Священномученику Киприану Кондак 1

Избранный на диавольского служения на служение истинному Богу и к лику сопричтенный, священномучениче Киприане, моли Христа Бога избавится нам от сетей лукавого и победити мир, плоть и диавола, да зовем ти:

Радуйся, священномучениче Киприане, скорый помощниче и молитвенниче о душах наших.

Икос 1

Ангельския силы удивишася, како от художества волшебнаго обратился еси, богомудре Киприане, к познанию Божественному, покаянием обрел еси ангельское безстрастное житие. Мы же, обращению твоему дивяшеся, вопием ти таковая:

Радуйся, обращением твоим ангелов удививый;

Радуйся, лик святых возвесиливый.

Радуйся, мудрость свою показавый;

Радуйся, за Христа венец приявый.

Радуйся, яко тобою беси отгоняются;

Радуйся, яко тобою вся болезни исцеляются.

Радуйся, священномучениче Киприане, скорый помощниче и молитвениче о душах их.

Кондак 2

Видя Господь, како от лет малых отдан бысть Киприан нечистивыми родители на обучение демонскому служению, восхоте обратите его к Себе, да со ангелы и всеми святыми воспевает: Аллилуйа.

Икос 2

Разум несовершенен имея к вышнему разумению, усердию, усердно трудился еси, святе Киприане, изучая демонская лжехитрости, но познав слабость бесовскую, яко тии боятся Христа, обратился еси к познанию Бога истиннаго. Темже убо тя величаем:

Радуйся, хитрости демонская препобедивый;

Радуйся прелесть служения его обличивый.

Радуйся, змия лукавого посравимый;

Радуйся, христиан прославивый.

Радуйся, мудрых мира сего мудрейший;

Радуйся, разумных разумнейший.

Радуйся, священномучениче Киприане, скорый помощнече и молитвенниче о душах наших.

Кондак 3

Сила Вышняго просвести ум твой, блажение Киприане, егда не успевше в чародействе против Иустины, беси рекоша тебе: мы боимся и трепещем силы Креста, имже отгоняет нас дева Иустина. Ты же отвещал еси: вы Креста боетеся, но Распятый на Кресте сильней Креста есть, Сего ради пришел еси в храм Господень пети со всеми верными Аллилуйа.

Икос 3

Имея ум просвещен силою свыше, пришед Киприан, к пресвитеру, просит крещения обаче той, убоявся коварства волхва, отгна его. Киприан же тече в храм Господен и тамо, литургии бывшей, внегда диакон возгласи: оглашении, изыдите, – рече: не изыду из храма дондеже прииму крещением. Мы же, твоему вразумлению радующеся, воспеваем ти таковая:

Радуйся, силою свыше просвещенный;

Радуйся, Господом вразумленный,

Радуйся, силу Креста познавый;

Радуйся, демонов от себя отгнавый.

Радуйся, жизнь свою исправивши;

Радуйся, стопы в церковь направивши.

Радуйся, священномучениче Киприане, скорый помощниче и молитвенниче о душах наших.

Кондак 4

Буря помышлений одержа Киприана, како прияти ему крещение. Темже убо прежде, взяв своя чародейския книги, принесе их на середину града и тамо пожже, поя Богу: Аллилуйа.

Икос 4

Услышав пресвитер, яко имаши, всемудре, намерение благое быти христиан, крести тя и постави чтеца во храме. Сего ради вопием ти:

Радуйся, духов злобы победивый.

Радуйся, чародейския книги попаливый.

Радуйся, быти христиан возжелавый.

Радуйся, святое крещение приявый.

Радуйся, подвиги и добродетельми украсивыйся.

Радуйся, пресвитером наставленный.

Радуйся, священномучениче Киприане, скорый помощниче и молитвенниче о душах наших.

Кондак 5

Боготканную одежду святаго крещения прияв, Киприане всехвальне, тепле молился еси Богу о прощении грехов, прежде совершенных, от всех христиан воспевая Богу: Аллилуйа.

Икос 5

Видев просвитер подвиги и труды твоя, священномучениче Киприане, пост, многонощное бдение, коленопреклонение, покаяние, слезы, молитвы, и по испытании постави тя во диакона. Мы же, благодаряще Бога, восхваляем тя:

Радуйся, день и нощь с покаянием к Богу взывай;

Радуйся, о прощении грехов моливыйся.

