I сыйныфны тәмамлаганда укучыларның белеменә, эш осталыгына һәм күнекмәләренә таләпләр

Укучылар өйрәнәчәк:

- татар телендәге барлык аваз һәм хәрефләрне гамәли танып белергә, аваз белән хәрефнең төп аермасын (авазны әйтәбез, ишетәбез, авазлардан сүзләр төзеп сөйлибез; хәрефне күрәбез, таныйбыз, хәрефләрдән сүзләр төзеп укыйбыз, язабыз) практик аңлауга ирешергә тиеш.

- сүзләрне авазларга таркату, авазларны сүздәге тәртиптә әйтү;

- сузык һәм тартык авазларны һәм аларның хәрефләрен аерып таный белү;

- сүздән тыш та калын һәм нечкә сузыкларны дөрес әйтү;

- сузык аваз һәм аларның хәрефләренә карап, калын һәм нечкә әйтелгән сүзләрне тану;

- сүзләрне иҗекләргә бүлү;

- җөмләләрне сүзләргә таркату.

- телдән үзләштерелгән уку материалына нигезләнгән җөмлә һәм текстларны дөрес интонация белән, тиешле урында паузалар ясап, сәнгатьле итеп укый белү;

- укыганның эчтәлегенә төшенеп бару;

- яңа сүзләрнең мәгънәләрен контексттан чыгып чамалау яки сүзлектән таба белү;

- кечкенә күләмле шигырьләрне яттан сөйләү.

Укучылар өйрәнергә мөмкинлек алачак:

Тыңлау.

-тыңлый белүнең уңышлы аралашуга шарт, кара-каршы сөйләшүгә нигез булганын үзләштерү;

-ишетелгәнне төгәл кабул итү һәм аңлау;

-тыңлаганда, игүтибарны тупларга, аны кирәклегә юнәлдерергә, әйтелгән буенча сораулар бирергә өйрәнү;

-ишетелгән тексттан әһәмиятле информаөияне аерып ала белергә, аның төп фикерен билгеләргә һәм сораулар буенча эчтәлеген сөйләргә күнегү.

Сөйләү.

-тел берәмлекләрен аралашуның максатына килештереп, бурычларын уңышлы хәл итәрлек итеп сайлап алу;

-кара-каршы сөйләшү формасын гамәлдә үзләштерү;

-сөйләшүне башлап җибәрү, аны дәвам иттерү, тәмамлау, әңгәмәдәшнең игүтибарын җәлеп итү һ. б. шундый осталыкларны булдыру;

-белем бирү бурычларына туры китереп, бәйләнешле тезмә сөйләм күнекмәләренә ия булу (тасвирлама, хикәяләү, фикерләү тибындагы текстлар);

-мәктәптә һәм гаиләдә аралашу этикасына бәйле нормаларны үзләштерү (исәнләшү, саубуллашу, гафу үтенү, рәхмәт әйтү, үтенеч белән мөрәҗәгать итү);

-сөйләмдә орфоэпия таләпләрен үтәү һәм дөрес интонация саклау.

Уку.

-уку техникасын үзләштерү – язма сөйләм берәмлекләрен бик тиз күреп, аларны эчке яки тышкы авазлы сөйләмгә күчерү;

-уку текстының эчтәлеген аңларлык тизлектә уку, моның өчен лексик берәмлекләрне һәм аларның формаларын мәгүнәләре белән тиңләштерә белү;

-төп һәм өстәмә информаөияне аеру, аларга нигезләнеп, гади нәтиҗәләр чыгару;

-информаөияне аңлата һәм гомумиләштерә алу;

-укыганның эчтәлегенә, тел үзенчәлекләренә , төзелешенә бәя бирү.

Язу.

-грамотага өйрәтү чикләрендә хәрефләр, аларның кушылмаларын, иҗекләр, сүзләр, җөмләләр язу;

-гигиена таләпләрен үтәп, аңлаешлы, пөхтә язуга ия булу;

-өйрәнелгән кагыйдәләргә нигезләнгән текстларны күчереп, ишетеп язу;

-тыңлаганның яки укыганның эчтәлеген изложение итеп язу(тулы, кыскача, сайлап);

-үзлегеңнән зур булмаган текстлар (сочинениеләр) иҗат итү (кичерешләр, әдәби әсәрләр нигезендә, сюжетлы картиналар, мультфильмнар буенча һ.б.).

Тематик планлаштыру

Наши рекомендации