Эрзянь гайтень ды тев невтиця валонь валкс.
(Эрзянский словарь слов изображающих звуки и действия).
авол-увол – аволь кеместэ, тей-тов чиремкшнезь молемань невтема (изображение пошатывания)
автор-увтор – пек капшазь ярсамо, мезеньгак капшазь каподема (звук жадного, быстрого поглощения еды, быстрого схватывания)
авшк! – удомань самсто кургонь автнема (изображение зевоты)
авшть! – капшазь сускомань невтема (изображение быстрого укуса, схватывания ртом)
а куш, а каш – гайтень арасьчинь невтема (изображение полной тишины, ни звука)
баря! баря! – ревень тердемань валт (слова подзывания овец)
беньк! – мезеньгак прамонь, эли лазомань сэрей гайтень невтема (звонкий звук падения, раскола)
бз-з! – бизнэмань невтема вал (звук жужжания)
биз! биз! – промонь, алашань карвонь, укскань, мекшэнь, карвонь бизнэмань гайть (звук жужжания овода, слепня, осы, мухи, пчелы)
бизмол-бизмол – унжань-карвонь ды суксонь бизмолдомань невтема (изображение копошения насекомых, ползания червей)
бий! – пилесэ, пря потсо гайнемань невтема (звук звона в ушах, в голове)
бот! бот! – стака молевтень, ботамонь, васолонь стака гайтень невтема (звук тяжёлой поступи, ботала, глухих отдалённых звуков)
буйк! – буйкстамонь, булдоркань нолднемань, познамонь гайть (звук вздутия, испускания пузырей, воздуха)
боцк! буцк! – мезеньгак прамонь гайть (звук падения тела, чего-либо)
булдор! – мезеньгак ведьс прамонь гайть (изображение звука падения чего-либо в воду, шумного всплеска)
булдор-булдор – ведьсэ булдоркань гайть, ведь ало марявиця гайть (звук пузырей в воде, шума в воде при нырянии)
вай! – вайкстамонь вал (вскрикивание, ой!)
вак! вак!- ватракшонь вакнома гайть (звук квакания лягушек)
вар! вар! – варакань варнома (карканье вороны)
варцк! – вачкодемань гайть (звук удара)
вель! вель! – велямонь, чарамонь гайть (звук вращения)
виж-виж! – велямонь, мезеньгак велицянь гайть (изображение вращения, жужжания вращающегося)
вик! вик! – нармушка левксэнь цикнемань гайть (звук пиканья птенцов)
вить! вить! – вешкемань невтемань гайть (звук свиста, посвиста)
вуов! – вергизэнь, кискань урнома (звук воя волка, собаки)
выж! – выжнэмань гайть (звук жужжания)
вый! выйк!– мезеньгак вырновтомань, ливтямонь эли чарамонь гайть (звук вылетания чего-либо, звук вращения)
выр! – ёртомань невтемань гайть (звук при выбрасывании)
гай! гайк!– невти сэрей гайть (обозначает звонкий, высокий звук)
ги-га! – дигань гагакстнемань гайть (звук гагакания гусей)
гилк! – капшазь нилемань, гилкадемань гайть (звук одинарного быстрого проглатывания воды, пищи)
гизылк! – кавто гилкадемасо нилемань гайть (звук двухзвучного быстрого, жадного проглатывания пищи)
гу-гу! гу-гу! – гулькань, вирьгулькань гугукстнемань гайтть (звуки воркования голубя, горлицы)
гувк! – гувкадемань гайть (звук воспламенения, вспыхивания)
гумарь-гирь-гирь! – гармониянь, баянонь ды аккордеононь гайть (звук гармони, баяна, аккордеона)
гумбол-гамбол – зэрть марто, дуболсо (с грохотом, грохоча ногами)
гурь! гурь! – пекесэ гурнема (урчание в животе)
гы-гы-гы! – аволь паро мельсэ ракамонь невтема (изображение неприличного смеха)
дерь! дерь! – дирьнемань гайтень ды дерьгунонь дерьнемань невтема гайть (изображение дребезжания, крика деркача)
дёйв! – сэрень полавтовиця гайтень невтема (изображение меняющегося по высоте звука, звона)
дёголь! – мезеньгак трокст, эли верев кирнявтнемань невтема вал (гоп!)
