Сентября 2012 года Среда. Воспоминание чуда Архистрати́га Михаи́ла, бывшего в Хо́нех (Коло́ссах).
На вечерне кафизма 9-я.
На «Господи, воззвах» стихиры Архангела, глас 4-й – 6 (каждая стихира – дважды). «Слава» – Архангела, глас 6-й: «Сра́дуйтеся нам, вся а́нгельская чинонача́лия...», «И ныне» – Богородичен Минеи, глас тот же: «Сра́дуйтеся нам, вся де́вственных ликостоя́ния...».
гла́с 4: Трисо́лнечнаго Божества́ предста́тель светле́йший, / Михаи́ле явля́яся Архистрати́же, / с го́рними Си́лами зове́ши ра́дуяся: / Свя́т еси́ Отче, / Свя́т еси́ Собезнача́льное Сло́во, / Свя́т еси́ и Святы́й Ду́ше, / Еди́на сла́ва, / Еди́но ца́рство и естество́, // Еди́но Божество́ и си́ла.
И ви́д тво́й о́гнен, / и добро́та чу́дна, / Михаи́ле Первоа́нгеле: / невеще́ственным бо естество́мъ прехо́диши концы́, / исполня́я повеле́ния все́х Творца́, / си́лен в кре́пости твое́й познава́емь, / и исто́чник исцеле́ний/ хра́м тво́й соде́ловая, // зва́нием твои́м святы́м почита́емый.
Творя́й Ангелы Твоя́, я́коже писа́ся, ду́хи, / и служа́щия Тебе́ пла́мень о́гненный: / посреде́ чино́в пе́рвенствующа, / показа́л еси́ Го́споди, / Твои́х арха́нгельских, / Михаи́ла Архистрати́га, / Твои́м манове́нием повину́ющася, Сло́ве,/ и пе́снь трисвяту́ю,// со стра́хом возглаша́юща сла́ве Твое́й.
Сла́ва, гла́с 6: Сра́дуйтеся на́м, вся́ а́нгельская чинонача́лия:/ первостоя́тель бо ва́ш, и на́ш предста́тель/ вели́кий Архистрати́г,/ в дне́шний де́нь в честне́м его́ хра́ме,/ пресла́вно явля́яся освяща́ет./ Те́мже по до́лгу воспева́юще, тому́ возопии́м:/ покры́й на́с кро́вом кри́л твои́х,// велича́йший Михаи́ле Арха́нгеле.
И ны́не,гла́с тойже: Сра́дуйтеся на́м вся́ де́вственных ликостоя́ния:/ Предста́тельница бо на́ша, и Хода́таица, и покро́в,/ и вели́кое прибе́жище,/ в дне́шний де́нь в честне́м Ея́ и Боже́ственнем пра́зднстве/ скорбя́щия утеша́ет./ Те́мже по до́лгу воспева́юще Сию́, возопии́м:/ покры́й ны́ Боже́ственным предста́тельством Твои́м,// Пречи́стая Богоро́дице Влады́це.
Входа нет. Прокимен дня. На стиховне стихиры Октоиха, глас 6-й. «Слава, и ныне» – Архангела, глас 8-й: «Яко чинонача́льник...».
Гла́с 6: Крест Тво́й Го́споди,/ жи́знь и заступле́ние лю́дем Твои́м е́сть,/ и на́нь наде́ющеся,/ Тебе́, распе́ншагося пло́тию, Бо́га на́шего пое́м,// поми́луй на́с. … до́ндеже уще́дрит ны́.
Крест Тво́й Го́споди,/ ра́й отве́рзу ро́ду челове́ческому,/ и от истле́ния изба́вльшеся,/ Тебе́, распе́ншагося пло́тию, Бо́га на́шего пое́м,// поми́луй на́с.
Сла́ва, и ны́не, гла́с 8: Яко чинонача́льник и побо́рник,/ и Ангелов началово́ждь Архистрати́же,/ вся́кия ну́жды и ско́рби,/ неду́гов и лю́тых грехо́в свободи́,/ ве́рно воспева́ющия и моля́щия тя́, сла́вне,/ я́ве я́ко невеще́ствен, Невеще́ственнаго зря́,/ и непристу́пным све́том Влады́чния сла́вы осия́емь./ То́й бо человеколю́бно пло́ть на́с ра́ди от Де́вы прия́т,// спасти́ восхоте́в челове́чество.
По Трисвятом – тропарь Архангела, глас 4-й. «Слава, и ныне» – Крестобогородичен по гласу тропаря, от меньших: «Де́во Пренепоро́чная...».
гла́с 4: Небе́сных во́инств Архистрати́же,/ мо́лим тя́ при́сно мы́ недосто́йнии,/ да твои́ми моли́твами огради́ши на́с/ кро́вом кри́л невеще́ственныя твоея́ сла́вы,/ сохраня́я на́с, припа́дающих приле́жно и вопию́щих:/ от бе́д изба́ви на́с,// я́ко чинонача́льник вы́шних Си́л.
