Клиникалық көрінісі

АЗАҚСТАН РЕСПУБЛИКАСЫНЫҢ ДЕНСАУЛЫҚ САҚТАУ МИНИСТРЛІГІ

АРАҒАНДЫ МЕМЛЕКЕТТІК МЕДИЦИНА АКАДЕМИЯСЫ

М.Р.Беймбетова

ЖЫНЫСТЫҚ ЖОЛМЕН ЖҰҒАТЫН АУРУЛАР

( Оқу-әдістемелік құрал )

Арағанды 2008 ж.

ЗОЖ 616.97

КБЖ 55.81 я 7

Б 38

Рецензенттер:

Г.К.Аскарова –Каз ТВҒЗИ директоры,профессор,д.м.н.

А.О.Мамраева – дерматовенерология курсының меңгерушісі,м.ғ.к.

Қ.Ш. Сәдуақасов – ҚМҚК «ОТВД» директоры, м.ғ.к., жоғары санатты дәрігер

Б 38 Бейімбетова М.Р. Жыныстық жолмен жұғатын аурулар.- Оқу- әдістемелік құрал.- Қарағанды.- 2008 – 49 б.

Оқу-әдістемелік құралда жыныстық жолмен жұғатын аурулардың этиологиясы,патогенезі, жіктелуі, клиникасы, қазіргі заманғы емдеу әдістері және алдын алу шаралары сипатталған.Оқу-әдістемелік құрал дерматовенерологиядан арнайы әдебиеттің болмауына байланысты құрастырылды. Құрал клиникалық ординаторлар мен дәрігер- интерндерге, медициналық ЖОО студенттеріне арналған

Әдістемелік нусқау ҚММА Әдістемелік кеңесінде талқыланып және қабылданған. 12.03.2008 ж. Хаттама № 7.

ҚММА Ғылыми кеңесінде бекітіліп және шығарылуға ұсынылды. 28.03.2008ж. Хаттама № 9

Кіріспе

Жыныстық жолдар арқылы жұғатын аурулар әлеуметтік сипаты жағынан аса маңызды аурулардың қатарына жатады, өйткені бұл аурулар кеңінен таралумен қатар, адам ағзасында, сондай-ақ бүкіл қоғамға тигізетін қауіпті әсерімен ерекшеленеді. Дер кезінде диагнозын анықтамаған және уақытында тиімді емдемеген жағдайда бұл аурулар ерлер мен әйелдердін дүниеге бала келтіру қызметін бұзып, балалардың туа біткен ауруларға шалдығуына, ішкі ағзалардың зақымдануына себепкер болады.

Қазіргі кезде жыныстық жолмен жұғатын 20 астам аурулар анықталған. Олар жоғары жұққыштығымен және тұрғындардың белгілі топтарының арасында тез тарағыштығымен сипатталады.

Венерологияда «классикалық» венерологиялық аурулар (І ұрпақтық аурулар): мерез, соз, жұмсақ шанкр, венерологиялық лимфогранулематоз, венерологиялық гранулеманы бөледі.

ДДҰ жіктеуі бойынша негізгі жұғу жолы жыныстық болып табылатын жыныстық жолмен жұғатын аурулардың екінші тобына (ІІ ұрпақтық аурулар): хламидиоз, трихомониаз, кандидозды вульвовагинит, микоплазмоз, генитальды ұшық, бактериалды вагиноз және т.б. жатады. Жұғу жолы жыныстық қана емес, жыныстық емес болып табылатын папилломавирусты аурулар, генитальды контагиозды моллюск, қасаға педикулезі, қышыма қотыр, В гепатиті, цитомегалия аурулары бар.

Ысқартулардын тізімі

АГ-антиген

АД- антидене

АД- аламасушы денешіктер

АИВ-адамнын иммунды тапшылық вирусы

ДНК-дезоксирибонуклеинді қышқыл

ДДҰ- дүниежүзілік денсаулык сактау ұйымы

ЖЖЖА- жыныстық жолмен жұғатын аурулар

ЖІС- жатыр ішілік спираль

ЖҰВ- жай ұшық вирусы

ІҚМ- ірі қара мал

КДО- культулальды диагностика ортасы

ЛТР- лигазды тізбекті реакция

ПТР- полимеразды тізбекті реакция

РД- ретикулярлық денешіктер

ЭД- элементарлық денешіктер

Соз

Соз – гонококк туғызатын, жыныстық жолмен жұғатын жұқпалы ауру. ДДҰ эксперттерінің айтуынша, әлемде созбен 200 000000 – нан астам адам ауырады.

