Отца нашего Феоктиста, спостника великаго Евфимия

Двоеплетен благочестия архиерейства и страдания прием венец, от Христа ублажаешися, преславне.

Разорил еси, Иерарше, еретиков твержы, благочестивым дерзновением, проповедав Троицу несозданную.

Всел еси на кони, апостолы Твоя, Господи, и приял еси руками¹ Твоима узды их, и спасение бысть еждение^{[317] [318]} Твое верно поющим: слава силе Твоей, Господи.

Очистив ум твой от страстныя молвы, Славне, и чувства мудре управив, к немутней тишине, Отче, устремился еси, усерд­но воспевая: слава силе Твоей, Господи.

Просвети нас повелении Твоими, Господи, и мышцею Тво­ею высокою Твой мир подаждь нам, Человеколюбче.

<Умертви наша мудрования, Человеколюбче,> и плотская взыграния благоприятными преподобнаго Твоего молитвами.

Любомудрсгвовати вожделевше, мудрости желанием Ипо- стасныя, постницы Богомудрии, миру, Всенепорочная, явлыпия- ся, Отроковице, из Тебе и Боголепно добродетели насадившияся. Юже дети благословят, священницы поют, людие превозносят во вся веки.

Проявленное на горе законоположнику во огни и купи­не Рождество Приснодевы в наше, верных, спасение, песньми немолчными величаем.

Твоя предания, Отче, невредна соблюдающе и страдание чествующе, благочестно Троицу во Едином Божества Естестве песньми непрестанно блажим.

<СХ> СХУ1

Св<ятаго> Священномученика Вавилы,

Епископа Антиохии Великия, и Св<ятаго> пророка
и Боговидца Моисея

Железом окован, непреткновенно стезю шествовал еси, Пре­подобие, к Небесному граду ведущую, честными ранами, Вавило

Всемудре, якоже утварию обложен. В негоже вшед, яко победи­тель истиннейший, и мученик непобедимь, и священнодействен- ник священнейший, поеши со Ангелы песнопение Божественное чисто: Свят, Свят, Свят, Троице Единосущная.

Стаду предстательствуя словесному, Иерарше, палицею зна­ния на злаце воспитал еси сие веры, и от зверей спасл еси, и Бога возвеселил еси, с высоты тя пасгвующаго. Егоже пред безбож­ными, блаженне, проповедуя, яко незлобиво заклался еси ягня¹, радуяся, с незлобивыми отроки, и привелся еси с ними жертва благовонна всецела, Вавило всечудный.

Ты добродетельми превшед, в видении был еси близ всех Бога. Посреди вихря и мрака <же> и облака внутрь быв, весь про­славился еси. Оттуду прият скрижали Божественных Писаний и равноангельно благодатию ясно блистаеши душевными очесы, вкупе и телесными, и спокрываеши зловерное ослепление, являя верным откровение, ты и словом подаваеши, моли спасгися нам.

В Богодельней и огненосней Божественней любви был еси собеседник, яко Другу друг — Богу, и лицем к Лицу, Моисее треблаженне, на Творца своего воззрев, видиши задняя зарею Сего яве, и чрез скважню навыкнув, плотию Слова будущее тебе Богоявление. Темже и столп предъидый, преславно пред людьми Богомудрыми, предходиши и спасаеши верно хвалящия тя.

Своими кровьми, яко Моисей Чермное море безволненно прошед, Вавило Блаженне, Богу победную песнь вопиял еси: вос­поим Господу, яко прославися.

Носяй светло Божесгвенныя зари, Богознаменьми удивил еси Египет, претворяя стихий преславне естество, премудре.

Озаряет красное доброты твоея, от Божесгвенныя зари свет­лое, Блаженне, жительство и к Божественней несытно вся при- влече красоте.

В печатном источнике: агня

Взялся еси страшным видением ко ужасному зрению, пре- мудре: но возбрани глас Господа, рождшагося из Девы плотию.

Гугнанию языка и гласа твоего уяснившуся Божественным промыслом, Боговидче, вития тайн Божиих явился еси глаголы и ранами язвил еси Египет.

Весьма неизреченнаго знания исполнился еси, Боговидче, Дух Святый чрез Ангела древних научи тя знанию ясно.

Не приближайся семо, Моисей слышав, Божию гласу вопиющу из пламене купины: Свято бо место в лепоту преднапи- са плотию родитися Христу из Чисгыя.

