Молитва ангелу-хранителю об успехе в делах

«Святый ангеле Христов, благодетель мой и покровитель, тебе молюсь я, грешный. Помоги православному, живущему по заповедям Божьим. Прошу тебя о немногом, прошу пособить мне в пути моем по жизни, прошу поддержать в трудный миг, прошу честной удачи; а все остальное прибудет само, если будет на то воля Господа. Потому о большем не помышляю, кроме как об удаче в жизненном пути своем и в делах всяких. Прости, если грешен перед тобой и Богом, помолись за меня Отцу Небесному и ниспошли на меня благодетельство твое. Аминь».

Молитва пред иконой Божией Матери «Казанская» об избавлении от бедности и уныния в материальных проблемах

«О Пресвятая Госпоже, Владычице Богородице! Со страхом, верою и любовию пред честною и чудотворною иконою Твоею припадающе, молим Тя: не отврати лица Твоего от прибегающих к Тебе: умоли, милосердная Мати, Сына Твоего и Бога нашего, Господа Иисуса Христа, да сохранит мирну страну нашу, Церковь же Свою святую непоколебиму да соблюдет и от неверия, ересей и раскола да избавит. Не имамы ибо иныя помощи, не имамы иныя надежды, разве Тебе, Пречистая Дева: Ты еси всесильная христиан помощница и заступница: избави же и всех, с верою Тебе молящихся, от падений греховных, от навета злых человек, от всяких искушений, скорбей, болезней, бед и от внезапныя смерти: даруй нам дух сокрушения, смирение сердца, чистоту помышлений, исправление греховныя жизни и оставление прегрешений, да все благодарне воспевающе величия и милости Твоя, являемыя над нами здесь на земли, сподобимся и Небеснаго Царствия, и тамо со всеми святыми прославим пречестное и великолепое имя Отца, и Сына, и Святого Духа, во веки веков. Аминь».

Молитва пред иконой Божией Матери «Покров Пресвятой Богородицы» о защите от финансовых проблем

«О Пресвятая Дева, Мати Господа Вышних Сил, Небесе и земли Царице, града и страны нашея всемощная Заступнице! Приими хвалебно-благодарственное пение сие от нас, недостойных раб Твоих, и вознеси молитвы наша ко Престолу Бога Сына Твоего, да милостив будет неправдам нашим и пробавит благодать Свою чтущим всечестное имя Твое и с верою и любовию покланяющимся чудотворному образу Твоему. Несмы ибо достойни от Него помиловани быти, аще не Ты умилостивиши Его о нас, Владычице, яко вся Тебе от Него возможна суть. Сего ради к Тебе прибегаем, яко к несомненней и скорей Заступнице нашей: услыши нас, молящихся Тебе, осени нас вседержавным покровом Твоим и испроси у Бога Сына Твоего пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиренномудрие, супругом любовь и согласие, чадом послушание, обидимым терпение, обидящим страх Божий, скорбящим благодушие, радующимся воздержание: всем же нам дух разума и благочестия, дух милосердия и кротости, дух чистоты и правды. Ей, Госпоже Пресвятая, умилосердися на немощныя люди Твоя; разсеянныя собери, заблуждшия на путь правый настави, старость поддержи, юныя уцеломудри, младенцы воспитай и призри на всех нас призрением милостиваго Твоего заступления; воздвигни нас из глубины греховныя и просвети сердечныя очи наша ко зрению спасения; милостива нам буди зде и тамо, в стране земнаго пришельствия и на Страшнем суде Сына Твоего; преставльшияся же в вере и покаянии от жития сего отцы и братию нашу в вечней жизни со Ангелы и со всеми святыми жити сотвори. Ты ибо еси, Госпоже, Слава небесных и Упование земных, Ты по Бозе наша Надеждо и Заступнице всех притекающих к Тебе с верою. К Тебе убо молимся и Тебе, яко Всемогущей Помощнице, сами себе и друг друга и весь живот наш предаем, ныне и присно и во веки веков. Аминь».

Молитвы святым

Тропарь великомученику Иоанну Сочавскому о покровительстве в торговле

Если финансовое благополучие зависит от торговых дел, молятся Иоанну Сочавскому, мысленно или перед его иконой. Помимо тропаря, есть несколько молитв этому святому, которые приведены ниже. Иоанн Сочавский, или Иоанн Новый, жил в XIV веке в городе Трапезунде и занимался торговлей, постоянно помогая бедным и ведя свои дела честно. Он был предан мукам за христианскую веру и убит, однако мощи остались нетленными и даровали чудесные исцеления. К святому обращаются за помощью в делах торговли, успехе в бизнесе и вообще о благополучии, материальном и духовном.

Тропарь

«Житие на земли добре окормляя, страдальче, милостынями, и частыми молитвами, и слезами, паки же ко страданию мужески устремився, персское обличил еси нечестие. Темже Церкве был еси утверждение и христиан похвало, Иоанне приснопамятне».

Кондак

«Морскую плавая пучину куплею, от востока тщался еси к северу, но Богу призвавшу тя, якоже Матфей мытницу, ты же куплю оставль, и Тому последовал еси кровию мучения, временными искупив непроходимая, и венец приял еси непобедимый».

Молитва великомученику Иоанну Сочавскому о покровительстве в торговле

«О святый угодниче Божий, Иоанне! Подвигом добрым подвизався на земли, восприял еси на Небесех венец правды, его же уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякого зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь».