Курстың қысқаша сипаттамасы.

СИЛЛАБУС

Пән: Қазақстан Республикасының азаматтық іс жүргізу құқығы

Кредит: 3

Семестр: 5

Оқытушы туралы мәлімет (аты-жөні, ғылыми дәрежесі, қызметі, офисі т.б. )	Өткізу уақыты және орны	Байланыс ақпараты
Аудиториялық сабақ (лек., прак./cемин.,лаб./студ.)	офис-сағаттары ОСӨЖ (ауд.)	тел.	e-mail
Касенова Айгуль Жумжумановна, з.ғ.к., доцент м.а.	Лекция – 30 сағ., семинар – 15 сағ. Пәнді өткізу уақыты және орны: Оқу кестесіне сәйкес	ОСӨЖ – 15 сағ. Өткізу уақыты және орны: әр сейсенбіде - 16:00 – 16:50 сағ.		[email protected]

Курстың қысқаша сипаттамасы.

Пәнді оқытудың мақсатыстуденттердің азаматтық істер бойынша сот төрелігін іске асыру барысында сот пен іске қатысушылардың арасында туындайтын қоғамдық қатынастарды реттейтін құқық нормаларының маңызын, құқықты қорғаудың соттық нысанының басымдылығын, құқық нормаларының оларды практикада қолданумен тығыз байланыстылығын түсінуі, студенттерде құқықтық көзқарастарды, барлық негізгі іс жүргізушілік құбылыстар: азаматтық іс жүргізу құқығы саласының мәні, процестің соттың қызметі ретінде екендігі, іс жүргізушілік қатынастардың ерекшелігі, іске қатысушы тұлғалар мен соттың құқықтары мен міндеттері, процесс сатылары туралы, яғни азаматтық іс жүргізу құқығы басшылыққа алатын құқықтық ұғымдарды қалыптастыру болып табылады.

«Қазақстан Республикасының азаматтық іс жүргізу құқығы» пәнінің негізгі міндеттері:құқықтың қажетті қайнар көздерімен, бұл құқық саласының концептуалды мәселелерімен таныстыру, маңызды заң актілері мен Қазақстан қатысатын азаматтық сот ісін жүргізуді реттейтін, азаматтық іс жүргізу нормалары бар халықаралық шарттарды меңгеру, әрбір іс жүргізу нормасының мағынасын, оның нақты мазмұнын анық түсіндіру, сот қызметінің принциптерін білу, азаматтық процеске қатысушылардың құқықтары мен міндеттері туралы, оларға қойылатын құқықтық және адамгершілік талаптар туралы нақты пікірді орнықтыру.

Курстың маңызы:

Азаматтық іс жүргізу заңнамасының теориясы мен тәжірибеде қолданылуы азаматтардың ар-намысы мен қадір-қасиетін қорғаудың, еңбек қақтығыстарын және басқа дауларды шешудің, моральдық және материалдық зиянды өндірудің, азаматтық-құқықтық қатынастардың барлық субъектілерінің құқықтары мен заңды мүдделерін қамтамасыз етудің тиімді құралы болуға бағытталған. Сот актілерінің орындалуы үшін тиімді әрекет етуші жүйе құрылуы керек.

Бұл міндеттерді іске асыру судьялардың, прокурорлардың, адвокаттардың, нотариустардың, заңгерлердің жұмысында біліктілікті талап етеді. Құқықтың нарықтық және демократиялық табиғатын түсінетін, азаматтық қоғам мен мемлекеттің қазіргі құрылымын білетін судьялардың білікті корпусын қалыптастыруға студенттердің Қазақстан Республикасының азаматтық іс жүргізу заңнамасы саласында терең білім алуы ықпал етеді.

Студент курсты оқу нәтижесінде біледі:

- азаматтық іс жүргізу заңнамасы дамуының негізгі кезеңдерін, азаматтық іс жүргізу заңнамасын, Қазақстанның құқықтық жүйесінің дамуы тарихын және қазіргі жағдайын көрсететін азаматтық іс жүргізу заңнамасының теориясы мен тәжірибесінің өзекті және басым мәселелерін;

- азаматтық іс жүргізу құқық қатынастары, дәлелдемелердің түсінігі, дәлелдеу процесі, істердің бірінші, апелляциялық сатыдағы соттарда қаралу, қадағалау тәртібімен қайта қаралу және шешімдердің орындалу тәртібі.

Студент үйренеді:

- процессуалдық мектептер мен бағыттарды білу, азаматтық іс жүргізу құқығының жекелеген мәселелері бойынша ғылыми және өзіндік ұстанымды қалыптастыру.

- азаматтық іс жүргізу құқығының теориялық және тәжірибелік мәселелеріне өз бетінше талдау жасау;

- азаматтық іс жүргізу заңдарының нормаларына талдау жүргізу;

- азаматтық іс жүргізу заңнамасын тәжірибеде өз бетінше қолдану.

2. Пән пререквизиттері:

№	Пән атаулары, олардың бөлімдері (тақырыптар)
	Азаматтық құқық – Азаматтық құқықтың субъектілері; Сенімхат; Мәмілелер; Талап қою мерзімі; Міндеттемедегі тұлғалардың ауысуы; Тапсырма шарты
	Еңбек құқығы – Еңбек дауларын шешу
	Отбасылық құқық – Алименттік қатынастар; Ата-ана құқығынан айыру; Бала асырап алу; Қамқоршылық және қорғаншылық
	Салық құқығы – Мемлекеттік баж
	Қылмыстық іс жүргізу құқығы – Қылмыстық іс жүргізудегі азаматтық талап

3. Пән постреквизиттері:атқарушылық іс жүргізу, нотариат, халықаралық коммерциялық төрелік, азаматтық істер бойынша процессуалдық құжаттар, азаматтық сот ісін жүргізудің түрлері