жды. (с. 453)

Сла́ва, и ны́не, Богоро́дичен:

Чи́стая, всенепоро́чная, и неискусобра́чная, еди́на безле́тнаго Сы́на и сло́во Бо́жие в ле́те ро́ждшая, того́ со свя́ты́ми и честны́ми апо́столы, му́ченики и проро́ки, и преподо́бными, моли́ дарова́ти на́м очище́ние, и ве́лию ми́лость.

Пе́снь 4.

Ирмос: Ты моя крепость Господи, ты моя и

сила, ты мой Бог, ты мое радование, не оставль

недра отча, и нашу нищету посетив. тем с

Пророком аввакумом зову ти: силе твоей слава

человеколюбче.

Клас возрастившая животворный, неоранная ниво,

подающаго мирови жизнь, Богородице, Спасай поющия тя.

Богородицу тя всечистая, просвещшиися вси

проповедуем: солнце бо правды родила еси

присноДево.

Очищение даруй нашим неведением, яко

безгрешен: и умири мир твой Боже, молитвами

рождшия тя.

ирмо́с:

Христо́с моя́ си́ла, Бо́г и Госпо́дь, честна́я це́рковь Боголе́пно пое́т, взыва́ющи от смы́сла чи́ста, о Го́споде пра́зднующи.

Гла́с а́нгелов тя́, су́що а́нгела Христо́ва прише́ствия, свяще́ннику свяще́нно провозвести́, из чре́ва непло́днаго прозяба́ти, бла́же́нне предте́че.

Пре́жде безча́дная и неражда́ющая ны́не весели́ся непло́ды, я́ко Христо́ва крести́теля и предте́ча плодороди́ши всесла́вно, елисаве́то досточу́дная.

Секи́рою, предте́че, твоея́ моли́твы, страсте́й мои́х те́рние, и помышле́ний исто́ргни преткнове́ния, и плодоно́сен мо́й у́м доброде́тельми, всебла́же́нне, сотвори́.

Богоро́дичен:

Чре́во тя́ ноша́ше вся́ нося́щаго Де́вы, егда́ крести́тель во утро́бе носи́мь тебе́ поклони́ся, Христе́, и игра́я веселя́шеся.

Пе́снь 5.

Ин. Ирмос: Утренююще, вопием ти:

Утоли нестерпимую бурю страстей моих, яже

Бога рождшая окормителя и Господа.

Служат Рождеству твоему пречистая Богородице,

ангельстии чинове, и человеков собрание.

Марие Богородице безневестная, упования врагов

осуети, и поющия тя возвесели.

ирмо́с:

Бо́жиим све́том твои́м, бла́же, у́тренюющих ти́ ду́ши любо́вию озари́, молю́ся, тя́ ве́дети, сло́ве Бо́жий, и́стиннаго Бо́га, от мра́ка грехо́внаго взыва́юща.

Иду́щу вну́трь свя́ти́лища, и зако́нныя творцу́ слу́жбы принося́щу, яви́ся проро́ку свя́ты́й а́нгел, возвеща́я предте́чи Боже́ственное зача́тие.

Ка́ко бу́дет сие́ мне́ явле́нно? е́смь бо ста́рец, я́ко ви́диши, и непло́дну сопру́жницу и́мам, рече́ заха́риа ко арха́нгелу: естества́ проти́вныя мне́ глаго́леши глаго́лы.

К са́рре воззри́ авраа́мове, и ви́ждь, ка́ко она́ (с. 454) исаа́ка к ста́рости роди́, челове́че, и глаго́лемым пра́ведно ве́руй, ста́рцу приглаша́ше вели́кий а́нгел.

Богоро́дичен:

бла́гослове́нна в жена́х ты́, Богора́дованная, я́ве елисаве́ть вопия́ше тебе́, егда́ ражда́ющу безму́жно позна́ тя, еди́ну по рожде́стве́ нетле́нну пребы́вшу.

