Проповедь иеромонаха Василия

Сегодня, дорогие мои братия и сестры, мы с вами вспоминаем праздник Обрезания Господня, а также праздник святителя Василия Великого. Первый праздник обрезания Господня благовествует нам о том, что в сегодняшний день на осмый день после своего Рождества, Пресвятая Дева Мария с праведным Иосифом принесли Иисуса Христа Младенца во храм по закону Моисееву. Ибо надлежало обрезаться по плоти и Господу Иисусу Христу. Это нужно было, чтобы злые еретические силы не говорили о том, что Иисус Христос, пришедый и родивыйся в этот мир не обрел плоть, но был безплотным. В этот день Господу нарекли Имя Иисус, как было сказано при Благовещении Архангелом Гавриилом Деве Марии, которое переводится «Спаситель».Ибо Господь родивыйся прише не отвергнуть Закон Отца, а утвердить. И Он это сделал. Своим рождеством Господь открыл Новый Завет спасения всему роду человеческому. Ибо после этого обрезания по плоти, Господь принял Крещение для спасения всего рода человеческого. Скоро мы с вами будем встречать этот праздник, где Он пришел на Иордан и Крестился, этим самым упразднил Ветхий Завет и дал нам Новый Завет всему человечеству, чтобы это человечество начиная от всех языц крестилось во Имя Отца, Сына и Духа Святаго. Вот что означает Обрезание по плоти Господа нашего Иисуса Христа.

Дорогие мои братия и сестры, также мы сегодня с вами вспоминаем праздник великаго светильника Василия Великаго. В чем заключалась величина этого святого? Первое, это, конечно, Литургия которую мы с вами сегодня совершали. Она была написана святителем Василием по откровению от Бога. Ни каждому бывает такое откровение, а только достойнейшему перед Богом. В чем же был велик Василий Великий? Также, как и мы с вами он был рожден в благочестивой семье. У отца и матери его Емилии было 10 детей, 5 из этих детей причисленны к лику святых, 3 из них были епископами свт. Василий, свт. Григорий Нисский и Петр. Кто же нам с вами мешат быть святыми? Мы возлюбили больше этот мир греховный, нежели Бога. И прилепились настолько к этому миру, этим грехам, что никак не можем оторваться. Вот поэтому вся наша беда заключается в нас, а ни в ком-то. А мы стараемся обвинить кого-то: «Вот нас толкает этот-то на какой-то грех... Сейчас мы живем при этой жизни…» Они тоже жили в этой жизни. Это вечная борьба, это вечная борьба со злом. Постоянное было призрение к святителю Василию, постоянное непонимание, только отдельные были с ним, которые возлюбили Господа. Они его понимали и следовали за ним, естественно следовали за Христом. А другой мир весь противился этому, как и сейчас этот мир противится всему Божиему, а не противится дьявольскому. И поэтому все, которые, как святитель Василий стоящие за Истину будут гонимы. Блажени изгнани правды ради, яко тех есть Царство Небесное. Это все Василий Великий претерпел в свою бытность. Получил он хорошее образование в Афинах. Был очень образован преподавал науке, но встреча с подвижниками египетскими, сирийскими, александрийскими, как Пафнутий Великий, Пахомий, Макарий I и II пустынниками полностью изменила его жизнь. Он понял, что вся светская образованность и науки – ничто, против науки Божественной, духовной.

АКАФИСТ

ПРЕПОДОБНОМУ И БОГОНОСНОМУ

ОТЦУ НАШЕМУ ВАСИЛИЮ ТУЛЬСКОМУ

( НОВИКОВУ)

(для келейного чтения)
Тропарь, глас 1:

Пламенный Истины Божией ревнителю,/

чистоты православия мудрый хранителю/,

ереси ересей грозный обличителю,/

возлюбленный Божия Матери служителю;/

за Русь православную мужественный воителю;/

твердо стояти в Истине Христовой

нас научителю./

Последних времен отче Василие Великий,/

моли Христа Бога, /

от козней антихриста нас избавити//

и спасти души наша.

