Повесть монаха Нифонта о преподобнем отце Антонии Леохновском новгородском чудотворце.

Житие Антония Леохновского

(л. 22 об.) Месяца Иулиа в 12 день житие и подвизи, рождение и воспитание, и прочее пребывание, и сказание от части чюдес его, преподобнаго отца нашего Антониа Леохновского новаго новгородскаго чюдотворца.

Понеже убо красное мира сего тленно сущо и предходимо, любящия та//(л. 23) привлачити ко иже желающим сия малыя ради сладости чувство колебати и ум страстем паряти творяще, яко призирати не точию обещанных благ, но и того самого Творца истинней жизни – увы! – отвращатися и сия убо настоящыя преди избирати, нежели оная будущая благая, лютую и безконечную смерть волею приемлюще.

Такожде и Создателем вечных благ и еже о сих упование имеющим безмерно суща, тамошнего блаженства воспоминающа трудом воздаяние, еже тамо красных настрижнение, не точию обычея есть временное пустынное презирати, яко подобно и «душу мою погубити Христа ради», яко же во Святом Евангелии речено есть (Мф 10:39), и паки всех сладких и краиних оного ради любити смерть. Аще//(л. 23 об.) не обретаем сия вскоре, на всяко время и сих терпяще пощением, и бдением, и многоразличными подвиги, сия с ненавидящими бесы борющеся и естество присно побеждающе, безплотным противяся, во плоти суще. А сицевых убо добрых и божественных мужей не о коем поведати хощу.

Не сам изволих, начати дерзнух, но аще кто и любомудрен ум имел, и к словесем силнейшим, ни тои дерзосте к такову делу касатися. Колми убо имеюще ум страстей, и нечист, и пуст и мыслей премудрых, словом грубо всяческия, яко же бы рещи всяческии коварства боязнию содержимся к начинанию сего дела, но обаче святаго сего призвавше на молитву еже к Богу и человеком благонравным любезно//(л. 24) начну поведити, яже о святем от начала рождения, и воспитания, и прочая пребывания.

Сей преподобный отец наш Антоний родися от благочестиву и благородну христианину родителю, детей боярских, зовомых Вениаминовых, от града и отечества преименитаго града Твери. Прииде некогда в страх Божии и помыслиша в себе, како бо ему бежати от суетнаго мира сего к попечению житейских, видяще бо блаженный колицех напояется зол и болезней, и человеческим душам прилепляется суеты мира сего, и колицех благ лишается, многажды бо отпадая и от создателя своего Бога, прогневающа его на всяк день многими неправдами и повинна вечней муце бывает. Многим человеком, во благочестии живущим, многу//(л. 24 об.) печаль по сих имети и часто поучатися. И в размышлении бывает своего жителства, разсмотряя, како пребывает душа его, яко же и сего сотвори блаженный Антоном. Сие бо бяше имя его от родителей его во святем крещении, сим именем звашеся и в научении благих дел возраста своего приспеваше. Любим же бывает от сродник своих и от сосед ближних, яко же и многажд обычаи бывает мирских сожителства их. Он же паче о сем велику печаль имеяше, моля всегда Всемилостиваго Бога и на помощь призывая Пречистую Богородицу, дабы ему како избежати от мирския красоты века сего и сподобитися иноческаго образа. На то бяше ему хотение и желание велико. Паче же «по Бозе, – яко же и Писание глаголет Святое, – печаль мужу//(л. 25) покаяние и раскаяние наводит и обращение еже к Богу» (2 Кор 7:10), яко же и на сем избысть вся вскоре.