Пе́снь з~.

Ин. Ирмос: Ризу мне подаждь светлу:

Храм тя Божий и ковчег, и чертог

одушевленный, и дверь Небесную, Богородице вернии

возвещаем.

Требищ разрушитель яко Бог, бывшее Рождество

твое Марие Богоневесто, покланяемо есть со

отцем и Духом.

Слово Божие тебе земным, Богородице, показа Небесную

лествицу: тобою бо к нам сниде.

ирмо́с:

Жите́йское мо́ре, воздвиза́емое зря́ напа́стей бу́рею, к ти́хому приста́нищу твоему́ прите́к, вопию́ ти: возведи́ от тли́ живо́т мо́й, многоми́лостиве.

Сомне́нно и́мам помышле́ние а́з, и не ве́рую словесе́м твои́м, арха́нгелу рече́ свяще́нник: люде́й бо спасе́ния, не от мои́х чре́сл плода́ прошу́.

Созда́тель естества́, а́нгелов ца́рь, служи́тель отвеща́, прише́ствия своего́ а́нгела, благоволи́ роди́ти тебе́, мои́м словесе́м не не ве́руй, челове́че.

Ви́д тво́й о́гнен, и взо́р тво́й стра́шен, и чу́дно сло́во твое́, заха́риа рече́ служи́телю: но у́бо не ве́рую тебе́, па́че естества́ глаго́лющу ми́ стра́нныя глаго́лы.

Богоро́дичен:

Свети́льник со́лнца, во о́блаце ма́терни утро́бе скрыва́ема позна́в, сы́й в те́мнем ложесна́ селе́нии, поклони́ся ра́дуяся, и игра́ше.

Малая ектения

Конда́к, гла́с 1. Подо́бен: Ли́к а́нгельский:

Весели́тся све́тло заха́риа вели́кий, со всесла́вною елисаве́тию сопру́жницею, досто́йно зачина́юще иоа́нна предте́чу, его́же арха́нгел благовести́ ра́дуяся, и челове́цы достодо́лжно почти́м, я́ко таи́нника благода́ти.

и́кос:

Свяще́нное Ева́нгелие разгне́м, е́же лука́ на́м написа́ свяще́нный и чу́дный, и предте́чево у́зрим зача́тие (с. 455) све́тлое и честно́е. глаго́лет бо: я́ко вни́де ста́рец и пра́ведный заха́риа во свя́та́я свя́ты́х, е́же покади́ти во вре́мя чреды́, предста́ ему́ гаврии́л благовеству́я, и глаго́ля: возыме́еши сы́на, священнонача́льниче, в ста́рости, проро́ка же и предте́чу, гла́са же и пропове́дника, и свети́льника присносве́тлаго, и таи́нника благода́ти.

Пе́снь 7~.

Ин. Ирмос тойже.

От Девственных ложесн воплощься, явился еси

на Спасение наше. темже твою Матерь ведяще Богородицу

православно зовем: отцев Боже Благословен

еси.

Жезл прорастила еси Дево, от корене иессеова

всеБлаженная, плод цветоносящи Спасительный,

верою Сыну твоему зовущим: отцев Боже

Благословен еси.

Премудрости исполни всех и силы Божественныя,

впостасная премудросте вышняго, Богородицею, верою

тебе поющих: отцев наших Боже Благословен

еси.

ирмо́с:

Росода́тельну у́бо пе́щь соде́ла а́нгел преподо́бным отроко́м, халде́и же опаля́ющее веле́ние Бо́жие, мучи́теля увеща́ вопи́ти: бла́гослове́н еси́, Бо́же оте́ц на́ших.

Не ве́ровав мои́м глаго́лом, оглохнове́ние приими́ явле́ннейше: и ражда́емь егда́ у́зриши гла́с сло́ва, восприими́ гла́с, бла́гослове́н еси́, вопия́, Изра́илев Бо́же.

