Жергілікті бюджеттердің кірістері

Мен шығыстары

Жергілікті бюджет (облыстық, республикалық маңызы бар қаланың, ауданның (облыстық маңызы бар қаланың) бюджеттері Бюджеттік кодекспен айқындалған түсімдер есебінен қалыптастырылатын және тиісті деңгейлердегі жергілікті мемле-кеттік органдардың, оларға ведомстволық бағынышты мемлекет-тік мекемелердің міндеттері мен функцияларын қаржылық қамтамасыз етуге және тиісті әкімшілік-аумақтық бірлікте мемлекеттік саясатты іске асыруға арналған орталықтан-дырылған ақшалай қоры болып табылады.

Жергілікті бюджеттердің құрылымы мен бөлімдері республикалық бюджеттің құрылымы мен бөлімдеріне ұқсас.

«Қазақстан Республикасының Бюджеттік кодексіне», «Қазақстан Республикасының жергілікті мемлекеттік басқару туралы» Қазақстан Республикасы заңына сәйкес жалпы жергі-лікті бюджеттерге түсетін түсімдер республикалық бюджеттің түсімдеріне ұқсас және мыналарды кіріктіреді (сызбаны қараңыз):

Облыстық бюджетке түсетін түсімдер	Республикалық маңызы бар қала, астана, аудан (облыстық маңызы бар қала) бюджеттеріне түсетін түсімдер
Салықтар
1. Жеке табыс салығы. 2. Әлеуметтік салық.	1. Жеке табыс салығы. 2. Әлеуметтік салық. 3. Жеке және заңи тұлғалардың, дара кәсіпкерлердің мүлкіне салынатын салық. 4. Жер салығы. 5. Бірыңғай жер салығы. 6.Көлік құралдарына салынатын салық. 7. Тіркелген салық. 8. Акциздер.
Төлемдер, алымдар
1. Облыстық маңызы бар ақылы мемлекеттік автомобиль жол-дары арқылы жүргені үшін алым және бұл жолдардың бөлінген белдеуіне сыртқы (көрнекі) жарнама орналас-тырғаны үшін төлемақы.	1. Республикалық, аудандық маңызы бар қаланың, астананың ақылы мемлекеттік автомобиль жолдарымен жүргені үшін алым және бұл жолдардың бөлінген белдеуінде және елді мекендер-де сыртқы (көрнекі) жарнаманы орналастырғаны үшін төлемақы. 2. Мемлекеттік баж. 3.Көлік құралдарын мемлекеттік тіркегені үшін алым және басқа алымдар.
2. Қоршаған ортаға эмиссия төлемақысы. 3. Жер үсті су көздерінің ресурстарын пайдаланғаны үшін төлем. 4. Орманды пайдаланғаны үшін төлем. 5. Жергілікті маңызы бар ерекше қорғалатын табиғи аумақтарды пайдаланғаны үшін төлемақы 6. Жер учаскелерін пайдаланғаны үшін төлем.
	7. Дара кәсіпкерлерді және тұл-ғаларды мемлекеттік тіркегені үшін төлем. 8. қызметтің жекелеген түрлері-мен айналысу құқығы үшін лицензиялық алым. 9. аукциондардан алынатын алым және басқа да төлемдер мен алымдар.
Салықтық емес түсімдер
1. Коммуналдық меншіктен түсетін түсімдер. 2.Облыстық, республикалық маңызы бар қаланың, астананың, ауданның бюджеттерінен қаржыландырылатын мемлекеттік мекемелердің тауарларды (жұмыстарды, қызметтерді) өткізуден түсетін түсімдер. 3.Облыстық бюджеттен, республикалық маңызы бар қаланың, астананың, ауданның бюджеттерінен қаржыландырылатын мемлекеттік мекемелер ұйымдастыратын мемлекеттік сатып алуды өткізуден түсетін ақшалай түсімдер. 4.Облыстық бюджеттен, республикалық маңызы бар қаланың, астананың, ауданның бюджеттерінен қаржыландырылатын мемлекеттік мекемелер салатын айыппұлдар, өсімпұлдар, санкциялар, өндіріп алу және басқадай салықтық емес түсімдер. 5.Облыстық бюджеттен, республикалық маңызы бар қаланың, астананың, ауданның бюджеттерінен қаржыландырылатын мемлекеттік мекемелерге бекітіп берілген мемлекеттік мүлікті сатудан түсетін ақша.
Басқадай түсімдер
1.Облыстық бюджетке негізгі капиталды сатудан түсетін түсімдер. 2.Аудандар (облыстық маңызы бар қалалар) бюджеттерінен трансферттер. 3.Республикалық бюджеттен трансферттер.	1. Жер учаскелерін сатудан түсетін түсімдер.   2.Жер учаскелерін жалдау құқы-ғын және жалға беру құқығын сатқаны үшін төлемақы. 3.Бюджеттегі негізгі капиталды сатудан түсетін түсімдер. Республикалық бюджеттен трансферттер.
4.Облыстық бюджеттен, республикалық маңызы бар қаланың, астананың, аудан бюджетінен берілген кредиттерді өтеуден, коммуналдық меншіктегі мемлекеттің қаржылық активтерін, жергілікті атқарушы органдардың қарыздарын сатудан түсетін түсімдер.

Жергілікті бюджеттерден берілген кредиттерді өтеуден, коммуналдық меншіктегі мемлекеттің қаржылық активтерін сатудан, жергілікті атқарушы органның қарыздарынан түсетін түсімдер жергілікті бюджеттерге есептеледі.

Дамудың қазіргі кезеңінде Қазақстан Республикасы жергілікті бюджеттері кірістерінің негізін аумақтағы шаруашылық жүргізуші субъектілер мен халықтың салықтық түсімдері (40,9%) құрап отыр (15.1 кестені қараңыз).