Кескіш аспаптар және оның негізгі элементтері мен геометриясы

Кескішленталы станок ара арқылы әртүрлі заттарды кесуге арналған (металдар, тастар, ағаш, т.б.). Бұл ара шексіз лента түрінде жалғанған, сондықтан кескішленталы станок деп аталады. Барлық ленталы станоктардың аралары екі дөңгелекшеге бекітілген: соның бір дөңгелекшесі айналдырғыш болып табылады (қозғалтқыштан хабар келіп, айналып тұрады), екіншісі қысып тартып тұрады (ара айналу барысында ара шығып кетпес үшін керек). Дөңгелекшелер мықты қаңқаға бекітілген, оны кескіш рама деп атайды. Кескіш раманың орналасу орнына байланысты станоктар вертикалды, горизонталды және көлбеу рамалы болып бөлінеді.

Кез-келген кескішленталы станоктың негізгі жұмыс элементі сақина таспалы лента болып табылады. Барлық кескішленталы станоктардың қаңқалары стандартты түрде болат темірден жасалса, оның кескіш тістері құрылымы жағынын да, оларды жасайтын материалдары да алуан түрлі болады. Тау-тасты кесу үшін алмастан жасалған тістерді қолданады, ал ағаш кесу үшін көміртекті болат қолданылады.

Темір-металдан жасалған дайындамаларды кесу үшін кеңінен биметалды ленталы ара қолданылады: оның негізі жұмсақ және майысқыш келеді, бірақ тістің ұштары тез кескіш қатты болат темірден жасалады. Кескішленталы станок негізгі параметрін анықтайтын оның лентасының калыңдығы, биіктігі және созғандағы ұзындығы, кейде әрбір тісшелердің көлемі де рөл тигізуі мүмкін.

Кескішленталы станоктың көп түрі болғандықтан, олар үшін әртүрлі ұзындықтағы ленталы аралар қажет болып табылады. Ленталы аралар орам түрінде шығады, кейіннен оны керекті көлемде кесіп қайта оны жалғайды (2.1 – суретте көрсетілген – Кескішленталы станок).

2.1 – сурет – Кескішленталы станок

Кескішленталы станог

Кескішленталы JWBS-9X станогы – бойлық бойымен, көлденеңінен және қиғашынан ағаш дайындамаларды, ДСП және ДВП ағаштарын кесу үшін пайдалынылатын модел болып табылады. Белдікті ауыстырма арқасында бұл станок шусыз жұмыс істейді және жұмыс істеушіге ыңғайсыздық туғызбайды. Дайындаманың оңтайлы қалыңдығы - 20 мм деп санауға болады, бiрақ 80 мм дейігі қалыңдықтағы бөлшектерді кесуге техникалық параметрі жетеді. Машина жұмыс істеуге қарапайым және арнайы техникалық қызмет көрсетуді талап етпейді.

Кескішленталы JWBS-9X станогын дұрыс пайдалану әдісі.

Станок қатты пластиктер мен орман өнімдерін жəне басқа да ағаш өнімдерін аралау үшін құрастырылған.

Осы станокта басқа материалдарды өңдеуге болмайды. Кейбір жағдайларда бұны тек компания өкілдерімен кеңескеннен кейін ғана жүзеге асыруға болады.

Металл дайындамаларды өңдеуге тыйым салынады.

Дайындама қауіпсіз бекітілген жəне орнатылған болуы керек.

Станокты дұрыс пайдалану үшін осы нұсқаулықтың ережелерін сақтау қажет.

Станокты тек оның жұмысы, техникалық қызмет көрсетуі жəне мүмкін болар қауіп қатерлер туралы ескертілген тұлғалар қолдануға рұқсат етіледі.

Станокты пайдалануға белгіленген жас мөлшерінен кіші тұлғалар жіберілмейді.

Станокты тек техникалық дұрыс жағдайында қолданған жөн. Станокта жұмыс жасаған кезде барлық қорғаныс заттары мен қақпақтар бекітілуі керек.

Осы нұсқаулықта қамтылған қауіпсіздік бойынша талаптар мен мемлекеттік ережелерге қосымша, ағаш өңдейтін станоктармен жұмысқа қатысты қабылданған жалпы ережелермен де танысқан жөн.

Тауар талаптарға сай қолданылмаған жағдайда өндіруші жауапкершіліктен бас тартады жəне оны тек қана тұтынушыға береді.

Станокта жұмыс істеу.

Дұрыс жұмыс жағдайы. Станокқа қарама қарсы аралау бағытында тұрған жөн.

Дайындаманы өңдеу:

– қолдарыңызды дайындама үстіне кесу аймағынан шеткі жағына орналастырыңыз;

– дайындаманы ленталы кенептің бағытына қарай қозғаңыз жəне дайындаманы айналдыра отырып кесу сызығының бойымен жүргізіңіз;

– дайындаманы тоқтамастан алдыға қарай жылжытыңыз; кесуді бір ғана қимылмен аяқтаңыз.

– дайындаманы кері тартпаңыз, себебі аралау кенебі бағыттаушылардан тайып кетуі мүмкін.

– ұзын жəне жалпақ дайындамаларды станокқа орналастыру үшін аунақшалы тіректер қолданыңыз [3].

2.2 – суретте көрсетілген – Cтаноктың сипаттамасы.

2.2 – сурет – Cтаноктың сипаттамасы

A – Кенептің созылуын реттейтін тұтқа.