Сла́ва, и ны́не, гла́с тойже: Дево Пренепорочная, Мати Христа Бога,/ оружие пройде Твою пресвятую душу, / егда распинаема видела еси волею Сына и Бога Твоего, / Егоже, Благословенная, молящи не престай // прощение прегрешений нам даровати.
На утрене на «Бог Господь» – тропарь Архангела, глас 4-й (дважды). «Слава, и ныне» – Крестобогородичен по гласу тропаря, от меньших: «Де́во Пренепоро́чная...».
Кафизмы 10-я и 11-я. Малых ектений нет. Седальны Октоиха. Псалом 50-й.
Каноны: Октоиха 1-й со ирмосом, Яко по суху…без мученичнов, на 4 (ирмосы единожды), 2-й на 4 и Архангела на 6. Катавасия по 3-й, 6-й, 8-й и 9-й песнях – ирмосы канона Минеи (Архангела).По 3-й песни – седален Архангела, глас 8-й. «Слава» – ин седален Архангела, глас 1-й, «И ныне» – Крестобогородичен Минеи, глас тот же. По 6-й песни – кондак и икос Архангела, глас 2-й. На 9-й песни поем «Честнейшую».
Катавасия, гла́с 4:
Пе́снь 3. ирмо́с: Не му́дростию, и си́лою,/ и бога́тством хва́лимся,/ но Тобо́ю Отчею Ипоста́сною Му́дростию, Христе́:// не́сть бо свя́т, па́че Тебе́, Человеколю́бче.
Пе́снь 6. ирмо́с: Возопи́, прообразу́я погребе́ние тридне́вное,/ проро́к Ио́на, в ки́те моля́ся:// от тли́ изба́ви мя́, Иису́се, Царю́ Си́л.
Пе́снь 8. ирмо́с: Изба́вителю все́х Всеси́льне,/ посреде́ пла́мене благоче́ствовавшия,/ снизше́д, ороси́л еси́,/ и научи́л еси́ пе́ти:// вся́ дела́ благослови́те, по́йте Го́спода.
Пе́снь 9. ирмо́с: Ева у́бо неду́гом преслуша́ния/ кля́тву всели́ла е́сть:/ Ты́ же, Де́во Богоро́дице,/ прозябе́нием чревоноше́ния, ми́рови благослове́ние процвела́ еси́.// Те́м Тя́ вси́ велича́ем.
По 9-й песни поется «Достойно есть».Ексапостиларий Октоиха. «Слава» – светилен Архангела, «И ныне» – Крестобогородичен Октоиха.
«Хвалите Господа с Небес...» и хвалитные псалмы. На хвалитех стихиры Архангела, глас 1-й – 4 (первая стихира – дважды). «Слава» – Архангела, глас тот же: «Чинонача́льник вы́шних Сил...», «И ныне» – Крестобогородичен Минеи, глас тот же: «Ору́жие про́йде...».
гла́с 1: А́нгельски в ми́ре торжеству́юще, / на Престо́ле сла́вы Бо́гу седя́щему / возопии́м пе́снь: / Свя́т еси́, Отче Небе́сный, / Свя́т еси́, Соприсносу́щное Сло́во, // Свя́т еси́, и Ду́ше Всесвя́ты́й.
Небе́сным пе́рвенствуяй в дерзнове́нии мно́зем, / и предстоя́ Престо́лу стра́шному в сла́ве, / самови́дче неизрече́нных, / спаса́й ны́, Михаи́ле Архистрати́же, / су́щия в ну́ждах бе́д и напа́стей,// моли́твами твои́ми, мо́лимся.
Сла́ва, гла́с то́йже: Чинонача́льник вы́шних Си́л Михаи́л,/ первостоя́тель боже́ственных чино́в,/ дне́сь на́с к торжеству́ созва́,/ и́же всегда́ с на́ми ходя́й,/ и сохраня́яй вся́ от вся́каго диа́воля обстоя́ния./ Прииди́те у́бо празднолю́бцы и христолю́бцы,/ цве́ты доброде́телей взе́мше,/ чи́стыми по́мыслы и со́вестию благостоя́нною Арха́нгелов собо́р почти́м:/ то́й бо непреста́нно Бо́гу предстоя́,/ и Трисвя́ту́ю пе́снь воспева́я,// мо́лит спасти́ся душа́м на́шим.
И ны́не,гла́с то́йже: Ору́жие про́йде,/ о Сы́не, / Де́ва глаго́лаше, / на Дре́ве я́ко ви́де Христа́ пове́шена, / Мое́ се́рдце растерза́ется Влады́ко, / я́коже дре́вле Симео́н Мне́ прорече́: / но воста́ни, и спросла́ви, Безсме́ртне, / Ма́терь и Рабу́ Твою́, // молю́ся.
«Тебе слава подобает...» не читается, но сразу чтец: «Слава Тебе, показавшему нам свет». Читается вседневное славословие. На стиховне стихиры Октоиха, глас 6-й. «Слава» – Архангела, глас 5-й: «Иде́же осеня́ет благода́ть...», «И ныне» – Крестобогородичен Минеи, глас тот же: «А́гнца Своего́...».