Усмотрив убо себе блаженный время благополучно и утаився, прииде в предградие Великаго Нова града Шелонский конец зовется, близ Илмера езера дванадесять поприщ, на реку Переходу, прежде поживе в пустыни Пустош, именуется Рублево. И моля всегда всемилостиваго Бога, дабы сподобитися ангельскаго образа. Бог же не презря раба своего, даде ему путь спасения. Яви ся же ему ангел Господень, глаголя: «Антоние, иди на место, глаголемое Леохнов, яко от сего места три поприща». Прииде же блаженный на предреченное, Богом указанное место и пострижеся ту от некоего священноинока Тарасиа, создав же и храм молитвенный во имя святаго боголепнаго Преображения//(л. 25 об.) Господа Нашего Иисуса Христа, и наречение бысть тому монастырь Леохнов, а ныне зовется Новая Антониева пустыня. Послав же и в Великий Нов град ко архиепископу Генадию о благословении церкве во имя боголепнаго Преображения Господа Нашего Иисуса Христа о антимисе. Архиепископ же, яко услыша имя блаженнаго Антониа, вскоре посланника отпущает, мир и благословение отцу Антонию подает и антимис на освящение церкви по 6987 (1479) году на праздник боголепнаго Преображения Господня августа в 6 день. И украсив ю иконами, и книгами, и всякими потребами, елико сила можаше.

Блаженный же и преподобный отец наш Антоний нача подвизатися непрестанно, труды к трудом прилагати, овогда в поварне, иногда же в пекарне труждаяся и работая//(л. 26) з братиею день и нощь, иногда же без сна многажды пребываше. Приходяще к нему благороднаго чину, оставляюща славу маловременную и суету мира сего, хотяще с ним жити, призирающе любовь родителей своих отца и матерь, сродники и други, ревнующе добродетелному житию его, смирению и терпению, телеснаго покоя, и сладких брашен, и пития уклоняшеся, простыми брашны и суровым зелием питашеся.

Преподобный же отец наш Антонии, видя сия добродетель в братстве, радовашеся душею и сердцем веселяся, яко плоды трудов его возрастаху его по совету, его по благословению и по обещанию вся исправляется и своею волею спасаются.//(л. 26 об.) И молитвами его собрася уже немало число братии, яко же рещи до пятидесяти. И бе видети чудно и слышати. И позна Божия любовь в них и заповеди Христовы исполняем по апостолу: «Любовь, радость, мир, долготерпение, благостыня, вера, кротость, воздержание» (Гал 5:22). Что рече потом апостол? «На таковых несть закона, иже плоть свою распяша со страстми и похотми» (Гал 5:23-24), иже живуща духом, и прилагахуся друг другу тяготы носяща, и тако скончеваху закон Христов (Гал 6:2). Аще бе святый нехитр книжному учению, но душевному. Доброту и ум здрав стяжа, яко же отец наш великий Антоний рече: «Не требует книг душа человеча, аще имать ум здрав».

Сей покой мой во век и во век века, зде вселюся, яко изволих (Пс 131:14) его всемилостивый Бог, благословен//(л. 27) Господь Бог отныне и до века. Таже паки облиста свет неизреченный, яко и солнечныи лучи покрыти, воздух же тогда чисто сияюще[1].

Прииде же к нему некогда христианин от ближния веси, моля его пострищися и жити с ним. Блаженный же, умолен быв братиею, повеле и святыи священнику пострищи, и во иноческий чин одеяти, и нареченно имя его Григорий. И доволно наказав его святый иноческим подвигом, он же от отца вся добре приемле, искусен же бяше на рыбное ловление и послушлив, всегда со благословением исходя и много рыбы принося ловлением сетми. Повсегда же святый исходя от келлии своея, взем сечиво и мотыгу, труждашеся по вся дни.// (л. 27 об.) Видяще же его братия, добре прилежаше ко трудом, такожде с ним купно труждашеся день и нощь. Церковное же пение со уставом укрепляюще, и благочинием, и благостроением. Всегда прихождаху к церкви Божией со вниманием мнозем и молчанием, себе дающе друг со другом, а не о полезных, всегда страх Божий пред очима имуще и поучающеся день и нощь в заповедех Господних. Святый же с прилежанием наказоваше по вся дни и келейному жителству и монастырскому служению, каково пребывание имеюще святии отцы, прежнии иноцы, спасающе Бога ради, живуще в пустынях и во общих житиях. Они же вся от него заповеданное с радостию приемлюще. Видев же//(л. 28) его братия, словом наказующе и во всем образ собою показуя, тщахуся и тии единоравни ему быти.