Луне́ елисаве́ти примеша́яся многосве́тлый я́ко со́лнце, заха́риа светоно́сна свети́льника све́та породи́, светя́ща на́м су́щим во тме́ страсте́й держи́мым лю́те.

Игра́ния я́ко глаго́лы употреби́в, Христе́, вели́кий предте́ча, поклони́ся тебе́ во чре́ве де́вственнем, са́м носи́мь утро́бою елисаве́тиною, Иису́се: отце́в на́ших, Бо́же, бла́гослове́н еси́.

Богоро́дичен:

Луна́ елисаве́ть вну́трь нося́щи звезду́ Боже́ственнаго предте́чу, поклони́ся све́тлому о́блаку мари́и, со́лнце нося́щей Христа́, плотоноси́ма от нея́ на спасе́ние на́ше.

Пе́снь и~.

Ин. Ирмос: Царя Небеснаго:

Сопротивных разжженныя и пламеновидныя на нас

угаси стрелы: яко да поем тя во вся веки.

Преестественне содетеля и Спаса, Бога слова

родила еси Дево: темже тя поем, и превозносим

во вся веки.

Просветительную тя, и златозарную, всельшийся в

тя свет неприступный Дево, показа свещу во вся

веки.

Таже поем песнь Богородицы: Величит душа моя

Господа: С припевом: Честнейшую херувим:

ирмо́с:

Из пла́мене преподо́бным ро́су источи́л еси́, и пра́веднаго же́ртву водо́ю попали́л еси́: вся́ бо твори́ши, Христе́, то́кмо е́же хоте́ти. тя́ превозно́сим во вся́ ве́ки.

Женихо́в дру́г предуготовля́ется, гла́с же сло́ва нача́ло прие́млет, и в непло́дней ны́не утро́бе пита́ется, всеца́ря́ вели́кий во́ин.

Непло́дным сердца́м де́латель процвете́, страсте́й (с. 456) секи́ра уже́ куе́тся, теле́ц честны́й воздержа́ния пита́ется, предте́ча вели́кий, лю́дие весели́теся.

у́зы я́коже дре́вле непло́дныя, моего́ помышле́ния си́це окамене́ние разреши́, крести́телю: и плоды́ покая́ния мя́ сотвори́ возраща́ти, и жи́ти во ве́ки.

Богоро́дичен:

Чревоно́сную тя́, отрокови́це, я́ко елисаве́ть ви́де, Боже́ственне возра́довася, вну́трь ея́ младе́нцу взыгра́вшуся, я́ко позна́вшу своего́ Влады́ку.

На 9-й песни поем песнь Пресвятыя Богородицы:

Вели́чит душа́ Моя́ Го́спода и возра́довася дух Мой о Бо́зе Спа́се Мое́м.

К коемуждо стиху припеваем: Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу, Тя велича́ем.

Я́ко призре́ на смире́ние рабы́ Своея́, се бо, от ны́не ублажа́т Мя вси ро́ди.

Я́ко сотвори́ Мне вели́чие Си́льный, и свя́то и́мя Его́, и ми́лость Его́ в ро́ды родо́в боя́щимся Его́.

Сотвори́ держа́ву мы́шцею Свое́ю, расточи́ го́рдыя мы́слию се́рдца их.

Низложи́ си́льныя со престо́л, и вознесе́ смире́нныя, а́лчущия испо́лни благ, и богатя́щияся отпусти́ тщи.

Восприя́т Изра́иля о́трока Своего́, помяну́ти ми́лости, я́коже глаго́ла ко отце́м на́шим, Авраа́му и се́мени его́ да́же до ве́ка.

Пе́снь ф~.

Ин. Ирмос: Воистинну Богородицу:

Радости и веселия исполнь есть память твоя,

приступающим исцеления точащи, и Благочестно

Богородицу тя возвещающим.

Псалмы тя воспеваем Благодатная, и немолчно,

еже радуйся, приносим: ты бо источила еси

всем радость.