Создың әлеуметтік маңыздылығы сырқаттанушылықтың жоғарғы деңгейімен және демографиялық көрсеткішке кері әсерімен; яғни әйелдің және ер адамдардың бедеулігіне әкелуімен сипатталады.

Создың соңғы уақытта кең таралуы қоздырғыштың ерекшілімен әлеуметттік факторларға байланысты :

- демографиялық өзгеріс (жастар санының көбеюі, айырылысу санының көбеюі, халықтың жыныстық активтілігінің асуына),

- әлеуметік катаклизмдер (жергілікті соғыс, табиғи апат және т.б.) ,

- әлеуметтік – экономикалық факторлар (қала тұрғындарының өсуі, бос уақыттың көбеюі, әлемдік туризм және т.б.),

- қолайсыз экономикалық жағдай: жұмыссыздық, материалдық қанағатсыздық, дәрі – дәрмек қымбаттылығы және т . б.,

- қоғамдық жеке өкілдің құлықтық ерекшілігіңмен сексуальді бағдарлар (нашақорлық, алкоголизм, жезөкшелік, гомосексуализм, иммигрантар, туризм және т.б. ).

Созбен жиі ауыратындар – жас адамдар (созбен ауыратындардың 80 %) жоғары жыныстық активтілік, некедентыс өмір, үнемі ауыстырылатын жыныстық серіктер, әлеуметті – экономикалық қолайсыздық және т. б. Егер созбен ауыратындар арасында жалпы алғанда ерлер көп болса, онда жас өспірім арасында – қыздар. Бір рет созбен ауыратын науқаспен жыныстық қатынасқа түскенде, ерлер 17-20 % жағдайда, ал әйел адамдар ағзасының анатомо – физиологиялық, биохимиялық, гормональді ерекшелігіне байланысты жобамен 80 % жағдайда сырқаттанады.

Создын жіктелуі

1.Жаңа (2 айға дейін), ол ағымы бойынша : жедел, жеделдеу және торпидті (аз симптомды) деп бөлінеді

2.Созылмалы (2 айдан жоғары), көбінесе торпидті ағымды, өршіту факторлары әсерінен өршиді.

3.Жасырын, гонококтасушылық кілегей қабатта қабыну үрдісін тудырмайды

Этиологиясы мен патогенезі

Создың қоздырғышы Neissseria Gonorrhoeae Нейсермен (1879) ашылды. Ол Neisseriaceae туыстығына, Neisseria тұқымдастығына жатады, грам теріс жұп кокк 1,25 - тен 1,6 мкм ұзындығы және ені 0,7 –0,8 мкм - ге дейін, кофе дәні тәріздес, ойыс жоғымен бір – біріне қараған. Гонококк үшқабатты сыртқы қабырғасынан, цитоплазмалық мембранасы, рибосомамен цитоплазмадан, вакуольді ядродан тұрады.Гонококктар көбінесе торша ішінде топтасын орналасады.

Кілегей қабатқа түскен гонококк эпителий торшаларына бекітіліп, торша аралық қеңістік арқылы эпителий асты дәнекер ұлпасына өтіп, іріңді гонококкты экссудат бөлініп қабыну процесін тудырады. Гонококктардың эпителий астына өткеннен соңғы қабыну реакцияның басталуы инкубациялық кезең 12 сағаттан 3 айға дейін (орташа ерлерде 3-4 күн, әйелдерден эндоцервицит симптомы 10 күннен соң ) дамиды. Аралас созда инкубациялық кезең ұлғаяды.

Гонококкты инфекция несеп жыныс мүшесінің кілегей қабатымен (per conti-nuitatem ) немесе лимфа тамыры бойымен несеп жыныс мүшелерімен алыс жатқан мүшелерге таралады: артқы уретра, қуық асты безіне ұрық шылбы-ры, Фаллопиий өзегі, аналық без және т. б. Сонымен қатар гоно-кок-ктар қынаппен аталық без қосалқасына қынаппен ұрық шығарушы өзек-шенің антиперистальтикасы арқылы ретроградты әкелінуі мүмкін. Кейде го-нококктардың гематогенді диссеминациясы транзитті гонококкемияға немесе гонококкты сепсиске әкелуі, ол септицемиямен, септикопиемиямен білінеді.

