Богу нашему слава во веки веков. аминь.
Молитва по соглашению
Господи Иисусе Христе, Сыне Божий, Ты бо рекл еси пречистыми усты Твоими: “Аминь глаголю вам, яко аще два от вас совещаета на земли о всякой вещи, ея же аще просита, будет има от Отца Моего, Иже на Небесех: идеже бо два и трие собрани во Имя Мое, ту есмь посреде их”. Непреложны словеса Твоя, Господи, милосердие Твое безприкладно и человеколюбию Твоему несть конца. Сего ради молим Тя: даруй нам, рабом Твоим (имярек), согласившимся просить Тя о исполнении нашего прошения: “О еже даровати нам благодати твердой и несумненной веры, любви нелицемерной и мудрости духовной, и дерзновенно исповедати Тя, и постояти за Имя Твое Святое и святую веру Православную, и не прияти нам, и чадам нашим, и сродникам нашим печати антихриста, и даровати нам на последние времена милостию Твоею Царя Православнаго и самодержавное царство, яко щит и ограждение Церкви Твоей Святей и народа Твоего”. Но обаче не якоже мы хотим, но якоже Ты. Да будет во веки воля Твоя. Аминь.
Молитва прп. Анатолия Оптинского
Избави мя, Господи, от обольщения богомерзкаго злохитраго антихриста близ грядущего, и укрый мя от сетей его в сокровенней пустыне спасения Твоего. Даждь ми, Господи, крепость и мужество твердаго исповедания Имени Твоего Святаго, да не отступлю страха ради диавольскаго, да не отрекусь от Тебе, Спасителя и Искупителя моего, от Святыя Твоея Церкве. Но даждь ми, Господи, день и ночь плач и слезы о гресех моих и пощади мя, Господи, в час Страшного Суда Твоего.
Молитва прп. Нектария Оптинского
Господи, Иисусе Христе, Сыне Божий, грядый судити живым и мертвым, помилуй нас грешных, прости грехопадения всей нашей жизни и ими же веси судьбами сокрый нас от лица антихриста в сокровенной пустыне пасения Твоего. Аминь.
Молитвы от страха пред грядущими бедствиями
О, Господи наш Премилосердный! Молим Тя мы все с великими слезами и стенаниями сердца, укрепи дух наш в день лют. Дай нам силу противостоять злобе антихриста и отжени от его лютых прельщений. Во дни страшной погибели не остави нас сирыми, соедини нас в стадо Твое малое, пошли нам пастырей Твоих честных в те страшные дни гонения.
Да Святыми Дарами Тела и Крови Твоей они укрепят наше сердце и соделают сильными и безстрашными против злобы мучителя. Ей, Господи, Иисусу Христе, Боже наш! Ты знаешь немощь естества человеческаго. Укрой нас от лютой злобы и коварства антихриста, и сонмы Ангелов Твоих да защитят нас. Аминь.
Молитва первая к Пресвятой Богородице
О, Пресвятая Госпоже, Владычица наша, Богородице Дево! Вышшая Ангел и Архангел и всея твари Честнейшая! Просим и молим Тя всегрешнии раби Твои: не отыми омофора святаго Своего! Помози претерпеть все горести, скорби, лишинея, соблазны и обольщения близгрядущего антихриста. Да дарует нам Господь по молитвам Твоим веру искреннюю и непоколебимую. Просвети, Владычице, наш ум, да распознаем лукавые сети вражии, и не впадем в них по неведению. О, Пречистая Госпоже! Собери нас, рассеянное малое стадо
Христово, воедино. Спаси православное монашество последнего века сего, всех православных христиан! Буди Сама, Пречистая, наша Спасительница и Питательница! Все упование на Тя возлагаем, Мати Божия, сохрани нас под Кровом Твоим!
Молитва вторая к Пресвятой Богородице
Царице Небеси и земли, умилосердися на ны, грешные рабы Твоя, и на весь род человеческий и очисти ны от всякия скверны и соблазнов антихриста, да с возженными светильниками возможем выйти на встречу Жениха и Праведнаго Судии, егда приидет на облаце Небесном, окруженный святыми ангелами. Блаженна та душа, которая сохранит веру православную и избавится от искушений антихриста в оные дни. Ибо силою Божией сотрясется земля, и вси земнородные узрят гнев Его на них. Горько восплачут и возрыдают вси племена земные, когда услышат глас Сына Божия, глаголющий ангелам: Откройте книгу правды, и каждый да узрит дела своя. И отделятся праведники одесную, а грешники ошуию. И проречет Сын Человеческий праведникам: Приидите, благословеннии Отца Моего, наследите Царство Небесное, приуготованное вам от сложения мира. Грешникам же рече: Идите от меня проклятые во огнь вечный, уготованный диаволу и аггелам его.
Ты же, Мати Пречистая, пока не пришли сии грозные дни, и души наша находятся в телах наших, укрепи и благослови нас на битву с антихристом и слугами его, открой глаза на их козни, подвигни слабую волю нашу на терпение мучений за Сына Твоего, и имиже веси судьбами каждого из нас укрой в сокровенной пустыне, да не примем печати антихристовой и не поклонимся ему, а будем рабами и воинами Бога нашего, славимаго во Отце, Сыне и Святом Духе. Аминь.