Красен Богородице прорасте плод твой, не тли

причащающимся ходатайствен, но жизни, верою тя

величающим.

ирмо́с:

Бо́га челове́ком не возмо́жно ви́дети, на него́же не сме́ют чи́ни а́нгельстии взира́ти: тобо́ю бо, всечи́стая, яви́ся челове́ком сло́во воплоще́нно. его́же велича́юще, с Небе́сными во́и тя́ убла́жа́ем.

Христо́в вели́кий и Боже́ственный предте́ча, непло́дная ны́не врата́ отве́рз, водворя́ется, я́ко в ца́рских, в боку́ ма́тере: да я́ко во́ин произы́дет, всеца́ря́ пути́ уготовля́я.

Бо́жий проро́че ста́рче лику́й, роди́ши бо сы́на, его́же бо́льший в челове́цех не воста́, иоа́нна Госпо́дня предте́чу: взыгра́й елисаве́ть, земля́ вся́ ра́дуйся, хвалу́ все́х творцу́ Бо́гу принося́щи.

На́с ве́рою благохва́лящих тя́, помяни́ ны́не Госпо́день проро́че, и предте́че, от душе́вных страсте́й избавля́я: спаса́й ны́ от бе́д, к Небе́сней стези́ путево́ждствуя Боголе́пно, приснобла́же́нне.

Богоро́дичен:

Чи́стую Ма́терь я́ве позна́ тя, непло́дных у́з елисаве́ть, я́ко ощути́ разреше́ну себе́, и нося́щу предте́чу, во утро́бе твое́й все́льшагося, чи́стая Де́во мариа́мь Богора́дованная.

Малая ектения

Свети́лен. Подо́бен: Со ученики́:

предте́чево сла́вное зача́тие предвозвеща́ет из Де́вы (с. 457) хотя́щаго роди́тися ца́ря́: я́ко се́й от елисаве́ти непло́дныя и безча́дныя, ста́рца же и иере́а заха́рии вели́каго: и́хже моли́твами, и Богоро́дицы, и иоа́нна Крести́теля твоего́, Го́споди, спаси́ и уще́дри вся́.

Два́жды.

Сла́ва, и ны́не, Богоро́дичен:

Сотвори́ я́ко и́стинно с тобо́ю вели́чия Сы́н предве́чный, сове́том оте́ческим: жи́знь бо безсме́ртную безстра́стно родила́ еси́, и пребыла́ еси́ я́ко пре́жде рожде́ства́, Ма́терских избе́гши, и Де́ва по рожде́стве́ пребыла́ еси́, Де́во.

Глас 1й: (?4?)

Вся́кое дыха́ние да хва́лит Го́спода. / Хвали́те Го́спода с небе́с, / хвали́те Его́ в вы́шних. / Тебе́ подоба́ет песнь Бо́гу. / Хвали́те Его́, вси А́нгели Его́, / хвали́те Его́, вся Си́лы Его́. / Тебе́ подоба́ет песнь Бо́гу.

Псалом 148:

Хвали́те Его́, со́лнце и луна́, хвали́те Его́, вся зве́зды и свет. Хвали́те Его́ Небеса́ небе́с и вода́, я́же превы́ше небе́с. Да восхва́лят и́мя Госпо́дне: я́ко Той рече́, и бы́ша, Той повеле́, и созда́шася. Поста́ви я́ в век и в век ве́ка, повеле́ние положи́, и не ми́мо и́дет. Хвали́те Го́спода от земли́, зми́еве и вся бе́здны: огнь, град, снег, го́лоть, дух бу́рен, творя́щая сло́во Его́, го́ры и вси хо́лми, древа́ плодоно́сна и вси ке́дри, зве́рие и вси ско́ти, га́ди и пти́цы перна́ты. Ца́рие зе́мстии и вси лю́дие, кня́зи и вси судии́ зе́мстии, ю́ноши и де́вы, ста́рцы с ю́нотами да восхва́лят и́мя Госпо́дне, я́ко вознесе́ся и́мя Того́ Еди́наго, испове́дание Его́ на земли́ и на небеси́. И вознесе́т рог люде́й Свои́х, песнь всем преподо́бным Его́, сыново́м Изра́илевым, лю́дем, приближа́ющымся Ему́.

