Чюдо Пресвятыя Богородицы и преподобнаго Иосифа Новаго. Како бо сие умолчати можем, страшное и ужаса исполненное?

Како бо сие умолчати можем страшное и ужаса исполнное чюдо, колико Пресвятая Царице небесная имать благоутробия щедрот человеческому роду в ступлениих к Богу? Како призирает святая своя места и з не оставляя никако, яко во всей вселенней пристанище спасения человеком святая церкви и обитель устроевая и различно чюдодейственне милуя, являяся якожь и вновь Богом сажденном винограде Росии бесчисленно воздвиже. И зде последняя дни сего века, яко благоутишное пристанище среди суетнаго волненья греховных обуреваний во грехах погруженных, подобно кораблю, святую сию обитель дарова и в ню же строителя и образов подобна, отца Иосифа устрои нам заступника, и яко лучю света чюдесным//(л. 99 об.) своим образом во тме греховней свети и, подобно животочному источнику вод, нас недостойных исцелений и милости поданием упой, якоже и на труждающимся братом нашим ныне содеявшися, ясно сказати можем. Кто не удивится, трепеща, милостивному Божия Материи оного благоутробия и толико в небесней своей любве у престола невидимаго Владыки Своего же Сына и Бога за ны молит? Но и зде свою обитель и основание дому, идеже ныне сама по своей благости собирает, показуя приятелище своей благости к своему образу и служителю преподобному Иосифу, яко же древле преподобным Антонию и Феодосию Киевопечерским, не праведных токмо присещая, но и на сущих мерзостех недостоинства за молитвы преподобных милуя. Како можем мы недостойныя благодеяния, ея же в видении нашего недостоинства содеяшеся и толи пред нами, но и пред многим народом бывшей? Не вострепещем ли судии, повелевшаго неключимаго раба, скрывшаго талант, воврещи во тму кромешную?! И аще мы умолчим, то камение может//(л. 100) вопити. Молим вы, о благочестивейши христоимениты роди сно церковнии, не мозем преславно одушевленнаго храма Матери Нашего Спасения преслушать или поданиям милостителя, яко дети безблагодарны уничтожити, дабы и вопредь оная щедрот быть не у лишенным и о создании сего святого храма подчимся ревность возприяти, да тех же, их же же Богомати в Печерской обители на создание храма явлься Антонию и Феодосию преподобным за едино прошение кирпича и с прошения мук даровати обещавый надежду восприяти будем. Имамыи же и подобна ходатая зде в чюдесех просиявшаго отца преподобнаго Иосифа. Свидетель нам есть Бог, яко истинну паки поведати вашему любомудрию хощем, жив Господь, яко не хощем солгати на своя души трепеща же, явльшии солгати, умолчати не можем не мы токмо едини, но и мног народ окрест живущих с нами свидетели есть сему чюдеси, ибо и исцелевый//(л. 100 об.) с нами вопиют немолчно. На предлежащее возвратимся. Сего 720 году в Великий пост в пяток самых страстей Христа Бога Нашего труждающийся брат наш у часовни, яже на Оникиеве лесе именем Иаков прииде в пустыню трудолюбия ради святой церкви ради страстей Господних, ожидая всемирнаго торжества воскресения дне и прося нищету нашу о премене, оттуде испуская слезы и лице его изменено и сказуя нападание на ся искони всегубителя врагаривидении страшными и не могу ктому в лесие месте быти, глаголя да не погибну аз же не разумея истинны, яко человек в сумнении пострада, мня, яко он не хотя трудитися глаголет, того ради не внят сей. Оны ж брат во унынии бе измулен в самое же светлое Христово воскресение изшедшим нам иеромонахом и протчим от братий со святыми иконами к некоему христолюбцу с молебным пением. И быв у него пошли вспять во обитель. Оны жь//(л. 101) выше явленный монах Иаков несый образ Богоматери нача всякое нехранение во уме своем изменение иметь. И вземши ту бывшия братия от него образ и его с трудом в пустыню доведоша. Егда жь бысть вечернее пение, тогда жь оный вшед во церковь, раздра на себе ризу и свитку, обнажая тайная своя уды, нелепая крича и слины от уст точа. Братиям же держащим его, но сохранити не могущим. Бе бо попущенно от Бога супостату диаволу действовати в нем и бе зело срамно ужаса исполнено зрети тогда бываемая на нем иногда скачет, яко машуще нелепо, овогда о землю ударит оного неприязненная сила и на спине его кружа, яко ветреннее колесо и очию из главы весити, яко и угнетенным и никогда зрака видети мощно и всякое образа развращение и болезнь злая являяся. И тогда зело бо всей братии в болезновании о напрасной гибели брата бывшим, нежели торжествовати всемирныя радости могущим и со многим трудом//(л. 101 об.) онаго влекуще влекуще в хлевню, чепь железну приковаша иногда, яко крепяще. Оному ж вся разбивающу, пищи же никако вкусити не могуще. И потом бысть, яко истукан, многи дни безгласен и смрадом