гла́с 6: О Кресте́ упова́ние име́ю Христе́,/ и о не́м хваля́ся вопию́:/ Человеколю́бче Го́споди,/ горды́ню низложи́, не испове́дающих Тебе́// Бо́га и Челове́ка. … и наста́ви сы́ны и́х.
И́же Кресто́м огражда́еми,/ врагу́ противля́емся,/ не боя́щеся ко́зней его́ и ла́яния:/ я́ко бо го́рдый упраздни́ся,/ и попра́н бы́сть си́лою// на дре́ве пригвожде́ннаго Христа́.
Сла́ва, гла́с 5: Иде́же осеня́ет благода́ть твоя́, Арха́нгеле,/ отту́ду диа́воля прого́нится си́ла,/ не терпи́т бо све́та твоего́ ви́дети спады́й денни́ца./ Те́м мо́лим тя́:/ огнено́сныя его́ стре́лы, я́же на ны́ дви́жимыя,/ угаси́ хода́тайством твои́м,/ избавля́я на́с от собла́знов его́,// достохва́льный Михаи́ле Архистрати́же.
И ны́не,гла́с то́йже: А́гнца Своего́ Агница иногда́ зря́щи/ к заколе́нию тща́щася,/ усе́рдно после́доваше, сия́ вопию́щи Ему́:/ ка́мо и́деши, Ча́до Мое́ Сладча́йшее, Христе́?/ Чесо́ ра́ди ско́рое тече́ние сие́, Долготерпели́ве, тече́ши неле́ностно?/ Иису́се Вожделе́ннейший, Безгре́шный,/ Многоми́лостиве Го́споди,/ да́ждь Мне́ сло́во Рабе́ Твое́й:/ Сы́не Мо́й Вселюбе́знейший./ Не пре́зри Ще́дре, молча́, Тя́ стра́нно Ро́ждшую, Бо́же Всеще́дрый,// да́руяй ми́рови ве́лию ми́лость.
По Трисвятом – тропарь Архангела, глас 4-й. «Слава, и ныне» – Крестобогородичен по гласу тропаря, от меньших: «Тя велича́ем, Богоро́дице, вопию́ще: Ты еси гора́...».
Сла́ва, и ны́не, гла́с тойже: Тя величаем, Богородице, вопиюще: / Ты еси гора, от неяже неизглаголанно отсечеся Камень // и врата адова сокруши.
На часах – тропарь и кондак Архангела. На Литургии По входе – тропари и кондаки: В храме Богородицы – тропарь дня: «Спаси, Господи...», тропарь храма, тропарь Архангела; кондак дня: «Вознесыйся на Крест...», кондак Архангела. «Слава» – «Со святыми упокой...», «И ныне» – кондак храма.
глас 1: Спаси, Господи, люди Твоя / и благослови достояние Твое, / победы православным христианом на сопротивныя даруя // и Твое сохраняя Крестом Твоим жительство.
глас 4: Днесь спасения нашего главизна, / и еже от века таинства явление, / Сын Божий, Сын Девы бывает, / и Гавриил благодать благовествует, / тем же и мы с ним Богородице возопиим: / радуйся, Благодатная, // Господь с Тобою.
гла́с 4: Небе́сных во́инств Архистрати́же,/ мо́лим тя́ при́сно мы́ недосто́йнии,/ да твои́ми моли́твами огради́ши на́с/ кро́вом кри́л невеще́ственныя твоея́ сла́вы,/ сохраня́я на́с, припа́дающих приле́жно и вопию́щих:/ от бе́д изба́ви на́с,// я́ко чинонача́льник вы́шних Си́л.
глас 4: Вознесыйся на Крест волею, / тезоименитому Твоему новому жительству / щедроты Твоя даруй, Христе Боже, / возвесели нас силою Твоею, / победы дая нам на сопостаты, / пособие имущим Твое oружие мира, // непобедимую победу.
гла́с 2: Архистрати́же Бо́жий,/ служи́телю Боже́ственныя сла́вы,/ Ангелов нача́льниче, и челове́ков наста́вниче,/ поле́зное на́м проси́, и ве́лию ми́лость,// я́ко безпло́тных Архистрати́г.
Сла́ва, гла́с 6: Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь бесконечная.
И ныне, глас 8: Взбранной Воеводе победительная,/ яко избавльшеся от злых,/ благодарственная восписуем Ти раби Твои, Богородице,/ но яко имущая державу непобедимую,/ от всяких нас бед свободи, да зовем Ти:// радуйся, Невесто Неневестная.
Проки́мен,глас 3: Величит душа моя Господа, и возрадовася дух мой о Бозе Спасе моем. гла́с 4: Творя́й а́нгелы Своя́ ду́хи, и слуги́ Своя́ пла́мень о́гненный. Прича́стен: Чашу спасения прииму и имя Господне призову. Творя́й а́нгелы Своя́ ду́хи, и слуги́ Своя́ пла́мень о́гненный.