дёк! – мезеньгак трокст, эли верев кирнявтнемань невтема вал (гоп! хоп!)
дёлё! дёлё! – дудкинень гайть (люли! люли! звук дудочки)
дёголь-дёголь! – кирнявтнемань невтнемань валт (гоп-гоп!)
диги! диги! – кайгань гайтень невтема валт (слова, изображающее звук скрипки)
диги-дик – кайгань гайтень невтема валт (изображение звука скрипки)
дилинь-дилинь! – баягинень дилиньдема (звук колокольчика)
дирь-дирь! – човине дирьнемань гайтть (звуки тонкого дребезжания)
доко-док! – чавумань гайтень невтема валт, киштицянь пильгень гайтть (изображение звука барабана, ударного инструмента, топота пляшущего)
дон! – покш баягань гайть, мезеньгак алкине увтонь гайть (звук колокола, чего-либо гулкого)
дор-дор! – ведьпрамонь увтонь гайть (звук водопада)
до-ор! – торамань гайть (звук трубы, горна)
дубу-дубу! – стакасто чалгамонь гайть (топ-топ!)
дыр! дыр! – дырнэмань гайть (звук глухого дребезжания)
дягу! дягу! – матедевтемань валт (баю! бай!)
ёзмол-ёзмол – гювонь ёзмолдомань невтема валт (звук скольжения змеи)
ёзмолк! – мезеньгак ёзмолдыцянь гайть (звук скольжения чего-либо, кого-либо скользящего, ползущего, шмыг!)
жой – мезеяк жойсэ валомань гайть (звук выплёскивания махом)
жойк! – дерябань мендямонь, жестень мендямонь, ведень валомань гайть (звук сгибаемой пилы, листа металла, выплеска воды)
жойсэ – жойниця гайть марто (со звоном)
жоль-жоль! – гайтев жольнемань гайть (звук звонкого журчания)
жуй! – гайтесь невти седеень китордома пек пелемстэ, учомсто (звук показа ощущений сердца при страхе, сильном ожидании)
жуль! – гайтесь невти ведень шольнеманть нуртямсто (изображение звука журчания воды, струи)
жульк! – невти нурькинестэ нуртямсто гайтенть (изображение кратковременного журчания струи)
зэрь! – зэрнемань гайть (звук грохота)
зэрьк! – вейке зэрневтемань гайть (звук одинарного грохота)
зэхель! (меремс) – валось невти вармань оймамонть, седеень сэредьксэнь оймамонть (звук изображения затихания ветра, сердечной боли)
зэхельк (теемс) – валось невти куроксто вармань оймамонть, седеень сэредьксэнь (звук быстрого затихания ветра, боли)
зуй! – валось невти седеень пштиксэнть пелемстэ, виев талномасто (звук показа острой боли сердца при страхе, сильном волнении)
зуйк! – валось невти седеень пштиксэнть пелемстэ, виев ёжонь марямсто (изображение щемления сердца от страха, других острых ощущений)
зуйть! – валось невти седеень мельспаро марямот (изображение приятных ощущений сердца)
зый! – гайтесь невти седеень сэредьксэнь марямо (звук изображения щемления сердца)
ир! ир! – ирнэмань невтема гайть (звук рычания, р-р-р!)
кав! кав! – кискань кавнома гайть (звук верещания ушибленной, ударенной собаки)
как! как! – какстамонь гайть (звук при поперхновении)
калдор-кулдор – зэрьтень, прамонь невтема гайть (звук грохота, падения)
кальдерь – човалянь, эрьгень, дропонь, мезеньгак пек вишкинень певерьдема гайть (звук рассыпания звонко-мелкого, дробь, бусы, бисера)
кальцьк! – пень, затворонь, чондань, кевнень кальцькаемань невтема гайть, аволь виев, гайтев (звук клацания зубов, затвора, негромко-звонкий, падения монет, камушков)
кап! – каподемань невтема гайть (изображение схватывания, хап!)