облияся, лежаше и искреннии его и братия все, яко в мертвых его быти вменяху. И тако в зелнем страдании том бе седмь дней, и никому надеятися живу быти тому. В новую же неделю, еже есть Фомину, по благовестии утреннем братиям всем во церковь сшедшимся и народу, единому же труднику Григорию болнаго в заключенной хлебне держащу. Внезапу бесновавый и мнимый мертвый звати именем нача Григория, глаголя: «Отверзи ми, брате, Господа ради двери, да иду и аз во святую церковь во след светоноснаго полка и множество народа. Вкупе и аз надеюся на показанныя на мне щедроты Божия Матери испросити простыню моих согрешениих». Григорий же отвещав: «Не повеленно бо есть тебя испущати, яко беснуешися и нелепая твориши, добро ти есть молитися, да исцелееши». Он же целомудруя слезы//(л. 102) испущаше, глаголя: «Иди, брате, Господа ради и повеждь наставнику нашему, да повелит разрешити и скоро отверзи ми, истинно бо аз имею на себе милость Божии Матере и имам поведати чюдо, веру ми ими, яко аз целомудрен есть». Он же Григорий целомудрие его смысл разуме, скоро отверз двери ему, да в мертвых быти вмененный оболкся в мантию, всякаго развращения лишен добре во церковь вниде. И вси незапное того преложение видевше, со удивлением надзряще же, прилежно зря, яко паче некиих пришедших видети хотя. И егда не обрете, то к чюдесному образу Богоматере припаде со слезами: «Помилуй мя, Владычице!» - призываше. По отпении же утреннего пения моли всех скоро итти в часовню ко гробу преподобнаго Иосифа, яко бы тамо некоих желаемых зрети надеяся. И текохом с ним, и егда тамо пришедших не обретохом, то оный упомянутый Иаков много благодарственне же припадая ко гробу чюдеснаго отца нашего Иосифа, слезы испусти потом возвращающим нам того и всей братии: «Что есть збывшееся на тебе? Прежде повеждь нам, яко збесися и ка//(л. 102 об.) ныне нечаянным пременил вскоре исцелися?» Он же зело слезне поведати пред народом нача, яко бывшу ми у часовни, яжь Заоникиева леса попущением Божиим за моя согрешения искони завистец и всегубитель диавол явися мне видом страшным погубити мя хотя. Аз же страхом ужасохся и вся составы моя оцепенене. И того ради и еще шед просил ваше началство о премененея оттуду, а потом болезнь боле умножашася во мне и страх. И в самый же воскресения день идущу ми со святою иконою паки страшное блазнение от неприязни ми бысть, его же ради и ума лишихся и протчаго на себе ничто же вем и до сего бывающих. Сего же дня егда бе звон ко утреннему пению, тогда аз содрогнухся и ощутихся востав, приник во оконце и видех свет от восточныя страны сияющ и абие грядущих толпу световидных и по них народ мног по основанию каменной церкве в часовню, идеже гроб преподобнаго Иосифа, их же видение преславно. И в восточныя двери в часовню внидоша. Аз же прилежно зря исхода онех видети хотя, удивляся и не ведая, что преиде светлая неделя. И абие из часовни//(л. 110) видех западныя двери отверсты и первых исходящу Жену светящуюся славою и венцем неизреченно и к церкви грядущу и мнози последующии ей преславно светом украшеннии. Близ же Ея некто монашеской мантиею одеян светло сединами украшен, о мне прося, оной указуя перстом на хлевину, в ней же аз заключен: «Доколе, госпоже, грешному от диавола мучиму быти, помилуй, Владычице», яко сия и мне слышащу». И он же ему отвеща: «За молитвы твоя Бог да отпустит ему недуг сий», аз же сия видев и слышав, разумев быти от человек сему невозможно, но Сама, мню, Пренебесная Царица назирати образ и основание дому прииде, понеже видение случися и служащих ей немощно человеку изрещи. Просяй же о мне, мню, преподобнаго Иосифа о нас паки пекущася, яко о своих чадех паче жь гроба своего не оставляюща, посем аз начах звати набдящаго мя Григориа еже отверсти двери, и изыдох скоро во церковь, хотя тамо вшедшую Царицу и просящаго за мя видети, прилежное отпущение моих грехов просити. Того ради и ко гробу нашего отца молитвы скоро тещи, но за недостоинство мое паки явлено ми быти непопущенно, но обаче вы мя//(л. 110 об.) сами надо мною вся злая видесте и в мертвых быти мя вмененна поведасте. Ныне жь паки узрите на мне грешном скорое беды изменение. Несть ли сие милость Божия Матери и преподобнаго заступление молитв ради ваших?!» Мы же, сия слышавше и образ его в первом состоянии видевше о преужасном милосердие Божии и вси трепетно прославиша в Тройце славимаго Бога, и милость Пресвятыя Богородицы, и молитвы жь чюдеснаго отца Иосифа песненно благодарихом, да щедроты святыя Создателя Нашего никогда отяты будут от нас недостойных и всего создания за предстателство Пресвятыя Владычицы и преподобнаго Иосифа во веки, а последующая сие преизящнаго чюдесе.