Яко же нецыи отцы от древних мужей поведают о нем, яко много потрудился в животе своем. Подобно есть, братие, со испытанием всяку правду творити и праздники угодников Божиих в чести держати. От тех бо приемлем оставление грехов и болезней всяких применение и исцелением получаем, аще с верою чистою и добрыми делы к ним приходим. Тем бо рече Господь Наш Иисус Христос: «Мертвыя воскрешайте, прокаженныя очищайте, бесы изгоняйте» (Мф 10:8). Леность отгоняюще, чистоту и милость возлюбим, бо Господь Бог блажит//(л. 28 об.) благая: «Блажени милостивии, яко тии помиловани будут» (Мф 5:7). И непрестанно призывает ны святым Евангелием в вечную жизнь, повелевая нам присно всяку скверну и житие нечистое отврещи от себе и чистым сердцем приступити к нему, прияти оно царство, из него же испадохом, преступивше заповедь, яже бе прежде дана бысть прадеду нашему Адаму в раи древнии воздержания ради. Аще бы ю сохранил во веки, бы жив был без печали и без смерти, старости не приемлюще нетленно тело. Егда же завистию диаволею прелстися и славы Божия отлучися невоздержания ради, оттоле изгнаша, и нападоша на человеческий род печали, и старости, и смерть,//(л. 29) приемлюще живот человечь. И того места желающа святии мученицы и праведницы, «крепко препоясався чресла своя и брань» (1 Петра 1:13) приемша на противнаго диавола, и победиша его паки, внидоша в первую породу. Не лстимся, братия, яко безсмертни, иже бо житию сему поработится, то враг Божий бывает и пагубник души своей. Но воспрянем отныне, да не лишимся славы Божия и радости вечныя, воздвигнемся от прелести мира сего. И яко же обещахомся Господеви в порождении святаго крещени пред многими послухи, сице глаголюще: “Отрицаюся сатаны и всех дел его”. Сия суть сотонина дела идолослужения, братоненавидения, клеветания и невоздержание, лжа,// (л. 29 об.) зависть, ярость, ненависть, разбои, татба, пьянство, обядение, обида, песни бесовския, плесание, хуление, срамословие, волхвование, детогубление, гордость, преступление клятвы, еже клятися именем Божиим. Аще сих дел останемся, то взыщем всякия добродетели, яко же пишется: “Уклонися от зла и сотвори добре” (Пс 33:15). Да аще останемся от злых дел, то паки убо внидем в ту же породу, но да совершим обетование наше еже ко Господу нашему, и возлюбим Его всем сердцем и всею мыслию своею, и ближняго своего яко да сами себе, да внидем радующеся в вечную жизнь, и безсмертный живот, и неизреченную//(л. 30) красоту, ея же желая блаженныи отец наш Антоний, подвигнуся жития сладости попрати, богатство роздая нищым. И тои Христова гласа услышав, яко же рече: «Взываю к тебе, не убойтеся от убивающих тело, а душы не могущих погубити, воврещи в геену огненну» (Мф 10:28). Тем же убо, братия, кая полза есть, аще и весь мир приобрящет, а душу свою отщетит? (Мф 16:26) То чим искупим ю от муки вечныя? Точию аще останемся зла, и покаемся в церкви, и нищыя дадим, но потщимся отселе тесным и прискорным путем выити в вечную жизнь, сиречь воздержанием, пощением, не токмо от брашен и от похотей воздержащеся,//(л. 30 об.) но и от всякаго зла. Бегаи греха, губящаго душу и тело и томи плоть свою Христа ради, яко же отец наш Антоний претерпе от бесов скорби и от человек лукавых наветы, Христа ради Сына Божия прият. Тем же сияет ныне во славе Божии паче солнечнаго сияния, и память его дивна, и преславна его чудеса, и исцеление сотворяет Господь Бог Наш. Иже бо верою чтит память святаго отца Антониа, тои молитвами его от всех избавится бед, и от грехов, и от всякия напасти избудет. Тому, братие, поревнуем и такожде добрая дела сотворим. И той человек же бе, яко же и мы, но всяку злобу возненавиде и Божию волю сотвори, еже потщимся и мы сотворити, да будем сынове//(л. 31) света и причастницы царствия небеснаго.