Клиникалық көрінісі

Ерлердегі соз алдыңғы немесе тотальді уретрит түрінде өтеді. Жаңа жедел алдыңғы созды уретрит кесіп ауырсынуымен кіші дәретке отырғанда білінеді, сарғыш немесе қоңыр түсті іріңді бөліністер көп мөлшерде бөлінеді. Уретра еріншесінің сусіңделіп қызаруы, несеп шығару жолдарының алдыңғы бөлігінің ауырсынуымен, несеп 1-порциясының (200мл) іріңнен бұлыңғыр болуымен сипатталады.

Емдемесе 1-10 күннен соң жедел уретрит жеделдеу кезеңге ауысады, ол кіші дәретке отырғанда сәл ауырсынумен қышумен, аз мөлшерде әсіресе таңертен сірлі - іріңді бөлінулермен, аздап қызарумен сусіңділенумен сипатталады.

Торпидті уретрит жеделдеу кезеңнен немесе басынан басталады. Жаңа жедел тотальді созды уретритте кіші дәретке бару жиілейді, кіші дәретке отырғаннан соң ауырсынады, терминальді гематурия, жиі ауырсынатын эрекциямен, поллюциямен, гемоспермиямен сипатталады.

Несептің 2 порциясы іріңмен лайланады. Жаңа жеделдеу немесе торпидті үрдісте бұл симптомдар аз білінеді немесе болмайды, ал зәрдің 2 порциясы мөлдір (3 айдан соң 95% науқаста ), көбінесе жұмсақ немесе қатты сіңбемен, грануляциямен және десквамациямен өтеді, сонымен бірге эндоуретральды асқыныспен жүреді, оны жұмсақ сіңбеде кілегей қабат ісіңген, қызарған, қанталайды.

Соз әйелдерде көп ошақтылықпен ерекшеленеді және көбінесе симптомсыз жүреді. Сондықтан 10-20% әйелдер ғана дәрігерге өздері қаралады, ал қалғандары жыныстық серіктерінде соз табылғаннан кейін, профилактикалық қараудан соң, асқынудан кейін емделеді.

Әйелдердің несеп жыныс мүшелерінін құрылысының ерекшілігіне байланысты төменгі бөлік созын бөледі:

-уретрит созбен ауыратын әйелдердің 90 % кездеседі. Жаңа жедел уретритте науқас кіші дәретке отырғанда ауырсынуымен ашу сезіміне шағымданады, кіші дәретке жиі барады. Уретра еріні қызарған, ісінген, уретра қабырғасы қамыр тәріздІ консистенциялы, уретра массажынан соң ірің тамшысы бөлінеді. Жаңа торпидті және созылмалы созды уретритте субъективті белгілері болмайды, уретра ернінің қабынулық белгілері болмайды. Уретрада сіңбе анықталады, уретраның сыртқы тесігінен шырышты – іріңді бөлінулер аз мөлшерде шығады;

-вагинит жүкті әйелдерде, әйелдерде менопауза кезінде дамитын қынап қабырғасының қабынуы. Жедел кезеңде көп мөлшерде бөлінулер, қышу, ашу, қынап қабырғасының ісінуі, қызару, әсіресе күмбезде пайда болуына шағымдалады. Торпидті және созылмалы үрдіс кезінде клиникалық белгілері аз немесе болмайды;

-эндоцервицит жатыр мойынның қабынуы - әйелдер созының жиі көрінісі жедел үрдісінде ауырсынуға шағымданады, жатыр мойынының қынаптық бөлігі ісінген, қызарған, цервикальді каналдан лента түрінде бөлінулер, аңка маныңда қызыл эрозия пайда болады;

-созылмалы ағымда жатыр мойынының қанталауы, қалыңдауына әкеледі, оның беткейінде циркулярлы фолликулалы эрозия пайда болады, мойындық бездер қуыстануы көрінеді, ал бөлінулер аз;

-бартолинит –кіреберістің үлкен (Бартолин) бездерінің қабынуы, көбінесе 2 жақты, шығару өзегімен шектелуі мүмкін, без жолын немесе одан тыс жерді қамтиды. Жедел ағымды үрдісте без жолы тығыз немесе қамыр тәрізді консистенциялы ұзынша ауырсынатын ісік тәрізді пальпацияланады. Шығуы бұзылса ретенционды киста , жалған іріңдік дамиды.