(л. 34) Сие слово на память преподобнаго Чюдотворца Иосифа чтется септемврия в двадесять первый день.

Тайну цареву добро есть хранити, а дела Божия проповедати преславно есть, зрите како Всевышний Содетель, в горней тверди светило великое уяснивый, яко же ни облак светосияния оного скрыти может, Той же и сей пресвятый рожьдшия Его Богоматере образ и гроб того служителя точением чюдес обогативый, его же ни вся вселенная утаити возможет. И аще мы умолчим, то камение возопиет, проповедая величия Божиих чудес. Стецемся ныне,//(л. 34 об.) христоименитый православный роде, к сему новоизлиявшемуся источнику живота и почерпем воду жизни, с веселием землю сердец напаяющии, ею же стяжавый веру чаянием надежды, не вжаждется николиже (Ин 4:14), но яко струя преливающаяся будет изобилна.

Молю же вы, о богособранный полче, да слышите сия преславная чюдеса Божия Матере и угодника Ея новаго чюдотворца Иосифа, яже зде вкратце, ниже изъявленно, не толико в странах сих прославленный, но и в далных градех по всей России, яко солнце, сияет.

В лето 1717-ого году ноемвриа 21-го числа по благословению преосвященного//(л. 35) Павла епископа Вологодскаго и Белоезерскаго и советом святыя обители Заоникиевския строителя иеромонаха Анастасия и братии отпущен был в Кирилов монастырь монах Сергий на праздник Введение Пресвятыя Богородицы для обьявления нынешних чюдес и изящного ктому прежняго испытания о явлении образа Богоматери и чюдес и подвизех преподобнаго Илариона во иноцех Иосифа, и для собрания казны в строение каменныя церкви. И быв оный монах в пречестней обители Кирилла Белоезерскаго и у некоего христолюбца, ревнующа и о чюдесех Божия Матере, обрете книгу, в ней же со испытанием написано явление//(л. 35 об.) образа Богоматери Заоникиевския, и о труде Илариона, юже оный христолюбец в пустыню Богоматери ради истиннаго явления посла прежде тому оный помянутый монах Сергий, в вышеявленной киновии обрете в болнице схимноиеромонаха Авраамия в древних летех суща, что в мире был Афанасий прозвищем Слеза. Той Афанасий еще в самых своих младых летех был в той святой обители Заоникиевым пономарем прежде сего лет за осмьдесят, не по мнозех летех по преставлении приснопоминаемаго Илариона, во иноцех Иосифа, иже тогда живущии во обители вси памятию житие его проповедоваху,//(л. 36) аще писанию предано имяху, но болии речию всех пришедших услаждаху. Вышереченный же Афанасий по том быв иереем во граде Вологоде на Кириловском дворе, и сие оставив, на прежнее возвратимся.