Кондак, глас 3:

Днесь светло ликует Церковь Святая, /

у Престола Господня во славе предстоит

верное чадо Христово,/

отче Василие Новый Великий,/

величающий и прославляющий Отца Небеснаго,/

всех Горней любовию покрывает//

и ко Христу стоящих в истине ведет.

Кондак 1

Избранный и предивный угодниче Христов,/ преподобне отче наш Василие,/ душу свою за паству Христову положивый,/ скорби, клеветы, гонения и жестокия болезни претерпевый,/ все житие свое на служение Богу и ближним посвятивый/ и множество грешников на путь покаяния обративый;/ тяжко болящим исцеления у Бога испросивый./ По успении же твоем мы грешнии и недостойнии раби Господа Вседержителя,/ с любовию вопием ти://

Радуйся, последних времен отче Василие Великий, за Русь православную мужественный воителю!

Икос 1

Ангелов множество на небеси возрадовася о тебе, отче Василие, како ты во плоти сый, по повелению Господню дерзновенным служителем Пресвятыя Троицы соделался еси. Темже тебе, избраннику Божию, вопием:

Радуйся, матерними слезами у Бога вымоленный;

Радуйся, яко “царственный”, на Царское служение поставленный;

Радуйся, имени святаго не посрамивший;

Радуйся, истинным служением Пресвятей Троице угодивший;

Радуйся, благодать духовную стяжавший;

Радуйся, к Царице Небесной в молитвах взывавший;

Радуйся, земли Тульския прозябение;

Радуйся, всем притекающим к тебе быстрое вспоможение.

Радуйся, последних времен отче Василие Великий, за Русь православную мужественный воителю!

Кондак 2

Видя Господь в тебе верное чадо свое, избра тя от пелен младенческих на служение себе и чрез сродницу твою праведную старицу Пелагию Ракитинскую возвести - яко родися в сем роде пастырь словесных овец. Дивяся таковому Божию о тебе промышлению, поем Ему : Аллилуиа.

Икос 2

Разум свыше приим, яко не подобает двема господинома работати и Царствие Небесное земному богатству предпочитати, уклонился еси суетнаго мiра. Все попечение на Господа возлагая, славу мiрскую ни во что же вменяя и к Нему Единому очи свои устремил еси. Молитвами преподобнаго Сергия, егоже от юности своея от всего сердца возлюбил еси, на служение Пресвятей Троице чудно поставлен был еси. Прославляя дивное твое призвание, взываем сице:

Радуйся на жатву духовную Господем посланный;

Радуйся праведной старицей избранником Божиим предугаданный;

Радуйся в рождестве твоем пастырем словесных овец прореченный;

Радуйся в видении Новым Василием Великим нареченный;

Радуйся славу мiра сего презревый;

Радуйся сердце мудрое и доброе имевый;

Радуйся на служение по молитвам преподобнаго Сергия поставленный;

Радуйся его обитель часто посещавший.

Радуйся, последних времен отче Василие Великий, за Русь православную мужественный воителю!

Кондак 3

Сила Божественныя благодати сниде на тя, отче Василие, егда во иерея рукоположен был еси. Тогда добрый пастырь всея Земли Русския явился еси, научая всех верно служити Святей Троице и пети Ей: Аллилуиа.

Икос 3

Имея неусыпное попечение о спасении душ человеческих, небесной помощи чрез молитвы святой праведной Матроне Московской сподобился еси и в трудных борениях духа слово укрепления – «яко молчанием Бог предается» в книзе Кронштадскаго пастыря – праведнаго Иоанна, внезапу узрел еси. Сего ради на тернистый путь исповедничества с благословения Русских святых изшел еси и ревность по Бозе, подобну Илииной, воспламенил еси в себе. Мы же погибающии, на помощь твою уповая, взываем ти:

Радуйся безбоязненный веры исповедателю;

Радуйся на ниве Христовой ревностный делателю;

Радуйся достойный пресвитере, силою благодати Божией скоро всем помогавый;

Радуйся в подвизех монашеских и трудех исповеднических Василию Великому достойне подражавый;

Радуйся еретиков льстивых обличителю;

Радуйся от расколов и ересей наш охранителю;

Радуйся святых отец последователю;

Радуйся преданий их ничимже преступивый.