Диагностикасы

Создың этиологиялық диагнозы зертханалық уретраның, цервикальді каналдың және бездерінің бөліністерінен, тік ішек, бадамша лакунасынан және аңканың артқы қабырғасының және т .б бөліністерінен гонококкты табу негізінде қойылады.

Жедел және жеделдеу созда науқас антибиотик қабылдамаса және жергілікті дезинфекциялаушы препараттар қолданбаса гонококкты бактериоскопиялық оңай анықтауға болады. Торпидті жаңа және созылмалы созда қоздырғыш аралас өршіту әдісімен анықталады: бұлшық етке 500 000000 микробты гоновакцинаны немесе 25 мкг пирогеналды (биологиялық өршіту) еңгізіледі, уретраның инстилляциясын 0,5 % күміс нитратымен немесе әйел уретрасы мен жатыр мойымен глицериндегі Люголь ертіндісімен немесе 1 – 2 % күміс нитратының ерітіндісін (химиялық өршіту ) жағу арқылы; металл бужды енгізу арқылы (механикалық өршіту); менструация фазасы - әйелдердің ең күшті өршітуі. Аралас өршітуден соң бірінен соң бірі алынған 3 жұғын тексеріледі,жұғынды зәр шыққаннан 4 сағаттан кейін алған жөн, өйткені бөлініс уретрадан зәрмен шайылып кету мүмкін. Соңғы негіздеуді Грам бойынша бояған соң қортындылайды, мұнда нейтрофил ішінде грам теріс диплококк табылу керек.

Культуральды әдіс тікелей микроскопиядан созылмалы созды анықтауда, аралас инфекциялы науқастарда ем қабылдаған (емнің дұрыс еместігінде және рецидивте), сонымен бірге оральді анальді жыныстық қатынасқа күмән туғанда анықтауда көп артықшылығы бар. Антибактериялды препараттан соң гонококктың морфологиялық және тинкториялды қасиеті соншалықты өзгереді, тіпті микроскопия арқылы тану өте қиынға түседі. Мұндай жағдайда культуралды әдіс қолданылады, ол микроскопия арқылы табылған микроорганиздерді анықтайды, яғни гонококкты тексеруін басқа түрлерімен басқа грам теріс кокк пен коккобацилладан, ажыратуға көмектеседі. Асцит – агарға немесе асцитсіз қоректік ортаға, антибактериалды препаратты қабылдаған соң 5 –7 күннен соң егеді. В – лактомазаны бөлетін гонококкты табу үшін келесі, йодометрлік және ацидаметрлік тестпен анықтайды. Гонококкты тікелей иммунофлюоресцентті реакциямен табады. Бұл мақсатта спирт шам отында фиксациялау үшін (уретра, аңқа каналы бөліндісін, қуық асты безі сөлі және т .б (алдынала 1% эозиннің спиртік ертіндісімен метилен көкпен бояйды, кейін флюоресцентті анти сарысумен өңдейді).

Бұл әдісте гонококктар басқа микроорганизмдерден жарық шығару түрімен ерекшеленеді. Гонококктың гендік тануын полимеразды тізбекті реакциямен анықтайды. Оның негізде геном бөлігін амплификациялау , яғни берілген ағзаның нуклеотид тізбегін көп ретті көшіру болып табылады.

Гонококкты табу үшін иммунохимиялық әдістер қолданылады; соның ішінде, соз экспресс- диагностикасы ретінде кездеспелі электроиммунофорез әдісін қолданады. Мұнда антиген көзі ретінде уретра, аңка каналы бөліндісін немесе қуық асты безінің сөлін қолданылады, ол антидене көзі ретінде гипериммунды антигонококкты сарысуды қолданады. Борде – Жангу реакциясын жаңа созда қолданбайды, өйткені ол жұққаннан кейін 3-4 аптадан соң оң мәнді болады; ол емделгенін анықтауда жарамсыз, өйткені созбен ауырған соң 10 жыл бойы оң мәнді болады.

Емі

Жаңа жедел және жеделдеу создың негізгі емі этиотропты препараттармен жүргізіледі. Негізгі антибиотик болып пенициллин қатарындағы препараттар саналады.Бензилпенициллинді бұлшық етке 600 000 бірлік, сосын 300 000 бірлік әр 3 сағат сайын, жаңа жедел және жеделдеу созда курстық доза 4,3 000000 бірлік, жаңа торпидті асқынбаған жедел, жеделдеу асқынған немесе созылмалы созда – 4,2-6,8 000000 бірлік аурудың ауырлығына байланысты.