Но той схимноиеромонах Авраамий, кленыйся схимою, юже ношаше, тако извествуя, яко приснопоминаемый Иларион по явлении с воздуха чюдесного образа Богоматери и по свидетелству Успенскаго ключаря Иоанна Емельяновскаго и Песочного монастыря игумена Пимина, и многим освященным собором, и народом христианского рода сотвори из малых древес молитвенный храм, си речь часовню, и в ней//(л. 36 об.) труды к трудом прилагая. И начаша множество народа стецатися, видевше знамения и чудеса от иконы Божия Матери, яко воды текущия, такожде и подвиги труда его любезно вси зряху. И по благословению тогда архипастыря оный Иларион во иноческий образ облечеся, бысть первый монах тоя святыя обители началообразней о Христе собранной братии. И наречен бысть Иосиф. Потом преосвященный архипастырь Нектарий, тогда правяй престол, повелевает в славу Святыя Живоначалныя Троицы церкви и Пресвятей Богородицы престол и человеку Божию Алексию престол поставити, и игумена Силуана посвяти, иже той//(л. 37) первосоздатель богособраннаго стада бысть.

Потом приснопоминаемый Иосиф, благоуродство приим, начат в пазусе своей камение носити, овогда песок и персть носити, ухищренно тело свое удручая и в мраз нощиих в той часовне трудяся. Труды и пощение его никто не может изъявити. И на тело свое власяницу неявленно воздеже, от ея же остроты вси видеша по ногу его капли крови на землю непрестанно течаху. Игумен же Силуан и прочии монаси, сия видевше, дивляхуся, но хитрости ради его благоюродства истинны труда познати не возмогоша, но в простыню вменяху.//(л. 37 об.) По преставлении же игумена Силуана, егда же приим конечное его ко Богу отхождение, тогда в день неделный во святой церкви приступи к причастию святых таин. И по причастии нача веселитися и радоватися, поминая явления многочюдеснаго образа Божия Матере и прежепомянутыя глаголы небесных сил, повествующих к нему. И септемвриа в 21 день после утренняго пения, призвав оный преподобный Иосиф некоего от братии, рече ему: «Возвести ныне сущему отцу игумену Феодосию, дабы тело мое грешное погреб в часовни, юже аз сам исперва деях». Сия рек, в той час Господеви дух свой предаде, образ показа чюдо,//(л. 38) монашествовав же во обители 25 лет.