Бе же преподобный Антоний возрастом умирен и лицем благообразен, браду имея продолгу, должиною мерну густу, сединами сияющу, паче же рещи – милостию и добродетелию украшен, в стретение весел, и благоуветлив, и милостив ко всем. И начат же о нем слава велия происходити повсюду, и начаша христолюбивии людие благочестное житие его и смирение многое, милосердие славяще Отца, и Сына, и Святаго Духа ныне, и присно, и во веки веков. Аминь.//(л. 31 об.)

Житие Антония Леохновского

(л. 22 об.) Месяца Иулиа в 12 день житие и подвизи, рождение и воспитание, и прочее пребывание, и сказание от части чюдес его, преподобнаго отца нашего Антониа Леохновского новаго новгородскаго чюдотворца.

Понеже убо красное мира сего тленно сущо и предходимо, любящия та//(л. 23) привлачити ко иже желающим сия малыя ради сладости чувство колебати и ум страстем паряти творяще, яко призирати не точию обещанных благ, но и того самого Творца истинней жизни – увы! – отвращатися и сия убо настоящыя преди избирати, нежели оная будущая благая, лютую и безконечную смерть волею приемлюще.

Такожде и Создателем вечных благ и еже о сих упование имеющим безмерно суща, тамошнего блаженства воспоминающа трудом воздаяние, еже тамо красных настрижнение, не точию обычея есть временное пустынное презирати, яко подобно и «душу мою погубити Христа ради», яко же во Святом Евангелии речено есть (Мф 10:39), и паки всех сладких и краиних оного ради любити смерть. Аще//(л. 23 об.) не обретаем сия вскоре, на всяко время и сих терпяще пощением, и бдением, и многоразличными подвиги, сия с ненавидящими бесы борющеся и естество присно побеждающе, безплотным противяся, во плоти суще. А сицевых убо добрых и божественных мужей не о коем поведати хощу.

Не сам изволих, начати дерзнух, но аще кто и любомудрен ум имел, и к словесем силнейшим, ни тои дерзосте к такову делу касатися. Колми убо имеюще ум страстей, и нечист, и пуст и мыслей премудрых, словом грубо всяческия, яко же бы рещи всяческии коварства боязнию содержимся к начинанию сего дела, но обаче святаго сего призвавше на молитву еже к Богу и человеком благонравным любезно//(л. 24) начну поведити, яже о святем от начала рождения, и воспитания, и прочая пребывания.

Сей преподобный отец наш Антоний родися от благочестиву и благородну христианину родителю, детей боярских, зовомых Вениаминовых, от града и отечества преименитаго града Твери. Прииде некогда в страх Божии и помыслиша в себе, како бо ему бежати от суетнаго мира сего к попечению житейских, видяще бо блаженный колицех напояется зол и болезней, и человеческим душам прилепляется суеты мира сего, и колицех благ лишается, многажды бо отпадая и от создателя своего Бога, прогневающа его на всяк день многими неправдами и повинна вечней муце бывает. Многим человеком, во благочестии живущим, многу//(л. 24 об.) печаль по сих имети и часто поучатися. И в размышлении бывает своего жителства, разсмотряя, како пребывает душа его, яко же и сего сотвори блаженный Антоном. Сие бо бяше имя его от родителей его во святем крещении, сим именем звашеся и в научении благих дел возраста своего приспеваше. Любим же бывает от сродник своих и от сосед ближних, яко же и многажд обычаи бывает мирских сожителства их. Он же паче о сем велику печаль имеяше, моля всегда Всемилостиваго Бога и на помощь призывая Пречистую Богородицу, дабы ему како избежати от мирския красоты века сего и сподобитися иноческаго образа. На то бяше ему хотение и желание велико. Паче же «по Бозе, – яко же и Писание глаголет Святое, – печаль мужу//(л. 25) покаяние и раскаяние наводит и обращение еже к Богу» (2 Кор 7:10), яко же и на сем избысть вся вскоре.