Псалом 149:

Воспо́йте Го́сподеви песнь но́ву, хвале́ние Его́ в це́ркви преподо́бных. Да возвесели́тся Изра́иль о Сотво́ршем eго́, и сы́нове Сио́ни возра́дуются о Царе́ свое́м. Да восхва́лят и́мя Его́ в ли́це, в тимпа́не и псалти́ри да пою́т Ему́. Я́ко благоволи́т Госпо́дь в лю́дех Свои́х, и вознесе́т кро́ткия во спасе́ние. Восхва́лятся преподо́бнии во сла́ве и возра́дуются на ло́жах свои́х. Возноше́ния Бо́жия в горта́ни их, и мечи́ обою́ду остры́ в рука́х их: сотвори́ти отмще́ние во язы́цех, обличе́ния в лю́дех, связа́ти цари́ их пу́ты, и сла́вныя их ручны́ми око́вы желе́зными.

Сотвори́ти в них суд напи́сан. / Сла́ва сия́ бу́дет всем преподо́бным Его́.

Псалом 150:

Хвали́те Бо́га во святы́х Его́, / хвали́те Его́ во утверже́нии си́лы Его́.

На 4: Хвали́те Его́ на си́лах Его́, /

хвали́те Его́ по мно́жеству вели́чествия Его́.

Весели́тся тва́рь в зача́тии твое́м, / проро́че и предте́че, / Крести́телю иоа́нне: / Боже́ственное бо твое́ рожде́ние / предзнамену́ет на́м Влады́чнее рожде́ство́. / и сего́ ра́ди согла́сно / су́щии на земли́ досто́йно восхваля́ем тя́.

Хвали́те Его́ во гла́се тру́бнем, /

хвали́те Его́ во псалти́ри и гу́слех.

я́ко чу́дное свиде́тельство / обре́т а́нгел, зача́тие непло́дныя, / мари́и приво́дит, ко увере́нию принося́. / те́м и мы́ елисаве́ти непло́дствие / и заха́рию сопру́жника ея́, / и иоа́нна восхва́лим.

Хвали́те Его́ в тимпа́не и ли́це, /

хвали́те Его́ во стру́нах и орга́не.

Богоустро́енный свети́льник / присносу́щнаго све́та, жениха́ дру́г, / со́лнца сла́вы вели́кий светоно́сец, / живы́й гла́с Бо́жия сло́ва, / предте́ча прише́ствия Госпо́дня, / а́нгельским приглаше́нием ны́не зачина́ется.

Хвали́те Его́ в кимва́лех доброгла́сных, хвали́те Его́ в кимва́лех восклица́ния. /

Вся́кое дыха́ние да хва́лит Го́спода.

Же́ртвенник Боже́ственный благово́ния Христо́ва, / одесну́ю стоя́ние прии́м, / и зна́ние его́ благово́нствуя, / знамена́тельне познава́ешися, предте́че: / предста́тельством а́нгеловым, / одесну́ю свя́ты́х прообразу́емь.

Сла́ва, и ны́не, гла́с 6. Самогла́сен:

елисаве́ть зача́т предте́чу бла́года́ти, Де́ва же Го́спода сла́вы. целова́стеся о́бе ма́тери, и младе́нец взыгра́ся: вну́трь бо ра́б хваля́ше Влады́ку. удиви́вшися ма́ти (с. 458) предте́чева, нача́т вопи́ти: отку́ду мне́ сие́, да Ма́ти Го́спода моего́ прии́де ко мне́? да спасе́т лю́ди отча́янныя, име́яй ве́лию ми́лость.