Радуйся, последних времен отче Василие Великий, за Русь православную мужественный воителю!

Кондак 4

Бурю искушений и скорбей воздвиже на тя, преподобне отче, враг спасения человеческаго, хотя разорити великое твое служение Пресвятей Троице, Ты же имущь в себе аки твердый столп – веру и неизсякаемый источник любве, и сию чашу с благодарением приял еси, творяй кротко молитвы за враги: «Спаси Господи, и помилуй всех ненавидящих, обидящих и гонящих нас», тем самым великое благодеяние душам их творя. Мы же дивящеся твоему великому терпению, воспоем Всемогущему Богу: Аллилуиа.

Икос 4

Слыша о подвизех и благочестном житии великих святых отцев и старцев, всей своей жизнию возжелал их нескверному житию подражати. Постом, бдением и непрестанною молитвою любовь Божественную стяжал еси, и сна очима своима и веждома дремания не дал еси. По Божию промышлению обитель чудную во Имя Пресвятыя Богородицы возградил еси и во ону множество инок собрати потщался еси. Темже усердно молим тя, неусыпный молитвенниче наш, умоли Господа Сил, да подаст и нам, утопающим в мори лености и нерадения – ревность о соборней молитве и нощнем псалмопении, да благодарственно вопием ти сице:

Радуйся, избранниче Божия Матере;

Радуйся, святыя обители Ея преславный воине;

Радуйся, славу Приснодевы на всяк день воспевавый;

Радуйся, на милость Ея всегда уповавый;

Радуйся, Благословение на создание желанной обители у Матери Божией испросивший;

Радуйся, сие чрез откровение преподобнаго Серафима Саровскаго получивший;

Радуйся, иночествующих в ней собравший;

Радуйся, о церковном богослужении ревновавший;

Радуйся, нощныя бдения возлюбивший;

Радуйся, непристанную молитву ко Господу стяжавший;

Радуйся, козни вражия победивший;

Радуйся, зело грешным себя считавший.

Радуйся, последних времен отче Василие Великий, за Русь православную мужественный воителю!

Кондак 5

Яко светозарная звезда чрез мглу греха светящая, возсиял еси во дни сия лукавыя, отче Василие, всем православным христианом. Тако и ныне подаждь просвещение людем российским, тьмою заблуждения объятым и во власть нечестивых предавшихся, да принесут плоды покаяния и прозреют духовно, поюще Богу: Аллилуиа.

Икос 5

Видевше людие Божии в тебе великаго проповедника, многомощнаго молитвенника, безмезднаго целителя и заступника пред Богом, во множестве отовсюду к тебе стекахуся, просяще помощи, вразумления, исцеления. Мы же, зряще силу, Христом тебе данную, благодарственно взываем сице:

Радуйся, старче благодатный, души нераскаянныя обновляющий;

Радуйся, пророче Бога живаго страждущим милость изливающий;

Радуйся, громе богогласный, враги веры устрашающий;

Радуйся, будущее, аки настоящее дивно прозревающий;
Радуйся, о нищих, убогих и болящих непрестанное попечение имевый;
Радуйся, душу свою за люди положити восхотевый;
Радуйся, яко помощь твою бедствующии непрестанно получают;

Радуйся, яко и по преставлении твоем к тебе людие о помощи молитвенно взывают;

Радуйся, последних времен отче Василие Великий, за Русь православную мужественный воителю!

Кондак 6

Проповедник света Евангельскаго явился еси преподобне, простыми словесы истину благовествуя. Верным чадом своим глаголал еси, яко рече Господь: «Аще любве не имате между собою, не можете быти Мои ученицы». Мы же во злобе пребывающе и завистию друг друга снедающе, яко к усердному молитвеннику и заступнику прибегаем, испроси у Господа, Источника мира и любви, да подаст Он нам, окамененным сердцем и во вражде сущим - мир, благоденствие и любовь, да воспевающе три победныя добродетели в тебе живущия, сии суть: вера, надежда и любы, поем Ему: Аллилуиа.