Усмотрив убо себе блаженный время благополучно и утаився, прииде в предградие Великаго Нова града Шелонский конец зовется, близ Илмера езера дванадесять поприщ, на реку Переходу, прежде поживе в пустыни Пустош, именуется Рублево. И моля всегда всемилостиваго Бога, дабы сподобитися ангельскаго образа. Бог же не презря раба своего, даде ему путь спасения. Яви ся же ему ангел Господень, глаголя: «Антоние, иди на место, глаголемое Леохнов, яко от сего места три поприща». Прииде же блаженный на предреченное, Богом указанное место и пострижеся ту от некоего священноинока Тарасиа, создав же и храм молитвенный во имя святаго боголепнаго Преображения//(л. 25 об.) Господа Нашего Иисуса Христа, и наречение бысть тому монастырь Леохнов, а ныне зовется Новая Антониева пустыня. Послав же и в Великий Нов град ко архиепископу Генадию о благословении церкве во имя боголепнаго Преображения Господа Нашего Иисуса Христа о антимисе. Архиепископ же, яко услыша имя блаженнаго Антониа, вскоре посланника отпущает, мир и благословение отцу Антонию подает и антимис на освящение церкви по 6987 (1479) году на праздник боголепнаго Преображения Господня августа в 6 день. И украсив ю иконами, и книгами, и всякими потребами, елико сила можаше.

Блаженный же и преподобный отец наш Антоний нача подвизатися непрестанно, труды к трудом прилагати, овогда в поварне, иногда же в пекарне труждаяся и работая//(л. 26) з братиею день и нощь, иногда же без сна многажды пребываше. Приходяще к нему благороднаго чину, оставляюща славу маловременную и суету мира сего, хотяще с ним жити, призирающе любовь родителей своих отца и матерь, сродники и други, ревнующе добродетелному житию его, смирению и терпению, телеснаго покоя, и сладких брашен, и пития уклоняшеся, простыми брашны и суровым зелием питашеся.

Преподобный же отец наш Антонии, видя сия добродетель в братстве, радовашеся душею и сердцем веселяся, яко плоды трудов его возрастаху его по совету, его по благословению и по обещанию вся исправляется и своею волею спасаются.//(л. 26 об.) И молитвами его собрася уже немало число братии, яко же рещи до пятидесяти. И бе видети чудно и слышати. И позна Божия любовь в них и заповеди Христовы исполняем по апостолу: «Любовь, радость, мир, долготерпение, благостыня, вера, кротость, воздержание» (Гал 5:22). Что рече потом апостол? «На таковых несть закона, иже плоть свою распяша со страстми и похотми» (Гал 5:23-24), иже живуща духом, и прилагахуся друг другу тяготы носяща, и тако скончеваху закон Христов (Гал 6:2). Аще бе святый нехитр книжному учению, но душевному. Доброту и ум здрав стяжа, яко же отец наш великий Антоний рече: «Не требует книг душа человеча, аще имать ум здрав».

Сей покой мой во век и во век века, зде вселюся, яко изволих (Пс 131:14) его всемилостивый Бог, благословен//(л. 27) Господь Бог отныне и до века. Таже паки облиста свет неизреченный, яко и солнечныи лучи покрыти, воздух же тогда чисто сияюще[1].