Камением¹ покрывся, не видев еси Божия Лица, яко утаена, о Боговидче, воплощение же познал еси Слова, яко задняя.

Вшел еси чувственне во мрак и навыкл еси неизреченная, о Боговидче, яко хощет из Девы Бог плотию родитися, Спас.

Постави послушати Бог гласа Своего Боговидца Моисея, Себе Самаго ему явив, да покажет страшное со славою Таинство Свое.

Манием Божественным Тя преднаписует Моисей славный ковчег, Богородице, зарями Духа всюду, яко златом, покровен в славу Божию.

В Боговидениих неизглаголанных Божественный писатель быв, весь мудрый вид <скинии> ты словом ухитрив, началоздате- лю Веселеилу предложил еси деяние, Боговидче Моисее!

Яко таинник Божий и служитель и царь Израилев, Моисее Боговидче, явлься, Христа проповедал еси приити во плоти, про­писав Его в себе страшное и Божественное Пришествие: Егоже и образ одушевлен^{[319] [320]} явился еси яве, и пророк верен.

Бог человеком путь показа Крестом к высоте Небесней благовосходен: сего ради смерть побеждается земными, дети бо юныя сея не убояшася, с чудным Вавилою, яже ублажаем.

<СХ1> СХУН

Св<ятаго> пророка Захарии, Отца Иоанна Предтечи

Священства законнаго одеян истинно одеждею, по чину Ааронову служил еси и, предстоя в храме, ангельский зрак яве видел еси, преблаженне. Тем твое преставление вси поюще долж­но, Захарие, песньми восхваляем тя, по старости израсгивша Иоанна славнаго, моли за ны Милостиваго Бога, спасгися нам.

Житие твое непорочно обретеся, священства украсися одеж­дею и пророчества светосными сиянии, Богоглаголиве Блаженне.

Утро, провозвещающее вселенней Тя, Солнца Разумнаго, Спасе, Захариа Иоанна родил есть.

Управи житие мое, Богородительнице Всечисгая, и жизнь, Яже Захариин дом уяснившая.

Направляется к пению язык твой, Богоглаголиве, Неиску­собрачную бо во чреве носящу видел еси.

Ризу мне подаждь светлу, одеяйся светом яко ризою, Много- милостиве Христе Боже наш.

Весь был еси, Захарие, <Божественный> Орган Духа, требла­женне, и пророка, твое¹ провозвещаше отроча, благословен еси, зовуща, Господи Боже, во веки.

Исполнился еси вдохновения Утешителева, и благословити начат Господа, священнотайниче² Богомудре и Богоблаженне.

Глаголов исхождения Архангеловых узрев, Богоглаголиве прехвальне, к благословению язык абие подвигнул еси.

¹ В автографе: твоего

² В печатном источнике: священнотаинниче

Свет из Света возсияв, Слове, прежде денницы безлетно, Свет из Матере под летом непременно прошел еси, сиянии свето­лучными концы мира просвещая, яко Свет мира.

Благословен Плод есть чрева Девическа, сисполняяй всяче­ская^ восклицала еси, преблаженная Елисавето, Духом Божиим движима, тако глаголала еси, в песнех убо тя почитающе, в Трои­це славимаго Бога величаем.

Мати Неискусобрачная, Престол херувимский показася утро­ба Твоя Бога Неприступнаго, Ты бо Едина вместилище еси Божие, Бога рождши Воплощеннаго, от всех грехов избавляющего рабы Своя. И тем¹ достойно есть сердцем и устнами ублажати Тя.

Воплотившуся уже Мессии, первую тя благовесгницу слы­шим, егда к целовавшей тя Богоизбранной Отроковице со ужа­сом глаголала еси: откуду мне се, да прииде Мати Господа Моего ко мне? Восхваляюще убо тя, вопием: радуйся, зерцало, тайны Божия нам являющее.

Духом Святым укрепляема противно всех хотений, сына своего Иоанном именовала еси, преблаженная Елисавета², всяк да хвалит тя, орган Святаго Духа.

Яко небо манною обременив Бог, оную людем в пусты­ни низпусги, тако от блаженныя Елисаветы³ Иоанна, благодати вещателя, нам дарова. Велия милость Твоя к человеком, Боже.

От юности крепок являяся Сампсон, слава неплодней мате­ри своей бысть: в Рождшемся от Тебе Иисусе все исполнение есть Божества телесне, Славнейшую Тя всех святых величаем, Дево Пречистая.