Икос 6

Возсия в тебе новый чудотворец, врач безмездный и целитель болящих, отче Василие, егда мнози различными недуги страждущия и бесныя к тебе притекаху, помощь и исцеление у тебе получаху. Мы же немощнии и в недузех сущии к тебе и ныне вопием, помози и исцели наши душевные и телесные недуги, да зовем ти:

Радуйся, слепых прозрение;

Радуйся, хромых хождение;

Радуйся, болящих целителю;
Радуйся, бесов прогонителю;

Радуйся, каркин[1] болезнь исцеляющий;
Радуйся, страждущих недугом пианства врачующий;

Радуйся, разслабленныя возставляющий;

Радуйся, кровоточивым ток крови молитвою уставляющий;

Радуйся, горячкою страдавших облегчение;

Радуйся, в различных недузех быстрое вспоможение;

Радуйся, Царя Небеснаго благоволения искавый;

Радуйся, мiрския славы и хваления юродством избегавый.

Радуйся, последних времен отче Василие Великий, за Русь православную мужественный воителю!

Кондак 7

Хотя спасти душу каждаго пришедшаго к тебе, отче Василие, слова Саровскаго чудотворца: «Радость моя, стяжи дух мирен и вокруг тебя тысящи спасутся» на ум часто приводил еси себе. Сие всею жизнию своею исполнити тщался еси и молитвенник неусыпный ко Господу и Богородице явился еси, непрестанно взывая: «Господи, Иисусе Христе, Сыне и Слове Божий, Богородицею, помилуй нас грешных». Сему деланию и нас научи, предивный отче, да прославляюще тя, прославим Бога: Аллилуиа.

Икос 7

Новаго светильника Земли Тульстей во времена последняя дарова Человеколюбец Господь, егда оскуде вера, любы охладе, стихии земныя поколебашася. По сему усердно молим тя, преподобне отче наш Василие, не остави нас грешных и слабых в годину испытаний, укрепи молитвами твоими всех любящих тя и вопиющих ти сице:

Радуйся, Церкве Христовой красото и утверждение;

Радуйся, от ересей и расколов наше ограждение;

Радуйся, доброгласный славы Божия кимвале;

Радуйся, Церкве Его твердый столпе;
Радуйся, всех за истину гонимых прибежище;

Радуйся, Духа Святаго пречестное жилище;
Радуйся, яко слово Божие и святых отец писания паче философии возлюбил еси;

Радуйся, яко козни диавольския, на истинных служителей Божиих находящия победил еси.

Радуйся, последних времен отче Василие Великий, за Русь православную мужественный воителю!

Кондак 8

Странное и преславное чудо видим о тебе, праведный отче, егда в болезни тяжце и немощи пребывая, песнь благодарения Подвигоположнику Христу непрестанно приносил еси. Мы же по образу твоему, в скорбех и радостех своих прилежим славити Господа, поюще Ему: Аллилуиа.

Икос 8

Всею душею ревнуя о покаянии русскаго народа и возстановлении Православного Самодержавнаго Царства, пламенный молитвенник к Государю – мученику Николаю II – искупителю явился еси. Темже ныне веруя, небесному предстательству твоему вкупе с царственными великомученицами, поем ти таковая:

Радуйся, царственным мученицам моливыйся;

Радуйся, от нечестия и ереси сохранивыйся;

Радуйся, грозное беззаконным обличение;
Радуйся, непреложное их посрамление;

Радуйся, о возстановлении царской самодержавной власти ревновавый;
Радуйся, о Грядущем Государе горячо моливыйся;

Радуйся, царственное имя, аки воин Царя Небеснаго носивший;

Радуйся, крест свой на рамена вземший;

Радуйся, православных воинов окормляющий;

Радуйся, их на брань против врагов Веры, Царя и Отечества уготовляющий;

Радуйся, врагов Церкви грозный обличителю;

Радуйся, Христов истинный служителю.

Радуйся, последних времен отче Василие Великий, за Русь православную мужественный воителю!

Кондак 9

Вся скорби и труды доблествено претерпел еси, даже до блаженныя кончины твоея, отче Василие. Шествуя по пути спасения, во вся оружия Божия облечен был еси, яко да возможеши стати противу кознем диавольским. Препоясав чресла своя истиною, и облекшеся в броня правды, восприял еще щит веры, шлем спасения и меч духовный, поя Богу: Аллилуиа.