Прииде же к нему некогда христианин от ближния веси, моля его пострищися и жити с ним. Блаженный же, умолен быв братиею, повеле и святыи священнику пострищи, и во иноческий чин одеяти, и нареченно имя его Григорий. И доволно наказав его святый иноческим подвигом, он же от отца вся добре приемле, искусен же бяше на рыбное ловление и послушлив, всегда со благословением исходя и много рыбы принося ловлением сетми. Повсегда же святый исходя от келлии своея, взем сечиво и мотыгу, труждашеся по вся дни.// (л. 27 об.) Видяще же его братия, добре прилежаше ко трудом, такожде с ним купно труждашеся день и нощь. Церковное же пение со уставом укрепляюще, и благочинием, и благостроением. Всегда прихождаху к церкви Божией со вниманием мнозем и молчанием, себе дающе друг со другом, а не о полезных, всегда страх Божий пред очима имуще и поучающеся день и нощь в заповедех Господних. Святый же с прилежанием наказоваше по вся дни и келейному жителству и монастырскому служению, каково пребывание имеюще святии отцы, прежнии иноцы, спасающе Бога ради, живуще в пустынях и во общих житиях. Они же вся от него заповеданное с радостию приемлюще. Видев же//(л. 28) его братия, словом наказующе и во всем образ собою показуя, тщахуся и тии единоравни ему быти.

Яко же нецыи отцы от древних мужей поведают о нем, яко много потрудился в животе своем. Подобно есть, братие, со испытанием всяку правду творити и праздники угодников Божиих в чести держати. От тех бо приемлем оставление грехов и болезней всяких применение и исцелением получаем, аще с верою чистою и добрыми делы к ним приходим. Тем бо рече Господь Наш Иисус Христос: «Мертвыя воскрешайте, прокаженныя очищайте, бесы изгоняйте» (Мф 10:8). Леность отгоняюще, чистоту и милость возлюбим, бо Господь Бог блажит//(л. 28 об.) благая: «Блажени милостивии, яко тии помиловани будут» (Мф 5:7). И непрестанно призывает ны святым Евангелием в вечную жизнь, повелевая нам присно всяку скверну и житие нечистое отврещи от себе и чистым сердцем приступити к нему, прияти оно царство, из него же испадохом, преступивше заповедь, яже бе прежде дана бысть прадеду нашему Адаму в раи древнии воздержания ради. Аще бы ю сохранил во веки, бы жив был без печали и без смерти, старости не приемлюще нетленно тело. Егда же завистию диаволею прелстися и славы Божия отлучися невоздержания ради, оттоле изгнаша, и нападоша на человеческий род печали, и старости, и смерть,//(л. 29) приемлюще живот человечь. И того места желающа святии мученицы и праведницы, «крепко препоясався чресла своя и брань» (1 Петра 1:13) приемша на противнаго диавола, и победиша его паки, внидоша в первую породу. Не лстимся, братия, яко безсмертни, иже бо житию сему поработится, то враг Божий бывает и пагубник души своей. Но воспрянем отныне, да не лишимся славы Божия и радости вечныя, воздвигнемся от прелести мира сего. И яко же обещахомся Господеви в порождении святаго крещени пред многими послухи, сице глаголюще: “Отрицаюся сатаны и всех дел его”. Сия суть сотонина дела идолослужения, братоненавидения, клеветания и невоздержание, лжа,// (л. 29 об.) зависть, ярость, ненависть, разбои, татба, пьянство, обядение, обида, песни бесовския, плесание, хуление, срамословие, волхвование, детогубление, гордость, преступление клятвы, еже клятися именем Божиим. Аще сих дел останемся, то взыщем всякия добродетели, яко же пишется: “Уклонися от зла и сотвори добре” (Пс 33:15). Да аще останемся от злых дел, то паки убо внидем в ту же породу, но да совершим обетование наше еже ко Господу нашему, и возлюбим Его всем сердцем и всею мыслию своею, и ближняго своего яко да сами себе, да внидем радующеся в вечную жизнь, и безсмертный живот, и неизреченную//(л. 30) красоту, ея же желая блаженныи отец наш Антоний, подвигнуся жития сладости попрати, богатство роздая нищым. И тои Христова гласа услышав, яко же рече: «Взываю к тебе, не убойтеся от убивающих тело, а душы не могущих погубити, воврещи в геену огненну» (Мф 10:28). Тем же убо, братия, кая полза есть, аще и весь мир приобрящет, а душу свою отщетит? (Мф 16:26) То чим искупим ю от муки вечныя? Точию аще останемся зла, и покаемся в церкви, и нищыя дадим, но потщимся отселе тесным и прискорным путем выити в вечную жизнь, сиречь воздержанием, пощением, не токмо от брашен и от похотей воздержащеся,//(л. 30 об.) но и от всякаго зла. Бегаи греха, губящаго душу и тело и томи плоть свою Христа ради, яко же отец наш Антоний претерпе от бесов скорби и от человек лукавых наветы, Христа ради Сына Божия прият. Тем же сияет ныне во славе Божии паче солнечнаго сияния, и память его дивна, и преславна его чудеса, и исцеление сотворяет Господь Бог Наш. Иже бо верою чтит память святаго отца Антониа, тои молитвами его от всех избавится бед, и от грехов, и от всякия напасти избудет. Тому, братие, поревнуем и такожде добрая дела сотворим. И той человек же бе, яко же и мы, но всяку злобу возненавиде и Божию волю сотвори, еже потщимся и мы сотворити, да будем сынове//(л. 31) света и причастницы царствия небеснаго.

