О законь моисеомъ данъмъ ему и о благодати1 и истинь исусъ христомъ бывшимъ... и похвала кагану2 нашему владимиру

Благословенъ господь бог израилевъ, богь христианескъ, яко посъти и сътвори избавление людемъ своимъ, яко не презръ до конца твари своеа идольскыимъ мракомъ одержимъ быти и бъсовь-скыимъ служениимь гыбнути, но о правдъ прежде племя Авраам-ле скрижальми и закономъ, послъжде же сыномъ своимъ вся язы-кы спасе Евангелиемь и крещениемь и въводяа въ обновление по-кабытиа* в жизь въчную...

Еже бо въ инь книгахъ писано и вами ведомо, ти сде положи-ти,то дръзости образ* есть и славохотию³. Ни къ невъдущиимъ бо пишемъ, нъ прьизлиха насыштьшемся сладости книжныа, не къ врагомъ божиемъ иновърныимъ, нъ самемь сыномъ его, не къ странныим, но къ наслъдникомъ небеснаго царства...

И что успъ законъ? что ли благодать? Прежде законъ, ти по-томь благодать; пръжде стьнь*, ти потомь истина. Образъ же зако-ну и благодьти — Агарь и Сарра⁴, работнаа прежде, ти потомь свободнаа. Да разумьеть, иже чтеть, яко Авраамъ убо отъ уности своей Сарру имъ жену си свободную, а не рабу. И богь убо пръжде въкъ изволи и умысли сына своего въ миръ послати, и тьмь благо-дать явитися. Сарра же не раждаше, понеже бъ неплоды. Не бъ неплоды заключена бъ божиимъ промысломъ на старость родити: безвъстьная же и таинаа пръмудрости божиа утаена бяаху ангелъ и человъкъ, не яко не явима, но утаена и на конецъ въка хотяща явитися. Сарра же глагола къ Аврааму: «Се заключи мя господь богь не раждати; вълъзи убо къ рабъ моеи Агари и родиши отъ неъ». Благодать же глагола къ богу: «Аще нъсть времене сънити ми на землю и спасти миръ, съниди на гору Синай и законъ положи». Но слуша Авраамъ рьчи Саррины и вълъзе къ рабъ еъ Агаръ по-слуша же и богь яже отъ благодати словесъ и съниде на Синаи.

Роди же Агарь раба отъ Авраама раба рабочишть⁵, и нарече Авраамъ имя ему Измаилъ. Изнесе же Моисъи отъ Синаискыа горы законъ, а не благодать, стънь, а не истину.

По сихъ же уже стару сущу Аврааму и Сарръ, явися богь Авра­аму, съдящу ему пръдъ дверьми кушкъ* его, въ полудне, у дуба Мамврийскаго⁶. Авраамъ же текъ въ срътение ему, поклонися ему до землъ и приать и въ кушту свою. Въку же сему къ коньцу при-ближаюшуся, посътить господь человъческаго рода и сниде съ не­бесе, въ утробу дьвици въходя; приать же дъвица съ покланяни-емъ въ кущу плътяную* не больвьши, глаголющу ти къ ангелу: «Се раба господня, буди мнъ по глаголу твоему».

Тогда убо отключи богь ложесна* Саррина, и заченьши роди Исаака, свободьнаа свободьнаго. Присътивьшу богу человъчьска естьства, явишася уже безвъстнаа и утаенаа и родися благодать и истина, а не закон, сын, а не раб. И яко отдоися* отроча Исаакъ и укръпъ, и сътвори Авраамъ гоститву* велику, егда отдоися Иса­акъ сынъ его. Егда бъ Христосъ на земли, и еще благодать не ук-рьпила бъаше, нъ дояшеся еще, за 30 льть, въ ня же Христосъ таяашеся; егда же отдоися и укръпъ и явися благодать божиа всъмь человькомъ въ Иерданъстьй ръцъ. Сътвори богь гоститву* велику и пиръ великъ тельцемь упитенныимъ, от въка, възлюбленныимъ сыномъ своимъ Исусъ Христомь, съзвавъ на едино веселие небес-ныа и земныа, съвокупивъ въ едино ангелы и человъкы.

По сихъ же видъвши Сарра Измаила сына Агариина играюща съ сыномъ своимъ Исаакомъ и яко приобидьнъ бысть Исаакъ Из-маиломъ, рече к Аврааму: «Отжени рабу и съ сыномъ еъ, не имать бо наслъдовати сынъ рабыниинъ сына свободныа».

Льпо бо бъ благодати и истинъ на новы люди въсиати. Не въли-вають бо словеси господню вина новааго учениа благодатьна въ мьхы ветхы обетовъши въ иудествъ, аще ли то просядутся мъси и вино прольется. Не могъши бо законе стьня удержати, но могажды идоломъ поклонявшеся, како истинныя благодати удержать учение. Нъ ново учение — новы мъхы, новы языкы и обое съблю-дется, яко же и есть.

Въра бо благодатнаа по всей земли простреся, и до нашего языка русскаго доиде, и законное езеро пръсъше, евангельскыи же источникъ наводни вся, и всю землю покрывъ, и до насъ про-лиася. Се бо уже и мы съ всъми христиаными славимъ святую троицу, а Июдеа молчитъ...