Радуйся, пример исправления показавый:

Радуйся, слезныя молитвы Господу приносивый.

Радуйся, путь ко спасению познавый;

Радуйся, пламенную любовь во Христу явивый.

Радуйся, священномучениче Киприане, скорый помощниче и молитвенниче о душах наших.

Кондак 6

Образом благочестия христианскаго подражая деве Иустине, священномучениче Киприане, воистинну христиан совершен явился еси, отклонил бо еси нечестивое учение, крестився, и усты своими и чистым сердцем благодарственно воспевал еси Богу. Аллилуйа.

Икос 6

Возвесия в сердце твоем свет Божественнаго совершенства, богомудре Киприане, и досигл еси сана священника, послежде же и епископа. Молим тя, молитвами твоими просвети и наша сердца, тепле молящаяся тебе:

Радуйся, в сан епископа посвященный;

Радуйся, на высоту орла вознесенный.

Радуйся, граде, верху горы сояй;

Радуйся, светильниче, пред Богом горяй.

Радуйся, молитвенниче ко Христу неустанный;

Радуйся, учителю, Богом дарованный.

Радуйся, священномучениче Киприане, скорый помощнице и молитвенниче о душах наших.

Кондак 7

Хотя Господь всем спастися, дарова нам сего молитвенника, заступника и целителя от духов злобы поднебесныя. Учением бо и словесы твоими, богогласе, приводил еси многих к покаянию и исправлению греховныя жизни, научая всех пети Богу: Аллилуйа.

Икос 7

Новый мудрейший врач показался еси миру, священномучениче Киприане, яко молитве твоей чародейския козни противостати не могут, абие разрушаются и прогоняются наведения злых человек и лукавых бесов.

Мы же, видяще дарованную тебе Божию силу, вопием ти таковая:

Радуйся, волшебных козней разрушителю,

Радуйся, страшных бесов прогонителю.

Радуйся, от негоже дуси злобы, яко дым, исчезают;

Радуйся, тяжкомучимым скоро помогай.

Радуйся, от бед и скорбей избавляй:

Радуйся, страдания в радость обращаяй.

Радуйся, священномучениче Киприане, скорый помощниче и молитвинниче о душах наших.

Кондак 8

Странное чудо является притекающим к тебе с верою, священномучениче Киприане, ибо данною тебе от Бога благодатию беси изгоняются, мучащии человека, больнии же исцеляются, взывающии Богу: Аллилуйа.

Икос 8

Всем сердцем возвысивыйся к Богу преславне и всею душею Того возлюбивый, имел еси тщание и желание творити волю Его и яко пастырь добрый не отрицал еси бедами отягащенных, но предстательствуеши в молитвах пред Богом, даруя нам исцеление и утешение. Сего ради, восхваляюще любовь твою ко Господу, вопием ти сице:

Радуйся, всем сердцем Христа возлюбивый.

Радуйся, вся добродетели стяжавый.

Радуйся, недугующим и расслабленным вспоможение,

Радуйся, в скорбех и печалех утешение.

Радуйся, наветов и искушений от мира, плоти и диаволе находящих прогонителю.

Радуйся, всех болезней душевных и телесных исцелителю.

Радуйся, священномучениче Киприане, скорый помощниче и молитвинниче о душах наших.

Кондак 9

Все ангельское воинство возвеселися отче, видя тя воина Царя Небесного, неколебима и со дерзновением проповедующа Христа, егда веден был еси на мечное усечение вкупе с Иустиною. Ты же, болезнуя о ней, да не отречется от Христа, узревши тя усекнута, глагола ей: да усекнут прежде тя. И, приклонивше под меч главы своя, воспеша Богу: Аллилуйа.

Икос 9

Витии многовещании не возмогут по достоянию страдания Ваша за Христа воспети, яко не убоялися есте прещений лютых, но со светлыми лики представит есте судилищу цареву, воздвизающе всех верных глаголати вам сицевая:

Радуйтися, веру Христовы непоколебии исповедницы;

Радуйтися, Пресвятыя Троицы дерзновении проповедницы.

Радуйтися, за Христа души своя положивший.

Радуйтися, мучения лютыя ни во что не вменивший.

Радуйтися, яко страдания ваша верными прославляются;

Радуйтися, яко имена Ваша в храмах Божиях величаются.

Радуйся, священномучениче Киприане, скорый помощниче и молитвенниче о душах наших.