Певаемый от Серафим, и от Херувимов носимый, Престол избрал еси прекрасный утробу Чисгыя Богоотроковицы. Тем

¹ В печатном источнике: Тем

² В печатном источнике: Елисавето

³ В печатном источнике: Елисавети

благодарственное возсылаем Ти: слава Тебе, Едине Человеколюб­че, слава Тебе, Иисусе Пресладкий, слава Тебе, Всеупование наше, слава Тебе, спасение верных, слава благоутробному смотрению Твоему.

<СХИ> СХУШ

<Святаго> Архистратига Михаила, и Св<ятаго> мученика Евдоксия, и преподоб<наго> Архиппа

И вид твой огнен, и доброта чудна, Михаиле Первоанге­ле, невещественным бо естеством преходиши концы, испол­няя повеления всех Творца, силен в крепости твоей познаваем, и источник исцелений храм твой соделовая, званием твоим свя­тым почитаемый.

Яко чиноначальник и поборник, и Ангелов началовождь Архисгратиже, всякия нужды и скорби, недугов и лютых грехов свободи, верно воспевающия и молящия тя, славне, яве, яко неве­ществен Невещесгвеннаго зря, и неприступным Светом Владыч- ния славы осияем. Той бо человеколюбно плоть нас ради от Девы прият, спасти восхотев человечество.

Иже славы желающе сградальческия, приидите восхвалим великаго во сградальцех Евдоксия вси, в кимвалех Давидски тор­жествующе.

Меча и огня не боюся, Евдоксий вопияше к мучителю: се бо имам Бога Крепость крепкую, Емуже служу.

Крепостию Божественною, Воеводо Ангелов всехвальне, обходиши всю землю, от лютых ны изымая, призывающия твое Божественное имя.

Ум сый Первый, составил еси Божесгвенныя умы хотением, начальника посреде сих Михаила содела, всеблаженным причас­тием просвещаема и умными Богоначалии облисгаема.

Величаем всех Творца же и Господа, за благоутробие давшаго обхранение величайшее и необориму стену и забрало, Михаила нам Светозарнаго Архистратига.

Красен и всеблаголепен и Боговиден сый, Вождь паче ума невещественных духов был еси, Михаиле светозарнейше, с ними убо о всех нас молися.

Яко добрии кормчий, Архангели, ко пристанищу Боже- ственныя воли душевный корабль мой спасайте, от бури грехов падший, и бедствующий.

Се благолепие твоего, Архангеле, Божественнаго храма, осияющее светозарным твоим присутствием, чудес молнии испу- щает, и тмы недугов всегда отгоняет Божественною благодатию.

<СХШ> СХ1Х

Св<ятаго> мученика Созонта

Возмутив нечестия море, яко Господень конь, пучиною, мучениче, честных и святых кровей твоих, якоже фараона, пото­пил еси противных всю силу.

Подъял еси терпелив<н>о ран приложения, якоже столп необорим, славне, прелести низложив твердыню.

Распаляемь любовию Божиею, всеблаженне, хврасгную всю лесть безбожных^[321] попалил еси словесы твоими и радуяся взывал еси: слава силе Твоей, Господи.

Святоделанен сый храм Господень, в храм втекл еси безбож­ных, и сих служения доблесгвенне сокрушил еси, мучениче сгра- стоносче Всехвальне.

Ужасошася всяческая о Божественней славе Твоей: Ты бо, Неискусобрачная Дево, имела еси во утробе над всеми Бога и родила еси Безлетнаго Сына, всем воспевающим Тя мир пода- вающая.

Запечатанная ныне Книга раждается, Юже пронести невоз­можно естеством закона земных, соблюдаема в жилище Слова: якоже книги проявиша Богоглаголивых¹ Духом.

Родися днесь Мост, преводящь к свету человечество, Лест­вица небесная, Гора Божия явственнейшая, Богородица² Дева, Юже ублажаем.

Источник ныне произыде из малыя капли, Всенепорочная, Яже Бездну спасения рождши, многобожия упразднит безмерный токи.

Немокренно преплыв прелести пучину, в пристанище Выш­няго Царства, мучениче, досгигл еси, вечныя наслаждался тиши­ны, блаженне.

Подвигнем язык, песнопеньми Божественное Рождество чтуще, препетое Слово и Пребожесгвенное воплотившия Духом, и воззовем: Господа пойте, дела, и превозносите Его во вся веки.

<СХ1У> СХХ

<Святаго отца нашего Иоанна,