Священник: Сла́ва Тебе́, показа́вшему нам свет.

Славословие великое.

Лик: Сла́ва в вы́шних Бо́гу, и на земли́ мир, в челове́цех благоволе́ние. Хва́лим Тя, благослови́м Тя, кла́няем Ти ся, славосло́вим Тя, благодари́м Тя вели́кия ра́ди сла́вы Твоея́. Го́споди, Царю́ Небе́сный, Боже, О́тче Вседержи́телю, Го́споди Сы́не Единоро́дный, Иису́се Христе́, и Святы́й Ду́ше. Го́споди Бо́же, А́гнче Бо́жий, Сы́не Оте́чь, взе́мляй грех ми́ра, поми́луй нас. Взе́мляй грехи́ ми́ра, приими́ моли́тву на́шу. Седя́й одесну́ю Отца́, поми́луй нас. Я́ко Ты еси́ Еди́н Свят; Ты еси́ Еди́н Госпо́дь, Иису́с Христо́с, в сла́ву Бо́га Отца́, ами́нь.

На всяк день благословлю́ Тя и восхвалю́ и́мя Твое́ во ве́ки, и в век ве́ка. Сподо́би, Го́споди, в день сей без греха́ сохрани́тися нам. Благослове́н еси́, Го́споди Бо́же оте́ц на́ших, и хва́льно и просла́влено и́мя Твое́ во ве́ки, ами́нь.

Бу́ди, Го́споди, ми́лость Твоя́ на нас, я́коже упова́хом на Тя.

Благослове́н еси́, Го́споди, научи́ мя оправда́нием Твои́м. Трижды.

Го́споди, прибе́жище был еси́ нам в род и род. Аз рех: Го́споди, поми́луй мя, исцели́ ду́шу мою́, я́ко согреши́х Тебе́.

Го́споди, к Тебе́ прибего́х, научи́ мя твори́ти во́лю Твою́, я́ко Ты еси́ Бог мой, я́ко у Тебе́ исто́чник живота́, во све́те Твое́м у́зрим свет. Проба́ви ми́лость Твою́ ве́дущим Тя.

Святы́й Бо́же, Святы́й Кре́пкий, Святы́й Безсме́ртный, поми́луй нас. Трижды.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в, ами́нь.

Святы́й Безсме́ртный, поми́луй нас.

Таже высочайшим гласом: Святы́й Бо́же, Святы́й Кре́пкий, Святы́й Безсме́ртный, поми́луй нас.

абие по конце трисвятаго, глаголем тропарь отпустительный случившийся и Богородичен.

Тропарь, гла́с 4:

Пе́рвее неражда́ющая непло́ды возвесели́ся: се́ бо зачала́ еси́ со́лнца свети́льника я́ве, просвеща́ти иму́ща всю́ вселе́нную, слепото́ю неду́гующую. лику́й, заха́рие, вопия́ со дерзнове́нием: проро́к вы́шняго е́сть, хотя́й роди́тися.

Слава и ныне, гла́с 8:

Иже нас ради

рождейся от Девы, и распятие претерпев Благий,

испровергий смертию смерть, и воскресение явлей

яко Бог, не презри яже создал еси рукою

твоею: яви человеколюбие твое милостиве, приими

рождшую тя Богородицу молящуюся за ны: и Спаси Спасе

наш, люди отчаянныя.

Таже глаголет диакон или иерей ектению: Поми́луй нас, Бо́же:

Возглас: Я́ко ми́лостив и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Мы же: Ами́нь.

Таже диакон, или иерей: Испо́лним у́треннюю моли́тву на́шу:

Возглас: Я́ко Бог ми́лости, щедро́т и человеколю́бия еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Мы же: Ами́нь.

Иерей: Ми́р всем.

Людие: И ду́хови твоему́.