Хвалить же похвальныими гласы Римьскаа страна Петра и Па­ула, има же въроваша въ Исуса Христа сына бржиа; Асиа⁷, и Ефесъ, и Патмъ — Иоанна Богословьца, Индиа — Фому, Египеть — Марка. Вся страны, и гради и людие чтуть и славять коегождо ихъ учите­ля, иже научиша я православнъи въръ. Похвалимъ же и мы по силъ нашей малыими похвалами великаа и дивнаа сътворъшаго нашего учителя и наставника, великаго кагана нашеа земли Во-лодимера, вънука старааго Игоря, сына же славнааго Святосла­ва⁸, иже въ своа лъта владычьствующе, мужьствомъ же и храборъ-ствомъ прослуша въ странахъ многахъ и побьдами и кръпостию поминаются нынъ и словуть. Не въ худъ бо и не въ невъдоми зем­ли владычьствоваша, нъ въ Руськь, яже въдома и слышима есть всъми четырьми конци земли...

Добръ пастухъ благовърию твоему, о блаженниче, святаа церк­ви святыа богородица Мариа, юже създа на правовърьньй основъ, идеже мужьственное твое тьло нынъ лежить, жида трубы архан-гелъскы. Добръ же зъло и вьренъ послухъ* сынъ твои Георгий, его ж сътвори господь намьстника по тобь твоему владычьству, не рушаща твоихъ уставъ, нъ утвержающа, ни умаляюща, твоему бла­говърию положениа, но паче прилагающа, не сказаша (казяща), нъ учиняюща, иже недоконьчаная твоа наконча, акы Соломонъ Давыдова, иже домъ божий великыи святыи его прьмудрости създа⁹ на святость и освящение граду твоему, юже съ всякою красотою украси златомъ и сребромъ и камениемь драгыимъ, и съсуды чес-тныими, яже церкви дивна и славна всъмъ округниимъ странамъ, яко же ина не обрящется въ всьмъ полунощи земньъмь, отъ въстока до запада, и славный градъ твои Кыевъ величьствомъ, яко вънцемь обложилъ, пръдалъ люди твоа и градъ святъи всеславнии скоръй

на помощь христианом святей Богородици, еи же и церковь на великыихъ вратъхъ¹⁰ създа въ имя первааго господьскааго праздни­ка святааго Благовещениа...

Въстани, о честнаа главо, отъ гроба твоего, въстани, отряси сонъ! Ньси бо умерлъ, но спиши до обьщааго всъмъ въстаниа¹¹. Въстани, ньси умерлъ, нъсть бо ти лъпо умрьти, въровавъшу въ Христа, живота всему миру. Отряси сонъ, възведи очи, да види-ши, какоя тя чьсти господь тамо съподобивъ и на земли не беспа­мятна оставилъ сыномъ твоимъ. Въстани, виждь чадо свое Геор-гиа¹², виждь утробу свою, виждь милааго своего, виждь, его же господь изведе отъ чреслъ твоих; виждь красяащааго столъ земли твоей, и възрадуися, възвеселися. Къ сему же виждь и благовърную сноху твою Ерину¹³, виждь вънукы твоа и правнукы, како живуть, како храними суть господемъ, како благовьрие держать по преда­нию твоему, како въ святыа церкви частять, како славять Христа, како поклоняются имени его. Виждь же и градъ величьствомъ си-ающь, виждь церкви цветущи, виждь христианьство растуще, виждь градъ иконами святыихъ освъщаемъ и блистающеся, и тимианомъ объухаемь*, и хвалами и божественами пънии святыими оглаша-емь. И си вся видъвъ, възрадуися, и възвеселися, и похвали блага-го бога, всъмъ симъ строителя...

¹ Словами «закон» обозначается Ветхий завет (иудейская религия), «благодать» — Новый завет (христианство).

² Каган — князь, царь (слово тюркского происхождения).

³ То есть что в иных книгах написано и всем известно, то говорить об этом было бы дерзостно (неуважительно к слушателям) и подавать при-мер пустому тщеславию.

⁴ Агарь и Сарра — библейские персонажи.

⁵ ...рабочишть — рабочий, сын рабыни.

⁶ Дуб Мамврийский — под сенью этого дуба, как говорится в библей­ской легенде, Авраам и Сарра принимали ангелов, явившихся с доброй вестью. На этот сюжет писалась икона «Ветхозаветная Троица».

⁷ Асиа — Азия.

⁸ Имеется в виду Владимир Святославич, киевский князь, внук Иго­ря и Ольги. См. летописную повесть об этом князе.

⁹ Имеется в виду Софийский собор в Киеве, построенный в княже­ние Ярослава Мудрого. Киевский князь уподобляется библейскому Со­ломону, создавшему храм в Иерусалиме, строительство которого начато Давидом, отцом Соломона.

¹⁰ Великие врата, т. е. Золотые ворота в Киеве — замечательный архи­тектурный памятник XI в., остатки которого сохранились до нашего вре­мени.

¹¹ Обычная религиозно-христианская идея, что смерть есть сон, вре­менное состояние до пробуждения умерших при кончине мира, когда они будто бы встанут из своих могил.

¹² Георгий — христианское имя Ярослава Мудрого.

¹³ Ерина — жена Ярослава Мудрого.