кепсть!(теемс) – кепетьстемань невтема гайть (изображение привставания, приподнимания)
керь! керь! – вишка пачинень, нумолонь, пелемадо сеерема (звук верещания мелких животных от страха, зайца, грызунов)
кивчк! – ёндолонь, кивкадемань невтема гайть (изображение мелькания, вспышки, вспышки молнии)
кикирики! – атякшонь морамонь гайть (изображение кукарекания)
кирцьк! кирцьк! – теньстьсэ, кедь лапушкасо вачкоемань, лападемань гайть (изображение хлестания веником, шлёпания)
клёк! – клоксо налксемстэ клёкадема вал (слово «застукивания» при игре в клёк)
клявк! – кискинень кавномань невтема вал (звук скуления собачки, тяв!)
клок! клок! – нарвицькань клокномань невтема гайть (звук квохтания наседки)
клук! клук! – нарвицькань клукномань невтема гайть (звуки квохтания клушки)
коп! коп! – кополсо ардомань невтема валт (звук, изображающий езду верхом (малышей на коленке))
кот! кот! – саразонь котномань невтема валт (изображение кудахтанья курицы)
кот-кодык! кот-кодык! – саразонь котномань невтема валт (изображение кудахтания курицы)
корцьк! корцьк! – теньстьсэ парямонь гайть (изображение хлестания веником в бане)
кукурюку! – атякшонь морамонь гайть (изображение кукарекания)
кшу! – нармунень, саразонь кшувавтомань вал (звук отпугивания кур, птиц)
лавцк! – коськестэ вачкодемань невтема вал, чувтос, ловажас (звук глухого сухого стука, об дерево, кость)
лакшт! – чачк синдемань невтема вал (звук перелома)
лакштор! – кувакасто гайгиця лазомань, синтремань невтема вал (раскатистый звук перелома)
лап! лап! – сёлмосо, мейсэяк лапштанясо ахолямсто марявиця гайть (звуки хлопков при взмахе крыльями, чем-нибудь плоским)
ледерь! – кувакасто гайгиця покш шарикень, пештень кевердемань невтема гайть (раскатистый звук рассыпания крупных шариков, орехов, бах!)
лоцьк! = мезьгаяк чевте, таргавиця ланга вачкодемань невтема гайть (звук удара по мягкому, вязкому)
лый! – ахолдавксонь невтема вал (изображение взмахивания)
лый-лай – ахолдавксонь, прамонь, ювномань невтемань валт (изображение взмахивания, падения, колебания из стороны в сторону)
люль! люль! – дигань, локсеень, яксяргонь люлякатнень сееремань невтема валт (звуки гусят и утят)
мизолк-мизолк – мизолкшномань невтема валт (улыбаясь, с улыбками)
ммака! – потяка эйдетнень тантей ярсамкасо каванямонь вал (звук показывания вкусности малышам)
муст-муст (пеедемс) – пеедемань апак невтне пеедемс (скрывая насмешку улыбаться, «лыбиться»)
ннака! – вишка эдетненень мазычинь мезеньгак мазычинь невтема вал (звук показывания красоты игрушки малышам)
никсть! – никстемань невтема вал (изображение принюхивания)
никсть-никсть – зярыяксть никстемань невтема валт (изображение многократного принюхивания)
ноцк! – ноцковтомань невтема вал (изображение дёргания)
нурть-нурть (молемс) – нузялдозь пильгень стявтнезь молемс (идти лениво перебирая ногами)
нутирь-петирь – сельведьте аламодо пеедезь мерема вал (с иронией о слезах)
општ (меремс, теемс) – пертьпельксэнть оймавтомадо невтема вал (звук затихания, замирания)
пакшт! – сидемань, лазомань, почкодемань невтема гайтев гайть (звонкий звук лопания, трескания, перелома)
паркст! – паркстамонь невтема вал (изображение всрхапывания, фыркания)
петь! петь! – петнямонь, кольгемань невтема валт (кап-кап)
петерь-петерь – сеедьстэнь петерьдемань невтема валт (кап-кап-кап)
польдерь-польдерь – сельведень польдерьдемань невтема валт (изображение капания слёз)
порьцьк! порьцьк! – тулевксэнь тердема валт (звук подзывания поросят)
поцьк! поцьк! – потямонь невтема гайть валт (звуки сосания малышами и дитёнышами)
пукшт! – мезеньгак сеземань, лазномань, синтремань аволь гайтев гайтень невтема вал (глухой звук лопания, трескания, перелома)
пукшт-лакшт! – виев лакштордомань невтема вал (изображение звонкого треска)
пукшт-пакшт! – леднемань, пукштяемань, лакштордомань невтема валт (изображение звонких хлопков, выстрелов, треска)
пукштор! – каятыця пукштятемань, лазномань, синтремань гайтень невтема вал (раскатистый звук лопания, трескания, перелома)
петь! – петнемань невтема гайть (звук капания, упавшей капли)
петьк! – сёвоньсэ лаподемань, петнемань невтема гайть (звук капли, шлёпания глиной, раствором)
пикстерь! – сятконь, калонь пикстердемань невтема гайть (звук трепетания, трепыхания рыбы, искрения)
пикстерь-пикстерь – истя невтеви толпандясто, тонолсто сятконь пикстердемась (изображение вылетающих искр из костра, головёшки)
плеськ! – плестяемань, ведень кайсемань невтема гайть (звук плескания)
поцерь-поцерь – пиземень поцерьдемань невтема валт (звук накрапывания дождя)
пс!пс! – каткань тердема валт (звук подзывания кошки)
пульк! – мезеньгак ведьс прамонь невтема вал (звук чего-либо упавшего в воду, плюх!)