Ерлердегі жаңа жедел және жеделдеу уретритті бицилин-3 1 – ретті дозасын: 2,4000000 бірлік (1,2000000 бірлік бұлшық етке әр жамбасқа), ішке (инъекцияға дейін 30 минутта) этамидті 1,5 г, әр 3 сағат сайын, курсқа –4,2 г.

В–лактомаза бөлетін гонокок штаммы туғызатын соз емінде спектино-мицин (тробицин), нетромицин (нетилмицин), аугментин, цефтриаксон, це-фотаксим және т.б. қолданылады. Созды – хламидиялы аралас инфекцияда тетрациклин қатарындағы антибиотиктерді, макролидтерді, фторхинолон-мен рифампицинді хламидиялы инфекцияны емдеуде адекватты дозада та-ғайындалады, созды – трихомонадалы инфекцияда – протистоцидті препарат-тарды гонококқа қарсы препараттар алдында немесе бірге қолданылады, саңырауқұлақпен араласқанда Candida тұқымдастығындағы полиенді антибиотиктерді (нистатин, леворин), азольды қосындылар (низорал, кетоконазол) және басқа ашытқы саңырауқұлақтарға қарсы препараттармен (ламизил, орунгал) қолданылады, соз мерезбен бірге жүргенде тез сорылатын антибиотикпен емделеді: пеницилин, спектиномицин.

Арнайы иммундытерапияны бұлшық етке гоновакцинамен 300 000000 – 400 000000 микробты дене 1– 2 күн интервалмен жүргізіледі, реакцияға бай-ланысты дозаны 150 000000 – 300 000000 микробтыденегеарлатады. Бір рет-тік максимальді дозасы 2 000000 микробты дене (1 курс 6-8 рет егеді) арнайы емес - пирогеналмен, аутогемотерапиямен, лактотерапиямен, Т – активин және т.б. жүргізеді. Арнайы және арнайы емес иммунотерапия қол-дану ерентілігі пирогеналмен гоновакцинаны бір шприцта қолданса жоғар-лайды. Протеолиттік ферменттер (трипсин, химоприпсин және т.б.) қабынуға қарсы және бактерияға қарсы препараттар белсенділігін жоғарылатады.

Жергілікті емі жаңа торпидті және созылмалы созды уретритте ерлерде күнделікті калий перманганнатымен (1:6000 – 1 :10 000), хлоргексидинмен (1:5000) шаю жүргізіледі.. Жұмсақ сіңбеде уретра инстиляциясын 0,25 – 0,5 % күміс нитраты ертіндісімен 0,2 % протаргол ертіндісін 1% колларгол ертіндісімен бірге күнара қолданылады, курсқа 6 – 8 емшара, өтпелі және қатты сіңбеде – Вашкевич бойынша тампонаданы 2% протарголдын глицериндегі ертіндісімен аптасына 2 рет (1 курс 4-6 емшара) қолданады, катаральді коликулитте уретраға қисық бужды немесе ұрықтық төмпешікті 10-20 % күміс нитратымен 5-7 күн 1 рет (1 курста 5-7 емшара) қолданады; атрофиялық колликулитте қисық бужды, ұрық төмпегін кортикостероидты майлар қолданылады. Уретра стриктурасын бұждаумен, лидазамен инстиляциялаумен, гидрокортизонмен, 30-40 % диметилсульфонмен емдейді.Тері зақымдалғанда калий перманганатымен (1:10000), фурацилинмен (1: 5000), тридерм кремімен жылы ванналар қолданылады. Жедел простатитті этиотропты препаратпен емдеп, 1-2 күннен соң ыстық микроклизма, лакто – ,гоновакцинатерапияны қолданады.

Жедел құбылыстар бәсеңдеген соң физиотерапияны (ректалды диатермия, лазеротерапия және т.б.) қолданылады. Созылмалы простатитпен созылмалы везикулитте – қуық асты безі (ұрық көпіршіктерінің) массажын күнара (1

курс 12 – 15 рет) физиотерапия ( индуктотерапия, магнитотерапия, лазеротерапия және т.б.) жасалады. Осы фонда иммунотерапияны, ферменттік терапияны, қуық асты безі препаратын – раверон, простатитлен, тамырлық препараттар (эскузан т. б.), ректальды свечалар қабынуға қарсы, спазмолитиктермен, анальгетиктерді, сонымен бірге интерферонмен (виферон свечасы), түймедагымен ыстық клизма тағайындалады, курстын ортасында немесе аяғында этиотропты ем қосылады.