Всех же лет жития его 83 лета, преставися в лето 7120-го году септемвриа вышеобьявленнаго числа в понеделник в 3 час дни индикта десятое. И тако игумен и братиа, видевши ангеловоздержное и трудолюбивое житие его и конец жития, удивителный исход его к Богу, такожде и по смерти гробу его от Всевышняго Бога прибегающим с верою исцеление подаваемо. И сего ради со многими слезами еже разлучитися не хотяще, но паче и радостию о благодати Божией честне, яко наставника своего и ходатая, гробу предаша, и в вышеявленнем месте положиша,//(л. 38 об.) и перстию посыпаша, и верху гроба пеленою украсиша, и решеткою оградиша. И множество народа, приходящии ко гробу, панахиду отпеваху. После же по многих летех попущением Божиим грех ради наших наветом диаволим по наваждению некоих при архиепископе Симоне Вологодском и Белоезерском вшеобьявленный молитвенный дом, си речь часовню, идеже гроб преподобнаго разломали и разметали в грязь. И гроба благолепие отяся, и тако безпамятен на многое время оставлен бысть. Мнози же от православных жалостию о сем скорбяху, и некий монах, ревностию влеком, оную часовню паки на том же месте собра,//(л. 39) обаче страха ради навету гроб украсити не смея, и часовню остави непокровенну и дверей не имущу. И паки согрешения ради нашего бысть волею Божиею в пустыни Богоматери огненное паление, и церкви святыя згореша. Оле, чюдо страшно и удивлению достойно, како Пресвятая Владычица не отступи от образа своего и гроба преподобнаго своего служителя, не терпя безблаголепна?! Яко же и прежде при Моисеи купину сохрани неврежденну, тако и тогда пресвятый чюдесный образ свой от среды пламени изя невидимо, и обретеся во оной небрегомей часовне и пламя огненное, яко воду окрест тоя часовни хождаше, но ни углю единому прикоснуся,//(л. 39 об.) но обаче сие чюдо простотою братии, обаче и страха ради навету без писания тогда просто положиша. И егда паки наченше ради строения новой церкви на манастырь бревна возити и ради утеснения безумнаго, оную часовню паки разломаша и в груду склаша. И бысть тако небрегомо много лет, дождем и снегом мочима, потом между архиерейством по докладу казначеем Пахомием паки повелено она часовня поставить, яко же и прежде. И паки наветом врага бысть несогласие в братии, и паки не мнозе времени разломаша и разметаша без сохранения, и иныя бревна и огню предаша, а решетку от гроба под трапезу бросиша.//(л. 40) И потом не по мнозе времени паки оноя часовня поставлена бысть, но не яко молитвенный дом, но яко непотребная хлевина безкровна и ниска, худе складена и двери разметаны. Гроб же преподобнаго никим брегом, но во время праздника, егда стицахуся народи, тогда во оной часовне мужи и жены и дети и самаго верху гроба спаху. И бысть во едино время чюдо преславно, некогда по обычаю спаху людие от граду Вологды в часовне. Едина жена спаше на том месте, идеже ныне гробница украшена. И в полунощи нача гласом вопити: «Остави мя, отче, и не бий мя, не ведах бо тя, легох на ногу твою». Бывши же ту,//(л. 40 об.) вси скочиша, вопрошаху: «Что ти бысть, жено?» Она же глагола: «Се монах биет мя жезлом, яко на ноги его легох». Они же никого же видеша, вси недоумени быша, но обаче нерадением мниха чюдо сие памятно паки положися, но во граде от бывшаго ту народа слово ношашеся. Егда же всеблагий Бог неизреченным своим промыслом, и благодатию, и заступлением Рождьшия Его Богоматери преосвященного Павла епископа на престол архиерейства возведеннаго истинно ревнителя пастыря отчествию его устрои, и бысть оный преосвященный архиерей ревнуя по Господе Вседержители и подражая мощем преподобных отец//(л. 41) обретающагося во граде Вологде преподобнаго отца Галахтиона в духовне манастыре службу стихеры и тропарь и канон сладкопесниве вчинити повеле и молебная на гробе пети благословивый. И паки рукоположением его преосвященнейшаго пустыню Богоматери Заоникиев и Настасий иеромонах строителем посылается. И последуя ревности рукоположившаго его, и слышав о чюдесех Божия Матери от чюдеснаго Ея Пресвятаго образа от гроба Иосифова, по благословению своего архипастыря вышереченную часовню поновиша, в место изгубленных древес новыми верх покрыша и двери вчиниша, и гроб пеленою украсиша,//(л. 41 об.) яко и древле. Приходящим народам панахиды пети начаша, и исцелений чюдес ту ревнителне служащему брату Сергию иконому писати повеле. И по мале времени, яко сладко текущий источник разверзеся, исцеления источая. И яко тучею дождей многих землю упоивы, тако Пресвятая Богомати от чюдеснаго святаго своего древняго образа, паче же ныне от человек уведаннаго и ходатайством своего служителя чюдотворца Иосифа от гроба его вся страны сия, но и до край моря чюдесы удививый, и отчаявшихся в надежду укрепивый, и мног род верных в ревность//(л. 42) благоукрашения святыя обители и гроба преподобнаго подвиги, иже от некоих содержащих веру, чюдесный Ея святый образ во изящное благолепие украсися и гроб преподобнаго Иосифа шелковою понявою златоутворенным крестовидным сиянием одеяся. Видевши же сия мнози от воинскаго чина и церковного дому и от градов честнии и простии христианскаго народа, святых Божиих церквей и обители к сооружению каменнаго зиждателства ревностию сердца приложиша, их же доброе намерение и молбу приснодостохвалный господин преосвященный Павел епископ видев, зело благодарствие Богу воздав, суди прошению их быти,//(л. 42 об.) но молитвами того и ревностию народа. О Богомати, с верным твоим служителем Иосифом и ходатайством своим ко Всевышнему исполни доброе намерение и мир подаждь людем своим труждающимся во веки. Аминь.

[1] Внизу страницы: «Зри на 3»

[2] Внизу страницы: «Зри 4 на об»

[3] Внизу страницы: «Зри на 4».

[4] Лист оторван, и начальные фрагменты строк утрачены.

[5] Листы перепутаны. После 34 чуда идет «Слово на память чюдотворца Иосифа» и далее «Сказание о сретении Владимирской иконы Божией Матери». Далее список чудес продолжается, однако 35 чудо воспроизводит тест чуда 32-го.