ревцк! – те валось невти стакаст марявиця вачкодевксэнь гайтенть (слово, изображающее негромкий глухой удар, щелчок)
рукшт! Рукшт! –кедьсэ цяпамонь невтема валт(хлоп!)
рок! рок! – тувонь рокномань невтема валт (хрюкание взрослой свиньи)
сютор-сятор! – пейсэ цятордомань, мезеньгак цятордомань невтемань валт (хрум-хрум!)
тарск! – тарскадемань невтема вал (изображение вздрагивания)
ти, ти, ти, ти! – ципакань, саразонь тердема валт (звук подзывания кур, цыплят)
титя! титя! – саразонь тердема валт (звук подзывания кур)
тига (тосто)! – те валось невти куроксто оргодеманть, ношкстамонть (слово изображения быстрого улепётывания)
тега! тега! – дигань тердема валт (слова подзывания гусей)
теньк! – сляникань, кшнинь тенькаемань гайть, вишка нармушкань, пижазонь морыне, лёсань, чова уськень, налчирькень свистькень сезевемань човине гайть (звонкий звук стекла, металла или тонкого тресканья, песенка мелкой птички, например, синицы, разрыва лески, тонкого провода, тетивы)
тость! – стака вачкодьксэнь коське гайть (звук краткого глухого удара с треском: бух! бац!)
тотоминь-тотоминь! – пивсэмасто пивсэмань вачкодьксэнь гайть (звуки цепов при молотьбе)
тупор-тапор – аволь кеме молевтень невтемань валт (изображение нетвердой походки)
турлу-тут! турлу-тут! – карго авакань мельга якамсто карго атяканть морозо (звуки журавля при брачном танце)
тур-тар – аволь кеме молевтень невтема, мезеньгак таноманзо невтемань валт (изображение нетвердой походки, болтания чего-либо)
тыж! – ведень тыжнэманть пси кев лангс плестядемстэ, тонолонь паломань невтема гайть (звук кипения воды на камнях, горения)
тыжк! тыжк!– пси сувонть тыжнеманзо невтема гайть, рестамонь гайть (звук прорыва пара, жарки)
тыр-пыр – кода понгсь тевень теемадо невтема валт (изображение неловких действий, действий как попало, кое как)
тюрь! – пек аварьдемань, ведень нуртямонь невтема вал (изображение падающей струи, горючих слёз)
ув! ув! – мезеньгак виевстэ велямонь увтонь невтема валт (звук гула от вращения)
увк! – вармань вачкодьксэнь увтонь, кайтень, ютыця машинань ды лия увтонь невтемань гайть (звук порыва ветра, глухого эха, проезда машины, иного гула)
увцор-авцор – пильгень усксезь молемань невтема валт (изображение ходьбы с заплетающимися ногами)
урьк! урьк! – тувонь рокномань невтема гайть (звук хрюкания)
утю! балю! – эйдень мадедевтема валт (слова при укачивании малышей)
утюта! балюта! – эйдень мадедевтема валт (слова напевания при укачивании малышей)
уфк! уфк! – стакасто лексемань, коштонь лисемань гайть (звук отдышки, выхлопа)
урьк-урьк – тулевксэнь рокномань гайтть (звуки хрюкания поросят)
хор! хор! - корномань невтема валт (звук храпа)
цёк!цёк! цёк! – цёковонь цёкордомань невтема валт (изображение пения соловья)
ций! ций! – кискань, сеськень, чеерень-мезень цийнемань невтема валт (звук скуления собаки, писк мелких грызунов, комара)
цик-цик! – чеерень, нармушкань левксэнь цикнемань невтемань валт (писк птенчиков, мышки)
цилик! цилик! – кудо озязонь циликнемань невтема валт (изображение чирикания воробья)
цильк! – ведьсэ пургавксонь невтема вал (изображение брызгания струйкой)
цирь! цирь! – чеерень цирьнемань невтема валт (звук верещания мыши)
цирьк! цирьк! – цирькунонь цирнемань гайтть (звуки, издаваемые кузнечиком, сверчком)
цихель-цихель! – пеедемань невтемань валт (изображение посмеивания, хи-хи!)
