Радуйся, совершенный дёвственниче душой и тёломъ.

Радуйся, земный ангеле и небесный человёче.

Радуйся, Серг\е, скорый помощниче и преславный чудотворче.

Кондакъ 4

Бурю искушен\й д\авольскихъ поборая, преподобне, мужественно подвигомъ добрымъ подвизался еси въ бдён\и, постё и молитвё, егда по уходё брата твоего Стефана ты единъ остался еси въ дебрёхъ пустынныхъ, посреде звёрей лютыхъ, терпя и хладъ, и гладъ, и иныхъ лишен\й множество, и во всёхъ сихъ обстоян\яхъ пребывая, непрестанно возпёвалъ еси хвалу, всегда бывшему съ тобою, Богу: Аллилу\а.

Икосъ 4

Слышаша, преподобне отче Серг\е, ближн\и и дальн\и люд\е ангелоподобное твое жит\е и како дадеся ти спасительная благодать Бож\я, ея же ради и бёси, не возмогш\е противустати, бояхуся тебе и вся тварь лёсная покорися слову твоему, яко и звёрь лютый пр\имаше пищу отъ руки твоея, видя въ тебё силу Бож\ю. Тёмъ же чудящеся таковой святости жит\я твоего, глаголемъ ти со умилен\емъ:

Радуйся, отче, вся козни лукаваго силою Бож\ей побёдивый.

Радуйся, трудами богомысл\я вся сёти враж\я разрушивый.

Радуйся, ярость лютыхъ звёрей чудесно укротивый.

Радуйся, всю силу образа Бож\я въ себё воскресивый.

Радуйся, ты бо во всёхъ искушен\яхъ, яко воинъ Христовъ, непобёдимый явился еси.

Радуйся, ты бо трудолюбивый дёлатель винограда Христова показался еси.

Радуйся, Серг\е, скорый помощниче и преславный чудотворче.

Кондакъ 5

«Ничтоже не бываетъ потаено, еще не открыется, ниже вжигаютъ свётильника и поставляютъ его подъ спудомъ, но на свёщницё и свётитъ всёмъ, иже въ храминё суть.» Тако потаенное Господа ради и подвиговъ изполненное жит\е твое, отче Серг\е, по Волё Бож\ей, не утаися отъ людей и мнози, видя добрая дёла твоя, свётильниче пресвётлый, научишася, купно съ тобою, славити Отца Небеснаго, возпёвая Ему пёснь: Аллилу\а.

Икосъ 5

Видёша въ тебё, преподобне отче Серг\е, брат\я твоя и вси вёрн\и люд\е, добра пастыря и мудра наставника, яко Богомъ даннаго ангела-хранителя святые обители твоея. Тём же и намъ, къ тебё приходящимъ и твоего заступлен\я просящимъ, буди стёна крёпкая и огражден\е непреоборимое, отъ всякихъ бёдъ и напастей насъ застеняя и ограждая, да воп\емъ тебё таковая:

Радуйся, преподобне, во обитель твою множество иноковъ собравый.

Радуйся, пастырю предивный, добрё стадо твое во спасен\е наставляяй.

Радуйся, пречестный образе пустынножителей.

Радуйся, преславный устроителю общаго жит\я.

Радуйся, яко тобою отъ всякихъ бёдъ и напастей спасаемся.

Радуйся, яко тобою сладостей духовныхъ изполняемся.

Радуйся, Серг\е, скорый помощниче и преславный чудотворче.

Кондакъ 6

«Ище хощетъ первымъ быти, да будетъ всёмъ слуга» рече Господь Своимъ ученикомъ. С\ю заповёдь Христову изполняя, смирен\е паче всего возлюбилъ еси, преподобне, и былъ еси первымъ слугою ученикомъ твоимъ, по вся дни труждаяся, самъ вся дёлая, своими рукама не хотя пр\яти ни сана священнаго, ни игуменства, да не наречешися наставникомъ по слову Господню. Дивяся такому совершенному смирен\ю твоему, поемъ Единому всёхъ Наставнику, Богу и Отцу: Аллилу\а.

Икосъ 6

Единый токмо долгъ послушан\я предъ святителемъ Алекс\емъ понуди тя, преподобне отче Серг\е, внявъ неустаннымъ мольбамъ брат\и твоей, пр\яти благодать священства и Свято-Троицкимъ игуменомъ нарещися. Почитая въ тебё, святче Бож\й, не токмо игумена твоея славные обители, но наипаче великаго игумена всея Руси, глаголемъ ти тако:

Радуйся, Пресвятыя Троицы дивный священнослужителю.

Радуйся, святые твоея обители премудрый управителю.

Радуйся, множество иноковъ отъ м\ра ко Христу приведый.

Радуйся, мног\е люди отъ грёховнаго пути обративый и спасый.

Радуйся, великославный Росс\йск\й нашъ молитвенниче.

Радуйся, всея Росс\и похвала и упован\е.

Радуйся, Серг\е, скорый помощниче и преславный чудотворче.

Кондакъ 7

Вельми скудна, проста и убога, но нищетою богата отъ начала бысть обитель твоя, преподобне отче нашъ Серг\е; ризы крашенины, сосуды древяны и лучина вмёсто свёщи и лампады - с\я вся яви намъ благолёп\е храма твоего, преподобне, но яко жертва чистая и кадило благовонное всегда быша предъ Господемъ сердца брат\и твоей, въ неустанномъ бдён\и, молитвё и трудё духомъ горящей и Пресвятёй Троицё выну хвалебную пёснь воп\ющей: Аллилу\а.

Икосъ 7

Егда хотяще святитель Алекс\й въ воздаян\е мудраго игуменства твоего, преподобне, почтити тя златымъ крестомъ на персёхъ носимымъ: «Отъ юности моея не быхъ златоносцемъ, тёмъ паче въ старости желан\е имёю въ нищетё пребывати», реклъ еси ему и никакоже креста сего златаго не пр\ялъ еси. Возпоминая с\и златые словеса твоего смиренномудр\я и всю святость служен\я твоего, глаголемъ ти тако: