Тропари воскресные, по непорочных, глас 5 (поем)

Благослове=н еси=, Го=споди,/ научи= мя оправда=нием Твои=м.

Ангельский собо=р удиви=ся,/ зря Тебе= в ме=ртвых вмени=вшася,/сме=ртную же, Спа=се, кре=пость разори=вша,/ и с Собо=ю Ада=ма воздви=гша,// и от а=да вся свобо=дша.

Благослове=н еси=, Го=споди, /научи= мя оправда=нием Твои=м.

Почто= ми=ра с ми=лостивными слеза=ми,/о ученицы=, растворя=ете?/Блиста=яйся во гро=бе Ангел / мироно=сицам веща=ше:/ви=дите вы гроб и уразуме=йте://Спас бо воскре=се от гро=ба.

Благослове=н еси=, Го=споди, научи= мя оправда=нием Твои=м.

Зело= ра=но мироно=сицы теча=ху / ко гро=бу Твоему= рыда=юща,/но предста= к ним Ангел и рече=:/рыда=ния вре=мя преста=, не пла=чите,// воскресе=ние же апо=столом рцы=те.

Благослове=н еси=, Го=споди, /научи= мя оправда=нием Твои=м.

Мироно=сицы жены= с ми=ры прише=дша/ ко гро=бу Твоему=, Спа=се, рыда=ху,/ Ангел же к ним рече=, глаго=ля:/что с ме=ртвыми Жива=го помышля=ете?/Яко Бог бо, воскре=се от гро=ба.

Слава: Троичен: Поклони=мся Отцу=/ и Его= Сы=нови, и Свято=му Ду=ху (поклон),/ Святе=й Тро=ице во еди=нем существе=,/ с Серафи=мы зову=ще:// Свят, Свят, Свят еси=, Го=споди.

И ныне: Богородичен: Жизнода=вца ро=ждши,/греха=, Де=во, Ада=ма изба=вила еси=,/ ра=дость же Еве в печа=ли ме=сто подала= еси=;/па=дшия же от жи=зни/к сей напра=ви // из Тебе= воплоти=выйся Бог и Челове=к.

Аллилуиа, аллилуиа, аллилуиа, слава Тебе, Боже. (трижды с поклонами)

Господи, помилуй. (трижды)

Слава, и ныне:

Ипакои[25], глас 6

Во=льною и животворя=щею Твое=ю сме=ртию, Христе=, врата= а=дова сокруши=в я=ко Бог, отве=рзл еси= нам дре=вний рай, и воскре=с из ме=ртвых, изба=вил еси= от тле=ния живо=т наш!

СТЕПЕННЫ[26], глас 6

Антифон 1

На не=бо о=чи мои= возвожу=, к Тебе=, Сло=ве: уще=дри мя, да живу= Тебе=.

Поми=луй нас, уничиже=нных, устроя=я благопотре=бныя Твоя= сосу=ды, Сло=ве.

Слава: Свято=му Ду=ху, вся=кая всеспаси=тельная вина=, а=ще ко=ему сей по достоя=нию дхнет, ско=ро взе=млет от земны=х, восперя=ет, возраща=ет, устроя=ет горе=.

И ныне: Свято=му Ду=ху, вся=кая всеспаси=тельная вина=, а=ще ко=ему сей по достоя=нию дхнет, ско=ро взе=млет от земны=х, восперя=ет, возраща=ет, устроя=ет горе=.

Антифон 2

Аще не Госпо=дь бы был в нас, никто=же от нас проти=ву возмо=гл бы вра=жиим бра=нем одоле=ти: побежда=ющии бо от зде возно=сятся.

Зубы= их да не я=та бу=дет душа= моя=, я=ко птене=ц, Сло=ве: увы= мне, ка=ко и=мам от врага= избы=ти, грехолюби=в сый!

Слава: Святы=м Ду=хом обоже=ние всем, благоволе=ние, ра=зум, мир и благослове=ние: равноде=телен бо есть Отцу= и Сло=ву.

И ныне: Святы=м Ду=хом обоже=ние всем, благоволе=ние, ра=зум, мир и благослове=ние: равноде=телен бо есть Отцу= и Сло=ву.

Антифон 3

Наде=ющиеся на Го=спода, враго=м стра=шни, и всем ди=вни, горе= бо зрят.

В беззако=ния рук свои=х, пра=ведных жре=бий, помо=щника Тя име=я, Спа=се, не простира=ет.

Слава: Свята=го Ду=ха держа=ва на всех: Ему=же вы=шняя во=инства покланя=ются со вся=ким дыха=нием до=льным.

И ныне: Свята=го Ду=ха держа=ва на всех: Ему=же вы=шняя во=инства покланя=ются со вся=ким дыха=нием до=льным.

Прокимен перед Евангелием

Старший: Прокимен, глас 6: Го=споди, воздви=гни си=лу Твою=, и прииди= во е=же спасти= нас.

Певцы: Го=споди, воздви=гни си=лу Твою=, и прииди= во е=же спасти= нас.

Старший: Пасы=й Изра=иля, вонми=, наставля=яй я=ко овча= Ио=сифа.

Певцы: Го=споди, воздви=гни си=лу Твою=, и прииди= во е=же спасти= нас.

Старший: Го=споди, воздви=гни си=лу Твою=.

Певцы: и прииди= во е=же спасти= нас.

Господи Иисусе Христе Сыне Божий, помилуй нас. Аминь.

Старший: Вся=кое дыха=ние да хва=лит Го=спода.

Певцы: Вся=кое дыха=ние да хва=лит Го=спода.

Старший: Хвали=те Бо=га во святы=х Его=, хвали=те Его= во утвержде=ние си=лы Его=.

Певцы: Вся=кое дыха=ние да хва=лит Го=спода.

Старший: Вся=кое дыха=ние.

Певцы: Да хвалит Господа.

ВОСКРЕСНОЕ ЕВАНГЕЛИЕ

Старший: От Луки[xiii] Святаго Евангелия чтение.

Певцы: Слава Тебе, Господи, слава Тебе. (поклон)

Старший: Во вре=мя о=но, воскре=с Иису=с от ме=ртвых, ста посреде= учени=к Свои=х, и глагола= им: мир вам. Убоя=вшеся же и пристра=шни бы=вше, мня=ху дух ви=дяще. И рече= им: что смуще=ни есте=; и почто= помышле=ния вхо=дят в сердца= ваша=; Ви=дите ру=це Мои=, и но=зе Мои, я=ко Сам Аз есмь: осяжи=те мя и ви=дите, я=ко дух пло=ти и ко=сти не и=мать, я=коже Мене= ви=дите иму=ща. И сие= рек, показа= им ру=це и но=зе. Еще= же не ве=рующим им от ра=дости, и чудя=щимся, рече= им: и=мате ли что сне=дно зде; Они= же да=ша Ему= ры=бы печены= часть, и от пчел сот. И взем, пред ни=ми яде=. Рече= же им: сия= суть словеса=, я=же глаго=лах к вам, еще= сый с ва=ми, я=ко подоба=ет сконча=тися всем напи=санным в зако=не Моисе=ове, и проро=цех, и псалме=х о Мне. Тогда= отве=рзе им ум разуме=ти писа=ния. И рече= им: я=ко та=ко пи=сано есть, и та=ко подоба=ше пострада=ти Христу=, и воскре=снути от ме=ртвых в тре=тий день: И пропове=датися во и=мя Его= покая=нию, и отпуще=нию грехо=в, во всех язы=цех, наче=нше от Иерусали=ма. Вы же есте= свиде=телие сим. И се Аз послю= обетова=ние Отца= Моего= на вы: вы же седи=те во гра=де Иерусали=мсте, до=ндеже облече=теся си=лою свы=ше. Изве=д же их вон до Вифа=нии, и воздви=г ру=це Свои=, и благослови= их. И бысть егда= благословля=ше их, отступи= от них, и возноша=шеся на не=бо. И ти=и поклони=шася Ему=, и возврати=шася во Иерусали=м с ра=достию вели=кою. И бя=ху вы=ну в це=ркви, хва=ляще и благословя=ще Бо=га. Ами=нь.

Певцы: Слава Тебе, Господи, слава Тебе. (поклон)