цихельк-цихельк! – муст-муст пеедемань невтемань валт (изображение хихикания)
цямк! – цямкамонь невтема вал (изображение чавкания)
цяр! – пургинень, локшонь, кодамояк лия зэрьтень цярадемань невтема вал (изображение грома, грохота, щелчка кнута)
цят! – лазомань, цятордомань невтема вал (изображение звука надкола, раскола, треска, трескучий)
цятор! – цятордомань невтема вал (звук хруста, хрусть! треска, разлома)
цятор-цятор – цятордозь поремань невтема вал, цятордома марто молемань невтема вал (с хрустом есть, идти)
цях! цях! – цяхамонь , кешнямонь невтема вал (звук чихания, всхрапывания)
шлёбор! – шлёбордозь ярсамонь невтема вал (звук хлебания при еде с ложки)
шлёбор-шлёбор! – ведьга, рудазга молемань, сёвонень ичемань невтема валт (звук ходьбы по воде, грязи, при замесе глины)
шлё-ёр! – кувакасто судосо нолгонь шлёркадемань, навтамонь невтема вал (долгий звук высмаркивания, втягивания соплей носом)
шлёрк! – нурькинестэ навтамонь, нолгонь шлёркадемань невтема вал (краткий звук втягивания соплей носом, высмаркивания)
шлык! шлык! – шлыкнэмань невтема вал (изображение икания, икоты)
шоль! – ведень, мезеньгак лиянь вецанань валомань невтема вал (звук проливания, выливания однократного)
шоль-шоль! – састыне чудемань, шольнемань невтема вал (звук тихого не звонкого журчания)
шу-шу-шу! – кенгелемань, салава кулянь пачтямонь невтема валт (звук изображения передачи сплетен, тайной информации)
чав! чав! – чавкань вайгелень невтема вал (крик галки)
чикор-лакор! – чикордомань-лакордомань невтема вал (изображение чередующегося скрипа и треска)
чикорк! – нурька чикорксонь невтема вал (краткий звук скрипа)
чикорр! – кувака чикорксонь невтема вал (долгий звук скрипа)
чожолк! – кавто гайтевксэнь чожолдомань невтема вал (изображение двойного глухого трения обо что-либо)
чольдерь! – мезеньгак чольдерьдемань, ведень чудемань невтема вал (изображение позвякивания, струи воды)
чошк! – мезеньгак чошкадемань, ёзолдомань невтемань вал (слово, изображающее одинарное глухое краткое трение обо что-либо, высыпание зерна из мешка)
чошк-чошк! – пильгень усксезь молемань, мезеньгак чожолдомань невтема валт (идти волоча ноги)
чульть-чальть – салавань кулянь, а содавикс састонь гайтень невтема валт (изображение тайных слухов, непонятных тихих звуков)
ювк! – мезеньгак ювкадемань невтема вал (слово, изображающее быстрое промелькивание)
юв-яв – мезеньгак ювнозь-явнозь, тей-тов лыйнемань невтема валт (слова, изображающие движение из стороны в сторону, снежинок, пуха….)