Кондак 10

Спасти хотя души всех одержимых нечистыми духи, не престай взывати приско ко Господу, Киприане богоглагольниче, тебе бо дадеся благодать молитися за ны, да помиловании и очищении, воспоем Богу: Аллилуйа.

Икос 10

Стена тверда и крепкая ограда буди нам, священномучениче Киприане, с теплою верою и любовию к тебе прибегающим, ограждаеми бо от враг видимых, избавлени тобою, прославим тя тако:

Радуйся, духа злобы смирением победивый.

Радуйся, огнем молитвы стрелы вражия попаливый.

Радуйся, от врагов видимых и невидимых стено и ограждение.

Радуйся, Православныя Церкове преславное укращение.

Радуйся, оставленных врачи предивное поможение.

Радуйся, прелюбимое скорбящим утешение и увеселение.

Радуйся, священномучениче Киприане, скорый помощниче и молитвенниче о душах наших.

Кондак 11

Пение непрестанное Пресвятей Троице паче иных принесл еси священномучениче Киприане, Иже милости ради к падшим грешником благоволи недостойным достойным стати и сочислитися святому стаду. Мы же, благодаряще Бога за таковую милость Его к нам, грешным, зовем Ему: Аллилуйа.

Икос 11

Светозарная свеща был еси, богомудре, в Церкви Христове, просвещая невещественным светом души верных. Молимся ти, просвети и нашa грехми омраченная сердца, во еже пети тебе таковая:

Радуйся, Трисиянным Светом озаренный;

Радуйся, к сонму святых сопричтенный.

Радуйся, яко светом невещественным души верных просвещавши;

Радуйся, яко заблуждших на путь правый наставлявши.

Радуйся, из рова погибели, яко овча, Спасителем изятый;

Радуйся, бесов посрамление и человеком радование.

Радуйся, священномучениче Киприане, скорый помощниче и молитвинниче о душах наших.

Кондак 12

Благодать дана ти от Бога попирати силу вражию и всякое сатанинское нахождение, победил бо еси враги твоя и мученическим подвигом запечатлел еси веру во Христа.

Ныне же, предстоя Престолу Царя славы, молися, Киприане себлаженне, да избавимся от пленения диавольского и воскликнем Богу: Аллилуйа.

Икос 12

Поюще твою верность по Бозе и дивная преславная чедеса, величаем и восхваляем тя, священомучениче Киприане, приял бо еси от Бога таковую благодать. Темже молим тя: егда в час смерти нашея демонская полчища обыдут души наша, яви нам заступление твое, да избавлени тобою, воззовем ти сице:

Радуйся, от находящих вражних сил скорое защищение.

Радуйся, от всевозможных скорбей и печалей избавление.

Радуйся, Христа до конца возлюбивый.

Радуйся, душу свою за него положивый.

Радуйся, в крови Ангчей омывайся.

Радуйся, во дворех Господних вселивыйся.

Радуйся, священномучениче Киприане, скорый помощниче и молитвенниче о душах наших.

Кондак 13

О пречудный и преславный угодниче Божий, священномучениче Киприане, скорый помощниче всем к тебе прибегающим, приими от нас недостойных, хвалебное пение наше. Ей, молим тя, святителю от многообразных недугов исцели, от враг видимых и невидимых заступи и венчаного мучения избавитися нам Господа, умоли да с тобою воспеваем: Аллилуйа, аллилуйа, аллилуйа.

Сей кондак глаголи трижды.

И паки чтется 1-й искос и 1-й кондак.

Молитва

О святый угодниче Божий, священномучениче Киприане, скорый помощниче и молитвинниче о всех к тебе прибегающих! Приими от нас недостойных, хваление сие, испроси у Господа Бога в немощех укрепление, в печалех утешение и всем вся полезная в жизни нашей, вознеси ко Господу благомощную твою молитву, да оградит нас от падений греховных, да научит нас истинному покаянию, да избавит нас от пленения диавольского и всякаго действа духов нечистых и укротит обидящих нас. Буди нам крепкий поборник на вся враги видимыя и невидимыя, подаждь нам терпение в искушениях и в час кончины нашея яви нам заступление от истязателей на воздушных мытарствех, да водимии тобою, достигнем Горняго Иерусалима и сподобимся в Небеснем Царствии со всеми святыми славити и воспевати пресвятое имя Отца и Сына и Святаго Духа во веки веков. Аминь