Жедел эпидидимитті стационарда емдейді, науқасқа төсектік режим, уманы суспензориимен иммобилизациялау, этиотропты және патогенетикалық ем: аутогемотерапия, ферментотерапия, ұрық шылбырында новокаинді бөгет, умаға жартылай спирттелген жылы компресс, калий йодидімен электрофорез.

Созылмалы эпидидимитте продигиозан, алоэ сығындысын, жарақаттанған аталық безге шыны тәрізді денені ронидазамен, элекрофорезбен лидаза, фибринолизин, гидрокортизон енгізеді.

Создан жазылуды анықтау ем біткеннен кейін 7-10 күннен соң жасалады. 3 ретті бактериоскопиялық және бір ретті бактериологиялық зертеулерді (аралас провокациядан соң) уретра кілегей қабатынан жұғындыны ( әйелдерде жатыр мойынынан, қынаптан, тік ішектен төменгі 1/3 бөлігінде), сонымен бірге қуық асты безі, ұрық көпіршіктерін, урертроскопиялық- лабораториялық қорытындысы қолайлы болса тіркеуден шығарады, әйелдер 3 тексерістен соң (1 – сі 7-10 күнен соң, 2 – сі менструация кезінде 3 – сі менструация аяқталған соң).

Мектепке дейінгі жастағы қыздар емделіп шыққаның стационарда жүргі-зеді, да оларға 1 айдың ішінде 3 өршіту, 3 жұғынды алады (10 күнде 1 рет).

Созды алдын алу

Біріншілік алдын алу үшін пациенттің сексуальді құлығын өзгерту, мезгілінде жыныстық серіктерінде созды анықтау, клиникалық белгілерінің бар – жоғына қарамастан емдеу жүргізіледі..Презервативсіз жыныстық қатынасқа түсуге тиым салынады, жүктілерді, бедеу адамдарды, қауіп тобындағы адамдарды сапалы алдын ала қарау жүзеге асырылады.

Екіншілік алдын алу қауіп топтар арасында созды алдын алу үшін ағар-ту жұмыстарын жүргізу, симптомсыз науқастарды табу немесе жыныстық жолмен жұғатын аурулардың симптомы бар, бірақ емдік мекемеге медици-налық көмекке қаралмайтындарды табу, ауру жұққандарды диагностикалап, емдеу, ауырған науқастардың серіктерін тексеріп, емдеу жүргізіледі.

Жаңа туған нәрестелерде көздің созын алдын алу мақсатымен 30 % натрий сульфацилының ерітіндісін 2 рет тамызады, бір мезгілде қыздардың жыныс мүшелерін осындай ерітіндімен өңдейді. Балаларда созды алдын алу үшін жеке төсегімен жеке бас тазалығын сақтау заттары болу керек (губка, орамал, және т.б.). Алдын алу үшін санитарлы ағарту жұмыстарын жүргізу, нақты анамнезді жинаудың манызы зор.

Урогенитальді трихомониаз

Бұл урогенитальді трихомонада Trichomonas vaginalis туғызатын несеп-жыныс мүшелерінің спецификалық зақымдалуы.Трихомонада қатаң спецификалық паразит және адам ағзасынан тыс өмір сүре алмайды.

Трихомонада - қарапайымдылар типіне, трихомонас тұқымдыстығына, талшықтылар класына жататын бір торшалы ағза.

Оның 3 түрін бөледі: алмұрт тәрізді, амебоидты және бүршік тәрізді.

Трихомонадалар цитоплазмасының өзгерістігіне байланысты өзінің формасын тез өзгерткіш келеді және торша аралық тар қуыстардандан өтіп кетеді. Олар торшамен үйкелісіп олардың рельефін толық қайталайды. Қынаптың, уретраның бөліністерінің таза дақылдарында трихоманадалар аурудың тек бастапқы және жедел кезеңдерінде болады. Аз симптомды және созылмалы ағымды кезінде трихомонадтармен бірге басқа бактериялар анықталуы мүмкін.

Трихомонадалар қоршаған ортада тұрақсыз, 40’ С температурада кептіргенде, және тікелей күн сәулесі әсер еткенде өледі. Әртүрлі антисептиктер оларды жояды. Зақымдалу жыныстық жолмен жүреді.