Икос 9

Ветии многовещаннии не возмогут в полноте изобразить любовь твою к чадом твоим о Господе, еюже, отходя ко Творцу, преисполнен был еси, восхотев бо и по отшествии своем присно поучати их, яко живый, завещал еси им вся потребная ко спасению. Сего ради из глубины души вопием ти:

Радуйся, себе внимати поучавый;

Радуйся, благословение на всякое дело у Божией Матери, как у Игуменьи, брати нам заповедавший;

Радуйся, любити мiр и яже в мiре нам воспрещавый;

Радуйся, пред очами своими Господа всегда имети наставлявший;

Радуйся, на жития святых взирати нам вещавший;

Радуйся, любити друг друга нам завещавший;

Радуйся, веру твердую в нас насаждавший;
Радуйся, Устава монашескаго ревнителю;

Радуйся, чистоты и целомудрия рачителю.

Радуйся, последних времен отче Василие Великий, за Русь православную мужественный воителю!

Кондак 10

Немощию телесною и подвигами жития утружденный, после тяжкой болезни душу свою в руце Божии тихо предал еси. И незадолго до кончины своей в созданной обители, источник во Имя Пресвятыя Богородицы воздвигл и освятил еси. Мы же ныне с верою почерпая воду из кладязя, тобою, отче, освященнаго, поем о тебе Богу: Аллилуиа.

Икос 10

Стена еси и огражение всем к заступлению твоему прибегающим, преподобне отче. Темже и нам, к тебе притекающим и твоея помощи просящим, буди стена крепкая и ограждение необоримое, избавляя от бед и напастей, да с любовию поем ти таковая:

Радуйся, пастырю наш предобрый;

Радуйся, и по преставлении твоем молитвенниче наш неусыпный;

Радуйся, свет мiру и соль земли бывший;

Радуйся, светильник горящий во тьме заблуждения;

Радуйся, прибежище наше во всех скорбных обстояниих;

Радуйся, несумненное утешение в печалех;

Радуйся, лозо добродетельная винограда Христова;

Радуйся, древо чудоточное рая Иисусова.

Радуйся, последних времен отче Василие Великий, за Русь православную мужественный воителю!

Кондак 11

Пение коленопреклоненное приносим ти, отче Василие, ублажающе многотрудное земное житие твое. Ты же, яко зрелая пшеница, преселился еси в Небесныя Обители. У гроба в день кончины твоея, людие мнози плакаху о тебе, солнце земли Русския в полудни зашедшее, и рыдания прерываху умиленную песнь их к Богу: Аллилуиа.

Икос 11

Мирную кончину твою и Святых Таин причастну видевше твои ученицы, великий угодниче Божий, со страхом взываху: «Честна пред Господем смерть преподобных Его». Мы же верующе, яко телом на земли почивающи, духом у Престола Божия предстоиши, идеже слышиши с любовию тебе зовущих:

Радуйся, яко кончину свою прозревший;

Радуйся, яко красная мiра сего презревший;

Радуйся, желание быти со Христом до последняго издыхания выну имевый;

Радуйся, прежде смерти для мiра греховнаго умерый;

Радуйся, яко от обители земныя во Обитель Небесную водворился еси;

Радуйся, чрез радугу, при погребении возсиявшую, примирение Господь с тобою людем показал еси;

Радуйся, яко и солнце при кончине твоей, аки в день Воскресения Христова играху;

Радуйся, яко на успение твое люди во множестве со всех концев стекахуся;

Радуйся, и по смерти от паствы своея любовию не отлучивыйся;

Радуйся, жизнь вечную еще в земнем телеси во Христе обретый;

Радуйся, на Матерь Божию обитель оставивый;

Радуйся, сию обитель пятым уделом нарекий.

Радуйся, последних времен отче Василие Великий, за Русь православную мужественный воителю!

