Святыи мучениче Уаре, моли Бога о нас

Святыми ти язвами удобряемь, прекрасен явися. И Богови Уаре возлюблен венчавшему твой верх, достославне.

Святыи мучениче Уаре, моли Бога о нас.

На кресте славне растязаемь, и на земли простираемь, лютыя болезни претерпел еси. Тем неболезненыи живот наследова веселяся.

Святыи мучениче Уаре, моли Бога о нас.

Законно видяще божествении мученицы страж­дуща тя блаженне, терпения словесы укрепляху. С ними же страсти долгия совершив, ублажился еси.

Святыи мучениче Уаре, моли Бога о нас.

Хвалами венчаем Божия мученики, их же венча благодать божественая, божествеными увязении. Низложывших вражия высокая мудрования.

Пресвятая Госпоже Богородице, спаси нас.

От тины страстей Владычице во­зведи, и от страстных помышлении, чюжа творящих мя Бо­га Единаго Чистаго, да верою ублажаю Тя.

Преподобне отче Паисие Великии, моли Бога о нас.

Законострадальческое житие от мягких ногтей восприим богомудре Паисие, даже до конца пребыл еси, яко божествен доблественник венец приял еси победы от всех Царствующаго, молитвами своими избавляти от муки грешники, от них же первыи есмь аз, не забуди мене.

Преподобне отче Паисие Великии, моли Бога о нас.

Имуще молитвенника крепка блаженне Паисие, и обещника печальным, предстателя и поборника и хода­тая благочестна, от всяких спасаемся бед, напастей и обстояний.

Слава.Велию судеб бездну имеяи, Той тебе рече: се бо даю ти дар, да все еже просиши от Отца Моего во имя Мое, дастся тебе, о коем либо грешнике помолишися, оста­вятся греси того: сего ради припадаю ти отче Паисие, имея бездну согрешении, да отпустит твоими молитвами иже те­бе обетова, яко Благ и Человеколюбец.

И ныне.Глагол провещай, егда право имам судитися, Богородительнице к Своему Сыну Пренепорочная, да обрящу Тя тогда прибежище и заступление державнейшее, и мук всех избавляющи.

Катавасия: Избави от бед рабы своя, святыи мучениче Уаре, яко вси по Бозе к тебе прибегаем, ты бо молиши о нас Христа Бога нашего (поклон).

Катавасия: Избави от муки вечныя усопшаго(их) раб(а) свое­го(их) (имя рек), преподобне отче Паисие Великии, яко вси по Бозе к тебе прибегаем, ты бо молиши о нас Христа Бога нашего (поклон).

Господи помилуй (трижды с поклонами).

Песнь 5. Ирмос. Божиим светом Ти Блаже утренюющих Ти душа любовию просвети молюся, Тя ведети Слово Божие истиннаго Бога, от мрака греховного изимающа.

Святыи мучениче Уаре, моли Бога о нас.

Укрепляешися манием божественым, и неослаб­ная строгания терпиши доблим смыслом Уаре, расторгая гордаго сердце злобы содетеля.