Бе же преподобный Антоний возрастом умирен и лицем благообразен, браду имея продолгу, должиною мерну густу, сединами сияющу, паче же рещи – милостию и добродетелию украшен, в стретение весел, и благоуветлив, и милостив ко всем. И начат же о нем слава велия происходити повсюду, и начаша христолюбивии людие благочестное житие его и смирение многое, милосердие славяще Отца, и Сына, и Святаго Духа ныне, и присно, и во веки веков. Аминь.//(л. 31 об.)

Повесть монаха Нифонта о преподобнем отце Антонии Леохновском новгородском чудотворце.

Поведа нам монах Нифонт: «Идущу ми путем, и прииде в великий Нов град, и вопросих у некоего от купец и пустыни преподобнаго отца Антониа. Он же рече ми: “Воистинну, отче, яко пятьдесят поприщ или мало множае от Великаго Нова града”. Аз же приидох на Перекому реку, и доидоша обители чудотворца Николая и преподобнаго отца Ефрема, иже ныне зовется Перекомский чюдотворец. И во вторый день приидоша в пустыню на реку, глаголемую Переходу, идеже живяше преподобный Антоний.

И приближися к нему, к келии//(л. 32) его, и, сотворив молитву, и изыде святый ко дверям келии своея. Аз же видях плоть его, яко зверя, и ужасохся, и пристрашен бых, и вострепетав, и глагола ми святый: “Чадо, не бойся от взора телесе моего”. И возва мя именем, глаголя: “Чадо Нифонте, что семо пришел еси?” И благослови мя и целовав, рече: “Не размысли в сердцы своем”. И се рекшу святому, взятся внезапу гора и ввержется долу, и восклонився видех ю ходящу. Святый рече: “Что ти бысть? Не тебе рех восторгнутися, стани на месте твоем”. И ста внезапу гора. Аз же сия видех и падох от страха ниц на землю. И ем мя за руку святый, и сотвори молитву, по скончании же молитвы возвращся в келию, гласом велиим воззва: “Предлежи,//(л. 32 об.) чадо, трапезу”.

Вшедшим же нам в келию, видех трапезу, и два стола стояще, и хлеб, и овощие, и две рыбы испечены. И ядшим нам, паки святый рече: “Возми, чадо, сия отсюду”. И абие о себе взятся трапеза. В той же день вечера по приятии нам пищи глагола святый: “Днесь бо разлучается душа моя от страстеи плотских”. И абие молитву сотворив, и благослови мя. Бе же час яко шестый нощи. И пребыв всю нощь моляся, и ктому ничто же видех. Во утрии же взем благословение, и отидоша, славя Бога, прославляя угодники своя, дающаго благая рабом своим».