Кондак 12

Благодать приял еси от Бога вразумляти и наставляти нас ко спасению, и по кончине твоей обильно источаеши многоценное миро от святаго образа твоего, укрепляя нас даже до смерти стояти за чистоту Православныя веры, немолчно вопиюще в Троице славимому Богу: Аллилуиа.

Икос 12

Поюще и светло празднующе священную память твою, отче Василие, смиренно молим тя не преставай молитися Христу о всех, верою призывающих тя и вопиющих с любовию таковая:

Радуйся, сосуде Богом избранный;

Радуйся, яко не скрыл еси талант тебе Богом данный;

Радуйся, тайновидче душ человеческих;

Радуйся, кротостию своею и смирением землю праведных унаследовавый;

Радуйся, за весь мiр с усердием молящийся;

Радуйся, радостию почитавший гонения за веру;

Радуйся, трудолюбивая пчело, нектар благодати Божией собирающая;

Радуйся, мироварнице, миро обильно нам от образа твоего источающая.

Радуйся, последних времен отче Василие Великий, за Русь православную мужественный воителю!

Кондак 13

О предивный угодниче Христов,/ преподобне отче наш Василие,/ приими ныне малое сие моление,/ от скверных устен тебе приносимое./ Избави нас молитвами твоими/ от всех враг видимых и невидимых,/ от глада, губительства, междоусобныя брани,/ смертоносныя болезни, печати антихриста и всякия скорби,/ и при кончине живота нашего не остави нас,/ да сподобимся твоим ходатайством/ достигнути Небеснаго Царствия,/ идеже вкупе с тобою и всеми святыми воспоем песнь Христу Богу:// Аллилуиа. (Трижды).

Икос 1

Ангелов множество на небеси возрадовася о тебе, отче Василие, како ты во плоти сый, по повелению Господню дерзновенным служителем Пресвятыя Троицы соделался еси. Темже тебе избраннику Божию, вопием:

Радуйся, матерними слезами у Бога вымоленный;

Радуйся, яко “царственный”, на Царское служение поставленный;

Радуйся, имени святаго не посрамивший;

Радуйся, истинным служением Пресвятей Троице угодивший;

Радуйся, благодать духовную стяжавший;

Радуйся, к Царице Небесной в молитвах взывавший;

Радуйся, земли Тульские прозябение;

Радуйся, всем притекающим к тебе быстрое вспоможение.

Радуйся, последних времен отче Василие Великий, за Русь православную мужественный воителю!

Кондак 1

Избранный и предивный угодниче Христов,/ преподобне отче наш Василие,/ душу свою за паству Христову положивый,/ скорби, клеветы, гонения и жестокия болезни претерпевый,/ все житие свое на служение Богу и ближним посвятивый / и множество грешников на путь покаяния обративый;/ тяжко болящим исцеления у Бога испросивый./ По успении же твоем мы грешнии и недостойнии раби Господа Вседержителя,/ с любовию вопием ти://

Радуйся, последних времен отче Василие Великий, за Русь православную мужественный воителю!

Молитва

О священная главо, преподобне и богоносе отче наш Василие, воззри на ны милостиво и услыши наше смиренное моление, чающих твоея помощи и заступления. Помяни стадо твое, яже сам упасл еси, во святых своих и благоприятных молитвах к Богу, и избави от волков губящих е. Моли за ны, отче священный, за дети твоя духовныя, яко имея дерзновение к Небесному Царю, огради и сохрани всяку страну христианскую, град сей (весь сию), обитель сию, юже создал еси, от мiрскаго мятежа, труса, нашествия иноплеменников, междоусобныя брани, от глада, потопа, огня, меча, внезапныя смерти и от печати антихриста. Не отступай от нас духом, пастырю наш добрый, сохраняя от стрел вражиих, всякия прелести бесовския и козни диавольския, и испроси народу русскому время на покаяние и Царя Православного, приведи нас ко Престолу Вседержителя, да сподобимся с тобою вечнаго блаженства, хваляще и превозносяще Бога во веки веков. Аминь.

Величание

Ублажаем тя,/ преподобне отче наш Василие,/ и чтем святую память твою,/ наставниче монахов // и собеседниче Ангелов.

[1] Каркин – раковая болезнь