Диакон: Главы́ на́ша Го́сподеви прикло́ним.

Лик: Тебе́, Го́споди.

Возглас: Твое́ бо есть е́же ми́ловати и спаса́ти ны́, Бо́же наш, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Мы же: Ами́нь.

Диакон: Прему́дрость.

Лик: Благослови́.

Иерей: Сый благослове́н Христо́с, Бог наш, всегда́, ны́не и при́сно, и во ве́ки веко́в.

Лик: Ами́нь. Утверди́, Бо́же, святу́ю правосла́вную ве́ру, правосла́вных христиа́н во ве́к ве́ка.

Иерей: Пресвята́я Богоро́дице, спаси́ нас.

Лик: Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу, Тя велича́ем.

Иерей: Сла́ва Тебе́, Христе́ Бо́же, упова́ние на́ше, сла́ва Тебе́.

Лик: Сла́ва, и ны́не: Го́споди, поми́луй, трижды. Благослови́.

Священник творит отпуст.

Христо́с, и́стинный Бог наш, моли́твами Пречи́стыя Своея́ Ма́тере, святы́х сла́вных и всехва́льных Апо́стол, святых славных и допропобедных мученик, преподобных и богоносных отец наших, святаго Архистратига Божия Михаила и прочих Небесных Сил Бесплотных, и святаго Славного Пророка, Предтечи и Крестителя Господня Иоанна, его же и память ныне совершаем, святы́х и пра́ведных богооте́ц Иоаки́ма и А́нны, и всех святы́х, поми́лует и спасе́т нас, я́ко Благ и Человеколю́бец.

Лик (многолетие): Вели́каго господи́на и отца́ на́шего Кирилла, Святе́йшаго Патриа́рха Моско́вскаго и всея́ Руси́, и господи́на на́шего высокопреосвяще́ннейшаго Лонгина, митрополи́та Саратовского и Вольского, Богохрани́мую страну́ на́шу Росси́йскую, властей и воиство ея, настоя́теля, бра́тию, прихо́жан свята́го хра́ма сего́, и вся правосла́вныя христиа́ны, Го́споди, сохрани́ их на мно́гая ле́та.

Таже час первый.

На Литургии блаженны Предтечи, песнь 3-я – 4 (со ирмосом) и песнь 6-я – 4.

По входе – тропари и кондаки:

В храме святого – тропарь храма, тропарь Предтечи; кондак храма. «Слава» – кондак Предтечи, «И ныне» – «Предстательство христиан...».

Прокимен, аллилуиарий и причастен – Предтечи и дня.

Апостол и Евангелие – Предтечи и дня.

На литурги́и: бла́же́нна от кано́на, пе́снь 3-я, и з~-я. Проки́мен, гла́с з~: Возвесели́тся пра́ведник о Го́споде, и упова́ет на него́. Сти́х: услы́ши, Бо́же, гла́с мо́й: Апо́стол, к гала́том, зача́ло с~_и, от полу́: Бра́тие, авраа́м два́ сы́на име́: Аллилу́иа, гла́с 4: пра́ведник я́ко фи́никс процвете́т: Ева́нгелие луки́, зача́ло 2: Во вре́мя о́но, бы́сть во дни́ и́рода царя́: Коне́ц: Поноше́ние мое́ в челове́цех. Прича́стен: В па́мять ве́чную бу́дет пра́ведник:

ДОПОЛНЕНИЕ:

Тропарь и кондак храма:

Тропарь, глас 4

Небесных воинств архистратизи, молим вас присно мы недостойнии: да вашими молитвами оградите нас кровом крил невещественныя вашея славы, сохраняюще ны припадающия прилежно, и вопиющия: от бед избавите ны, яко чиноначальницы вышних сил.

Кондак, глас 2

Архистратизи Божии, служителие Божественныя славы, ангелов начальницы и человеков наставницы, полезное нам просите, и велию милость, яко безплотных архистратизи.